272
Padişahı dü cahanın
Nur olan Allaha şükür.
Aşığa görə Allah Taala yeri, göyü, cənnəti, cəhənnəmi,
yetmiş iki milləti yaratmışdır.
Cümlə aləm yox ikən
Var olan Allaha şükür.
Yetirdi müradımı
Pərvərdigar axır özü
Cümə təki biçarəyə
Yar olan Allaha şükür.
Məlum olsun ki, Molla Cümə sufi deyil, islamistdir.
Türk dünyasının, İslam aləminin möcüzələrini çox dərindən
bilən, onların təfərrüatlarına qədər varan aşıq onların çox
ustalıqla şeirlərinə salıb həmyerlilərinə aşılamışdır. Molla
Cümənin «Yarəb» rədifli bir surəsi var. Aşıq özü bu şeirini
surə adlandırıb, qoşma üstündə olan 13 bənddən ibarət bu şeir
belə başlayır:
Bir diləkdir dərgahından istərəm,
İsmindir min birə bağışla yarəb.
Dil duada, üzüm göydə səsdərəm,
Həbib piru-nurə bağışla yarəb.
O özünü Ulu Tanrının ümməti hesab edir. Allah, mən
sənin yanında günahkaram, məni huri-qılmana, səkkiz uçmağa
(cənnətə) bağışla. Aşıq dörd kitabın adını çəkir. Furqana, Zə-
bura, İncil və Torata, Sureyi-Yasinə bağışla, Yarəb. Bu şeir
əvvəldən axıra qədər İslamın, Quranın möcüzələrinin şərhinə
həsr edilib. Aşıq Musa peyğəmbərin Turi-Sina dağının müqəd-
dəsliyini şərh edərək deyir:
Turi-Sina məkan oldu Musaya
Əvvəla Adəmə, sonra Havvaya
Yüz igirmi dörd min gələn Nəbiyə
Xatəmi-Muxtara bağışla Yarəb.
Çağırram qırxları, cəm ənbiyanı
Amin deyin mən eyləyim duanı…
273
Ulu Tanrıdan sonra Molla Cümənin ibadət etdiyi mü-
qəddəs varlıq Allah elçisi olan peyğəmbər Məhəmməd Musta-
fadır. 124 min peyğəmbər haqqında onun şeirlərində çoxlu
müraciətlər var:
İslamın çırağı, haqqın həbibi,
Ol Məhəmməd Mustafanı neylədin dünya.
Molla Cümənin bilavasitə Ulu Tanrıya müraciətlə şeir-
ləri çoxdur. Eyni zamanda aşığın müxtəlif şeirlərində Allaha
müraciətlə misraları da çoxdur. Mən «Hophopnamə»nin səhifə-
lərindən aşığın bir qoşmasını əldə eləmişəm. Qoşma çox çətin-
liklə oxunmuşdur. Çox səciyyəvi və ibrətamiz olan bu qoşmanı
mən lap çox sevdiyim «Kredo» qəzetinin oxucularına çatdır-
maq istəyirəm.
Xudavəndə, budur səndən niyazım
Günahkaram, məni oda yandırma
Xubların vəsfidir oruc, namazım
Xəşm eləyib bənzi yada yandırma.
Bu gərdişin qadir Allahı sənsən
Bu cahan mülkünün şah-şahı sənsən
Biçarə qulların pənahı sənsən
Sığınmışam min bir ada yandırma.
Hər mətləbin dörd kitaba enibdir
Bəxt, taleyim niyə belə sönübdür
Molla Cümə bu dünyada yanıbdır
Rəhm etginən o dünyada yandırma.
İsmi Pünhan kimdir? Nə üçün böyük sənətkar öz
sevgilisinin ismini (adını) pünhan (gizli) qoymuşdur. Ümu-
miyyətlə, folklorşünaslığımızda təriflənən gözəlin adı heç vaxt
gizlədilməmişdir. Molla Cümənin yaradıcılığında bəlkə də
onlarla el-kənd gözəli öz adı ilə təriflənir. O gözəllər adları ilə
Molla Cümənin yaradıcılığına düşmələri ilə fəxr etmişlər. Mən
iki illik ekspedisiya zamanı aşığın fəaliyyət göstərdiyi və
anadan olduğu bütün yerlərdə bu məsələ ilə maraqlanmışam.
274
Çoxlu rəvayətlər eşitmişəm. Onların heç biri mənim üçün
inandırıcı olmamışdır. Ancaq bir rəvayət məni inandırmışdır,
mən də onun üzərində dayanmışam. Aşıq sevgilisinin adı ya
oxuduğu mədrəsə sahibinin yaxud da o yerdə məşhur olan bir
dindar şəxsin qızı ola bilərdi.
Molla Cümə yaradıcılığında ən böyük və ən mürəkkəb
problem məhz İsmi Pünhan problemidir. Çünki bu problem
yalnız tərcümeyi-hal ilə deyil, həm də aşığın böyük və zəngin
yaradıcılığı ilə bağlıdır. Şəkinin Baş Göynük kəndində bir qoca
mənə dedi ki, İsmi Pünhan elə Molla Cümənin özüdür. Aşığın
uşaqlıq və ömür dostu yaşı yüzdən ötmüş İdris dayı dedi ki, bir
gün mən Cümədən soruşdum kimdir axı bu İsmi Pünhan, cavab
verdi ki, İdris üz vurma, bu sirr açılmamalıdır.
İsmi Pünhan haqqında ən geniş və ən səhih məlumat
məhz Molla Cümənin zəngin yaradıcılığıdır. Molla Cümənin
İsmi Pünhan haqqında şeirlərini iki qrupa bölmək olar. Birisi
odur ki, Aşıq sevgilisinə öz məhəbbətini bildirir, başqa sözlə,
İsmi Pünhanın sağlığında deyilən şeirlərdir. İkincisi isə İsmi
Pünhanın faciəli surətdə həyatdan getməsindən sonra deyilən
şeirlərdir. Onu da əlavə edək ki, Molla Cümə ömrü boyu İsmi
Pünhandan müqəddəsləşmiş, unudulmaz, yaddan çıxmaz bir
varlığa çevrilmişdir. İlk şeirlərində aşıq sevgilisinə olan mə-
həbbətini ifadə edir. Molla Cümə İsmi Pünhanın həqiqi, canlı
surətini yaratmışdır. İsmi Pünhan bütün hərəkətləri, xarici
görünüşü, hətta geyimi ilə canlı, həqiqi bir gözəldir. Aşıq İsmi
Pünhanın həm daxili, həm də xarici nişanələrini taparaq gözəl
bir insan şəklini çəkmişdir. Molla Cümə elə Ulu Tanrıdan vergi
alandan İsmi Pünhanı vəsf etməyə başlamışdır.
Mən səni sevmişəm yeddi yaşımda. Aşığın şeirlərində
İsmi Pünhanla bağlı müəyyən tarixlər də var. Onlardan
bəzilərini xatırlayıq. Bütün bunlarla bərabər İsmi Pünhan pəri
deyil, huri deyil, rəmzi gözəl deyil, mifik obraz deyil. Molla
Cümənin kənddə, kəsəkdə şəxsən görüb aşıq olduğu el, kənd
gözəlidir. İsmi Pünhan baxışı, paltarı ilə elin içində boya-başa
Dostları ilə paylaş: |