Gülüstan müqaviləsi
99
səbəblə bağlanmasının əsası yoxdur. Bu qətl Lisaneviç və onu əhatə
edənlər tərəfindən qəsdən planlaşdırılmış və törədilmiş bir akt idi.
5.İbrahim xanın qətlindən sonra
Qarabağda hərbi-siyasi vəziyyət
İbrahim xan qətlə yetiriləndə Mehdiqulu ağa da və Sisianov
tərəfindən xanlığın varisi kimi nəzərdə tutulmuş Cəfərqulu ağa da Şuşa
qalasında idilər. Mayor Lisaneviç xanlıq daxilində narazılıqların və
həyəcanların qarşısını vaxtında almaq üçün əhalini toplayıb Mehdiqulu
ağanı Qarabağ xanı elan etdi. İbrahim xanın nəvəsi Cəfərqulu ağa
Mehdiqulu ağanın xan elan edilməsinə özlüyündə sakitliklə yanaşdı və
ciddi etiraz bildirməyə cəsarət etmədi (118).
Çox güman ki, Cəfərqulu ağa etiraz etməyin bir nəticə verməyəcəyini
görürdü. Çünki mövcud həyəcanlı vəziyyətdə mayor Lisaneviç Mehdiqlu
ağanın xanlığının tərəfdarı olmuşdusa, onu müdafiə edəcəyi də şübhəsiz
idi.
İbrahim xanın qətli isə xanlıq əhalisi arasında geniş həyəcanlara
səbəb oldu. Bunun nəticəsində əhali arasından Arazın cənubuna kütləvi
köçlər genişləndi. Onların əksəriyyəti Qaracadağda məskunlaşdılar. Bu
köç elə geniş miqyas aldı ki, Abbas Mirzə tərəfindən Ataulla Şahsevənə
bu köçlərin nizamlanması haqqında göstəriş verildi.
Rus hərbçilərinin vəhşiliklərindən qorxuya düşən əhali arasında
antirus mövqe açıq xarakter aldı. Mehdiqulu xan əhalinin antirus əhval-
ruhiyyəsinin aşıq qarşıdurmaya keçməsinə yol verməmək üçün mahal
nayiblərinə, bəylərə, nüfuzlu adamlara məktublar göndərdi və onları
sakitliyə çağırdı. Bu məktubda Mehdiqulu xanla Lisaneviç arasında
qarşılıqlı anlaşma yarandı və az sonra hətta Mehdiqulu xan əhali arasında
rus hərbi qüvvələri üçün azuqə və yem toplanmasına da başladı.
Bir tərəfdən Abbas Mirzənin rəhbərliyi altında olan şah qüvvələrinin
Ağoğlanda düşərgə salması, digər tərəfdən də İbrahim xanın qətlindən
sonra xanlıq daxilində ruslara qarşı narazılıqların genişlənməsi və
xanlığın nəzarətdən çıxa bilmək ehtimalı rus qoşunları komandanlığını
məcbur etdi ki, müəyyən qəti tədbirlər həyata keçirilsin. Bununla bağlı
qərara alındı ki, Troitski muşketyor alayının iki taboru general-mayor
Nebolsinin komandanlığı altında Qarabağ istiqamətinə göndərilsin.
Baxmayaraq ki, Şuragöl-Pəmbək istiqamətində də hadisələr rusların
xeyrinə olmayaraq inkişaf edirdi və burada da əlavə rus qüvvələrinə
ehtiyac var idi, general Nesvetayev Qarabağ istiqamətində olan təhlükəni
daha qorxulu saydı və general Nebolsinə əmr etdi ki, polkovnik
Mehman Süleymanov
100
Karyaginin komandirliyi altında olan 17-ci yeger alayının salamat qalmış
qüvvələrini də özünə birləşdirib hərəkətə başlasın. Polkovnik Karyaginin
rəhbərliyi altında olan dəstənin birləşdirilməsindən sonra general
Nebolsinin rəhbərliyi altında 1092 nəfər piyada, 113 nəfər kazak və 8
ədəd top var idi. Bu qüvvələri ilə Nebolsin bir neçə gündən sonra
Əsgərana yetişdi və burada şah qoşunlarının dəstələri ilə qarşılaşdı (120).
Rus mənbələrinə görə, general Nebolsin burada 16 verstlik yolu
əlbəyaxa döyüşlərlə adlamalı oldu. Abbas Mirzənin əsas qüvvələri
Ağoğlanda dayandığından Nebolsin Əsgəran ətrafında olan şah
qüvvələrinin müqavimətini qırmağa müvəffəq oldu. Rus mənbələrinə
görə, Lisaneviçin rəhbərliyi altında olan dəstə də Şuşa qalasını tərk edib
Əsgəran
ətrafında Nebolsinin dəstəsinə qoşuldu (121).
Qarabağnamələrdə isə bildirilir ki, mayor Lisaneviç Şuşa qalasında qaldı.
Mehdiqulu xan da Qarabağ atlılarından təşkil etdiyi dəstə ilə Əsgərana
rus generalının yanına yollandı. M.M.Xəzaninin yazdığına görə, general
Nebolsinin Əsgərana gəlməsi təxminən İbrahim xanın qətlindən 15 gün
sonraya təsadüf edir (122).
Əsgəran yaxınlığında general Nebolsin iki gün Abbas Mirzənin
qoşun dəstəsinin hücumunu gözlədi. Görünür, Əsgəran ətrafında döyüşə
girmək Abbas Mirzəni qane etmirdi. Ona görə də öz düşərgəsindən
hərəkət etmədi. Belə olanda general Nebolsin irəli hərəkət etməyi qərara
aldı. O ümid edirdi ki, Abbas Mirzə də ona doğru irəliləməyə başlayacaq.
Rus hərbçilərinin irəliləməsi xəbərini eşidəndə Abbas Mirzə də hərəkət
əmri verdi və Xanaşen dərəsi rayonunda iki qoşun dəstəsi üz-üzə gəldi
(123).
Xanaşen ətrafında tərəflər arasında döyüş başlandı. Səhərin açılması
ilə tərəflər bir-birinin üstünə atıldılar. Qarabağnamələrə görə, Mehdiqulu
xan da bu döyüşdə iştirak edirdi. Onun rəhbərliyi altında olan Qarabağ
atlıları həm bir başa döyüşə qatıldılar, həm də yeri gəldikcə ruslara
bələdçilik edirdilər. İyul ayının 15-də baş verdiyi iddia olunan bu döyüş 7
saat davam etdi. Günün sonunda Abbas Mirzənin dəstəsi təzyiqə davam
gətirməyərək geri çəkilmək məcburiyyətində qaldı. Mövcud olan məlu-
mata görə, şah qüvvələri arasında xeyli öldürülən və əsir götürülən var
idi. Ruslar arasında isə 10 nəfərin öldürüldüyü və yaralandığı bildirilir.
Nebolsin geriləməkdə olan Abbas Mirzə dəstəsini təqib etsə də, onları
haqlaya bilmədi. Şah qüvvələri təchizat əşyalarının çoxunu ataraq geri
çəkildi və Araz çayının cənubuna adladı (124).
Rus mənbələrinə görə isə rus hərbçilərindən 8 nəfər öldürüldü, 56
nəfər də yaralandı (125).
Gülüstan müqaviləsi
101
Erməni müəllifi rus dəstəsinin bu döyüşdə xeyli itki verdiyini qeyd
edir. Doğrudur, müəllif bu döyüşdə rus dəstəsinə bələdçilik edən Avan
yüzbaşının ruslara göstərdiyi sonsuz fədakarlığını qabartmağa,
ermənilərin də Qarabağ hadisələrində söz sahibi olduğunu vurğulamağa
çalışırdı. Bununla belə, onun yazdığına görə, polkovnik Karyagin
yaralandı, dəstəsinin isə yarısı həyatını itirdi. Müəllifə görə, əgər Avan
yüzbaşının köməyi olmasaydı polkovnik Karyaginin dəstəsi bütünlüklə
məhv ola bilərdi (126).
Farsdilli mənbələrdə Xanaşen döyüşünün gedişi bir qədər
özünəməxsus fərqləri ilə təsvir edilmişdir. Qacarlar dövrünün
müharibələrinin daha müfəssəl tarixini yazmış Ə.Dünbəli bildirir ki, rus
qüvvələri Xanaşenə yetişib hakim yüksəkliklərdə mövqe tutdular və
döyüşə girişməyə cəsarət etmədilər. Abbas Mirzə Xanaşenə yetişəndən
sonra iki gün rus qüvvələrinin aşağı enəcəyini və döyüşə girəcəyini
gözlədi. Rusların hərəkətə gəlmədiyini görəndə yerli adamların vasitəsilə
onlara xəbər çatdırıldı ki, guya tarlalara, ota, ələfə od vurulub və şah
qüvvələri də indi təchizat çətinlikləri içindədir. Yalnız bundan sonra
ruslar şah qüvvələri ilə döyüşə girdilər. Şah qoşunları tərkibində olan
Bestam ərəbləri, İran tüfəngdarları irəli çıxarıldılar və onlar hətta ruslarla
əlbəyaxa döyüşə girdilər. Bu döyüş axşama qədər davam etdi və heç bir
tərəfin uğuru olmadan başa çatdı. Mənbəyə görə, Abbas Mirzənin
dəstəsinin doğrudan da təchizat çətinlikləri var idi. Arxada qalmış
ərazilərdə isə yem və azuqə toplanması imkanı yox idi. Ona görə də
Abbas Mirzə daha çətin vəziyyətlə qarşılaşmamaq üçün geri çəkilmək
əmri verdi və Araz çayının cənubuna adlayaraq orada düşərgə qurdu
(127).
Hər halda farsdilli mənbədə olan məlumat da onu göstərir ki, Abbas
Mirzə növbəti dəfə Qarabağda uğur əldə edə bilmədən geri çəkildi.
Abbas Mirzənin Qarabağ xanlığı ərazisinə keçməsi ilə onun yanında
olan Əbülfət ağa da bir dəstə ilə xanlıq ərazisinə daxil olaraq talançı
basqınlar edir, əhali üçün müxtəlif problemlər yaradırdı. Qarabağın bir
sıra qaçqın bəyləri də ona qoşularaq hətta kəndlərin bütünlüklə
Qarabağdan köçürülməsini də həyata keçirirdilər. Abbas Mirzə öz
qoşonu ilə Qarabağdan geri çəkiləndən sonra mayor Lisaneviç və
Cəfərqulu ağa silahlı dəstə ilə Zəngəzur istiqamətinə yollandılar ki,
Əbülfət ağanın qanunsuz əməllərinin qarşısını alsınlar, yurdlarından
köçürülmüş əhalini geri qaytarsınlar. Cəfərqulu ağa rəhbərliyi altında
olan dəstəsi ilə Əbülfət ağanən dəstəsinə Qafan və Ordubad dağlarında
yetişdi və bu dəstələr arasında döyüş baş verdi. Cəfərqulu ağa öz dəstəsi
ilə Əbülfət ağaya üstün gəldi, yurdundan köçürülən əhalini geri
Dostları ilə paylaş: |