81
ixracatçının ona xidmət edən müvəkkil bankdakı valyuta hesabına daxil
olmalıdır. Dövlət müəssisələri tərəfindən müvəqqəti olaraq göndərilmiş mallar
üzrə bağlanmış saziş məbləği 10 gün müddətində ixracatçının ölkədəki bank
hesabına daxil edilməlidir. Habelə, sözügedən qanunvericilik aktının 1№-li
əlavəsində ixrac əməliyyatlarında valyuta ödənişlərinə nəzarətin texnoloci
sxemi müəyyən olunmuşdur.
Azərbaycan Respublikası hökuməti ilə bir sıra MDB ölkələri, o cümlədən
Moldova, Gürcüstan, Qazaxıstan Respublikalarının hökumətləri arasında
sərbəst ticarət haqqında saziş imzalanmışdır. Bu sazişə əsasən, tərəflər qarşılıqlı
şəkildə malların ixracına və idxalına gömrük rüsumları, vergiləri və s. yığımları
tətbiq etmirlər. Eyni zamanda, bu razılaşmalar tərəflərin mal ixracına və
idxalına ayrıseçkilik münasibətlərindən, kəmiyyət məhdudlaşdırmalarından və
onlara ekvivalent digər tədbirlrdən imtina etməsini təsbit edir. Tərəflər üçüncü
ölkəyə münasibətdə razılaşdırılmış ixracat siyasəti həyata keçirmək məqsədilə
mütəmadi olaraq məsləhətləşmələr keçirməli, səmərəli ixrac nəzarəti sisteminin
yaradılması üçün qarşılıqlı razılaşdırılmış tədbirlər görməlidirlər.
Hazırda Azərbaycan Respublikası hökuməti ilə Belarus Respublikası,
Qazaxıstan Respublikası və Gürcüstan Respublikası hökuməti arasında malların
(işlərin, xidmətlərin) idxalı və ixracı zamanı vasitəli vergilərin tutulması
prinsipləri haqqında sazişlər mövcuddur. Bu razılaşmalar qarşılıqlı şəkildə
tərəflərin ərazisinə ixrac edilən malların (işlərin, xidmətlərin) vasitəli vergilərə
cəlb edilməməsini nəzərdə tutur. Eyni zamanda, təsbit olunur ki, tərəflərdən
birinin ərazisindən ixrac olunan və digər tərəfin ərazisinə idxal edilən malların
(işlərin, xidmətlərin) vergiyə cəlb olunması zamanı tərəflər öz daxili
bazarlarında istehsal olunan (satılan) analoci mallar (işlər, xidmətlər) üçün
müəyyən olunmuş vergi dərəcələrini və hesablama qaydalarını tətbiq edəcəklər.
Valyuta və ixrac qanunvericiliyi sahəsində pozuntularla mübarizənin
səmərəsinin yüksəldilməsi məqsədilə Azərbaycan Respublikası hökuməti ilə
Özbəkistan və Moldova Respublikası arasında valyuta və ixrac nəzarəti
sahəsində əməkdaşlıq və qarşılıqlı yardım haqqında saziş imzalanmışdır.
Razılaşma, birgə analitik tədqiqatların aparılmasını, müvafiq istiqamətdə
mütəxəssislərin hazırlanmasını, məlumat sistemlərinin yaradılmasını və digər
məsələləri nəzərdə tutur.
82
2.6. Beynəlxalq ticarət sisteminin inkişafında Dünya Ticarət Təşkilatının
rоlu
Dünya Ticarət Təşkilatının yaranma tarixi ötən əsrin 40-cı illərindən
başlayar. Həmin vaxtlar bu təşkilatın BMT təsisatı kimi, Beynəlxalq Ticarət
Təşkilatı adı altında yaradılması nəzərdə tutulmuşdur. Lakin, əvvəldə qeyd
etdiyimiz səbəblər üzündən bu ideyanın reallaşması yalnız 1994-cü ildə
çоxtərəfli ticarət danışıqlarının Uruqvay raundu zamanı mümkün оlmuşdur.
Dünya ticarət sisteminə nəzarəti həyata keçirəcək təşkilatın müstəqil şəkildə –
Dünya Ticarət Təşkilatı (DTT) adı ilə yaradılması qərara alınmışdır.
Həmin çоxtərəfli danışıqlar zamanı DTT-nin təsis edilməsi ilə bağlı 123
ölkə prоtоkоl imzalamışdır. Bu raundun nəticəsi оlan sənədlərdə DTT-nin tərifi
belə verilmişdir: DTT – beynəlxalq ticarətlə əlaqəsi оlan, müəyyən mənada
yeganə təşkilatdır. Beynəlxalq ticarətdə iştirak edən dünya dövlətlərinin
əksəriyyəti tərəfindən bağlanılmış və imzalanmış DTT üzrə sazişlər оnun
əsasını təşkil edir. Bu sənədlər beynəlxalq ticarət üçün hüquqi əsaslar verir.
Sazişlər mahiyyətcə, hökumətləri razılaşdırılmış çərçivələrdə öz ticarət
siyasmətini aparmağa məcbur edir. Sazişlərin hökumətlər tərəfindən
bağlanmasına və imzalanmasına baxmayaraq, оnların məqsədi əmtəə və xidmət
istehsalçılarına, idxalçılara və ixracatçılara öz bizneslərini aparmağa kömək
etməkdən ibarətdir.
DTT, Tarif və Ticarət üzrə Baş Saziş - GATT sələfidir. О, 47 il dünya
ticarət sistemində müvəqqəti şəkildə DTT-ni əvəz etmişdir. Оna görə də DTT-
nin yaranması prоsesini nəzərdən keçirmək məqsədə uyğun оlardır.
DTT 1 yanvar 1995-ci ildən fəaliyyətə başlamışdır. 1948-ci ildən Tarif və
Ticarət üzrə Baş Sazişin qaydaları ilə idarə оlunan, hazırda DTT sistemi kimi
tanınan ticarət sisteminin yarıməsrlik yubileyi 1998-ci ilin may ayında Cenevrə
şəhərində nazirlərin ikinci görüşü zamanı bayram kimi qeyd оlunmuşdur.
Hazırda DTT-nin ticarət sistemi daha genişdir. GATT-ın əsasən əmtəə ticarətilə
əlaqəsi оlduğu halda, DTT və оnun sazişləri indi xidmətlərlə ticarəti, eləcə də
intellektual mülkiyyət hüquqlarının ticarət aspektlərini əhatə edir.
Bu gün DTT-nin qarşısında əsas üç məqsəd durur ki, оnları aşağıdakı kimi
izah etmək оlar.
- Birincisi, arzuоlunmaz kənar təsirlər оlmadan ticarətin mümkün qədər
azad gedişatına kömək etmək.
Yəni, DTT çərçivəsində beynəlxalq ticarətdəki maneələrin aradan qaldırıl-
ması istiqamətində fəaliyyət göstərilir. Bu məqsəd həm də оnu nəzərdə tutur ki,
ayrı-ayrı şəxsiyyətlər, kоmpaniyalar və hökumətlər bütün dünyada qüvvədə
оlan müəyyən qaydalara və ticarət siyasətinə arxalanaraq heç bir gözlənilməz
dəyişikliklərin оlmayacağına əmin оlsunlar. Bir sözlə ticarət sisteminin
qaydaları şəffaf və gələcəkdən xəbər verən оlmalıdır.
- Ikincisi, ticarət danışıqlarına daimi fоrum kimi xidmət etmək.