- Siz burda hərlənin, baxın, - dedi, - mən çayın qırağına enib qayıdıram. Bir
inəyin buzovu tərs gəlib, deyirlər, ona baş çəkim, indi gəlirəm. Sonra məclisimizə
başlarıq. Hələ axşama çox var. Etirazın yoxdu ki, aşıq qardaş, bəlkə yol gəlib
yorulmusan, axşama
saxlayaq.
- Yox, axşama niyə saxlayaq, yorulub eləməmişik. Biz elə oxumaq üçün
gəlməmişikmi?
nəyə baş çəkib geri qayıdan Mehdi kişi o taydakı dəyələrin yanına çıxanda aşığı
Niyazla söhbət edən görüb, dodaqaltı onun qarasınca söydü:
- t oğlu it, - dedi, - indi ərşdən-gürşdən basıb-bağlayır. Burda kimin nə ayıbı
varsa, hamısını bir-bir aşığın ovcuna qoyur.
Buzovları dəyənin dalından aşağı endirən Şəmşi axsaya-axsaya gəlib aşıqla,
balabançı ilə görüşdü. Şəmşi aralanan kimi Niyazın aşığa nəsə danışdığını Mehdi
kişi o taydan görüb daha da cin atına mindi. Aşıq sağ əli bığında düşüncəli-
düşüncəli Şəmşinin dalınca baxırdı. Niyaz isə aşığın o yanına, bu yanına keçib
yalan-gerçək elə hey üyüdürdü. Xəflənən Mehdi kişi tövşüyə-tövşüyə tez özünü
onlara yetirdi. Kişinin üzünü boz görən Niyaz yalançı təbəssümlə:
- Həmişə qonaqlı-qaralı, a Mehdi, - deyib ona əl verdi, elə bil, toya-təbrikə
gəlmişdi.
Mehdi kişi nə ağ dedi, nə də qara. Niyazın sözünə məhəl qoymadan, üzünü aşığa
tutdu.
- Qoy sağın qurtarsın, - dedi, - elə burda dəyələrdən yuxarıda duvaq kimi
yastı, xırman boyda yeri göstərdi, - oxuyarsan, uşaqlar da dövrə vurub oturarlar. -
Geri dönüb dəyənin qabağındakı arvad-uşağına acıqlı, sərt səslə:
- Sağından sonra kilimdən, palazdan əlinizə nə keçir, götürün gedin Canavar
vurulana, aşığa bir yaxşı da çay dəmləyin, Şəmşiyə də tapşırın, o bordaq
toğlusundan birini kəssin.
- Çolağınımı, a Mehdi? - Niyaz istədi zarafatla kişinin acığına sərin su
səpsin. Bayaqdan onu acılamağa bəhanə axtaran Mehdi kişi qəfil geri dönəndə
Niyaz ödünü yedi. Sanki qorxudan ürəyi ayağının altına düşdü. Dediyi iki
kəlmənin burda yersiz olduğunu dərk edib peşiman oldu. Ürəyində isə özünə
təskinlik verib dedi ki, anasını elə ağlatmışam, indi aşıq buna bir divan qursun,
tamaşasına Cəlaloğlu camaatı gəlsin. Varlığı vahiməli olan Niyaz qarşısında sal
qaya kimi sərt duran Mehdi kişinin üzünə hırıl0dadı. O, ürəyindəki kini, küdurəti
özündə məharətlə gizlədə bilirdi. Qoysana o ala erkəyi... Mehdi kişi hirslə:
- Arxac iti kimi hər gələnə quyruq bulayırsan ha...
Niyazın aşıqla söhbətindən sonra Mehdi kişini yandıran “ocağın” alovu püskürüb
ağzından çıxdı, qarsalayıb qarşısındakı Niyazın üz-gözünü, varlığını yandırdı.
Aşıq söhbətin xoşagəlməz hal aldığını görüb aralandı. Niyaz da onun dalınca getdi.
Mehdi kişi isə dəyəyə yaxınlaşıb:
- A qızım, a Əsli, aşığa çay hazırladınmı?
Ə
sli şeytan-şeytan gülümsünüb:
- ndicə hazır olar, - dedi, - ay dədə, bizi də aparacaqsanmı? - Bə nədi, a
qızım, aşıq bizimdi, biz getməyəndə bə kim gedəcək. Niyazın qarasınca - Çömçə
gəmirənin oğlu üçün aşıqmı gətirmişəm?! Allah qoysa, sənin toyunda dədən bu
aşığı düz bir ay oxudacaq, - sonra fəxr və vüqarla, - özümün dostumdu, mənim
adımı deyib gəlib. Görürsən, heç ismarıc-zad eləməmiş gəlib...
Sağın qurtardı. Buzovlar öz səmtinə ötürüldü. Naxır arxacda qaldı. Hamı
üzüyuxarı Canavar vurulana doğru dırmanırdı. Kimi əlində yastıq, kimi xalça, kimi
də kilim aparırdı.
Aşıq meydana girdi. Samovarın sağ-solunda Mehdi kişi xalça döşətdirib ailəsini
yerləşdirmişdi. Niyaz da samovarın yanında - Mehdi kişinin uşaqlarının arasında
özünə yer eləmişdi. Bilirdi ki, aşıq hər dəfə nəfəs dərəndə, boğazını yaşlamaq üçün
bir hortum çaya mütləq gələcək.
Gözü aşığın üzündə qalan Niyaz fürsət tapıb “mənim sifarişim” işarəsilə ona
göz vururdu.
Bir neçə dəfə çaya gələn aşıq zorla seziləcək dərəcədə razılığını bildirdi. Bu
razılıqda həm qorxu, həm də gözlə “görək nə olur” vardı.
Aşıq oxuya-oxuya gözaltı Şəmşiyə də baxırdı. Şəmşinin dərdi onun bütün
sevincini, şadlığını əlindən almışdı. Dünyada, deyirdi, dərdli adam, yazıq insan
görmüşdüm, amma beləsini yox. nsan da insana bu qədər zülm edərmi? şıqlı
dünyada Şəmşini yandıran məhəbbət odu, Mehdi kişi kimisini gərək haqq dünyada
yeddi qatlı cəhənnəm odunda yandıra. Dönüb Mehdi kişiyə baxdı, oxuya-oxuya,
asta addımlarla onlara tərəf gəldi. O, ata məhəbbətilə sağ qolunu qızı Əslinin
boynuna salıb, arabir də qızılı saçlarını tumarlayırdı. Aşığın onlara belə diqqətlə
baxdığını görən Mehdi kişi xoflanıb hirsləndi: “Mənə niyə belə baxır?” Birdən qızı
yadına düşdü. “Bu aşıq tayfası şorgöz olur” deyə şübhəyə düşdü. - Qıza göz-qaş
eləyər, Quran haqqı doğraram. - Əyilib qızın üzünə baxdı. Əsli qıpqırmızı olub
pörtmüşdü. Üzüyuxarı atasına işvə ilə baxan qız:
- Ay dədə, - dedi, - yaman istidi. Sən də aşıq oxutmağa yer tapdın. Bu
günəqarşıda, özü də günortaüstü aşıq oxudarlar?
Mehdi kişi ailədə kimin sözündən çıxsa da, Əslinin bir dediyi iki olmazdı.
Uşaqlıqdan naz-nemət içində dəcəl böyümüş bu qız atasının üzünə ağ olmaz,
amma atasının qüsur və səhvlərini üzünə deməkdən çəkinməzdi. Ailədə, nəsildə
ondan başqa heç bir kişi Mehdi kişinin səhvini üzünə deməyə cürət edə bilməzdi.
O, sol əlilə qızının çənəsini özünə tərəf döndərdi. Qızın payız alması kimi yetişmiş
yanaqlarını görüb, bu gözəllikdən sarsıldı. Elə bil qızının bu qədər gözəl olduğunu
indiyədək görməmişdi. “Mən də elçilərə deyirəm, hələ uşaqdı”. Tərdən Əslinin üz-
gözünə yapışmış birçəkləri kobud əlilə geri elədi.
- Eybi yoxdu, - dedi, - qızım...
Ə
sli atasının əlini geri eləyib:
- Dayan görək, a kişi, danışma, bir bu aşığa diqqət elə, gör nə deyir.
Aşıq meydanda hərlənə-hərlənə deyirdi:
- Camaat, indi də bir ustadnamə oxumaq istəyirəm. Gün də yaman qızıb,
hamınız da dağ adamı, lap pörtmüsünüz, görürəm, əziyyət çəkirsiniz. Biz aşıqların
adətidi, məclisi babalarımızın ustadnaməsi ilə açıb onunla da bağlarıq...
Niyaz yerində qurcalandı. Bir-iki dəfə öskürüb bərkdən:
- Hə, aşıq qardaş, nənəmin o kor toğlusunu sənə qurban kəsərəm, bizi bu
qaynar qazandan çıxar. Ha dərdin alım, de gəlsin.
Dostları ilə paylaş: |