Magistrantların XVIII Respublika Elmi konfransı, 17-18 may 2018-ci il
501
XIV - XV əsrlərdə Azərbaycanda türk - islam mədəniyyəti öz inkişafının ən yüksək səviyyəsinə qalxır
- sənətdə mücərrədlik, həndəsi omamentlərin mürəkkəb sistemi formalaşır. Bütün bunlar özünü geyim
mədəniyyətində də hiss etdirir. Orta əsrlərdə Azərbaycanda olmuş Klavixo, A. Kontarini, A. Cenkinson və s.
səyyah, tacir və səfirlik nümayəndələri geyimlərdə rəng harmoniyasını, biçim gözəlliyini, simmetriyasını,
insanların zövqünü və s. yüksək qiymətləndirmişlər. Bu göstərilən cəhətlər XIV - XV əsrlər Azərbaycan
geyim mədəniyyətinin zənginliyini bir daha vurğulayır.
Beləliklə, orta əsrlərdə Azərbaycan xalq sənətkarlığı öz inkişafının yüksək mərhələsinə qədəm qoyur,
toxuculuq, zərgərlik, parça və hazır geyim istehsalı inkişaf edir. Başqa ölkələrlə olan geniş ticarət əlaqələri
sayəsində xalq sənətkarlarına istehsal etdikləri məhsullar böyük şöhrət qazandırır.
Baxılan dövrlərdə, orta əsr geyimlərinin yüksək bədii ifadə vasitələrindın biri də tikmə sənəti idi.
Geyim və digər dekorativ tətbiqi sənət nümunələri üzərində qızlı, gümüşü saplar, muncuq və s.lər vasitəsilə
yerinə yetirilən tikmələr müxtəlif texnikalarla həyata keçirilirdi.
QƏDİM UDİ XALQI MÜASİR DÖVRÜMÜZDƏ
Quliyeva Ş.R.
Bakı Slavyan Universiteti
Azərbaycan ərazisində hələ eramızdan əvvəl yaşayan və bugünə qədər öz milli mədəni
xüsusiyyətlərini qoruyub saxlayayan avtoxton xalqlardan biri də udilərdir. Udilər haqqında tarixi məlumatlar
2500 illik dövrü əhatə edir. E.ə. V əsrdə yaşayan Heradotun “Tarix”, eləcə də e.ə. I əsrdə yaşayan Strabonun
“Coğrafiya” əsərlərində udilər haqqında məlumatlar əks olunub. Moisey Kalankaytuklu “Alban tarixi”
əsərində Qafqaz Albaniyasınınəsasını qoyan 26 xalqdan birinin məhz udilər olduğunu qeyd etdirmişdir.
Hal-hazırda bütün dünyada on minə yaxın udi yaşayır, onların böyük bir qismi isə Azərbaycan
ərazisində yaşayırlar. 27 yanvar-3 fevral 1999–cu ildə aparılmış siyahıyaalmaya əsasən Azərbaycan
Respublikasında 4.152 nəfər( Qəbələ rayonunda 3962 nəfər və Oğuz rayonunda 104 nəfər olmaqla) udi
qeydə alınmışdır.
Qafqaz dillərinin Nax-Dağıstan dil qrupuna aid olan udilər müasir dövrdə Rusiyada, Gürcüstanda,
Qazaxıstanda yaşasalar da, bu dövlətlərin heç birində öz milli xüsusiyyətlərini Azərbaycanda olduğu kimi
qoruya bilməmişlər, yerli xalqlara qarışıb assimilliyasiyaya uğramışlar. Multikulturalizmi dövlət siyasəti
kimi qəbul edən dövlətimizdə isə hələ 1854-cü ildə Nic kəndində ilk udi məktəbi açılıb. İbtidai sinif
şagirdləri üçün həftədə iki dəfə udi dili tədris olunur. Təkcə Nic kəndində üç kilsə fəaliyyət göstərir. Qafqaz
Albaniyasında xristianlığı ilk təbliğ edən kilsələrdən biri olan Cotari alban kilsəsəi 2002-ci ildə yenidən
bərpa olunub. Nic kəndinin mərkəzində “Orayin” Udi Mədəniyyət Mərkəzi fəaliyyət göstərir. 2003-cü il 10
apreldə Alban-Udi xristian icması qeydiyyatdan keçmişdir. Alban-Udi xristian icmasının sədri Robert Mobili
dəfələrlə öz çıxışlarında Azərbaycanın milli azlıqlara olan tolerant siyasəti yüksək qiymətləndirdiyini
vurğulamışdır.
DƏYİŞƏN CƏMİYYƏTDƏ MODANIN NƏZƏRİ VƏ METODİK ƏSASLARININ TƏDQİQİ
Məmmədova S.E.
Azərbaycan Dövlət İqtisad Universiteti
Modainsan, cəmiyyət və sosial faktorların reallığı çərçivəsinə sığmayaraq, ayrı ayrı bölmələrlə kəsişir.
Modanın bu kimi xüsusiyyəti insanın həyat fəaliyyətinin müxtəlif sahələrinə məsələn : iqtisadi, estetik və
başqa sahələrinədə təzahür edir. Bu səbəbdən modanın tədqiq edilməsi mədəni, estetik, psixoloji, sosioloji,
elmlərin imkanlarıyla zənginləşir və genişlənir. Dəyişən cəmiyyətimizdə moda innovasiyalarının elmi
yöndən tədqiq edilməsi məsələsi aktuallığı ilə öz əksini tapmışdır.
Modanın özünəməxsus təzahürü onun davamçılarına bir çox dəyərlərə nail olmağa imkan verir.
Modanın həlledici dəyərlərinə daxildir : müasirlik, universallıq, əyanilik. Moda köhnənin yeni kimi
ixtirasını, yeniliklərin ortaya çıxmasını, yeni standartların tətbiqini stimullaşdırır.
Modanın yaranması və onun sosial təsdiqi uzunmüddətli bir prosesdir. Bu proses tədricən inkişaf edir
və keçmiş dəyərləri ümumi olaraq özündə formalaşdırır. Sosial formaların əsasında moda yarana da bilər və
yaxud əksinə. Moda özünü ilk illərdə Avropa modasında təsdiqləmişdir. Sonralar XVII əsrdə moda milli və
mədəni dəyərlərin hüdudlarından çıxaraq tanınmış insanların davranışlarına təsir göstərmişdir.Bizim dövrdə
Magistrantların XVIII Respublika Elmi konfransı, 17-18 may 2018-ci il
502
isə moda sənaye yönümlü inkişaf etməklə bərabər və müəyyən dərəcədəirəlliləyən genişinsankütləsinin
davranışnın sosial nizamlayıcı faktoru kimi çıxıs edir.
Moda ictimai müstəvidə bütün insanlar üçün açıq bir ümman kimidir və insanlar bu yolla həm
şəxsiyyətləri ilə oxşarlıq təşkil edən üslubları kəşf edə bilər, həm də geyim sənayesindəki istehsalçıların
ortaya çıxardığı yeni üslubları mənimsəyə və əldə edə bilərlər. Fərdlər hər zaman ictimaiyyətdə nümayiş
edilən mədəni dəyərlərin mövcud təbəqə ilə eyniliyini yoxlayır, ictimai fərqlilik və milli mədəni dəyərlər
üçün mübarizə aparırlar. İnsan bu dəyərlərə uşaqlıq dövründə, təhsil müddətində və ailə daxilində bir sözlə
həyatının müxtəlif dövrlərində sahib olur. Deməli gündən günə güclənən moda kütləyə bu yolla təsir
göstərir, elə onun ən geniş yayılmış istinad nöqtəsi də kütlə sayılır.
Moda müntəzəm olaraq yeninin təkrarlanması deməkdir. Günümüzdə moda anlayışı geniş bir
mövhumda çıxış edir. Xüsusilə, vurğulamaq lazımdır ki, moda ilk olaraq əşya dünyasına deyil, insan
dünyasına təsir göstərir. Modanın tədqiqi prosesində insanın sosial həyatının müxtəlif yönlərinə xas olan
təfəkkürünə, davranış qaydalarına, sosial qruplarına, sosial psixologiya elmərinə əsas üstünlük verilir.
Ümumiyyətlə, geyim insanın daxili dünyasını onun zənginliyini göstərən bir obyektdir. Mühitin
geyimində milli mədəni priotetlərin izlənilməsi, insanların tarixlərinə, adət ənənələrinə o cümlədən
keçmişlərinə bağlılığını əks etdirir. Elə bu baxımdan da yerli, həmçinin dünya dizaynerlərinin Şərq
ölkələrinin , eləcə də Azərbaycan geyimlərinə məxsus olan dizayn elementlərinə - müraciəti Avropa
geyimlərinə də milliliyimizi siraət etdirmişdir. 2014-cü ilin mayın 30-da Heydər Əliyev mərkəzində baş
tutan “ Müasir dəbdə Azərbaycan cazibəsi ” adlı layihədə məşhur italyan dizayneriRenato Balestronun
hazırladığı kolleksiyada milli motivlərimizə geniş yer ayrılmışdır. Şərq koloriti ilə Avropanın dəb
müasirliyinin vəhdətini birləşdirən geyimlərdə bolluq və bərəkət rəmzi sayılan “Nar”motivindəndə istifadə
olunmuşdur.
GEYİMİN FORMASININ PARÇANIN XÜSUSİYYƏTİNDƏN ASILILIĞI
Musayev E.Z.
Azərbaycan Dövlət İqtisad Universiteti
Materialın geyim detallarının fəza formasını yaratmaq və məmulatın geyilmə şəraitində onu davamlı
olaraq qoruyub saxlamaq qabiliyyəti onun mexaniki xüsusiyyətləri, müxtəlif deformasiya növlərinə:
nazikləşdirmə, bükülmə, dartılma və sıxılma qabiliyyəti ilə müəyyən olunur.
Materialın qalınlığı geyimin istiliyi izolə etmə xüsusiyyətlərinə, bərkliyinə, büzülməsinə mühüm təsir
edir.Hər bir materialın öz xüsusiyyətləri var: lifli tərkibi, qalınlığı, sıxlığı, əzilməsi, əyində oturması və s.
Forma ifadəliliyinə yalnız parçanın, trikotajın, dərinin təbiətinə sadiq qalaraq nail olmaq mümkündür.
Rəssam formanı layihələşdirməkdən əvvəl materialın xüsusiyyətlərini qiymətləndirməli və onlardan
hansının: parıltı, şəffaflıq, bərklik, yaxud qəşəng büzülmək qabiliyyətinin əsas olduğunu qərara almalıdır.
Materialın təbiətinə uyğun gələn bəzək, biçim onun başqalarına bənzəməyən «xarakterini» açmağa kömək
edir.
Kətan möhkəm, bərk parçadır. Ondan tikilən məmulatların ən məntiqi silueti düz formadır. Formanın
sadəliyi bəzək tələb edir, ancaq çəki işi onsuz da sıx toxunmuş parçanı bir qədər də ağırlaşdırır. Onu başqa
bir parlaq, yaxud naxışlı parça ilə uyğunlaşdırmaq yaxşı olar. Ancaq geyimi yalnız bəzəmək yox, həm də
«yüngülləşdirmək» olar. Merejka, şəbəkəli çəki, krujevalı həmişə məmulatın düzbucaqlı parçasının şəklini
dəyişər, geyim yüngül və zərif olar.
Çit parça üçün zamanın sınağından çıxmış həll mövcuddur: aşağıya doğru genişlənən, çoxyaruslu
cərgəli büzməli yubkalar; ikiqat yubkalar – hamar və güllü; bəzək kantları və köbələr, «dişcikli» şərid, ucuz
maşın krujevası, sadə quramalar, büzmələr. Bütün bunlar parçanın qısaömürlülüyünə uyğundur və çit
paltarın xüsusi obrazını yaradır.
Cins parçada əsas onun möhkəmliyidir və model bu ideyaya xidmət edir: pərçilər, ikiqat və üçqat
bəzəkli çox vaxt təzadlı tikişlər. Bütün vasitələr parçanın bu xüsusiyyətinə diqqəti etməyə yönəlmişdir.
Denim plastik deyil, ancaq yaxşı gigiyenik göstəricilərə malikdir, bədənə toxunarkən xoş təəssürat
oyadır. Şalvarın dəqiq biçimi, bədənə kip yapışmanı təmin edən çoxlu bölgülər bundan irəli gəlir.
Təbii ipəklər nazik, elastik, yaxşı büzülən parçalardır, ancaq işlənmədə və istismarda mürəkkəbdir.
Belə məmulata müvafiq qulluq lazımdır. Onlardan gündəlik geyimdə istifadə etmək məqsədəuyğun deyil,
ancaq təntənəli hallarda ipəklər bayramsayağı görünür. Krepdeşinin elastik, axıcı qırçınlarla sallanması,