44
Qazaxıstan həmçinin Xəzər dənizinin şərq sahili boyunca Türkmənistan
ərazisindən keçərək İrana neft kəmərinin salınması ilə bağlı layihəni də müzakirə
edir. Xəzər dənizinin şərq sahili çox az mənimsənilib və belə ki, hətta iki qonşu
ölkəni Qazaxıstanla Türkmənistanı birləşdirən neft kəməri hələ ki, yoxdur. Lakin
Qazaxıstan öz coğrafi mövqeyindən istifadə edərək müxtəlif istiqamətlərdə neft
kəmərələrinin inşası siyasətini həyətə keçirir.
Məlum olduğu kimi, Xəzər dənizinin qərb sahilində dəmiryol xətləri
Həştərxandan Astaraya qədər uzanmışdır. Bu xəttin səmərəli istifadəsi üçün onun
İranın dəmiryol xətlərinə birləşdirilməsi məqsədəuyğun hesab edilir. Şimal-Cənub
layihəsi əsasında İranda Qəzvin-Rəşt dəmiryol xətti Astara şəhərinə qədər
uzadılmalıdır. Yeni inşa ediləcək dəmiryol xəttinin uzunluğu 175 km-ə çatacaq və
onun həyata keçirilməsi üçün 125 mln. ABŞ dolları vəsait ayrılacaq. Bunun
nəticəsində Rusiya-Azərbaycan-İran dəmiryol sistemlərin Xəzərin qərb sahili
boyunca birləşməsi imkanı əldə olunacaqdır.Hazırda bu işlər sürətlə davam
etdirilir.
Rusiya sahilində nəqliyyatın inkişafı başlıca olaraq limanların fəaliyyəti ilə
bağlıdır. Nisbətən inkişaf etmiş Həştərxan və Mahaçqala limanları ilə yanaşı,
yükdaşımalarda perspektiv artım Olya limanı ilə bağlıdır. Olya limanı artıq
Türkmənbaşı və Ənzəli limanları ilə əlaqə yaratmışdır. Yaxın vaxtlarda Olya-Bakı
və Olya-Aktau bərə əlaqələri də yaradılacaq.
Olya limanı Həştərxandan 100 km cənubda yerləşir. Dərinliyi 5,2 metr olan
liman il ərzində 540 min ton yükvurma qabiliyyətinə malikdir. 1997-ci ildə
istifadəyə verilən Olya limanında ildə 45 min ədəd konteyner qəbuletmə imkanına
malik terminalın inşası tamamlanmışdır.
Olya limanından aralı sahildə İlyinka qəsəbəsində iri neft terminalı
istifadəyə veriləcəkdir. Bu, Rusiyanın Xəzər sahilində Mahaçqaladan sonra ikinci
neft terminalıdır. Eyni zamanda, Həştərxandan şimalda, çayın dibi ilə Tengiz-
Novorossiysk neft kəməri keçir. Almaniyanın «FAB» şirkəti tərəfindən həyata
keçirilmiş bu layihə «Ginnesin rektordlar kitabı»na dünyanın ən uzun (1,5 km)
45
sualtı keçidi kimi düşmüşdür. 1 mln. ton neft qəbul etmə gücünə malik İlyinka
neft terminalı və Novorossiyskə gedən neft kəməri Şimali Xəzərdə ətraf mühitin
neftlə çirklənmə təhlükəsini artırır. Bunun qarşısını almaq üçün vaxtında lazımi
tədbirlər kompleksi həyat keçirilməlidir. Belə ki, yaxın gələcəkdə Rusiya İlyinka
dimanından İrana Böyük həcmdə neft göndərməyi nəzərdə tutur . Bu istiqamətdə
hələ ki Mahaçqala terminalı Rusiyadan İrana böyük həcmdə neft göndərməyi
nəzərdə tutur.
Mahaçqala limanı Rusiyanın Xəzər dənizində əsas neft limanı hesab olunur.
Liman layihə üzrə ildə 10 mln. ton həcmində neft və məhsullarının daşınması
gücünə malikdir. Lakin limandan hələ ki, ildə yalnız 3 mln. tona yaxın neft daşınır.
Bura neft əsasən Xəzər dənizinin şərq sahilindən (Aktau və Türkmənbaşı
limanlarından) gətirilir. Tranzit neft tam gücündə istifadə olunmayan Mahaçaqala-
Novorossiysk neft borusuna doldurulur.
İran sahilində fəaliyyət göstərən limanlar arasından yük dövriyyəsinə görə
Ənzəli limanı ən iri hesab olunur. Ənzəli limanından ildə 3,5 mln. tondan çox
müxtəlif yüklər daşınılır. Bu limanda tranzit yüklər daşınması ildən ilə
artmaqdadır. Belə ki, 2005-ci il ərzində yalnız Türkmənistandan daşınan tranzit
yüklərinin həcmi 230 min. ton olmuşdur. Bu əsasən neft məhsulları (ağ neft və
dizel yanacağı) olmuşdur. Ənzəli limanına tankerlərlə daşınan yanacaq məhsulları
sonradan avtomobil vasitəsi ilə əsasən İraqa göndərilirdi. İran sahilində nəqliyyatın
gələcək inkişafı Ənzəli və Nouşəhr limanlarının fəaliyyəti ilə yanaşı, Neka
terminalının istismarı və Neka-Tehran neft kəmərinin istifadəsi ilə bağlıdır.
Xəzərin İran sahili nisbətən təmiz olduğu üçün burada neft tullantıları müşahidə
edilmir. Lakin Neka terminalına neftdaşımaların artması və terminalın
genişlənməsi sahil ərazilərində ekoloji təhlükə yaradır.
Azərbaycanla həmsərhəd olduğu üçün İranın şimal qonşularla iqtisadi
əlaqələrində Gülüstan ostanı xüsusi əhəmiyyət kəsb edir. Belə ki, yalnız, 2003-cü il
ərzində Gülüstan ostanı xüsusi ərazisindən dəyəri 83 mln. dollar həcmində 214 min
ton tranzit yüklər daşınmışdır.
46
Neft hasil edən digər Xəzəryanı ölkələrdən fərqli olaraq Tükmənistanda neft
və qaz kəmərlərinin coğrafiyası əsasən yerli əhəmiyyət daşıyır və bunlar Çələkən-
Nebitdağ və Barsagəlməz-Okərəm sahələrini əhatə edir. Sahil boyunca isə İrana
Körpəcə Qurdquyu qaz kəməri uzanır. Ətraf mühit üçün ən çox təhlükə yaradan
boru kəmərləri isə dəniz yatağından sahilə uzanan kəmərlərdir.
Xəzər regionunda bir-birinin ardınca yeni neft və qaz kəmərlərinin inşası,
karbohidrogen ehtiyatlarının hasilatı və daşınması həcminin günü-gündən artması
dəniz mühitinə və onu əhatə edən ərazilərə texnogen təsiri gücləndirir. Odur ki,
Xəzəryanı ölkələr bir gün belə itirmədən ekoloji məsələlərin həllində əməkdaşlığın
dərinləşməsinə xüsusi fikir verməlidirlər.