299
Şeirlərə diqqət yetirək, gözəllər özlərini tərif eləmir,
gözəlliyini öymürlər. Onları Vaqif özü tərifləyir, onların ən
gözəl məziyyətlərini şeirə gətirir.
Böyük aşıq Molla Cümənin də «Qızla gəlinin deyiş-
məsi» adlı kiçik bir əsəri var. Bu deyişməni ilk dəfə Nurəddin
Hacızadə şifahi dildən toplayıb «Azərbaycanı öyrənmə yolu»
jurnalında çap eləmişdir (1930). Sonra mən bütün əlyazma-
larından götürüb müqayisələr aparıb aşığın külliyatına daxil
eləmişəm. Bu şeirdə gəlin və qız özlərini tərifləyir, biri digə-
rindən üstünlüyünü göstərməyə çalışırlar.
Qızla gəlin bir xəlvətdə cəng elər
Qız deyər ki, incə belim var mənim,
Hansı kəsnən iki kəlmə danışsam
Eşqə sallam, şirin dilim var mənim.
Gəlin deyər qız özünə güvənmə,
Bax sənin tək yüz sığalım var mənim.
Nə boy buxun, nə yaraşıq, nə əndam
Gözəllikdə hər cəlalım var mənim.
Qız deyər ki, mənlə başlama cəngə
Məclislərdə mən oynaram hər həngə
İstanbula, ingilisə, firəngə
İş bildirrəm bu kamalım var mənim.
Hər iki sənətkar böyük ustalıqla, bədii incəliklə eyni bir
mövzunu özlərinə məxsus orijinallıqla qələmə almışlar. Görün-
düyü kimi, bu mövzuya əvvəlcə Molla Pənah Vaqif müraciət
edib, Molla Cümə də özünəməxsus orijinallıqla həmin möv-
zuya yüksək sənətkarlıqla bədii don geydirmişdir. Mənə görə
Vaqif şeirlərinin Azərbaycanı dolaşması həqiqəti aydınca
görünür.
1947-ci il. Mən Pedaqoji İnstitutun birinci kurs tələbə-
siyəm. Bakıya gəldiyimin heç bir ili də tamam olmamışdır.
Eşitdim ki, Yazıçılar İttifaqında Nizami Gəncəvinin yubileyinə
həsr olunan böyük bir iclas keçiriləcək. Mən hər gün Nizami
haqqında prof.M.Rəfilinin mühazirəsinə qulaq asırdım. Nizami
300
artıq filologiya fakültəsinin tələbəsi kimi mənim ən sevimli
sənətkarlarımdan birinə çevrilmişdi. Mən indi təəccüb için-
dəyəm, hələ Bakını heç yaxşı tanımırdım. Hansısa yolla özümü
Yazıçılar İttifaqının Natəvan adına klubuna yetirdim, bir
küncdə oturdum. Azərbaycanın ən böyük, hörmətli yazıçı və
alimləri bu kluba toplaşmışdı. Mən demək olar ki, heç kimi
tanımırdım, ilk dəfə görürdüm. Prezidiumda Səməd Vurğunu
gördüm, ortada oturmuşdu. Az keçməmiş şair ayağa durdu,
iclası açdı, kağızsız, qələmsiz danışırdı. Danışdıqca da qürrə-
lənir, həyəcanlanır, necə deyərlər, ilhamlanırdı. Birdən hər iki
əlini qabağındakı masanın üstünə qoyub bir sağına, bir də
soluna baxdı. Həmkarlarına müraciətlə: «Qızıl kimi sözlər
danışıram, ancaq yazanı isə yoxdur» dedi. İlahi, əgər böyük
şairimizin bu konfransın açılışındakı çıxışı yazılmış olsaydı,
böyük Nizami haqqında ən qiymətli və böyük əsər olardı.
İclasda böyük alimlər bir-birinin dalınca məruzələrlə çıxış
elədilər. Nizami məclisi məni götürmüşdü, rahat ola bilmirdim.
Yataqxanaya gəldim, gecə saat birə qədər gözümə yuxu
getmədi. Ədəbiyyatdan mühazirələri yazdığım dəftərin lap
birinci vərəqində sol tərəfə böyük qürur və sevinc hissləri ilə iri
hərflərlə qeyd elədim. Səməd Vurğun Nizami haqqında çıxı-
şında qürurla dedi ki, «Nizami Azərbaycan xalqının kamal
günəşidir». Nizami Gəncəvi əsrlərlə öz kamalı, ağlı, mədə-
niyyəti ilə doğma Azərbaycanı bəzəyir. Bir müddətdən sonra
şair Səməd Vurğunun aşağıdakı misaraları da dilimin əzbəri
oldu.
Aydanmı, günəşdənmi yarandın, de nədən sən
Xalqın gözü də, qəlbi də, vicdanı da sənsən.
Nizami deyirdi:
İnsana zinətdir onun kamalı
Ağlıdır onun dövləti, malı.
Böyük Nizaminin kamal günəşli əsərləri doğma xal-
qının həyatını işıqlandırmışdır. Kamal irəliləyib XVIII əsrin
astanasına çıxmışdır. Sevimli şairimiz Molla Pənah Vaqif bu
301
zaman böyük ehtiyat və narahatlıqla kamal mənəviyyatını izah
etməyə başladı. Lap elə birinci şeirində bu narahatlığı biz
görməkdəyik:
Bayram oldu heç bilmirəm neyləyim
Bizim evdə dolu çuval da yoxdur.
…Bizim bu dünyada nə malımız var,
Nə də evdə sahib-camalımız var,
Vaqif, öyünmə ki, kamalımız var,
Allaha şükür ki, kamal da yoxdur.
Molla Pənah Vaqif gözəlin bütün gözəlliklərini yüksək
bədii bir dillə tərifləyir. Gözəlin ayağındakı başmağından tutub
telinə sancılan şanasına qədər gözəli istəyirdi. Bununla belə
Vaqif öz gözəlini eyni zamanda ağıllı, kamallı, mərifətli, təmiz
görmək istəyirdi. Onun gözəllərinin gözəlliklərini ağıl və ka-
mal tamamlayırdı. Bunlar göstərir ki, Vaqif heç zaman ağlı,
kamalı, həyanı unutmamışdır. Bununla bağlı şairin yaradıcılı-
ğından bir-iki misal gətirmək istəyirəm.
…Bulaq tək qaynaya həm gözü, qaşı
Artıq ola həm kamalı gözəlin.
…Zülfü ənbər – ağlı başdan dağıdan
Nə sözü var kamalına Vaqifin.
..Eyb olmaya kirpiyində qaşında
Həyası üzündə əqli başında.
…Səni tək gözəl sevən kimsənə
Dəxi əqlə, bir kəmalə gəlirmi.
…Çünki belə imiş dünyanın halı
Əbəs ki, yetişdin kəmalə Vaqif.
Aşıqlarımızın yaradıcılığında ustadnamələr var. Bunlar
ustad, ulu, böyük sözləridir. Ustadnamələri adətən aşıqlar apar-
dığı məclislərin əvvəlində oxuyur, necə deyərlər, doğma xal-
qına ağıl, kamal, mərifət dərsi keçirlər. Dastanların əvvəlində
ustadnamələrə xüsusi yer verilir. Burada aşıqlar hər cür, necə
deyərlər, ürfani, əxlaqi, mənəvi dərs keçirlər.
Aşıq Könlü:
Dostları ilə paylaş: |