- Ayə, a bala, tüfəngini də götür, dalımca gəl, tez, tez, gəl, - deyib quzeyin
dar cığırı ilə üzüyuxarı dikləndi. Qalın quzeyin aşırımına çıxanda qocanın sinəsi
körük kimi qalxıb-enir, nəfəsi təngiyirdi. Əlini gözünün üstünə qoyub meşənin
ə
təyilə yığılıb aparılan dana-buzovuna
hirslə baxdı. Dərhal tüfəngi çiynindən endirib, dalbadal qarasına iki güllə atdı.
Mızıldana-mızıldana:
- Aparın görək, - dedi, - kim kimin anasını ağlar qoyacaq.
Gözünü qan örtmüş qoca tövşüyə-tövşüyə yerə oturub ayağını uzatdı.
Onların dalınca getməyə nə üzü vardı, nə də cəsarəti. Bir azdan oğlu Hüseyn də
təngnəfəs özünü yetirdi. Atasının rahatca böyrü üstə uzanan görüb təəccübləndi.
Həm də sevindi. Getməməyi onun ürəyindən idi. Hüseyndən olsaydı, heç bu
yoxuşu da çıxıb gəlməzdi. Atasının hay-küyündən qorxub gəlmişdi. O, son vaxtlar
atasını başa düşə bilmirdi. Qabağına gələni acılayır, yerli-yersiz çığır-bağır salıb
özündən çıxırdı. Süleyman katdanın ölümündən sonra bəd xasiyyətli Mehdi kişi
indi daha tünd və acıdil olmuşdu. Bu iki kəndin ağalığını öz ağlı ilə öhdəsinə
götürmüşdü. Kənddən çıxıb bir yana xeyir-şər işə gedəndə tez qayıtmağa çalışardı.
Onunla gedənlər soruşanda ki, a kişi, hara tələsirsən, indi gəlmədikmi? O, yad
adamlar yanında daha da yekəxanalıqla:
- Nəcə yəni hara tələsirsən, - deyərdi, - canın arxayındı, iki kəndi yiyəsiz
qoyub gəlmişəm, mənsiz indi görəsən nə oldu, nə keçdi.
Hamı təəccüblə ona ağız büzər, bunu qocalığına bağışlayar, heç kəs üzünə
qayıtmazdı. Fikirləşərdilər ki, hansı hökumət, nə vaxt gəlib bu adını yaza bilməyən
Mehdi kişini kəndə katda, ya da ağa, bəy təyin elədi.
ndi oğlu Hüseyn öz-özünə: Allaha şükür ki, getməyib deyirdi, onların
dalınca getsəydi, nahaqdan bir qan-qada salardı. Bəlkə Qara Omardan qorxub,
çəkinib, bilir ki, onun atdığı yerə düşmür.
Mehdi kişi, həqiqətən, Qara Omarın qorxusundan onların dalınca getmədi.
Özü yaxşı bilirdi ki, bu gedişlə qızıl gülləyə havayı qurban ola bilərdi. Obada
mahir atıcılığı ilə ad-san qazanmış Qara Omarın nəfəsi ola-ola onun üstünə
getməkmi olardı?!
Böyrü üstə uzanan Mehdi kişi isə Qara Omarı aradan götürmək üçün çarə
axtarırdı. Dananın aparılması yaddan çıxmışdı. Nəzərləri onlar gedən tərəfə dikilsə
də, fikri-zikri Qara Omarla əlləşirdi. “Gülləni də nahaq atdım, gərək duyuq
salmayaydım. Meşə ilə gedib qabaqlarını kəsmək... Yox, ona kimi itib gedərlər.
Atlar da uzaqdadı, gətirilənə kimi gec olar”.
Başının üstündə dayanan Hüseyn sakit, qorxaq səslə:
- Indi neyləmək fikrindəsən, ay dədə?
- Nəyləyəcəyəm, canına azar, boğazına da dərd eləyəcəyəm. Sənin kimi əfəl
oğlu olan ata özgə neyləyər. Kişisən, get qabaqlarını kəs, hərəsini bir gülləyə
qurban elə, malını qaytarıb gətir. Eldə-obada mən də fəxrlə deyim ki, oğlum var,
ölüb-eləsəm yurdçum qalacaq, -deyib hirslə üzünü yana çevirdi.
Hüseyn qorxusundan nə ağ, nə də qara dinib-danışmadı. Aşağıda, tikanlıqda
dəhrə səsi eşidib dinmədi. Kimsə bir-iki dəfə öskürdü də. Mehdi kişi fıkirli-fikirli
yerində dayanıb gözaltı oğluna baxdı:
- Bir aşağı bax, gör, kimdi orda öskürən?
Hüseyn bir neçə addım irəli gedib, xəncər kimi torpağı yarıb çıxan, yanı yaşıl
mamırlı daşın üstünə çıxdı. Dabanlarını qaldırıb irəli baxdı. Tikanlığın arasındakı
adamı tanıyıb:
- Şamxaloğlu Rüstəmdi, - dedi, - tikan qırr.
- Çağır buraya gəlsin, deynən atam çağırır. - Dözməyib özü ayağa durdu.
Rüstəmi yanına çağırıb: “Yüyür, Yusifə xəbər elə ki, Nəzir uşağı atanı da,
qardaşını da öldürdü. Özünü yetirsin”.
Dəhrə əlində mat-mat Mehdi kişinin üzünə baxan tünəkə Rüstəm:
- Harda, a Mehdi dayı, - deyib təəccüblə çiynini çəkdi.
- Canına azarda, qaç, sənə nə deyirlər, get, onu da çatdır. Qoy köməyə
gəlsin. Tüfəngini götürüb Calanın qılıcını kəssin. - Dərəni sürətlə keçib üzüyuxarı
kəndə tərəf diklənən Rüstəmin dalınca:
- Deynən, bir-birini qırdılar, atanı da öldürüblər.
Mehdi kişi üçüncü oğlu Yusifə çox güvənirdi. - Özümə oxşayıb, -deyirdi, -
vurub-tutandı, dəliqanlıdı. Bircə Yusif vaxtında gəlib çıxsa, bunların anasını ağlar
qoyacaq.
Dananın yığılıb kəndin arası ilə aparılmağı, hələ camaatın tamaşaya durması, Nəzir
uşağının xalxalında ac-acına mələşməsi... Mehdi kişi bunları gözünün qabağına
gətirəndə əl-ayağını qoymağa yer tapmırdı, dəli kimi yerində hərlənirdi.
Hüseyn çox udqundu, çox mızıldandı, amma kişiyə açıb heç nə deyə
bilmədi. Deyə bilmədi ki, ay ata, bu nahaq qanı niyə sahrsan? Beş ağsaqqal
götürüb qapısına gedərsən, malını alıb gətirərsən, aparıb özünə mal eləməyəcək
ki...
Hüseyn bilə-bilə soruşdu:
- Qara Omar da ordadımı, ay dədə?
Kişi tərs dəyirman kimi geri fırlandı. Qıp-qırmızı sifətində əzələlər oynadı. Şişmiş
gözləri hədəqəsindən çıxıb bərəldi. Gücü gəldikcə bağıra-bağıra:
- Hə, ordadı. Nə olsun, xox, qorxdum, qaç geriyə, arvad oğlu arvad. Dayın
köpək oğlu nə idi ki, sən də nə olasan. Getdi, oxşadı, oxşamışıyin ağzına...
Hirsindən ağlını itirmiş Mehdi kişi yaşına yaraşmayan pis söyüş söydü. Geri
dönüb, deyinə-deyinə oğlundan aralandı.
- Mən nə deyirəm, soruşuram ki, ordadımı, yaxşı döyül, hər halda Teymurun
qaynatasıdı. Qohumuq, həm də günah bizdədi.
“Günah bizdədi” - bu sözlər Hüseynin ağzından qeyri-ixtiyari çıxdı. Bəxtindən
xeyli aralanan, hirsindən hələ də öz-özünə danışan atası bu sözləri eşitmədi.
- Qohumdu, qohum köpək oğlu belə qələt eləməz, kişidi, qohumluğa
bağışlasın. Elə bil dədəsi Alı kişi Allah olub, yer yaradıb.Otarma! Otaracam, hələ
canınızı da alacam.
Bir xeyli susdular. Xeyli heç biri dinib damşmadı. Ata-bala aşağı dərəyə
endilər. Gözləri günəyin cığırında qalmışdı. Yusifin gəlişini gözləyirdilər. Ayaq
səslərindən bir də ətraf quşların səsindən başqa dərədə heç nə eşidilmirdi. Onlar
dizə çıxan qalın biçənəyi yara-yara irəliləyirdilər. Yal boyunca yığılıb aparılan
danalar burdan aydın görünürdü. ki atlı yanınca, biri isə arxasınca gedirdi. Mehdi
kişi dayanıb yanındakı armud ağacına söykəndi. Tüfəngi alçaqdakı budağın
Dostları ilə paylaş: |