598
Cədvəl 33.2.
Əsas fondların, maşın və avadanlığın yaş strukturu, %
1990
2000
2004
5 ilədək
29,4
4,7
8,6
6 - 10 il
28,3
10,6
5,1
20 ildən atıq
15,0
38,2
51,5
Orta yaş
10,8
18,7
21,2
Mənbə:
Российский
статистический
ежегодник.
2005.
Федеральная служба статистики. M. 2006.
Ölkənin dünya təsərrüfatında tutduğu mövqe əsasını əhali təşkil edən
əmək resurslarının keyfiyyətindən və kəmiyyətindən asılıdır. 1992-ci ildən
RF-də əhalinin mütləq azalması baş verir, özü də əməkqabiliyyətli əhali
daha sürətli templərlə ixtisar olunur. MDB ölkələrindən böyük
immiqrasiyaya baxmayaraq, ixtisar təbii azalma (ildə 300 min nəfərdən çox)
hesabına baş verirdi. Əmək qabiliyyəti olmayan yaşlıların sayı artır,
gözlənilən ömür müddətinin orta göstəricisi isə azalır (2010-cu ildə 67 yaş,
1986-1988-ci illərdə 70 yaş).
İşçi qüvvəsinin təhsil səviyyəsi də dəyişir. Ali təhsil məktəblərinin
tələbələrinin sayı 2 dəfə artmışdır. Əməkqabiliyyətli əhalinin 16%-i ali
təhsillidir. Eyni zamanda çoxlu sayda uşaq məktəbə getmir. İşçi qüvvəsinin
təqribən 1%-nin ibtidai təhsili yoxdur. ÜDM-də dövlət tərəfindən təhsilə
çəkilən xərclərin xüsusi çəkisinə (3,1%) görə RF ümumdünya səviyyəsindən
xeyli geridədir. Nəticədə işçi qüvvəsi bazarının iki tərəfə meylliliyi güclənir,
yüksəkixtisaslı və ixtisası olmayan işçilərin sayı artır.
Təkrar istehsalda baş verən dəyişikliklər elmi-texniki işlərə tələbatın
artmasına, 2000-ci illərdə onların maliyyələşdirilməsinin mütləq və nisbi
çoxalmasına
səbəb
oldu.
ETTKİ-nin
bütün
mənbələrdən
maliyyələşdirilməsinin həcmi ÜDM-in 1-1,3%-ni təşkil edir (1990-cı ildə
2,2%). Xarici mənbələr xərclərin 12%-ni təmin edir. ETTKİ-yə çəkilən
xərclərin həcminə (dünya üzrə xərclərin AQP üzrə hesablanmış 2%-i) görə
RF Braziliya və Meksikanı geridə qoyaraq, 8-9-cu yerlərdədir. Tədqiqatların
və elmi işlərin səmərəliliyi yüksək deyil. Qeydiyyatdan keçən ixtiraların
5%-dən azı kommersiya sövdələşmələrinin obyektinə çevrilir. Şirkətlərin
yenilikləri tətbiq etmə fəallığı 10%-dən, yeni və təkmilləşdirilmiş mallar
ümumi istehsal həcminin 4-5%-dən yüksək deyil.
İstehsal şəraiti
2000-2008-ci illərdə artımın bərpası dövründə daxili tələbat amil-
lərinin ÜDM-in dinamikasına təsirinin get-gedə güclənməsi müşahidə
olunurdu. İstehsalın tələbatının artması ilə yanaşı, daxili tələbatın əsas
elementi olan ev təsərrüfatlarının istehlakı da çoxaldı. ÜDM-də ev
599
təsərrüfatlarının xərclərinin payı 50%-dən aşağıdır. Onların istehlakının
strukturu geridə qalmışdır. İstehlakın əsasını (1/3 hissəsini) ərzaq məhsulları,
istehlak xərclərinin 5%-ni isə çörək təşkil edir. Əhalinin yarısının
istehlakında heyvan mənşəli zülallardan, vitaminlərdən istifadə olunması
minimum səviyyədən aşağı düşmüşdür. Qida məhsullarının enerji dəyərliliyi
üzrə də bu cür hal yaranmışdır. RF 1990-cı ildə əsas ərzaq məhsullarının
adambaşına düşən istehlakının səviyyəsinə görə dünyada 6-7-ci yer
tuturdusa, hazırda 45-ci yerdədir. Ev əşyaları, uzun müddət istifadə olunan
mallar ləng templərlə yeniləşdirilir.
Şəxsi istehlakın strukturunun geriliyi əhalinin əsas kütləsinin
gəlirlərinin aşağı düşməsinin nəticəsidir. Qeyd olunduğu kimi, 2008-ci ildə
real gəlirlər 1990-cı ilin 83%-i səviyyəsində olmuşdur. Gəlirləri ayda 5 min
rubl rəsmi yaşayış minimumundan aşağı olan əhalinin xüsusi çəkisi 17%,
əhalinin ən varlı 10%-i ilə ən yoxsul 10%-nin gəlirləri arasında fərq 17 dəfə
idi. Əhalinin ən yoxsul 10%-nin payına gəlirlərin cəmi 2%-i düşür.
Cəmiyyətin varlıların məhdud dairəsi ilə yoxsulların böyük kütləsinə
bölünməsi əhalinin sosioloji məqsədləri müxtəlif, bir-birinə əks olan 2
qrupunu yaratmışdır.
2000-ci illərdə RF-in iqtisadi inkişafı dövlət maliyyəsinin möh-
kəmlənməsi ilə müşayiət olunurdu. 2008-ci ilədək dövlət büdcəsi ÜDM-in
0,3-7%-i həcmində müsbət saldo ilə yekunlaşdırılırdı. Bununla yanaşı,
inflyasiya kifayət qədər yüksək səviyyədə qalmaqdadır. 2005-2009-cu
illərdə onun orta səviyyəsi 11%, inkişaf etməkdə olan ölkələrin
göstəricisindən 2,3 dəfə yüksək olmuşdur.
Ölkənin valyuta mövqeləri möhkəmlənirdi. Beynəlxalq bazarlarda
mineral xammalın qiymətlərinin kəskin artması buna zəmin yaratmışdı.
Valyuta ehtiyatlarının həcmi idxalın ödənilməsi üçün tamamilə kifayətdir.
Dövlət borcu əhəmiyyətli dərəcədə ixtisar edilmişdir.
_____________________________________________________
Təsərrüfatın strukturu
Daxili və xarici tələbatda baş verən irəliləyişlərin təsiri nəticəsində
təsərrüfatın strukturunda mühüm dəyişikliklər baş vermişdir. Maddi
istehsalın payı 65%-dən 43%-dək azalmış, xidmətlər sahəsinin xüsusi çəkisi
isə artaraq, ÜDM-in 57%-nə çatmışdır. İlk onilliklərdə ticarət, rabitə və
İnternet daha sürətlə inkişaf edirdi. Buna baxmayaraq, İnternet
istifadəçilərinin xüsusi çəkisi başqa inkişaf etməkdə olan ölkələrdən geridə
qalır. Xidmətlər sektorunun payının artımı zahirən dünyanın inkişaf
meyillərinə müvafiq olsa da, iqtisadi mahiyyəti baxımından müasir tələblərə
cavab vermirdi. Maliyyə sektorunda (xüsusilə də 1990-cı illərdə) ölkənin
iqtisadi inkişafına mənfi təsir göstərən sələmçilik, möhtəkirlik ünsürləri
müşahidə olunurdu.