Magistratura məRKƏZİ” Əlyazması hüququnda Qafarov Elçin Rafiq oğlu
Yüklə 377,17 Kb.
|
- Bu səhifədəki naviqasiya:
- 2.2.İaşə məsrəflərinin uçotunun operativlik və analitikliyinin əsas meyarları
- 2.3. İaşə məsrəflərinin analitik uçotu, onun sintetik uçotla əlaqəsi və tələb olunan səviyyəsinin ümumiləşdirilməsi
- 2.4. Mal qalığına düşən iaşə məsrəflərin müəyyən edilməsi qaydası və uçotu
- III FƏSİL. İCTİMAİ İAŞƏ XƏRCLƏRİNİN UÇOTUNUN TƏKMİLLƏŞDİRİLMƏSİ İaşə xərclərinin uçotunun təkmilləşdirilməsinə dair əsas müddəalar
Sxem 1. İstehsala məsrəflərin uçotu. Sxemdən göründüyü kimi birinci mərhələdə istehsala sərf olunan material, əmək və maliyyə ehtiyatlan və sair xərclər uçota almır. Bu zaman istehsal xərclərini uçota alan hesabların debetinə,sərf olunan ehtiyatların uçota alındığı hesabların və sair hesabların kreditinə yazılışlar edilir (bax 1-8-ci əməliyyata). Bütün ilkin xərclər müvafiq hesablarda əks etdirildikdən sonra onların ayrı-ayrı uçot obyektləri (sexlər, məhsul növləri, xərc maddələri və s.) üzrə bölüşdürülməsinə başlanılır. İlk növbədə köməkçi istehsalata çəkilmiş xərclər bölüşdürülür. Göstərilmiş xidmətlər üzrə məlumatlar əsasında köməkçi istehsalata məsrəflər müəssisənin istehsal və xidmət bölmələri arasında bölüşdürülür (bax 9-cu əməliyyata). İstehsala məsrəflərin uçotunun sonrakı mərhələsində ümumistehsalat və ümumtəsərrüfat xərcləri bölüşdürülür və 202 "İstehsalat məsrəfləri", 202/10 "Köməkçi istehsalatlar" hesablarına silinir. Bizim misalda həmin xərclər yalnız 202 "İstehsalat məsrəfləri" hesabına silinmişdir (bax 10-11 --ci əməliyyata). Nəticədə 202 saylı hesabın debetində həm müstəqim, həm də qeyri-müstəqim xərclər toplanılır və bunun əsasında istehsal olunan məhsulun (işin, xidmətin) maya dəyəri müəyyən edilir. 1 -ci sxemdən göründüyü kimi, cari ayda məsrəflər 6.206.879 manat, aym əvvəlinə bitməmiş istehsal qalığı - 260.000 manat, cəmi xərclərin məbləği isə - 6.466.879 manat təşkil etmişdir. Ay ərzində istehsalatdan buraxılmış məhsul plan maya dəyəri ilə 6.580.000 manat məbləğində mədaxil edilmişdir (bax 13-cü əməliyyata). Aym sonunda bitməmiş istehsal qalığı və buraxılan məhsulun həqiqi istehsal maya dəyəri müəyyən edilir. Uçot məlumatları əsasında ayın sonuna bitməmiş istehsal qalığının 192.709 manat, buraxılan məhsulun maya dəyərinin isə 6.274.170 manat olduğu müəyyən edilmişdir (6.466.879+192.709). Buraxılmış məhsulun həqiqi maya dəyəri onun plan maya dəyəri ilə müqayisədə 305.830 manat(6.274.170-6.580.000) ucuz başa gəlmişdir, başqa sözlə, istehsal xərclərinə qənaət olunmuşdur (bax 14-cü əməliyyata). Beləliklə, istehsala məsrəflərin uçotu sistemi həmin xərclərin kalkulyasiya maddələri üzrə əks etdirilməsinə əsaslanır. İqtisadi elementlər üzrə xərclər isə bilavasitə istehsal xərclərini uçota alan hesablarda (202, 202/10, 202/11, 202/12, və s.) deyil, material, əmək, pul və s. ehtiyatların sərf olunmasını əks etdirən hesablarda (201, 533, 522, 112 və s.) müəyyən edilir. Bu barədə daha ətraflı sonra danışılacaqdır. 2.2.İaşə məsrəflərinin uçotunun operativlik və analitikliyinin əsas meyarları Müəssisələrdə iaşə xərclərinin uçotunu dəqiq aparmaq və onlara nəzarəti həyata keçirmək üçün analitik üçot düzgün təşkil edilməlidir. İaşə xərclərinin analitik uçotu həm müəssisələr həm də təşkilatlar üçün vahid olan uçot nomenklaturasında nəzərdə tutulan xərc maddələri üzrə aparılır. Analitik uçotun aparılması üçün maşınaqramma, tabulyaqramma, jurnal-orderlər, jurnal-orderlərə əlavə edilən debet cədvəlləri, yığma cədvəlləri, çoxsütünlu kartoçkalar və s. kimi analitik uçot reqistrlərindən istifadə olunur. Mərkəzləşdirilmiş mühasibatlıqda aparılan analitik uçot iaşə xərclərinin məbləğini təkcə maddələr üzrə deyil, həm də sərbəst balansa ayralmayan iaşə müəssisələri üzrə də müəyyən etməyə imkan verilməlidir. Bu isə, hər bir iaşə müəssisə üzrə iaşə xərcləri smetasına əməl olunmasına nəzarət etməyə imkan verir. Mərkəzləşdirilmiş uçot formasında iaşə xərclərinin analitik uçotu nomenklatura maddələri üzrə və struktur bölmələr üzrə aparılır. Bundan başqa nəzəri olaraq analitik uçot mal qrupları üzrə də aparıla bilər. İaşə xərclərinin analitik uçotunun təşkilinin iki variantı mövcuddur:
Qeyd edilən birinci variantı ikincisinin xüsusi halı kimi də baxıla bilər, çünki birinci variantda qeyri-müstəqim xərclərin bölüşdürülməsi nəzərdə tutulmur. Belə olan halda birinci variant mühasibat uçotunun aparılmasına çəkilən xərcləri ixtisar edir, ikinci variant isə ictimai iaşə müəssisələri daxilində xərclərin bölüşdürülməsini daha geniş əks etdirir. Lakin ikinci variantın dəqiqliyi şərtidir, çünki iaşə xərclərinin məbləği bölüşdürmə bazasının seçilməsindən asılı olduğundan subyektiv hesab olunur. Lakin bununla yanaşı hər iki variantın tətbiqi idarəetmənin aşağı həlqələrinin sərbəstliyinin artmasını təmin edir və sahə üzrə təsərrüfat hesabının möhkəmlənməsinə təsir göstərir ki, bu da bazar münasibətləri şəraitinin tələbələrinə tam uyğundur. Beləliklə, struktur bölmələr üzrə analitik uçotun aparılması daxili «şaquli» təsərrüfat hesabını təmin etmiş olur. Lakin, AİS sistemi şəraitində həm də daxili «üfuqi» təsərrüfat hesabı da mümkündür. Belə olan halda xərclər mal qrupları və ya ictimai iaşədə xörək növləri üzrə uçota alınır və bölüşdürülür ki, bu da satılan malların xərc tutumunu müəyyən etməyə imkan yaradır. Uçotun belə bir metodika üzrə aparılması professor Q.Ə.Abbasov tərəfindən yaradılmışdır. İşlərin əllə yerinə yetirilməsi zamanı iaşə xərclərinin analitik uçotunun təşkili texnikası müxtəlif ola bilər və konkret şəraitdən asılı olur. Təcrübədə ən çox istifadə olunan variantlar çoxsütünlu (kontrokorrekt) kartoçkalar və ya kartoçkaya əlavə edilən vərəqələri olan cədvəllər hesab olunur. Kartoçkalar və ya cədvəlləri iaşə vahidləri, struktur vahidləri (obyektləri) üzrə, onların daxilində isə nomenklatura üzrə xərc maddələrinə və ya struktur bölmələrə ayrılmaqla aparmaq olar. Cədvəllər və ya kartoçkalarda daha yaxşı müşahidə aparmaq və nəzarəti gücləndirmək üçün uçot obyektləri üzrə aparmaq daha məqsədəuyğundur. İaşə xərclərinin uçotunu aparmaq məqsədi ilə yazılışların aparılması üçün daha geniş iş sahəsinə malik olan və sütunlara bölünmüş cədvəllər daha münasibdir. Bu cədvəlləri onlara vərəqələr əlavə etməklə aparmaq olar. Bundan başqa iaşə xərclərinin analitik uçotunun digər variantından istifadə olunur. Cədvəllər (kartoçkalar) ilk növbədə struktur bölmələr üzrə aparılır və yalnız bölmələr üzrə aparılır və yalnız ayın sonunda icmal cədvəl tərtib edirlər ki, onlarda sətirlərdə əməliyyatlar əvəzinə struktur bölmələrin iaşə xərclərinin yekun məbləgi əks etdirilir. Qeyd edilən uçot variantlarından biri kimi uçot kontrokorrekt kartoçkalarda aparıla bilər ki, onlar hər bir iaşə vahidi üzrə hər bir xərc maddəsi üzrə ayrılıqda açılır. Belə olan halda çari uçotda çoxlu kartoçkalardan (müəssisələrin sayı vurulsun maddələrin sayı) istifadə olunur, lakin bu zaman kartoçkada yazılışların aparılması üçün əsas iaşə xərclərini uçota alan hesablarla müxabirləşən hesablar üzrə jurnal orderlərin məlumatları hesab olunur. Qeyd edilən kartoçkalar və ya cədvəllərdə yazılışlar ilin əvvəlindən artan yekunla aparılar və hər bir sütun üzrə xərc məbləğinin yekunu sintetik hesablarda uçota alınan xərclərin yekununa bərabər olmalıdır. Beləliklə, analitik kartoçkalarda aparılan uçot iaşə xərclərinə həm ümumilikdə, həm də hər bir xərc maddəsi üzrə baş vermə yerləri və məsuliyyət mərkəzləri üzrə nəzarətə imkan verər.
İctimai iaşə müəssisələrində bu hesabda malların daşınması, əməyin ödənilməsi, bunların, qurğuların, tikintilərin və inventarların icarəsi və saxlanması, azqiymətli və tezköhnələn əşyaların köhnəlməsi, malların saxlanması və onlar üzərində əlavə işlərə, reklam və s. bu kimi işlərə çəkilən xərclər əks etdirilir. Xərclərin siyahısı və onların müəssisələrin iaşə xərclərinə daxil edilmə qaydaları qanunverici və digər normativ aktlarla nizamlanır. Qeyd edilən bu subhesabda xərclərin sonrakı açıqlaması onların konkret xərc maddələri üzrə əks etdirilməsinə əsaslanır ki, bu da onların uçot nomenklaturasının yaradılmasını tələb edir. Tabeçiliyindən asılı olaraq müvafiq nazirliklər tərəfindən onların tərkibinə daxil olan müəssisə və təşkilatlar üçün vahid xərc nomenklaturasını və onların uçotu qaydasını təşkil etməlidir ki, belə bir nomenklatura xərclərin uçotu və təhlilini həyata keçirməyə və onlara nəzarətə imkan verər. Qeyd etdik ki, «iaşə xərcləri» subhesabında ictimai iaşə müəssisələrinin və onların iaşə vahidlərinin-mağazaların, çadır, laryok və xırda pərakəndə maqazaların xərclərinin uçotu aparılır. Bu subhesabın debetində təlimata müvafiq olaraq müəssisədə iaşə xərclərinə aid edilən bütün xərclərin hesablanması və ya ödənilməsi artan yekunla göstərilir və həmin məbləq ilin əvvəlindən çəkilmiş xərcləri əks etdirir. «İaşə xərcləri» subhesabı ancaq dörd halda kreditləşdirilir ki, bunlar aşağıdakılardır: 1) İaşə məhsullarının bu və ya digər şəbəkələrə nisyə satışı zamanı alıcılar tərəfindən ödənilən məbləqin faizlərinin alınması zamanı
Hesabat ilinin sonunda isə mal qalığına düşən xərclər çıxılmaqla çəkilmiş bütün iaşə xərcləri aşağıdakı yazılışla bağlanır. Dt 801 «Mənfəət və zərərlər» hesabı. Kt 202/14 «İctimai iaşə təşkilatlarının istehsalat məsrəfləri» subhesabı. Müəssisələrdə illik təsərrüfat fəaliyyətini özündə əks etdirən mühasibat balansı tərtib olunarkən hesabat dövrü ərzində bütün xərclərin tam hesablanması zəruri olur. Ona görə də məsrəflərin xərc növləri üzrə baş verdiyi anda aid olduğu dövrə aid etmək lazımdır. Lakin bəzi xərclər hesabat dövründə baş verməsinə baxmayaraq onların bir hissəsi gələcək hesabat dövrünə aid olur. Belə xərcdərə müəssisənin ehtiyacı üçün dövrü mətbuata abunə yazılışı, kommunal xidmətləri, binaların və otaqların icarə haqqının əvvəlcədənödənilən məbləği, təmir fonduna ayırmalar və s. bu kimi bir sıra xərcləri aid etmək olar. Belə olan hallarda baş vermiş xərc məbləğinin tamlığla baş verdiyi aya aid edilməsi qeyri-düzgün olar, çünki bu müəssisənin maliyyə vəziyyətini təhrif edər. Ona görə də baş vermiş xərclərin aid olduğu dövrlər üzrə bərabər hissələrlə əks etdirilməsi üçün baş vermiş həmin xərclərin bütün məbləqi əvvəlcədən 242 №-li «Gələcək hesabat dövrünün xərcləri» hesabının debetində əks etdirilir. Bu zaman xərclərin xarakterindən asılı olaraq müxtəlif hesablar (223 «Hesablaşma hesabı», «217 Digər qısamüddətli debitor borcları» və s.) kreditləşdirilir. Bundan sonra xərclərin tələb olunan hissəsi (bərabər məbləğlərlə) hər ay 202/14 №-li «İctimai iaşə təşkilatlarının istehsalat məsrəfləri» subhesabının debetinə yazılır ki, bu zaman 191 №-li «Gələcək hesabat dövrünün xərcləri» hesabı kreditləşdirilir. Əgər xərclərin ödənilməsi və ya baş verməsi zamanı onun müəyyən hissəsi baş verdiyi cari aya aiddirsə, o zaman həmin məbləqi birbaşa «İaşə xərcləri» subhesabının debetində əks etdirirlər. Təcrübədə qeyd edilənlərlə yanaşı onun əksi olan hallarda, yəni hesabat ayında uçotda gələcək dövrlərdə ödəniləcək və ya baş verəcək xərclərin əks etdirilməsi zəruriyyəti də yaranır. Belə xərclərə təbii itki norması daxilində itkilər, bank ssudalarından istifadə üçün faizlər, işçilərin məzuniyyət haqqının ödənilməsi üçün ehtiyyatlar və s. aid edilir. Qarşıdakı xərclərin iaşə xərclərinə bərabər hissələrin aid edilməsi və maliyyə nəticələrinin düzgün müəyyənləşdirilməsi üçün həmin xərclər üçün qabaqcadan ehtiyat yaradılır. Ay ərzində yaradılmış ehtiyat məbləğini uçotda əks etdirmək üçün aşağıdakı mühasibat yazılış tərtib edilir: Debet 202/14 №-li «İctimai iaşə təşkilatlarının istehsalat məsrəfləri» subhesabı. Kredit 335/3 №-li «Qarşıdakı xərclər və ödəmələr üçün ehtiyatlar» subhesabı. Növbəti hesabat dövrlərində həmin xərclər faktiki olaraq baş verdikcə və ya ödənildikcə bu hesabın kreditindən müvafiq hesabların debetinə silinir. Daha doğrusu, bu zaman 223 №-li «Hesablaşma hesabı», 205 №-li «Mallar» hesabı və s. kreditləşdirilir. Əgər xərclərin silinməsi zamanı yaradılmış ehtiyat məbləği azlıq təşkil edərsə, onda bu zaman qeyd edilən qaydada əlavə ehtiyat yaradılır ki, onun əks etdirilməsi aşağıdakı kimi yerinə yetirilir. Debet 202/14 №-li «İctimai iaşə təşkilatlarının istehsalat məsrəfləri» subhesabı, Kredit 335/3 №-li «Qarşıdakı xərclər və ödəmələr üçün ehtiyatlar» subhesabı qırmızı storno üsulu ilə. İctimai iaşə təşkilatlarında il ərzində xərclər baş verdikcə məzmunundan asılı olaraq müvafiq maddələr üzrə əks etdirilir ki, bu da il ərzində hər bir maddə üzrə baş vermiş xərclər barədə məlumat əldə etməyə imkan verir. Xərclər baş verdikcə mühasibatlıqda aşağıdakı qaydada yazılışlar edilir. Malsatanlardan daxil olmuş malların mərkəzləşdirilmiş qaydada daşınması üçün hesablanmış məbləq uçotda belə əks etdirilir: Debet 202/14 «İctimai iaşə təşkilatlarının istehsalat məsrəfləri» subhesabı Kredit 431, 531 №-li «Malsatan və podratçılarla qısa/uzun müddətli hesablaşmalar» hesabı. Malların daşınmasına görə nəqliyyat kontorlarına hesablanmış məbləğ üçün: Debet 202/14 «İctimai iaşə təşkilatlarının istehsalat məsrəfləri» subhesabı Kredit 217 «Digər qısamüddətli debitor borcları» hesabı. İstifadə olunmuş qablaşdırma materiallarının və kassa lentlərinin dəyəri silindikdə: Debet 202/14 «İctimai iaşə təşkilatlarının istehsalat məsrəfləri» subhesabı Kredit 201 №-li «Material ehtiyatları» hesabı. Azqiymətli tezköhnələn əşyalara köhnəlmə hesablanan zaman: Debet 202/14 «İctimai iaşə təşkilatlarının istehsalat məsrəfləri» subhesabı. Kredit 112 №-li «Azqiymətli tezköhnələn əşyaların köhnəlməsi» hesabı. İctimai iaşə təşkilatının işçilərisinə əmək haqqı hesablanan zaman: Debet 202/14 «İctimai iaşə təşkilatlarının istehsalat məsrəfləri» subhesabı Kredit 533 №-li «Əməyin ödənilməsi üzrə işçi heyəti ilə hesablaşmalar» hesabı. Hesablanmış əmək haqqından sosial sığortaya ayırmalar edildikdə: Debet 202/14 «İctimai iaşə təşkilatlarının istehsalat məsrəfləri» subhesabı. Kredit 522 №-li «Sosial sığorta üzrə hesablaşmalar» hesabı. Müəssisəyə məxsus olan torpaq, tikili və avadanlıqlara (əsas vəsaitlərə) amortizasiya hesablanan zaman: Debet 202/14 «İctimai iaşə təşkilatlarının istehsalat məsrəfləri» subhesabı Kredit 112 №-li «Əsas vəsaitlərin köhnəlməsi» hesabı. Gələcək dövr xərclərinin cari ayın məsrəflərinə daxil edilməsi zamanı: Debet 202/14 «İctimai iaşə təşkilatlarının istehsalat məsrəfləri» subhesabı Kredit 242 №-li «Gələcək dövr xərcləri» hesabı. Qarşıdakı baş verəcək xərclərin bərabər ödənilməsi məqsədi ilə ehtiyat yaradıldığda Debet 202/14 «İctimai iaşə təşkilatlarının istehsalat məsrəfləri» subhesabı Kredit 335/3 №-li «Qarşıdakı xərclər və ödəmələr üçün ehtiyatlar» hesabı. İlin sonunda satılmış mallara düşən tədavül xərclərinin məbləği müəyyən edilib silindikdə: Debet 801 №li «Mənfəət və zərərlər» hesabı. Kredit 202/14 «İctimai iaşə təşkilatlarının istehsalat məsrəfləri» subhesabı Ezamiyyə üçün işçiyə ezamiyyə məbləği verildikdə Debet 244 “Təhtəl məbləqlər” hesabı Kredit 221 “Kassa” hesabı Təhtəl məbləqin istifadə olunmayan hissəsi kassaya qaytarıldıqda: Debet 221 №-li «Kassa» hesabı Kredit 244 «Təhtəl məbləqlər» hesabı İctimai iaşə təşkilatının işçisi ezamiyyətdən qayıtdıqdan sonra avans hesabatı təqdim edərək mühasibatlığa təqdim edən zaman verilmiş avans məbləği xərclərə silindikdə: Debet 202 «İctimai iaşə təşkilatının istehsalat məsrəfləri « hesabı Kredit 244 №-li «Təhtəl məbləqlər» subhesabı. Göründüyü kimi sintetik hesablarda xərclərin ancaq ümumi məbləği əks etdirilir. Lakin, iaşə müəssisələrinin təsərrüfat fəaliyyətinə operativ rəhbərliyi həyata keçirmək, xərclər smetasına maddələr üzrə nəzarət etmək və onların təhlilini aparmaq üçün ayrı-ayrı xərc maddələri üzrə məlumatlara malik olmaq lazımdır. Məhz həmin məlumatlar düzgün və vaxtında təşkil edilmiş analitik uçotun vasitəsilə əldə olunur. İaşə xərclərinin maddələr üzrə uçotu birbaşa xərclənən vəsaitləri özündə əks etdirən hesablar üzrə açılmış yurnal-orderlərdə 202/14 saylı subhesabın debetinə aid olan məbləğlərin əks etdirilməsi üçün, hər bir xərc maddəsi üçün xüsusi xətt nəzərdə tutulmuşdur. 2.4. Mal qalığına düşən iaşə məsrəflərin müəyyən edilməsi qaydası və uçotu Qeyd etdik ki, 202/14 №-li «İctimai iaşə təşkilatlarının istehsalat məsrəfləri» subhesabında xərclərin uçotu, il ərzində artan yekunla bu hesabın debetində xərclər baş verdikcə qeyd etməklə aparılır. Lakin müəssisədə qüvvədə olan təlimata əsasən mallar cari uçotda iaşə qiyməti ilə və mühasibat balansında isə faktiki maya dəyəri ilə əks etdirilir. Malların faktiki maya dəyəri isə onların alış dəyəri iaşə xərclərinin - yəni onların daşınması, saxlanması, yüklənməsi, boşalması və s. xərclərin cəmindən ibarətdir. Balansda malların faktiki maya dəyəri üç balans maddəsinin göstəricisi ilə müəyyənləşdirilir:
Məlumdur ki, hesabat dövründə iaşə müəssisələrinin işinin maliyyə nəticəsi malsatanlardan alınmış və satılmış mallara düşən ticarət artırması hesabına ödənilir. Bunun üçün yuxarıda qeyd edilən 205/5 “Mətbəxtdə (istehsalatda) olan mallar”, 603 “Verilmiş güzəştlər”, 202/14 “İctimai işə təşkilatlarının istehsalat məsrəfləri”, 601 “Satış” hesablarının dövriyyə və qalıqlarından istifadə edib, birinci ilk 205/5 və 603 №-li hesablarının məlumatlarından istifadə edib verilmiş güzəştlərin orta faizi müəyyən edilir. Həmin orta faizlə, 205/5 №-li hesabın qalığına görə orta faiz məbləği aşkar olunur. Bu orta faiz məbləği 202/14 №-li hesabdakı məbləğin orta faizinin müəyyən olunmasında istifadə edilir. Sonra həmin orta faiz vasitəsilə satılmış mala aid edilən satılmış mallara, borclara aid edilən məbləğ aşkar olunur. Bu məbləğlər müəssisənin ümumi gəlir məbləğini özündə əks etdirir. Bunun üçün tələb olunan məlumatlar hesabat ayının əvvəlinə mal qalığına düşən 202/14 №-li hesabda uçota alınan xərclər 601 №-li «Satış» hesabının kredit dövriyyəsindən, 205 №-li «Mallar» subhesabının ayın sonuna olan debet qalığının məlumatlarından istifadə edilir. İctimai iaşə müəssisə və təşkilatlarının maliyyə nəticələri onların iaşə xərclərindən birbaşa asılı olduğundan ayın və ya digər hesabat dövrünün sonunda mal qalığına düşən iaşə xərclərinin düzgün müəyyən edilməsi xüsusi əhəmiyyət kəsb edir. Müəssisələrdə ay ərzində qeyd edilən yolla hesablanıb müəyyən edilmiş satılmamış mallara düşən xərc məbləği üçün heç bir mühasibat yazılışı tərtib edilmir, lakin iaşə xərclərinin ümumi məbləği hesablanıb müəyyən edilmiş məbləğ qədər azaldılır. Bu zaman mühasibatlıqda aşağıdakı mühasibat yazılışı rəsmiyyətə salınır: Dt 801 № -li «Mənfəət (zərər)» hesabı Kt 202/14 «İctimai iaşə təşkilatlarının istehsalat məsrəfləri» subhesabı. Ona görə də “Abşeron” restoranında mühasibatlıq hesabat dövrünün sonunda məhsul və mal qalığına düşən nəqliyyat xərcləri məbləğinin diqiqliyini təmin etməli və onların müəyyən edilməsini, ən təcrübəli mühasiblərə həvalə edilməlidir. III FƏSİL. İCTİMAİ İAŞƏ XƏRCLƏRİNİN UÇOTUNUN TƏKMİLLƏŞDİRİLMƏSİ
İctimai iaşə müəssisə və təşkilatlarının maliyyə-təsərrüfat fəaliyyətini xarkterizə edən əsas göstəricilərdən biri də maliyyə nəticəsi hesab edilir. Maliyyə nəticəsinə təsir edən əsas amillərədən biri isə iaşə xərclərdir. Odur ki, hazırki bazar münasibətləri şəraitində rəqabətə tab gətirə bilmək və səmərəli fəaliyyət göstərmək üçün xərclərin aşağı salınması xüsusi əhəmiyyət kəsb edir. İaşə xərclərinin aşağı salınması isə çəkilən xərclər üzərində ciddi nəzarət edilməsi, vəsaitlərdən düzgün və səmərəli istifadə, idarəetmənin təkmilləşdirilməsi, marketinq fəaliyyətinin düzgün və elmi əsaslarla təşkili, vaxtaşırı müəssisənin fəaliyyətinin təhlil edilməsi və s. ilə həyata keçirilə bilər. Göründüyü kimi iaşə xərclərinin aşağı salınması yollarından biri də onların uçotunun təkmilləşdirilməsi hesab olunur. Çünki müəssisələr iaşə xərclərinin təhlili məhz uçot və hesabat məlumatları əsasında aparılır və ona əsasən isə idarəetmə və maliyyə qərarları qəbul edilir. İaşə xərclərinin hazırda uçotu mövcud xərc nomenklaturasına əsasən aparılır. Lakin hazırda iaşə müəssisələrində mövcud olan xərc nomenklaturası köhnədir, yığcamdır və buna görə də uçotun aparılması müasir bazar iqtisadiyyatının tələbələrinə cavab vermir. Bundan başqa onu da qeyd etmək lazımdır ki, uçotun mövcud metodikası və onun əsasında tərtib edilən hesabat müasir tələblərə cavab vermir. Bu nöqtei-nəzərdən son zamanlar iqtisadçılar qüvvədə olan xərc nomenklaturasının təkmilləşdirilməsi üzrə bir sıra fikirlər irəli sürürlər. Birinci qrup iqtisadçılar fəaliyyətdə olan xərc nomenklaturasını saxlamaqla onların sayının artırılmasını təklif edirlər. Bu təklif edilən qayda müəyyən mənada təhlil aparılması və onun da sayəsində xərclərin azalmasına az da olsa təsir göstərə bilər. Lakin burada xərclərin xalis və ya əlavə iaşə xərclərinə ayrılması probleminə toxunulmur. İkinci qrup iqtisadçılar isə qüvvədə olan mövcud xərc nomenklaturasının əsasən dəyişdirilməsini və xərclərin onların baş vermə yerlərindən və təyinatından asılı olmayaraq tərkibcə eyninövlülük prinsipi üzrə qruplaşdırılmasını təklif edirlər. Lakin qeyd etmək lazımdır ki, yerlərdə iaşə xərclərinin analitik uçotu praktiki olaraq müxtəlif iaşə təşkilatlarında, onların xüsusiyyətindən asılı olaraq müxtəlif nomenklatura üzrə aparılır. İctimai iaşə müəssisə və təşkilatlarının praktik olaraq özlərinin daha geniş xərc nomenklaturasından istifadə etmələri, onu göstərir ki, qüvvədə olan xərc nomenklaturası müvafiq təlabata cavab verməməsi və buna görə də onların təkmilləşdirilməsinin təkmilləşdirilməsinin tələb olunması ilə əlaqədardır. Məhz həmin təkmilləşdirmə elə istiqamətdə yerinə yetirilməlidir ki, onların köməyi ilə faktiki baş vermiş xərclərin tərkibində olan məsrəf maddələri və qrupları haqda analitik məlumat əldə oluna bilsin və gələcək təhlil işinə onlardan istifadə olunsun. Aparılan tədqiqat nəticəsində belə bir nəticəyə gəlinmişdir ki, qüvvədə olan nomenklaturadaki xərc maddələri mücərrəddir və maddəyə daxil olan ayrı-ayrı xərclər haqda analitik məlumat əldə etmək olmur. Belə ki, mövcud nomenklaturada müəssisəyə gətirilən malların nəqliyyat xərclərinin uçotu üçün «Dəmir yolu, su, hava, avtomobil və sair nəqliyyatla daşınma xərcləri» maddəsi bütün növ nəqliyyat vasitəsi ilə daşınma xərclərinin uçotu nəzərdə tutulmuşdur. Nəqliyyat xərclərinin tərkibində ən yüksək xüsusi çəkiyə malik olan xərc-avtomobil nəqliyyatı vasitəsilə daşıma xərclərdir. Onların ümumi daşımalarda xüsusi çəkisi 75-80 faizə qədər təşkil edir. Və bir də onu qeyd etmək lazımdır ki, müxtəlif nəqliyyat vasitələrində daşıma xərcləri özləri də müxtəlifdir. Ona görə də bizim fikrimizcə müxtəlif növ nəqliyyat vasitəsilə daşıma xərclərinin bir maddədə birləşdirilməsi məqsədəuyğun deyil. Bu hansı növ nəqliyyat vasitəsinin səmərəli olmasını müəyyən etməyə və onlardan iqtisadi cəhəddən daha əhəmiyyətlisini seçməyə, həmçinin təhlil sayəsində nəqliyyat məsələsinin ümumi xalq təsərrüfatı miqyasında ən optimal variantını işləməyə imkan vermir. Məhz buna görə də nəqliyyat xərclərini aşağıdakı iki maddədə, ayrılıqda əks etdirmək məqsədəuyğundur. Nomenklatura üzrə xərc maddələrindən biri də malların saxlanması, emalı, «növləşdirilməsi və qablaşdırılması» adlı xərc maddəsidir. Hal-hazırda iaşə xidmətinin yaxşılaşdırılması və xidmət mədəniyyətinin səviyyəsinin yüksəldirilməsi yollarından biri malların əhaliyə qablaşdırılmış formada satışının xüsusi çəkisinin artırılması ilə bağlı olan xərclərin artmasına gətirib çıxarır. Məhz həmin xərclərə gündəlik nəzarət, yalnız düzgün təşkil edilmiş operativ analitik uçot vasitəsilə yerinə yetirilə bilər. Buna görə də malların qablaşdırılması xərcləri onların saxlanma, emalı və növləşdirilməsi xərclərindən ayrılıqda uçota alınmalıdır. Ona görə də qeyd edilən xərc maddəsini aşağıdakı iki maddədə uçota almaq bizim fikrimizcə daha məqsədəuyğundur:
Aparılan tədqiqat nəticəsində müəyyən edilmişdir ki, iaşə xərclərinin müəssisələrdə uçotu zamanı çox vaxt analitik uçot kartoçkalarından istifadə olunmur. Xərclərin uçotunun mövcud formalı analitik uçot kartoçkalarında aparılması hər bir xərc maddəsi və iaşə təşkilatına daxil olan struktur vahid üzrə təşkil etmək yolu ilə xərclər üzərində nəzarəti daha da gücləndirmək və təhlil üçün lazımi informasiya əldə etmək olur. Xərclərin uçotunun təkmilləşdirilməsinin sonrakı istiqaməti onların uçotunun ayrı-ayrı mal qrupları üzrə aparılması olmalıdır. İctimai iaşə müəssisə və təşkilatları müxtəlif iaşə məhsullarının alqı-satqısı və emal edilməsi ilə məşğuldur ki, bu da onların hər biri müxtəlif səviyyəli xərclərlə müşahidə olunur. Odur ki, mal dövriyyəsinin tərkibində yüksək xərc tutumuna malik olan iaşə məhsulları yüksək xüsusi çəkiyə malik olan zaman xərclərin səviyyəsi yüksəlir ki, bu da xərclərin artmasına səbəb olur. Odur ki, malların xərctutumu və gəlirlik tutumunun müəyyən edilməsi üçün müəssisələrdə iaşə xərclərinin uçotu, məhsul qrupları üzrə təşkili məqsədəuyğun hesab olunur. Xərclərin aşağı salınmasında müəssisələrin maliyyə-təsərrüfat fəaliyyətinin təhlili, təftişi və auditi mühüm rol oynaya bilər ki, bunların həyata keçirilməsi zamanı uçot və hesabat məlumatları əsas informasiya bazası hesab olunur. Lakin hazırda 5 saylı «Ticarət və ictimai iaşədə çəkilən xərclər haqda hesabat» forması müasir tələblərə cavab vermir və onun təkmilləşdirilməsi tələb olunur. Qeyd edilən formada xərclərin məbləği həm maddələr üzrə, həm də ictimai iaşə təşkilatı üzrə ümumilikdə göstərilir. Sözü gedən hesabat formasına diqqət yetirsək görərik ki, qeyd edilən forma əvvəlki analitikliyini itirmişdir. Birincisi, həmin formada canlı və əşyalaşmış əmək məsrəflərini özündə əks etdirən iaşə xərcləri ümumi məbləq ifadəsində əks etdirilir. Bu isə iaşə xərclərinin vahid iqtisadi kateqoriya kimi təsəvvür etməyə imkan vermir. Lakin material məsrəflərini və xərclərin ödənilməsini həm ümumilikdə, həm də maddələr üzrə göstərilməsini məqsədəuyğun hesab etmək olar. İkincisi, isə həmin hesabat formasında xərclərin maddələr üzrə səviyyəsini xarakterizə edən normativ göstəricilər çıxarılmışdır. Hal-hazırda iaşə xərcləri təşkilatın özü tərəfindən müəyyən edildiyi üçün onları ümumilikdə, yəni həmin xərcləri normallaşdırmaq da olar. Üçüncüsü, həmin hesabat formasında keçən hesabat dövrü üzrə faktiki xərclərin məbləğinin göstərilməsi onun analitikliyini təmin etmiş olardı ki, o da idarəetmə üçün çox əhəmiyyətli məlumat ola bilər.
Yüklə 377,17 Kb. Dostları ilə paylaş:
|