103
ixrac etdiyini göstərir. Əsrimizin birinci onilliyində ondan çox ölkə "var-
dövlətinə uyğun olmayaraq yaşayırdılar". Onların sırasında ən güclü
iqtisadiyyatı olan ölkələr: ABŞ, Britaniya, Fransa, İtaliya, İspaniya və
inkişaf etməkdə olan ölkələrin əksəriyyəti (90-dan artıq) - var idi.
Ümumilikdə isə, inkişaf etməkdə olan ölkələrdə, xüsusilə də Asiya
ölkələrində cari əməliyyatlar üzrə saldo aktivdir. Tədiyyə balansının cari
əməliyyatları üzrə kəsirin uzun müddət ərzində mövcudluğu xarici
öhdəliklərin yığılıb artmasına və onlara xidmət göstərilməsində çətinliklərin
meydana çıxmasına səbəb ola bilər. Bu qeyri-mütənasiblikləri yaradan
səbəblər milli təsərrüfatlar çərçivəsində əmanətlər və yığımlar arasında
fərqlərin artmasıdır.
Mövzu üzrə suallar
1. Təkrar istehsal prosesinin qlobal miqyasda vəhdətinin
yaranmasının səbəblərini izah edin. Xarici birbaşa investisiyaların
dünyada məhsul istehsalındakı rolunu açıqlayın
2. Beynəlxalq əmək bölgüsü anlayışının mənasını açın;
altsistemlərin və ayrı-ayrı ölkələrin BƏB-də iştiraketmə
dərəcəsini səciyyələndirin.
3. "Miqyas hesabına qənaət iqtisadiyyatı" effekti ilk
növbədə hansı sahələrdə meydana çıxır?
4. "Beynəlxalq iqtisadi inteqrasiya" terminini izah edin.
Beynəlxalq iqtisadi inteqrasiya formalarını göstərin.
5. İqtisadi inteqrasiya qruplaşmalarının yaradılması dünya
təsərrüfatının inteqrasiyasına yardım edirmi?
104
Fəsil 5
__________________________________________________
Kommunikasiya sistemləri dünya təkrar istehsal prosesində
Dünya miqyaslı istehsal sistemlərinin meydana çıxması beynəlxalq
istehsala cəlb olunmuş şirkətlərin fəaliyyət məkanının genişlənməsi ilə
nəticələnir. TMK-nın beynəlxalq istehsalı əksər hallarda istehsalın və
bölgünün kompleks, inkişaf etmiş və yüksək dərəcədə əlaqələndirilmiş
zənciri kimi təşkil olunur. Beynəlxalq şirkətlərin fəaliyyətinin iki təməli olan
şaquli inteqrasiya və
xarici əlaqələr şaxələnmiş kommunikasiya sistemi
olmadan inkişaf edə bilməz.
Kommunikasiya sistemləri, o cümlədən rabitə, yüklərin və sərnişin-
lərin daşınması dünyada mallara və xidmətlərə olan tələbatın məkan baxı-
mından strukturundan asılıdır. İstehsalın və bölgünün təkmilləşdirilməsi
prosesində informasiya, rabitə və nəqliyyat sahələri istehsalçılar və
istehlakçılar üçün istehsalın, bölgünün və istehlakın ənənəvi metodlarını və
konsepsiyalarını dəyişmək imkanları açır. Onlar məhsuldar qüvvələrin
regional üstünlüklərindən istifadə etməyə yardım göstərir, bütün iqtisadi
sistemi təkrar istehsal səviyyəsində bütöv halda əlaqələndirir.
Rabitə və nəqliyyat ÜDM-in yaradılmasında mühüm rol oynayır.
İnkişaf etmiş ölkələrdə ÜDM-in 9,5%-i, orta səviyyədə inkişaf etmiş
ölkələrdə 6,8%-i, gəliri aşağı olan ölkələrdə isə 5,4%-i təsərrüfatçılığın bu
sahələrində yaradılır. Dünya təsərrüfatının ayrı-ayrı ölkələr qruplarında
məhsuldar qüvvələrin inkişaf səviyyəsi yüksəldikcə, ictimai münasibətlərin
intensivləşdirilməsi vasitəsi kimi çıxış edən, istehsal amillərinin səfərbər
olunmasına, onların daha səmərəli yerləşdirilməsinə xidmət göstərən rabitə
və nəqliyyatın cəmiyyətdəki sosial proseslərə təsiri də güclənir.
Beynəlxalq istehsal sistemlərinin tərkib hissəsi olmaqla, nəqliyyat və
rabitə xarici iqtisadi əlaqələrin inkişafında fəal iştirak edir. Qeyd olunmalıdır
ki, 1997-2007-ci illər ərzində kommersiya xidmətlərinin ümumi həcmində
nəqliyyatın payı bir qədər azalmış (27%-dən 23,7%-ə), informasiya və
kommunikasiya xidmətlərinin payı isə 36,2%-dən 42,1%-dək artmışdır.
İxrac olunan malların və xidmətlərin ümumi həcminin təqribən 15%-ni
nəqliyyat və rabitə xidmətləri təşkil edir.
__________________________________________________
5.1. Rabitə və informasiya sistemləri
Rabitə və informasiya sistemləri qlobal miqyasda təkrar istehsal
prosesinin mühüm elementi olmaqla, ümumi məqsədli təyinatla birləşmiş,
müxtəlif növ informasiyanın işlənməsi, saxlanılması, ötürülməsi, bölgüsü ilə
məşğul olan sahələrin məcmusudur. Onlar təsərrüfat proseslərinin idarə
olunmasının mərkəz oxunu təşkil edirlər. Rabitə - sürətlə inkişaf edən
105
informasiya sahəsinin həm milli, həm də qlobal səviyyələrində mühüm
tərkib hissəsidir.
Təsərrüfat komplekslərinin strukturunun mürəkkəbləşməsi, onun
sahələri, ayrı-ayrı müəssisələr arasında həm milli, həm də beynəlxalq
miqyasda yüksək dərəcədə qarşılıqlı asılılıq idarəçilik sistemlərinin
optimallaşdırılmasını tələb edir. Sürətlə dəyişən şəraitdə iqtisadi qərarların
qəbul olunmasının operativliyinin, informasiyanın dəqiqliyinin və vaxtında
əldə edilməsinin mühüm əhəmiyyəti rabitənin də tezliklə inkişafını və
təkmilləşdirilməsini tələb edir. Onun inkişaf templəri dünyada məhsul
istehsalı templərini əhəmiyyətli dərəcədə üstələyir. Rabitə dünyada ən böyük
sahibkarlıq fəaliyyəti sahəsinə çevrilir. Rabitə vasitələrinin satışı və
məlumatların, təsvirlərin yayılması ilə bağlı xidmətlər MDM-in 3,9%-ni
təşkil edir, özü də bunun 40%-dən çoxu telekommunikasiya xidmətlərinin
payına düşür.
Təklif olunan xidmətlərdən, texniki bazasından asılı olaraq rabitə iki
əsas növə - poçt və elektrik rabitəsinə bölünür. Poçt rabitəsi müəssisələrinin
istehsal fəaliyyəti - göndərənlərdən məktubların, bağlamaların, pul
köçürmələrinin, dövrü mətbuatın qəbul edilməsi, işlənilməsi və ünvanlanan
şəxslərə çatdırılması və digər xidmətlərin göstərilməsi - tabeli xarakter
daşıyır. Rabitə xidmətlərində elektrik rabitəsi: işarələrin, siqnalların, yazılı
mətnlərin, təsvirlərin və başqa növ məlumatların naqillər, radio, optik və
başqa elektrik sistemləri vasitəsilə ötürülməsi və qəbul edilməsi - əsas yer
tutur. Elektrik rabitəsinə telefon, videotelefon, teleqraf, faks rabitəsi, radio
yayımı, televiziya, elektron poçt, məlumatların ötürülməsi, işlənilməsi və
saxlanılması daxildir.
______________________________________________
Struktur irəliləyişlər
XX əsrin son üçüncü hissəsində elektron texnikanın, peyk
rabitəsinin, optik-lifli kabellərin, rəqəmsal texnologiyanın tətbiqi ilə bağlı
olaraq, rabitənin yeni istehsal-texniki bazaya keçməsi informasiya
xidmətlərinin çeşidini kəskin genişləndirdi.
Yeni texnika və texnologiyanın tətbiqi təkcə rabitə xidmətlərinin
həcmini artırmağa deyil, həmçinin ötürücü qurğuların gücünün yüksəlməsi
sayəsində istehsal xərclərini azaltmağa imkan verdi. Bunun nəticəsində
dünyanın informasiya xidmətləri bazarında rəqabət get-gedə güclənir, ən iri
şirkətlərin informasiya texnologiyalarına çəkdiyi xərclər sürətli templərlə
artaraq, gəlirlərinin 1-4%-dək çatır. Son onilliklərin təcrübəsi göstərir ki,
hətta ən iri şirkətlər belə, təklikdə rabitənin bütün elementlərini inkişaf etdirə
bilməz. 1990-cı illərin əvvəlində telekommunikasiya xidmətləri bazarını
bölən və gələcəkdə kartel birliklərinə çevrilmək potensialı olan iri
beynəlxalq telekommunikasiya ittifaqlarının yaradılmasına başlanmışdır.