302
Üç nə idi gəldi adəm üstünə
Danışanda biri başda dayandı.
İkisi dolandı cümlə əzanı
Biri üzdə, biri döşdə dayandı.
Molla Cümə:
Ağıl, həya, iman üçü gəldilər
Danışanda ağıl başda dayandı.
İkisi dolandı cümlə əzanı
Həya üzdə, iman döşdə dayandı.
Əlbəttə belə deyişmə və ustadnamələr öz rəngarəng
mövzuları ilə seçilir. Hamısı da bir məqsəd daşıyır – dinləyi-
cilərə təsir edərək onları tərbiyələndirmək.
Aşıq Könlü:
Xuda neynən ərş əlanı bəzədi
O nədir ki, qızılgüldən təzədi
O nədir ki, əvvəl-axır bizədi
Nübat-nübat axır nəsdə dayandı.
Molla Cümə:
Həsən Hüseyn ərş əlanı bəzədi
O elmdir qızıl güldən təzədi
O ölümdir əvvəl axır bizədi
Nübat-nübat axır nəsdə dayandı.
Dahilərimizin kamal arzusu öz yolu ilə gəlib XIX əsrə
də yetişdi. Böyük ədib və filosof M.F.Axundov «Hekayəti
Molla İbrahimxəlil kimyagər» komediyasında lap çox sevdiyi
surəti olan şair Hacı Nurunun dili ilə deyirdi: «Kamal ata börkü
deyil ki, atadan oğula keçə». Deməli, kamal ya ilahidən verilir,
yaxud da və xüsusi ilə böyük zəhmət, əmək, məhrumiyyətlər
hesabına həyatda qazanılır. Bənzərsiz aşığımız Ələsgər elə bil
ustadı Vaqifin dilindən aldığı kamal sözünü özünün ən yaxşı
əsərlərindən birində aşkarladı:
Aşıq olub diyar-diyar gəzənin
Əzəl başdan pür kamalı gərəkdir,
Oturub durmaqda ədəbin bilə
303
Mərifət elmində dolu gərəkdir.
Xalqa həqiqətdən mətləb qandıra
Şeytanı öldürə nəfsin yandıra
El içində pak otura, pak dura
Dalısınca xoş sədalı gərəkdir.
Böyük Nizaminin, Vaqif, M.F.Axundov, Aşıq Ələsgər
kimi sənətkarların kamal arzularını böyük şairimiz Səməd
Vurğun heç zaman unutmamışdır. Son əsəri olan «İnsan»ın baş
qəhrəmanı Şahbaz qürurla deyirdi ki, «qalib gələcəkmi cahanda
kamal». Böyük dahilərimizin arzusu bu idi, qoy bəşər övladı
ağıl, kamalla yaşasın.
Adam heyran qalır ki, M.P.Vaqif nə dərəcədə ustalıqla,
sənətkar təbi ilə şeirlərdə sənətin incəliklərinə riayət edir.
Böyük ustad qafiyələri, rədifləri, misra və bəndləri düzərkən,
onların qarşılıqlarını şirin-şəkər dilimizin zəngin, rəngarəng
xəzinəsindən necə də tapıb üzə çıxarır, şeirlərini bəzəyir,
zinətləndirir. Bütün bunlar hamısı onun Allahın verdiyi böyük
və dərin, tükənməz istedadından irəli gəlirdi.
Ey süsən sünbülüm, al zənəxdanım
Qurban olsun lalə, gül ilən sənə
Bir neçə gündür ki, səndən ayrıyam
Sanasan həsrətəm il ilən sənə.
Deməli çox gizlin dərdi-dilim var,
Qorxuram ki, deyim eşidə əğyar
İstərəm ki, yazam göndərəm ey yar
Səhər oğrun əsən yel ilən sənə.
Ağzı piyaləsən, gərdəni mina
Nazik əllərində innabı həna
Səni görən deyər yaşılbaş sona
Ucu həlqə, siyah tel ilən sənə.
Çoxlar sənə iyma ilən baş əyər
Mum tək ərir, olsa bağrı daş əgər
Tuba görsə ikram eylər baş əyər
304
Bu gözəl boy ilən bel ilən sənə.
Yadıma düşəndə zülfün ənbəri
Qüllab girər ciyərimdən içəri
Mən şaham, ey gözəllərin sərvəri
Qurbanam Vaqif tək qul ilən sənə.
Bununla belə M.P.Vaqif qoşmalarında biz, necə deyər-
lər, klassik şeir ənənələrindən axıb gələn müəyyən dərəcədə
çətin, ağır görünən ifadələrə də rast gəlirik. Doğrudur, bunlar
şairin yüksək sənətkarlıqla işlətdiyi aşıq sənətindən qopub
gələn ifadələr içərisində o qədər də hiss olunmur. Şairin klassik
şeir formalarından istifadə ilə işlətdiyi bəzi söz və ifadələri
burada göstərmək istəyirik. Lal-əhmər, hindu-xal, şamu-səhər,
qəmi-eşq, misli səlasil, qibləgah-tər, şuxi-sitəmkar, bari-möh-
nət, zərb-ab, qeybü-xəzan, cümlə-cahan, huriyi qılman, haq-
nahaq, afəti-can və sairə. Onu da əlavə edim ki, Molla Cümə-
nin qoşma və gəraylılarında belə ifadə və birləşmələr demək
olar ki, yoxdur. Aşıq elin qaynayan, çağlayan dilindən seçdiyi
sadə, axıcı, şirəli sözlərlə şeirlərini qurub tamamlayır.
Ay ağalar, sizdən xəbər alayım
Dərdimə dərd qatan burada kimdir.
Siz Allah, göstərin onu görəyim
Qəlbimi saxlayan qarada kimdir.
İkimiz danışaq siz qulaq asın
Görün zəhmətini, eşqin bəlasın
Alıban başına yarın sövdasın
Nahaq bədnam olan orada kimdir.
Yüz dərman tapıldı çarəmdən qeyri
Yüz dərdlər sağaldı yaramdan qeyri
Fərhad ilə Məcnun, Kərəmdən qeyri
Cümə tək yetməyən murada kimdir.
M.P.Vaqif də Molla Cümə də saysız-hesabsız müxəm-
məslər yazmışlar. Vaqifin müxəmməsləri klassik şeir üslubun-
dadır. Bütün müxəmməslərin hər bəndi beş misradan və beş
bənddən ibarətdir. Bizim aşıq sənətimizdə müxəmməs adında
305
həm şeir forması var, həm də aşıq havası var. Molla Cümənin
bütün müxəmməsləri məhz aşıq havaları üstündə qurulmuşdur.
Şeirlərdə misra və bəndlərin sayı məhz müxəmməs aşıq hava-
sının quruluşuna uyğun şəkildə yaradılır və oxunur. Hər iki
sənətkarın bu formada şeirləri haqqında mənim qeydlərim
çoxdur, özü də maraqlıdır. Bir cəhəti xüsusilə qeyd etmək
istəyirəm. İlahi, həm Vaqif və həm də Molla Cümə nə qədər
şirin-şəkər dilimizi bilir və böyük dahiliklə onun rövnəqlərini
qurub qoşduğu müxəmməslərində yerli-yerində işlədə bilirlər.
Ana dilimizin möcüzələri hər iki böyük sənətkarın, mən əlbəttə
müxəmməslərini nəzərdə tuturam, yaradıcılığından, axtarıb,
arayıb tapıb üzə çıxarmaq olar. Mən hər iki sənətkarın müxəm-
məslərindən bəzi bəndləri burada misal gətirmək istəyirəm.
Vaqif:
Nə zaman ki, deyəsən ey güli-xəndan, gedərəm
Bil ki, mən həm düşübən dalına giryan gedərəm
Yəni zülfün kimi çox halı pərişan gedərəm
Öz ayağınla gəlibsən, sənə qurban, gedərəm
Ey qara kirpiyi ox, qaşı kaman, xoş gəldin!
Molla Cümə:
Ol yaradan yaradıbdır
Sən balanı necə nazlı.
İncə belli şümşad əlli
Fəsih dilli, şirin sözlü.
Orta boylu, gözəl xoylu,
Ənbər buylu qəmər üzlü,
Qələm qaşlı, şux baxışlı,
İnci dişli, maral gözlü,
İzin ver, hüsnünə edim
Doyunca tamaşa dilbər.
Vaqif:
Qaməti mövzun ilə bir sərvi-gülşənsən, gözəl
İki dünyanın səfavü zövqünə təksən, gözəl
İtməyə gözdən, könüldən ayrısan gensən, gözəl
Dostları ilə paylaş: |