Gülüstan müqaviləsi
5
Yəni, əfqan şahı İngiltərə ilə Qacar sarayının ortaq düşməninə çevrildi və
ona görə də ona qarşı müştərək müqavimət yarandı (1).
1798-ci ildə hind əyanlarının rəhbərliyi altında Hindistnda ingilis
işğalına qarşı üsyan baş verdi və Əfqanıstan şahı Zaman şah da hind
üsyanını dəstəkləməyə başladı. Bundan başqa hind əyanları ingilislərə
qarşı başladıqları üsyanın nəticəsinə nail olmaq üçün Napoleondan da
hərbi yardım istədilər. Napoleon da bir hərbi dəstəni hind əyanlarının
yardımına göndərdi (2).
Bir tərəfdən Əfqanıstanın, digər tərəfdən də Napoleonun hind
üsyanına yardım göstərməsi Hindistan kimi zəngin bir ölkəni əldən
buraxmaq istəməyən ingilis sarayının ciddi narahatçılığına səbəb oldu.
Bu narahatçılığın qarşısının alınması üçün Hindistanda bərqərar olmuş
ingilis komandanlığı Qacarlar sarayı ilə əlaqə yaratmağı məqsədəuyğun
saydı. 1798-ci ildə Hindistanın ingilis hakimi qərara aldı ki, Mehdiəli xan
adlı elçisini Qacarlar sarayına göndərsin. Ingilis təbəəliyini qəbul etmiş
Mehdiəli xan Buşehrdə yerləşən ingilis ticarət kompaniyasının nü-
mayəndəsi idi və onun Qqacarlar sarayına olan missiyasına böyük
ümidlər bağlanılırdı. Qeyd etmək lazımdır ki, Mehdiəli xan Qacarlar
sarayında çox hörmətlə qarşılandı və onun vasitəlilə Qacarlar sarayı ilə
ingilislər arasında yeni əməkdaşlığın bünövrəsi qoyuldu. İngilis tərəfinin
təklifinə əsasən, Fətəli şah hind qiyamına yardım edən əfqan qoşunlarına
qarşı qoşun çıxarmağa razı oldu. Zaman xan öz qoşunlarının əsas hissəsi
ilə Hindistan sərhədində olanda Fətəli şahın qoşun dəstəsi Əfqanıstana
doğru hərəkətə başladı. Qoşun dəstəsini Qacarlar sarayına pənah gətirmiş
Zaman şahın qardaşı Mahmud da müşayiət edirdi. Onun iştirakı ilə Herat
və Qəndəhar tezliklə ələ keçirildi. Pişavər və Lahoru tutaraq Dehliyə hü-
cum etməyə hazırlaşan Zaman xan Qacar qoşunlarının irəliləməsi
xəbərini eşidən kimi Hindistandan geri çəkildi və Əfqanıstana qayıtdı.
Qəndəhar ətrafındakı döyüşdə o məğlub oldu və tutularaq kor edildi (3).
Zaman şahın məğlub edilməsi ilə ingilislərin Hindistandakı
hakimiyyətinə qarşı yaranmış təhlükə bir müddət aradan qalxdı. Qacarlar
sarayı ilə ingilislərin bu əməkdaşlığından Fətəli şah əslində heç nə
qazanmadı. Fətəli şah yalnız ona ümid edirdi ki, ingilislərin köməyi ilə
Əfqanıstan və Hindistana qədər olan ərazilər Qacar hakimiyyəti altına
salına bilər. Hakimiyyətində yenicə möhkəmlənməyə başlamış Fətəli
şahda hətta Əfşarlar dövlətinin sərhədini bərpa etmək xəyalları da var idi.
Amma ingilislər heç də bunu istəmirdilər. İngilislərə görə Qacarlar döv-
lətinin möhkəmlənməyə başlaması ilk növbədə elə ingilislərin özləri
üçün təhlükə ola bilərdi. Nadir şahın tarixi Hindistan yürüşünün nəticə-
lərindən ruhlanıb yeni fatehlik arzularına düşməsi qacarlar sarayını nə
Mehman Süleymanov
6
vaxtsa ingilislərlə üzbəüz qoya bilərdi. Belə bir ehtimalın reallığa
çevrilməməsi üçün isə ingilislər Qacarlar dövlətinin zəifləməsində,
çətinliklər məngənəsində qalmasında maraqlı idi. Hətta tarixçilər ehtimal
edirlər ki, Rusiya ilə Qacarlar dövləti arasında müharibənin
qızışdırılmasında da bu və ya digər dərəcədə ingilislərin əli var idi. Yəni,
bu müharibənin başlanması Qacarlar dövlətini kifayət qədər zəiflədər və
bu dövlət tərəfindən Hindistan üzərinə ola biləcək hücum gümanlarını də
heçə endirərdi (4).
XVIII əsrin sonunda ingilislər hələ Fransa təhlükəsinə görə elə də narahat
deyildilər. Ancaq XIX əsrin elə ilk illərində ingilislər üçün Fransa
təhlükəsi də ortaya çıxdı. Həmin vaxtlar Hindistanda belə məlumatlar
yayıldı ki, Rusiya çarı Pavel və Napoleon arasında olan anlaşmaya əsasən
bu iki ölkənin qoşunlarının Qacarlar dövləti ərazisindən keçməklə
Hindistana çıxarılması planlaşdırılır.
Mövcud olan məlumatlara görə, Fransa tərəfindən İran ərazisindən
keçməklə Hindistana hücum edilməsi imkanları araşdırılmağa başlanmış
və bu iş 1800-cü ildə başa çatdırılmışdı. Bu planın həyata keçirilməsi
üçün Napoleon və Rusiya imperatoru qərara almışdılar ki, Volqa çayı
sahillərində İran ərazisindən keçməklə Hindistana hücum üçün hazırlıq
bazaları yaradılsın. Bu planın həyata keçirilməsi üçün Qacar sarayının
məlumatlandırılmasına və Qacar dövlət ilə anlaşma əldə edilməsinə
ehtiyac var idi. Bunun üçün qərara alındı ki, Qacar sarayına nümayəndə
göndərilsin. Amma Rusiya imperatoru Pavelin dünyasını dəyişməsi ilə bu
plan həyata keçməmiş qaldı (5).
İngilislər Fransa ilə Rusiya arasında aparılan danışıqlardan xəbərdar
idilər. Bu danışıqların və sövdələşmələrin uğurla nəticələnməsi Fransanın
və Rusiyanın isti sulara doğru irəliləməsinə yol aça bilərdi. Əslində, həm
Rusiya, həm də Fransa bunda maraqlı idilər. Bu planların qarşısının
alınması üçün də ingilislər yenidən üzlərini Qacar sarayına tərəf
çevirdilər. İngilislər istəyirdilər ki, Qacar sarayı ilə münasibətləri yenidən
genişləndirsinlər və bununla Fransanın quru yolla Hindistan üzərinə
hücuma keçməsinin qarşısını alsınlar.
Fransa nigarançılığının aradan qaldırılması üçün Hindistanın ingilis
hakimiyyəti 1799-cu ilin sonlarında kapitan Con Malkolmu Qacar
sarayına səfir təyin etdi. Bu təyinat baş verəndə Mehdiəli xanın elçiliyi
hələ başa çatmamışdı. Çox güman ki, qərb siyasətinə və maraqlarına
daha dərindən bələd olduğu üçün Con Malkolmun elçiliyi Mehdiəli xanın
elçiliyinə üstün tutuldu. Con Malkolm təcrübəli hərbçi olduğu kimi, artıq
şərqlə də yaxından tanış idi və fars dilini də bilirdi. 1799-cu il dekabr ayı-
nın sonlarında Con Malkolm bir neçə hərbçinin müşayiəti ilə yola düşdü.