47
Fəsil III. Xəzər dənizinin və sahil ərazilərinin
mənimsənilməsinin ekoloji və hüquqi aspektlərinin
qiymətləndirilməsi
3.1. Xəzərin sahil ərazilərinin məskunlaşmasının ekocoğrafi
xüsusiyyətləri və səhralaşma proseslərinin ekoloji nəticələri
Ən qədim zamanlardan Xəzər dənizi sahillərində müxtəlif qəbilələr və
xalqlar yaşamış və burada möhtəşəm dövlətlər yaratmışlar. Aparılmış arxeoloji
qazıntılar da sahil ərazilərində qədim sivilizasiya ocaqlarının olmasını təsdiq
etmişdir. Belə inkişaf etmiş mərkəzlərin izlərinə xüsusən qərb sahillərində rast
gəlmək mümkündür. Azərbaycanın Şabran rayonu ərazilərində tapılmış qədim
Şabran şəhərini (e.ə. III əsr) və Dağıstanın Qarabudaqkənd rayonunun Vəlikənd
kəndini (e.ə VI əsr) buna misal göstərmək olar.
Xəzər dənizinin coğrafi mövqeyi və onun sahil ərazilərində təbii şəraitin
müxtəlif olması, əlbəttə, regionun etnogenez palitrasına da əsaslı təsir göstərmişdir.
Bununla bağlı məşhur rus alimi L.Qumilyovun sözləri yada düşür. O, özünün
«Xəzər ətrafı min il ərzində» əsərində yazır: «Antroposferanın mozaikliyinin əsas
səbəbi landşaftların müxtəlifliyindədir». Bu belə bir fikri bir daha təsdiq edir ki,
Xəzər dənizində və sahil ərazilərində baş verən təbii proseslər ətraf ərazilərdə
məskunlaşmış insanların yaşayış tərzinə birbaşa təsir etmişdir.
Qədim dövrdə Xəzər dənizi haqda tam və hərtərəfli coğrafi biliklər olmasa
da, bəzi səyyahlar öz yazılarında onun haqqında səthi də olsa, bəzi məlumatlar
vermişlər. Eramızdan əvvəl V minillikdə Herodot özünün «Tarix» əsərində Xəzər
dənizi haqqında belə yazmışdır: «Bu dənizin bir sahilindən digərinə, məsələn,
şimaldan-cənuba avarlı qayıqla on beş günə üzürlər. Qərb sahilləri boyu hündür
Qafqaz sıra dağları yerləşir. Qafqazda çox sayda müxtəlif qəbilələr yayılmışdır».
Xəzər dənizini əhatə edən bölgələrdə tarix boyu müxtəlif dövlətlər mövcud
olmuşdur. Bu dövlətlərdə yaşamış qəlim qəbilələrin və xalqların nümayəndələri
əsrlər keçdikcə tədricən assimilyasiyaya məruz qalaraq yox olmuşlar. Onlar
48
sonrakı dövlətlərdə yaranmış nisbətən cavan xalqların əsasını qoymuşlar. Yox
olmuş bu xalqlardan skifləri, sarmatları, sakları, hunları, massagetləri, xəzəriləri,
qıpçaqları, peçeneqləri, oğuzları və digərlərini göstərmək olar. Xəzər regionunda
müasir dövrdə məskunlaşmış türkdilli xalqların – azərbaycanlıların, türkmənlərin,
qazaxların, kumıkların, tatarların formalaşmasında məhz assimilyasiyaya uğrayıb
yoxa çıxmış həmin xalqlar başlıca rol oynamışlar. Son minillikdə Xəzərətrafı
bölgədərdə türk mənşəli xalqların məskunlaşması üstünlük təşkil etmişdir. Sahil
ərazilərində təxminən 25-30% digər xalqların nümayəndələri- gilanlılar, kalmaklar,
farslar və ruslar yaşamışlar.
Xəzər dənizinin coğrafi adına gəlincə, bu ad sabit qalmamış, zaman-zaman
dəyişmişdir. Hətta eyni zamanda bu dənizi müxtəlif cür adlandırmışlar. Hər yeni
qoyulan ad əsasən regionda yaşayan xalqların və yaxud ölkələrin adına uyğun
olmuşdur. Tarix boyu ona gah da Gilan, Mazandaran, Fars, Avar və s. demişlər.
Xəzər regionunda əhalinin müxtəlif dövrlərdə məskunlaşması barədə, baş
verən dəyişikliklər haqqında hələ eramızın əvvəllərinə aid bir sıra mənbələrdə
geniş məlumat vardır. Qədim yunan alimi Strabon özünün «Coğrafiya» əsərində
qeyd edirdi ki, onun vaxtında Şimali və Qərbi Xəzərin çox hissəsində artıq kaspi
qəbiləsi yox olmuş və onun yerini sarmatlar qəbiləsinə aid aorslar tutmuşlar. Bu
dövrdə Xəzərin şərq sahilində köçəri skivlərə yaxın olan saklar və massagetlər
üstünlük təşkil edirdi. Massagetlər, eyni zamanda, indiki Azərbaycanın sahil
ərazilərində də yaşayırdılar.
Mərkəzi Asiyadan Xəzər istiqamətində irəliləyən hunlar sarmatları məhv
edərək onların yaşadıqları sahil ərazilərində məskunlaşırlar. Artıq IV əsrin
ortalarında hunların Xəzəryanı çöllərdə məskən salmaları türk dilinin Aşağı Volqa
və Şimali Qafqazda yayılmasına zəmin yaradır.
VI-VII əsrlərdə Aşağı Volqadan Dərbəndə qədər olan ərazidə bölgənin ən
möhtəşəm xalqlarından biri olan xəzərlər tərəfindən Xəzər xaqanlığı yaradılır.
Xaqanlığın paytaxtı müasir Həştərxan şəhərindən 120 km şimalda yerləşən İtil
şəhəri imiş. Xəzərlərin bir hissəsi iudaizm dininə, digər hissəsi isə islama itaət
49
etmişlər. Xaqanlığın şəhərlərində xristianlar da yaşamışlar; onların bu şəhərlərdə
kilsələri də olmuşdur.
VII əsrin ikinci yarısında Qafqazda və Xəzərin şərq sahillərində Ərəb
xilafətinin yarımköçəri qəbilələri peyda olurlar. Xəzər regionuna yürüş edən bu
ərəb qəbilələrinin əsas məqsədi islam dinini regionda yaymaq idi.
IX-X əsrlərdə Böyük Step adlanan ərazini tutmuş cəngavər türk xalqları –
qıpçaqlar və peçeneqlər Dərbənd keçidi vasitəsilə müasir Azərbaycanın sahil
bölgələrinə daxil olurlar. Nəticədə bu qəbilələr az bir vaxtda, demək olar, bütün
sahil ərazilərində məskunlaşır, hətta çox keçmir, üstünlük təşkil edirlər. Beləliklə,
Xəzər xaqanlığı X əsrin sonunda tam süquta uğrayır.
IX əsrin sonunda sonuncu türk xalqların nümayəndələri – oğuzlar və səlcuq
türkləri Xəzər dənizi sahillərində məskunlaşırlar. Onlar bütövlükdə Azərbaycan,
Türkmənistan və İran sahillərini tədricən mənimsəyərək köçəri maldarlıqdan
əkinçiliyə və balıqçılıqla məşğul olmağa keçirlər. Sonrakı dövrdə Azərbaycan
türkmən və digər türk xalqlarının formalaşmasında məhz elə oğuz türkləri başlıca
rol oynayırlar.
XII əsrin ikinci yarısında Xəzər dənizinin şərq sahillərinə cəngavər monqol-
tatar qəbilələri yürüş edirlər. Artıq 1120-ci ildə Çingiz, xanın rəhbərliyi ilə
monqol-tatarlar Azərbaycanı və Şimali İranı qarət edirlər. XIII əsrin ortalarında
Batı xan başda olmaqla monqol-tatarlar Krım yarımadası və Şimali Qafqazı da öz
əsarətləri altına salırlar. Beləliklə, Batı xan tərəfindən əsası qoyulmuş Qızıl Orda
monqol-tatar xanlığı yaranır. Xəzər dənizinin sahil ərazilərinin təkrarolunmaz təbii
şəraitini nəzərə alaraq Qızıl Orda müasir Həştərxan şəhərindən bir qədər aralıda
yerləşən Saray şəhərini özünə paytaxt seçir.
Xəzər dənizinin şimal və şimal-şərq sahillərində Qızıl Ordanın yaxın
müttəfiqi Noqay Ordası məskən salır, Noqay Ordasına daxil olan qəbilələr Volqa
və Ural çayları arasındakı çöl ərazilərində köçəri həyat sürür, heyvandarlıqla
məşğul olurdular. Noqay Ordası parçalandıqdan sonra noqay qəbilələrinin əksər
hissəsi müasir qazax millətinin formalaşmasına əsaslı təsir göstərmişdir.
Dostları ilə paylaş: |