53
Bu müddət ərzində Türkmənistanın sahil ərazilərindən köçüb gedənlərin xüsusi
çəkisi 4-5% təşkil edirdi.
Rusiyanın Xəzər sahilində əhalinin məskunlaşması Həştərxan vilayəti,
Kalmıkiya və Dağıstan bölgələrində təbii iqlim şəraitinin fərqli olmasından,
ərazilərinin tarixi keçmişindən, iqtisadi və coğrafi-siyasi mövqelərinin
müxtəlifliyindən bilavasitə asılıdır.
Volqa çayının aşağı hissəsini əhatə edən Həştərxan vilayəti bütövlükdə
əlveriqşli təbii iqlim şəraitinə malikdir. Burada illər boyu ənənəvi olaraq balıqçılıq
təsərrüfatı kifayət qədər inkişaf etmişdir. Təbii ki, bu ərazidə məskunlaşmış əhali
əsasən balıqçılıqla məşğuldur. Məhz buna görə də Volqa çayının delta sahəsində
çoxlu sayda kiçik balıqçı qəsəbələri yayılmışdır.
Həştərxan vilayətində son illər əhalinin mexaniki artımı Şimali Qafqazda
baş verən proseslərlə birbaşa bağlıdır. Belə ki, Çeçenistan və onu əhatə edən
ərazilərdə hələ də davam edən etnik münaqişələr və terror aktları rusların və digər
rusdilli xalqların buradan köçməsinə təsir göstərmişdir. Köçənlərin əksəriyyəti
Həştərxana üz tutmuşdur. Vilayətdə gəlmələrin sayının artması işsizlik problemini
daha da mürəkkəbləşdirmiş və bu da öz növbəsində kriminogen vəziyyəti xeyli
gərginləşdirmişdir. Belə ki, qeyri qanuni balıq ovu günü gündən artır. Başqa sözlə,
Şimali Xəzərin bioloji ehtyatları vəhşicəsinə istismar olunur və bölgənin ekoloji
tarazlığına bərpa olunmayacaq dərəcədə zərbə vurulur.
Rusiyanın Xəzər sahilində yerləşən üçüncü inzibati bölgəsi Dağıstandır.
Sahil rayonları Dağıstan ərazisinin yalnız 1/10-i qədər olsa da, respublika
əhalisinin 1/3-i burada məskunlaşıb. Üstəlik, Dağıstanın əsas sənaye müəssisələri
də burada yerləşdirilmişdir. Beləliklə, respublikanın şəhər əhalisinin təxminən
80%-i sahil ərazilərində yaşayır. Respublikanın ən iri şəhərləri hesab olunan
Maşaçqala, İzberbaş, Dərbənd, Kaspiysk və Daqıstanskiye Oqni burada yerləşir.
Dağıstan Şimali Qafqazda siyasi və sosial-iqtisadi baxımdan qeyri-stabil
region olaraq qalmaqdadır. Həştərxan vilayətinə xas olan işsizlik və kriminogen
vəziyyət burada daha qabarıq şəkildədir. Burada brakonyer balıq ovu xeyli «vəsait
54
almışdır».
Xəzərin şərq sahilləri landşaft tipinə görə əsasən səhra və yarımsəhradır.
Əhalinin dispers şəkildə məskunlaşmasını şərtləndirən də məhz mövcud təbii
iqlim şəraitidir. Uzun illər köçəri həyat tərzi sürən yerli tayfalar tədricən kiçik
yaşayış qəsəbələri yaradaraq oturaq həyata üstünlük verməyə başlamışlar. Burada
yaşayan əhali əsasən maldarlıqla (atçılıq, qoyunçuluq və dəvəçilik) və qismən
balıqçılıqla məşğul idilər.
Neft sənayesinin 60-cı illərdən başlayan intensiv inkişafı Qazaxıstanın
Xəzərboyu sahilində əhali artımına güclü təkan verir. Manqışlaq yarımadasında
kəskin iqlim şəraitinə baxmayaraq, zəngin neft yataqlarının istismarı bura çoxlu
sayda ixtisaslı mütəxəssislərin gətirilməsini tələb edirdi.
Xəzərin cənub sahili əsasən subtropik landşaftların üstünlüyü ilə İrana aid
bölgələrdən ibarətdir. Digər sahil ərazilərindən fərqli olaraq bu bölgə daha əlverişli
təbii iqlim şəraitinə malikdir. Elə buna görə də burada əhali daha çox
məskunlaşmışdır. Həm əhalinin sayına, həm də əhalinin sıxlığına görə İran sahili
Xəzər regionunda aparıcı yer tutur.
Xəzərin İran sahilində əhalinin yayılma strukturu göstərir ki, Xəzər sahilində
yaşayan əhalinin 52%-i cənub sahilinin payına düşür. 2013-cü ildə burada 6,9 mln.
nəfər məskunlaşmışdır. Xəzərin İran sahilində əhali təxminən bərabər yayılmışdır.
Bütün sahilboyu saysız-hesabsız azsaylı yaşayış məntəqələri bir-birini əvəz edir.
Bu regionun ən iri şəhərləri Rəşt, Ənzəli, Babol və Sarıdır. Sahilboyu əhalinin orta
sıxlığı 1 km
2
-də 70-100 nəfər arasında dəyişir.
Bunun əksinə olaraq əhalinin ən seyrək yaşadığı bölgə dənizin şərq sahilidir.
Burada əhali bir-birində çox aralı məsafədə yerləşən yaşayış məntəqələrində
məskunlaşmışdır. Nisbətən iri şəhərlər sırasında Atırau, Aktau və Krasnovodskı
göstərmək olar. 1500 km dən çox uzanan Xəzər sahilində əhalinin orta sıxlığı 1
km
2
-də 1-5 nəfərdir.
Xəzərin qərb sahilində regionun ən iri çoxsaylı Bakı şəhəri yerləşir.
Azərbaycanın paytaxtı olan bu şəhərin əhalisinin sayı 3 mln. nəfəri keçmişdir.
55
Bütövlükdə Azərbaycanın sahil ərazilərində təxminən 3,8 mln. nəfər yaşayır.
Onlardan təxminən 78%-i Abşeron yarımdasında məskunlaşmışdır. Burada
əhalinin orta sıxlığı 1 km
2
-də 500 nəfərə çatır. Respublikanın digər sahil
bölgələrində orta sıxlıq 70-100 nəfər arasında tərəddüd edir.
Azərbaycanın sahilboyu zonası 5-20 km arasında dəyişir. Sahilboyu inzibati
rayonların coğrafi şəraitindən asılı olaraq, ərazinin mənimsənilməsi və əhalinin
məskunlaşması xeyli fərqlənir. 850 km-dən uzun olan sahilboyu sahədə yalnız bir
neçə iri yaşayış məntəqəsi yerləşmişdir (Bakı, Sumqayıt, Primorsk, Lənkəran və
Astara). İnzibati rayonların bəzilərində sahilboyu üzrə hətta hər hansı bir
əhəmiyyət daşıyan yaşayış yeri yoxdur (Siyəzən, Xızı və Dəvəçi). Yalnız cənub
sahilyanı bölgədə kiçik yaşayış məntəqələrinin yayılması gözə çarpır.
Bütövlükdə respublikada olduğu kimi, burada da son illərdə sosial-iqtisadi
vəziyyətdə müsbət dəyişikliklər baş vermişdir. Bunun əsas səbəblərindən biri
ölkədə yeni iş yerlərinin açılması və işsizliyin aradan qaldırılması strategiyasının
həyata keçirilməsi ilə bağlıdır. 2003-2005-ci illər ərzində respublikada 260 mindən
çox, sonrakı illərdə isə 600 min yeni iş yerləri açılmışdır.
Yeni istehsal müəssisələrin açılması və sahilyanı rayonlarda təbii
ehtiyatlarının daha intensiv mənimsənilməsi burada sosial-iqtisadi irəliləyişlərin
əldə olunması üçün şərait yaratmışdır.
Sahilyanı ərazilərdə əsas təsərrüfat sahələri kimi neft sənayesi, rekreasiya,
liman təsərrüfatı və balıqçılıq inkişaf etmişdir. Bu sahələrin hər biri Abşeron
rayonunda inkişaf etdiyi halda, respublikamızın digər sahilyanı rayonlarında belə
inkişaf gözə çarpmır. Bununla yanaşı, neft sənayesinin inkişafı xidmət sahələrinin
yaranmasına səbəb olaraq, yeni iş yerlərinin açılmasına təkan vermişdir.
Xəzər dənizinin sahil ərazilərində əhalinin mütləq sayının və sıxlığının
ildən-ilə artması, əlbəttə, ətraf mühitə antropogen təsirin güclənməsinə səbəb olur.
Yaranmış şəraitdə dənizə axıdılan çirkab sularının təmizlənməsi və məişət
tullantılarının utilizə edilməsi xüsusi əhəmiyyət kəsb edir. Yalnız ətraf mühiti
Dostları ilə paylaş: |