31
bir necha marotaba BMT Bosh Assambleyasi va bosh-
qa xalqaro tashkilotlarda nutq so'zlagan hamda xalqaro
miqyosdagi dolzarb muammolarni hal etish yuzasidan
o'zining, ayrim hollarda, kutilmagan, biroq samimiy va
xolisona yondoshuvlarini taklif etgan. Shu tariqa, BMT-
ning eng yuqori minbaridan u birinchilar qatorida XXI
asr "vabosi" - terrorizm va u bilan chambarchas bog'liq
bo'lgan narkobiznesga qarshi birgalikda kurashish ma-
salasini ko'tardi va Markaziy Osiyoda "xavfsizlik kama-
ri"ni shakllantirish bo'yicha aniq chora-tadbirlarni taklif
etdi. Ushbu tashabbuslar Narkotik moddalarni, psixo-
trop vositalarni va ularning prekursorlarining noqonuniy
aylanishiga qarshi kurashish bo'yicha
Markaziy Osiyo
mintaqaviy muvofiqlashtiruvchi axborot-tahlil markazi
(MOMMAM)ni tashkil etishda hamda O'zbekistonda
ShHTning Mintaqaviy aksilterror tuzilmasi qarorgohi-
ning ochilishida o'zining amaliy ijrosini topdi.
Bundan tashqari, aynan BMT Markaziy Osiyoda
yadro qurolidan xoli bo'lgan hududni shakllantirish-
da muhim ahamiyatni kasb etdi. Uning tashabbuskori
Islom Karimov edi. Demak, 2014-yilning 6-mayida BMT-
ning bosh qarorgohida yadroviy qurolga ega davlatlar
- Buyuk Britaniya, Xitoy, Rossiya, AQSh va Fransiya to
monidan Markaziy Osiyoda yadro qurolidan xoli zona
to'g'risidagi shartnomaga qo'shimcha sifatida xavfsizlik
kafolatlari bo'yicha Bayonnoma imzolandi.
Shu tariqa, nafaqat Markaziy Osiyo davlatlari o'z
hududlarida yadroviy qurolni joylashtirishdan voz ke-
chishini ma'lum qildilar, balki yadro quroliga ega besh-
ta davlatlar ham Markaziy Osiyoning yadroviy qurolsiz
mintaqa maqomini hurmat qilish va
mintaqa mamlakat-
lariga nisbatan yadroviy qurolni qo'llamaslik hamda uni
qo'llash bo'yicha tahdid solmaslik majburiyatini o'z zim-
malariga oldilar. Bu bilan Markaziy Osiyoda yadro quro
lidan xoli zonani yaratish jarayoni yakuniga yetdi.
Birlashgan Millatlar Tashkiloti va uning tuzilmalari
ham global, ham mintaqaviy darajadagi turli vazifalar
va muammolarni hal etishda ko'maklashib keladi. Shu
ma'noda O'zbekiston uchun BMTning qo'llab-quvvat-
lashi nafaqat siyosiy, balki madaniy-gumanitar sohalar-
da ham zarurdir. Bu kabi qo'llab-quvvatlash va ko'mak,
avvallari, ya'ni sho'ro davrida O'zbekiston tarixi haqida,
yumshoq qilib aytganda, deyarli ma'lumot berilma-
ganini hisobga oladigan bo'lsak, yaqqol seziladi. Ushbu
respublikaga "xom ashyoni yetkazib beruvchi" vazifasi
yuklatilib, uning aholisi asosan qishloq xo'jaligi bilan
shug'ullanishi lozim bo'lgan edi. Uning rahbariyati u
yoki bu inshootni qurish bo'yicha mustaqil qaror qa-
bul qila olmasdi, hammasiga
markazdan ruxsat olish
kerak edi. Xomashyo zaxiralarini qazib chiqarish va ish
lab chiqarish bo'yicha quvvatlarni rivojlantirish ustuvor
yo'nalish sanalgani uchun respublikada biron-bir ilmiy
yoki madaniy tuzilmani yaratish uchun ruxsatni olishga
chin ma'noda "jang qilib" erishishga to'g'ri kelardi.
Axir bu zamin Amir Temur, Mirzo Ulug'bek, Zahirid-
din Muhammad Bobur, Imom al-Buxoriy, Bahovuddin
Naqshband, Abu Ali ibn Sino, Abu Rayhon Beruniy,
Muhammad Xorazmiy, Ahmad al-Farg'oniy, Imom
at-Termiziy, Imom al-Moturidiy, Alisher Navoiy, Mah
mud az-Zamaxshariy va boshqalar kabi noyob "Sharqiy
Renessans"ni yaratgan yetuk davlat arboblari va olim-
larini, mutafakkirlarni, shoirlaru ma'rifatchilarni o'stirib
ulg'aytirgan. Ular o'tmishda ilm-fan, ta'lim, ma'naviy
madaniyat markazlariga
aylangan va bugungi kunda
Jahon madaniy merosi ro'yxatiga kiritilgan ko'rkam sha-
harlarda yashab, ijod qilganlar.
O'zbekiston Respublikasining Birinchi Preziden
ti Islom Karimov xalqimizning ma'naviy qadriyatlari,
an'analari va urf-odatlari, bebaho tarixiy merosiga hur
mat bilan munosabatda bo'lishni davlat siyosati dara-
jasiga olib chiqdi.
Shu bilan O'zbekistonning bugungi rivojlanishini
ta'minlab kelayotgan ma'naviy yuksalish, milliy o'zini
anglashni mustahkamlash, xalqning tarixiy xotirasini
tiklash, uning ulkan ilmiy va madaniy salohiyatini asrab-
avaylash jarayoni boshlandi.
BMT qoshidagi YUNESKO kabi nufuzli tuzilmaning
tashabbusi hamda davlatimiz rahbari va jahon ham-
jamiyatining qo'llab-quvvatlashi
bilan Samarqand-
ning 2750 yilligi, Qarshining 2700 yilligi, Buxoro, Xiva,
Termizning 2500 yilligi, Marg'ilonning 2000 yilligi va
O'zbekistondagi boshqa shaharlarning yubileylari keng
nishonlandi.
Hozir butun dunyo hamjamiyati O'zbekiston zami-
nida yashagan va ijod qilgan
yetuk davlat arboblari va
olimlar, shoirlar va ma'rifatchilarning Islom tsivilizatsi-
yasi va jahon ilm-fani rivojiga qo'shgan ulkan hissasini
e'tirof etmoqda. Ularning nomlari jahon sivilizatsiyasi
tarixiga zarhal harflar bilan bitilgan, ularning sharofati
bilan dunyo O'zbekistonning o'zi haqida ham yanada
ko'proq ma'lumotga ega bo'ldi.
Dostları ilə paylaş: