söyüş söydü. Bədirlənən Ay isə acıq verirmiş kimi seyrək, dümağ buludları yara-
yara Yekə yalın zirvəsi boyunca diyirlənirdi. Dar daşın aşırımı burdan apaydın
görünürdü. Mehdi kişini fikir götürmüşdü. “Bundan sonra uşaqların yanına gündüz
gedib-gələcəm”.
Sonra günahın özündə olduğunu bilə-bilə zəmanəni qarğadı, sanki kiminsə
dalınca deyinirdi: “Şura hökumətidi-nədi, o da gəlib çıxmadı. Deyirlər, o gələndə
bərabərlik olacaq, torpaq ancaq hökumətin hesabında qalacaq, ayrı-ayrı adamın
yox. Mənim danam Nəziroğlunun yerində otlayıb, bunun üçün qan düşməni
olmuşuq. Bircə hökumət tez gəlib bu torpağı alsaydı, bizim didişməmizə son
qoyulardı”.
Cadar düzü qurtardı. Qabaqda gedən Mehdi kişinin atı lap Xramın qaşında
dayandı. Başını bir-iki dəfə aşağı-yuxarı silkələyib bərkdən kişnədi. Atın səsi o tay
meşədə, Səngər dağında əks-səda verib qayıtdı. Loru dərəsinin gecəsi mürgüdən
diksindi. Yaxınlıqdakı yalçın qayadan qopan bayquş vahimə ilə ulaya-ulaya yox
oldu.
Mehdi kişinin üzünün dərisi səyridi, tez atın boynunuu tumarlaya-tumarlaya
onu oxşadı ki, daha kişnəməsin.
Səlim yaxın gəlib sakitcə:
- Ağzını bağla, - dedi, - a Mehdi yeznə, yoxsa...
- Lazım deyil, Mehdi kişinin səsi titrədi. - Düş atdan, yavaş-yavaş dalımca
yedəklə, aşağı enək.
Mehdi kişi çiynini atın boğazına söykəyib, alnını tumarlaya-tumarlaya, sakit,
qorxaq səslə oxşaya-oxşaya Xramı endilər. Arabir atların ayağı altından qopan daş
taqqıltı sala-sala ta çaya kimi gedib çatırdı. Daşların hər taqqıltısı Mehdi kişinin
ürəyinə bir zərbə olurdu. Sol əlini döyünən ürəyinin üstündən götürə bilmirdi.
Çaya çatanda atın arxasına keçib dal budunu, ayaqlarını əlilə yoxladı. Səlim yaxın
gəlib:
- Nə olub, - dedi, - nəyə baxırsan?
Mehdi kişi deyinə-deyinə:
- Bir-iki dəfə ayağı bərk sürüşdü, - dedi, - at yaman əziyyət çəkdi, dedim
bəlkə yaralanıb eləyib.
Səlim əlini yellədi:
- Bir şey olmaz, min, çayı keçək, deyəsən, daha qara-qorxudan qurtardıq,
çatmışıq, - dedi.
“Daha çatmışıq, qara-qorxudan qurtardıq”. Bu sözlər ona ürək-dirək vermişdi.
Doğrudanmı, görəsən, qurtardıq. Ürəklə ata sıçradı. Təpinib çaya saldı. Çayı bu
taya keçib balaca dikdiri çıxdılar. Mehdi kişi atın başını çəkdi. Səlim yaxınlaşıb:
- Niyə durdun? - deyə soruşdu.
- O nədi elə qaralan qabaqda?
- Körpüdü. Nəziroğlunun körpüsünü tanımırsanmı, yoxsa yadından çıxıb?
Səni qara basır, a kişi...
- Bəs ondan bir az o yanda ayaq üstə duran?
- Hansı? - Səlim əyilib zəndlə irəli baxdı. - Dağdağandı,
dağdağan ağacı, görmürsənmi bəyəm?!
- Zəhrimar necə də adama oxşayır. Sür gedək. Yanımca, bəri sür.
Top dağın dibindəki cığırla çıxıb gedək.
- Bir atını saxla, a Mehdi əmi...
Səksənən kişi atın üstündə dikəlib tez geri baxdı. Ona elə gəldi ki, bu vahiməli səs
yerin tərkindən çıxdı. Bu səsin həqiqi olduğuna inanmadı. Nəzir körpüsünün
yanından üzü bəri gələn iki nəfəri görüb ata bərk bir qamçı vurdu.
Atın götürülməyi ilə güllənin açılmağı bir oldu. Üzü üstə yerə yıxılan at
çabalayıb toz qaldırdı. Yarımçıq və yazıq səslə kişnədi. Mehdi kişi qurşağacan can
verən atın meyidi altında qalmışdı.
Səlim yerində donmuşdu. Daş Salahlı srafili səsindən dərhal tanıdı. Tüfəng
ə
lində, Mehdi kişinin üstünə gedə-gedə sərt, acıqlı səslə:
- A Səlim, səninlə işim yoxdu, - dedi, - çıxıb gedə bilərsən. Səni
bağışlayıram dostun Qara Omara.
At zarıya-zarıya nəfəs alırdı. Sağ ayağı atın altında qalan Mehdi kişi dartınıb
zorla çıxdı. Qucağı qanla dolmuşdu. Atın bədənindən çıxan qanqarışıq ifrat iydən
öyüdü, güc-bəla ilə dizi üstə oturdu. Tir-tir titrəyir, tərsinə tutduğu tüfənginin
tətiyini tapa bilmirdi. srafil lap yaxın gəldi. Onun yoğun gövdəsi, enli kürəyi
Mehdi kişinin başı üstə duranda daha da vahimələndi, əli əsə-əsə tüfəngi yerə atdı.
- Qoca kişiyəm, məni öldürmə, günaha batarsan, Allah... srafil səsi gəldikcə
bağırdı:
- Necə öldürməyim, bu axıdılan günahsız qanın baisi sən deyilsənmi? A
qoca kaftar, bu iki qohum tayfanı bir-birilə vuruşduran sən deyilsənmi? Nə oldu,
indi qoca oldun?
srafilin üzünə qalxan tüfəngin səsi boğuq çıxdı. - Səni, səni görüm qanına
bulaşasan, - deyib, Mehdi kişi zarıdı, - Yusif, Hüseyn, oğul.... - üzü üstə yerə
düşdü. Bu, nahaq qanın ikinci qurbanı idi...
12 iyul 1980-ci il,
Körpülü - Bakı.
SARITEL
Qadın gözəlliyi yüzlərlə kəldən güclüdür.
Atalar sözü
Sarıtel nənə əsasına dirənə-dirənə evdən çıxdı. Üzü günbatana baxan iki
otaqlı evinin cəftəsinə qol boyda ağac parçasını keçirib iki addımlıqdakı Sarıtəpəyə
tərəf getdi. Sağ əlini gözünün üstünə qoyub təpənin aşağılarına diqqətlə baxdı, heç
nə görmədi.
- Şahin, ay Şahin, - deyə nəvəsini səslədi.
Təpənin aşağılarından cır uşaq səsi ona hay versə də, qarı heç nə eşitmədi.
- Bu uşaq harda qaldı, maşın-zad altına düşər, - öz özünə deyinə-deyinə lap
təpənin üstünə çıxıb bir tərəfi yağışdan mamır bağlamış balaca sal daşın üstündə
oturdu. Ömrünü-gününü bu daşın üstündə ağlayan qar; həmişəki kimi ötən günləri
xatırladı. Qarı yaxına-uzağa baxdıqca olub-keçənləri bir-bir xəyalında canlandırır,
artıq çoxdan həyatda olmayan adamlarla həmsöhbət olurdu. Bu yolda o, atlı da,
piyada da, yaxşı da, yaman da görmüşdü. Qarı üçün həyatın ən böyük səhnəsi bu
yol, bu təpə idi. Bütün kənd onun gözü önündə ovuc içi kimi görünürdü. Körpülü
kəndinin beş yüz evini burdan saymaq olardı. Burdan o, hansı ailənin tez yatıb-
durduğunu, kimin tüstüsünün düz və əyri çıxdığını da nuru azalmış gözləri ilə
apaydın görürdü. Gur səsli poçtalyon da sovetliyə adam çağıranda gəlib bu təpəyə
çıxar, işini əlüstü qurtarıb, qarının keçmiş haqqında söhbətlərini maraqla dinlərdi.
... Bozalqanlı Aşıq Hüseyn onun ortancıl qardaşının toyuna gələndə Sarıtelin
on dörd-on beş yaşı ancaq olardı. Atası Paşa xozeyin kənddə sayılan kişilərdən biri
idi. Ona görə də oğlunun toyuna adlı-sanlı aşıq çağırmışdı. Başqa kənd və
obalardan dəvət olunan bəylər və rütbəli şəxslər tər tökə-tökə yeyir, arabir qol açıb
oynamaqdan da qalmırdılar. Yalnız Alışan bəyin kefi açılmır, qaş-qabağı dolan
bulud kimi sanki yaş tökəcəkdi. O, özlüyündə bu toyu, şadlığı qudurğanlıq sayırdı,
“Xozeyin Paşa var-dövlətini gözümüzə soxub nümayiş etdirir”, - deyə fikirləşən
Alışan bəy aşığa sifariş verənləri belə pis, xəbis bir nəzərlə süzüb, hirsindən bığını
gəmirirdi.
Gecə keçirdi. Aşıq çoxdan sifarişlərə son qoyub yarıda olduğu məhəbbət
dastanı ilə camaatı ah-uf elətdirirdi. Yeyib doyan toy adamları acı bir hərisliklə
aşığa diqqət kəsilmişdi. Məclisin dağılmağının yaxınlaşdığını hiss edən Alışan
bəy bir azdan gec olacağını duyub qəfıldən ayağa durdu. Hirslə ayağını yerə
vurub:
- Şaxla, aşıq, - dedi, - bəsdir, səhərdən baş-beynimizi dəng elədin. ndi də bir
qəhrəmanlıq havasında Koroğludan oxu.
Məclis bir anlıq susdu. Dünya görmüş aşıq heç kefini pozmadan səsini
alçaldıb sazını bir neçə dəfə astadan dınqıldatdı. Üzünü yanaqları pörtüb qızaran
Alışan bəyə tutub:
- Oğul, bəlkə imkan verəsən bu dastanımı bitirim, az qalıb, sonra sənin...
- Yox! - deyə Alışan bəy qudurğan-qudurğan bağırdı. Kişisən, kişi mahnısı
oxu. Bəsdir bu ah-uf.
Yerdən bəylər, toy adamları narazılıq etdi. Uca boylu bir gənc - xozeyin
Paşanın bacısı oğlu ayağa qalxıb:
- Gəl, xeyir işimizə qan salma, qonaqsan, qonaq yerində...
Qəfildən içəri girən xozeyin Paşa bacısı oğlunun çiynindən basıb:
- Sən otur, oğul, özüm cavab verərəm. Bacısı oğlu heç nə deməyib oturdu.
Xozeyin hörmətlə və astadan:
- Oğul, əvvəla, sən burda hamıdan cavansan, bir də ki, kişinin sözünü...
- Mən dedim, qurtardı, Koroğludan oxusun, yoxsa...
- Yoxsa, nə olacaq ki...
Alışan bəy hirslə əlini gümüş dəstəli xəncərinə atdı:
- ndi cəsarəti varsa, oxumasın, - deyib oturdu. Hamı bir anlıq susdu.
Pəncərədən, qapıdan boylanan toy xidmətçiləri, qız-gəlin bir-birinin üzünə baxıb,
işin pis qurtaracağı barədə astadan təşvişlə pıçıldaşırdılar. Ağsaqqallar da işin
məğzini bildiyindən qabağa düşməyə cəsarət etmirdilər. Əhvalat Sarıtellə bağlı
idi. ki dəfə xozeynin qapısına elçi göndərən Alışan bəyə qız verməmişdilər.
Ə
slində qızın bəyə könlü olduğunu bilən xozeyin vermək istəyirdi,
Dostları ilə paylaş: |