“Boshqaruv tushunchasi” asarida struktural lingvistika endigina shakllanayotgani,
hozirgi kunda u amal qiladigan dastur haqida gapirish ham hali erta ekanligini ta‟kidlagan
holda, bu tilshunoslikning muhim jihati tilga struktura sifatida yondashuv ekanligini bayon
qiladi”
Uning fikricha, struktura o„z ichki tartibiga asoslangan ierarxiya ekanligi va yagona
tayanch nuqtaga egaligi bilan xarakterlanadi. Bu ierarxiyani faqat deduktiv yo„l bilan yoritish
mumkin.
Xuddi shunday ierarxiyani o„rganishga mo„ljallangan deduktiv metodni esa
empirik
yoki
immanent-semiologik metod deb hisoblaydi.
Empirik yoki immanent - semiologik metod belgilar funksiyasini lingvistik
tadqiqotlarning asosiy predmeti deb hisoblaydi. Bu metod, L.Elmslev ta‟biri bilan aytganda,
semiologik hodisalar bilan semiologik bo„lmagan hodisalarni farqlamasdan, ularni aralashgan
holda o„rganuvchi har qanday metoddan afzallikka ega. Empirik metod bu
soddalik
tamoyiliga asoslangan metoddir.
K.Xansenning fikriga ko„ra, matematikaga tilshunoslikni yaqinlashtirish,
hamma
joyda sistemani ko„rishga intilish, o„sha davr
fizikasi ta‟sirida materiyaning mavjudligini rad etgan holda tilni aniq tadqiq etishda sof
lingvistik predmet-immanent tushunchalarga tayanish L.Elmslev qarashlarining negizidir.
Uning ta‟kidlashicha, semiologik funksiya yangi tushuncha emas. YAngilik
semiologik funksiyani birinchi planga olib chiquvchi struktural yondashuvdir. Struktural
metod tufayligina lingvistika sub‟ektivlik va noaniqlikdan,
intuitiv va sof shaxsiy
xulosalardan holi bo„lgan chinakam fanga aylandi.
Struktural lingvistika tilshunoslikda yangi yo„nalish sanalib, uning metodi bir vaqtning
o„zida
deduktivlik va
empirik tamoyilga asoslanishini bayon qiladi.
“Tilshunoslik va struktur tahlil metodi” asarida hozirgi tilshunoslikning asoschisi ko„p
jihatdan F.de Sossyur hisoblanishi, chunki u birinchilardan bo„lib, tilni struktur o„rganishga,
ya‟ni til birliklarini bevosita nutq jarayonida qanday voqelanishidan qat‟iy nazar, ular
o„rtasidagi munosabatni o„rganishga da‟vat etganini bayon qiladi.
Ana shundan kelib chiqqan holda, u real til birliklari tovush yoki harf va ma‟nolar
emas, balki tovush yoki harf va ma‟nolar yordamida gavdalangan
munosabat elementlaridir,
degan xulosaga keladi. Muhim narsa tovush yoki harflardan emas, balki nutq zanjirida va
grammatikadagi paradigmalarda mavjud bo„lgan
munosabatlardir. Xuddi ana shu munosabat
til sistemasini tashkil etadi. Xuddi ana shu ichki sistema ma‟lum bir tilni boshqa bir tildan
farqlab turuvchi xarakterli belgi sanaladi.
SHuning uchun munosabatlar tugunini o„rganish lingvistikaning
bosh maqsadi
bo„lishi kerakligini, bu munosabatlar tugunining konkrent namoyon bo„lishi til uchun muhim
emasligini bayon qiladi. Uning fikricha, ma‟lum bir qiymat turli moneta, qog„oz pul, cheklar
orqali namoyon bo„lishi mumkin. Lekin ular qanday gavdalanishidan qat‟iy nazar qiymat
o„zgarmaydi.
SHu sababli L.Elmslev tilni
immanent o„rganishni talab qiladi va bunday o„rganishni
o„zigacha bo„lgan o„rganish usuli, narsalarning o„zgaruvchan belgilarini farqlamasdan
o„rganuvchi transsendent bilishga qarama-qarshi quyadi. Uning fikricha, shu kungacha til
transendent bilish, ya‟ni tilga yondosh hodisalarni bilish vositasi bo„lib keldi. Masalan,
klassik filologiya, eng avvalo, tildan ko„ra adabiyot va madaniyatni; qiyosiy tilshunoslik, eng
avvalo, tarixni o„rganish bilan shug„ullanib keldi. Aslida lingvistik
nazariya tilni tildan
tashqaridagi hodisalar (fizik, fiziologik, psixologik va boshq.) bilan aralashgan holda emas,
balki o„z ichidagi yaxlit strukturani o„rganish lozimligini ko„rsatadi.
U o„zi mansub bo„lgan struktur tilshunoslikka izoh berar ekan, tilga o„zaro
munosabatlar sxemasi sifatida yondashish mening bosh vazifam,
deb bilaman, deydi.
U fikrini davom ettirar ekan, mening butun urinishlarim tilni (langua) amaliy
qo„llanishga bog„liq bo„lmagan holda sof forma yoki sxema tarzida o„rganishga qaratilgandir,
deydi. Bunday qarash F.de Sossyurning bosh g„oyasi hisoblangan “lingvistikaning yagona va
haqiqiy o„rganish ob‟ekti “o„zi va o„zi uchun” tarzida qaraluvchi til, ya‟ni tilning ichki
tuzilishi bo„lishi kerak, degan g„oya ta‟sirida maydonga kelganligini qayd etadi.
Dostları ilə paylaş: