56
mühafizə edəcək tədbirlər həyata keçirməklə həddən artıq həssas olan sahil
ərazilərində ekoloji tarazlığı təmin etmək mümkündür.
Xəzərin sahilyanı ərazilərinin çox hissəsini səhra, yarımsəhra və quru çöllər
tutur. Bu ərazilərdə atmosfer yağıntıları az olduğundan bitki örtüyü qıtdır. Yalnız
subtropik qurşağı aid olan cənub sahil sonası bitki örtüyünün zənginliyi ilə
fərqlənir.
Sahilyanı ərazilərdə səhraların sahəsinin dəyişməsi (artması) bir tərəfdən
təbii proseslər, digər tərəfdənsə insanın təsərrüfat fəaliyyətinin təsiri altında baş
verir. Təbii amillər dedikdə burada əsasən qlobal iqlim dəyişiklikləri və dənizin
səviyyəsinin tərəddüdü nəzərdə tutulur. Dəniz səviyyəsinin aşağı düşməsi
nəticəsində sahilyanı ərazilərdə eroziya prosesləri güclənir və eol tipli səhralaşma
gedir. Çünki suyun çəkildiyi sahilyanı bölgələrdə torpaqların duzlaşması müşahidə
olunur. Ümumiyyətlə, dəniz səviyyəsinin tərəddüdü nəticəsində sahilyanı
ərazilərdə subasma, qrunt sularının qalxması və bitki örtüyünün deqradasiyası baş
verir və beləliklə də sahilyanı bölgələrin ekoloji vəziyyəti ağırlaşır, təbii mühitdə
gərginlik artır.
Xəzərin şərq sahilinə dənizin səviyyə tərəddüdü ilə yanaşı, yarımsəhra
landşaftı hesab olunan geniş Turan düzənliyi də təsir edir. Bitki qıtlığı ilə fərqlənən
oazis və kəhrizli ərazilərdə çoxsaylı mal-qaranın nəzarətsiz otarılması tədricən
bitki örtüyünün deqradasiyasına səbəb olur. Üstəlik, bu azmış kimi kolluqları
qırılması burada bitki örtüyünün tamamilə yox olmasına gətirib çıxarmışdır. Belə
vəziyyət xüsusilə dənizin şərq sahilinin şimalda Elba çayından, cənubdan isə Atrek
çayına qədər olan hissəsi üçün daha xarakterikdir. Dənizin qərb sahilində
səhralaşma Kalmıkiyanın sahilyanı sahəsində (Çyornıye Zemli) və Abşeron
yarımadasında daha intensiv müşahidə edilir. Əgər Kalmıkiyada bu proses çoxsaylı
mal-qaranın otarılması ilə bağlıdırsa, Abşeron yarımadasında buruq sularından
əmələ gəlmiş çoxsaylı gölməçələrin yaranmasına gətirib çıxarmışdır. Nəticədə isə
burada neftlə çirklənmiş və yararsız vəziyyətə düşmüş torpaqlar ildən-ilə
çoxalmışdır. Beləliklə də bu ərazilərdə torpaq və bitki örtüyü deqradasiyaya məruz
57
qalaraq antropogen səhralaşmaya səbəb olmuşdur.
Xəzərin sahilyanı ərazilərinin təxminən 130 min km
2
sahəsi səhra və
səhralaşmış landşaftlardır. Təbii səhralardan fərqli olaraq səhralaşmış landşaftların
formalaşması müxtəlif proseslərin təsiri altında baş vermişdir. Bununla əlaqədar
belə ərazilərdə müxtəlif tipdə səhralaşmış sahələr üstünlük təşkil edir: külək və su
erroziyası; torpaqların su altında qalması və duzlaşması və texnogen səhralaşma.
Texnogen səhralaşma bura üçün daha səciyyəvidir.
Səhralaşma prosesi Xəzərin şimal, şimal-şərq, xüsusilə şərq və qismən qərb
sahillərində daha intensiv baş verir. Bu bölgələrdə bir çox hallarda həm təbii
proseslər, həm də antropogen təsir üst-üstə düşərək səhralaşmanın sürətlənməsinə
səbəb olmuşdur. Qeyd etdiyimiz sahil bölgələri əsasən yarımquraq və quraqlıq
zonalarında yerləşdiyindən hər hansı bir təsərrüfat fəaliyyəti səhralaşma prosesinin
yayılmasında təkanverici rol oynayır.
Xəzər sahilinin yalnız cənub-qərb və cənub sahələrində səhralaşma prosesi,
demək olar, çox zəif şəkildədir. Burada yalnız antropogen səhralaşma, özü də
qismən, məhəlli səviyyəsində yayılmışdır.
Xəzərin sahilyanı ərazilərindəki ölkələr üzrə səhralaşma prosesi müxtəlif
səviyyədə gedir. Səhralaşmaya məruz qalan ən geniş sahə Qazaxıstan
bölgəsindədir. Ən uzun sahil xəttinə malik olan bu bölgədə yalnız quru çöl,
yarımsəhra və səhra landşaftları mövcuddur. Xəzər dənizi sahillərində yayılmış
səhralaşmış ərazilərin 40%-dən çoxu məhz Qazaxıstanın payına düşür. Sahilyanı
ərazilərdə bir neçə dayaz körfəzin olması (Kaydak, Komsomolets, Myortviy
Kultuk) şoran torpaq sahələrinin genişlənməsinə təsir göstərir. Burada su və külək
eroziyası eyni dərəcədə səhralaşma prosesini sürətləndirir. Bundan əlavə, yalnız
subasma nəticəsində hər il 10-12 min km
2
ərazi mütəmadi yararsız vəziyyətə
düşür. Sübasma kənd təsərrüfatı üçün yararlı torpaqlara, suvarma sisteminə,
otlaqlara, boru kəmərinə və nəqliyyat şəbəkəsinə böyük ziyan vurur. Myortvıy
Kultuk körfəzinin sahəsinin dəyişməsi nəticəsinlə sahil bölgələrində daim
gölməçələr əmələ gəlməkdədir.
58
Mütəmadi küləklər nəticəsində qumla örtülü Narınkum sahəsində yeni
relyef formaları əmələ gəlir və beləliklə, onsuz da bitki örtüyü məhdud olan sahələr
getdikcə azalır. Lakin qeyd etmək lazımdır ki, otluqlarda çoxsaylı mal-qaranın
otarılması, müxtəlif tikinti işlərinin aparılması və torpağın zəhərli maddələrlə
çirklənməsi də bitki örtüyünün seyrəlməsinə birbaşa təsir göstərir.
Qazaxıstanın sahilyanı ərazilərinin təxminən 45%-ni güclü səhralaşmaya
məruz qalan sahələr təşkil edir. Onların daxilində antropogen səhralaşmış ərazilər
getdikcə genişlənməkdədir. Belə ərazilər əsasən təbii sərvətlərin intensiv
mənimsənildiyi bölgələrdə daha çoxdur. Çoxsaylı neft mədənləri ərazilərində
səhralaşma daha aydın nəzərə çarpır. Bu, ilk növbədə Karajanbas, Tengiz,
Kalamkas, Uzen və digər neft yataqları sahələrinə aiddir.
Rusiyanın sahilyanı ərazilərinin əsas sahələri olan Xəzərsahili düzənliyində,
Çyornıye Zemli bölgəsində və Terek çökəkliyində antropogen səhralaşma
nəzərəçarpacaq dərəcədə özünü büruzə verir.
Böyük bir sahəni əhatə edən Xəzərsahili düzənliyi bütünlükdə Şimali Xəzər
ərazisini tutur. Şimali Xəzər sahillərinin həddən ziyadə girintili-çıxıntılı olması
burada akkumulyativ relyef formalarının yayılmasına səbəb olmuşdur. Volqa çayı
deltasının sağ sahilində qum küləklər vasitəsilə sovrularaq kiçik təpəciklər
yaratmışdır. Bura, demək olar, başdan-başa quru çöllərdən ibarətdir.
Volqa çayının sol sahilində, dənizdən təxminən 80 km aralıda yerləşən
Həştərxan qaz-kondensat kompleksinin fəaliyyəti nəticəsində antropogen
səhralaşmış ərazilər yaranmışdır. Külək eroziyası texnogen təsir sahəsinin daha da
artmasına səbəb olmuşdur.
Xəzərin şimal sahilində ərazilərin artmasına əsasən neft-qaz obyektləri təsir
göstərirsə, şimal-qərb və qərb sahillərinin düzənlik yerlərində kənd təsərrüfatının
təsiri üstünlük təşkil edir.
Xəzərin şimal-qərb bölgəsinin əsas düzən sahələri olan Çyornıye Zemli və
Kizlər otlaqları Kalmıkiya və Dağıstan sahilləri boyunca uzanıb gedir. Bu təbii
ekosistemlərdə fasiləsiz olaraq, bəzən isə həddən artıq dərəcədə mal-qara
Dostları ilə paylaş: |