591
1980-1990-cı illərdə sənaye istehsalı ildə cəmi 0,9% artırdı. 1990-2000-ci
illərdə sənaye artımının orta templəri mənfi (-8%) idi. Ancaq 2000-2007-ci
illərdə analoji göstərici müsbət 9,6% olmuşdur. 1980-ci və 1990-cı illərdə
ÜDM-in istehsalında sənayenin rolu daim azalırdı. 1980-ci ildə sənayenin
ÜDM-də xüsusi çəkisi 33% olduğu halda, 1995-ci ildə 17%, 2008-ci ildə isə
27% idi.
KDR-in iqtisadiyyatında mədənçıxarma sənayesi tarixən xüsusi yer
tutmuşdur. Müstəmləkə dövründə mineral xammalın hasilatının artırılması
və metropoliyaya aparılması Belçika administrasiyasının əsas iqtisadi
vəzifəsi olmuşdur. 1970-1990-cı illərdə hakimiyyətdə olan diktatura rejimi
də ölkənin iqtisadi inkişafının əsas perspektivlərini məhz mineral xammalın
istehsalının və ixracının artırılmasında görürdü. Bununla belə, 1980-1990-cı
illərdə mineral xammalın əksər növlərinin istehsalı artmaq əvəzinə azalırdı.
Ölkənin ÜDM-də mədənçıxarma sənayesinin payı 1980-ci ildəki 19%-dən
2004-cü ildəki 15%-dək azalmış və 2008-ci ildə 22% olmuşdur.
Mədənçıxarma sənayesinin uzun müddət davam edən tənəzzülü həm daxili,
həm də xarici qəbildən olan səbəblərə görə baş vermişdi.
Mineral xammalın hasilatının ixtisarının əsas daxili səbəbi, əlbəttə ki,
1990-cı illərdə ölkədə yaranan siyasi qeyri-sabitlikdir. Mədənçıxarma
sənayesi müəssisələrində əsas kapitalın yeniləşdirilməsinə kifayət qədər
diqqət yetirilməməsi də buna öz təsirini göstərmişdir. Bu cəhətdən KDR-də
yaranan vəziyyət inkişafı aşağı səviyyədə olan bir sıra ölkələrdə yaranan
hala bənzəyirdi. Həmin ölkələrdə mineral xammalın ixracından əldə olunan
gəlirlər investisiyalar şəklində yenidən hasilat sənayesinə və ona xidmət
göstərən sahələrə yönəldilmək əvəzinə, Qərb ölkələrinə köçürülürdü. 1980-
1990-cı illərdə KDR-in ixracının əsas maddələri olan bir sıra xammal
növlərinin qiymətlərinin düşməsi hasilat sahələrində vəziyyətin daha da
pisləşməsinə böyük təsir göstərdi. 2000-ci illərdə mədənçıxarma sənayesinin
artımı isə dünyanın xammal bazarlarındakı konyunkturada əlverişli
dəyişikliklərlə əlaqədar olmuşdur.
Mədənçıxarma sənayesinin inkişafı yaxşı təşkil olunmuş enerji
təchizatı və nəqliyyat infrastrukturu olmadan qeyri-mümkündür. Regionun
başqa dövlətlərindən fərqli olaraq, KDR böyük hidroenerji ehtiyatları
potensialına malik olmaqla yanaşı, ondan sənaye miqyasında istifadə
olunması üçün qurğulara da malikdir. Konqo çayı üzərində gücü 2300 min
kilovat olan İnqa HES hasilat sənayesinin cəmləşdiyi bölgələri elektrik
enerjisi ilə təmin etməklə yanaşı, onun Anqolaya, Burundiyə, Zambiyaya və
Konqo Respublikasına ixracına imkan verir.
Ancaq KDR-in nəqliyyat infrastrukturu ölkənin mədənçıxarma
sənayesinin inkişafının tələblərinə cavab vermir. KDR-də əsas nəqliyyat
marşrutlarının dəmir yolu və su nəqliyyatından kombinələşdirilmiş şəkildə
592
istifadəni nəzərdə tutması yüklərin daşınmasının həm vaxtını, həm də
xərclərini artırır. Marşrutlardan yalnız biri bütövlüklə KDR-in ərazisindən
keçir və yüklərin boşaldılıb-yüklənməsini tələb etdiyinə görə çox
mürəkkəbdir. Buna görə də xarici ticarət yüklərinin daşınmasının əsas
marşrutları ənənəvi olaraq başqa dövlətlərin (Anqola, Zambiya, Zimbabve,
Mozambik və Tanzaniya) ərazisindən keçir.
Emal sənayesinin zəif inkişaf etməsi KDR iqtisadiyyatının səciyyəvi
cəhətidir. Emal olunmuş mallar istehsal edən müəssisələrin çoxu idxalın
əvəzləşdirilməsi
strategiyasının
həyata
keçirilməsi
çərçivəsində
yaradılmışdır və ərzaq məhsullarının, ayaqqabı və paltarın, ən sadə kosm-
etikanın istehsalına istiqamətlənmişdir. KDR-də alətlərin buraxılması, ağac
emalı üzrə kiçik istehsallar, kimya, toxuculuq və tikinti malları istehsal edən
müəssisələr vardır. Neft emal edən bir zavod fəaliyyət göstərir. Emal
sənayesinin məhsulları əsasən daxili bazar üçün nəzərdə tutulmuşdur və
yalnız kiçik bir hissəsi Afrikanın başqa ölkələrinə ixrac olunur.
Emal sənayesinin ÜDM-də xüsusi çəkisi 1980-ci ildəki 14%-dən
2007-ci ildəki 6%-dək azalmışdır, yəni sənaye istehsalının özünü saxlaya
bilən böhran nöqtəsindən aşağıdadır. Emal sənayesinin orta illik artım
templəri 1980-1990-cı illərdə cəmi 1,6%, 1980-2000-ci illərdə mənfi (- 8,7),
2000-ci illərdə isə 6,3% olmuşdur.
İki onillik ərzində emal sənayesinin inkişaf dinamikasının aşağı
düşməsinin səbəbləri: (1) 1980-1990-cı illərdə ölkənin xammal ixracından
əldə etdiyi gəlirlərin ixtisarı nəticəsində xarici bazarlarda əsas və dövriyyə
kapitalının elementlərini satın almaq imkanlarının məhdudlaşması; (2) xarici
borclar yükünün sənaye üçün idxala mənfi təsirinin güclənməsi olmuşdur.
32.3. KDR beynəlxalq iqtisadi münasibətlərdə
KDR-in inkişafının təmin olunmasında xarici iqtisadi əlaqələrin
müstəsna rolu vardır. 2007-2010-cu illərdə xarici ticarət dövriyyəsinin
ÜDM-ə olan nisbəti 124% olmuşdur (ixrac kvotası - 58,6%, idxal kvotası -
65,6%), bu isə, inkişafı aşağı səviyyədə olan və bütün periferiya ölkələrinin
göstəricilərindən yüksəkdir.
_____________________________________________________
Xarici ticarətin inkişafı
Dünya üzrə ticarətin həcmində ölkənin payı cüzidir. İxracın
strukturu inkişafı aşağı səviyyədə olan ölkə üçün tipikdir. KDR dünya
bazarlarında mineral xammalın, ilk növbədə, kobaltın, misin, qalayın,
sinkin, texniki almazların, habelə nadir metalların və oduncağın ixracatçısı
kimi çıxış edir. Müxtəlif illərdə ölkə dünya bazarlarında iri həcmdə qara və
qırmızı ağac satmışdır.