|
![](/i/favi32.png) Microsoft Word Avtomobil muhaziraKarbüratorlu mühərriklərin qidalanma sistemləriAvtomobillerin konstruksiyasi-Kerimov Z-Low resolKarbüratorlu mühərriklərin qidalanma sistemləri
Karbüratorlu mühәrriklәrin qidalanma sistemlәrinin vәzifәsi mühәrrikin iş
rejimindәn asılı olaraq, tәlәb olunan tәrkibli yanıcı qarışıq hazırlamaq vә onu
silindrlәrә lazımi miqdarda vermәkdәn ibarәtdir. Karbüratorlu mühәrrikin
qidalanma sisteminә müәyyәn miqdarda yanacaq ehtiyatı saxlayan, onun
tәnzimlәnmәsini vә karbüratora müәyyәn tәzyiqlә verilmәsini tәmin edәn cihaz vә
qurğular, elәcә dә bilavasitә yanacağın hava ilә müәyyәn nisbәtdә qarışdırılmasını
hәyata keçirәn vә qarışığın miqdarını tәnzimlәyәn karbürator daxildir.
Yanacaq ehtiyyatı çәndә saxlanılır. Yanacaq çәndәn karbüratora özüaxma vә
ya mәcburi yolla verilә bilәr. Adәtәn özüaxma üsulu stasionar mühәrriklәrdә tәtbiq
edilir. Nәqliyyat mühәrriklәrindә isә yanacaq çәndәn karbüratorun üzgәc kamerinә
daifraqmalı nasosun vasitәsilә verilir. Yanacaq çәni buxar-hava klapanı ilә tәchiz
edilir. Hava klapanı çәndәn yanacaq işlәndikcә vә miqdarı azaldıqca, boşalan
hәcmә atmosferdәn hava daxil olmasını tәmin edir. İsti hava şәraitindә çәndә
buxarlanan yanacağın maye sәthi üzәrindәki izafi tәzyiqin artmasının qarşısını
almaq üçün isә hәmin buxarların bir hissәsi buxar klapanından atmosferә buraxılır.
Bundan başqa, çәndә benzinin miqdarını göstәrәn cihazın üzgәci yerlәşir. Çәndәn
yanacaq qәbul edәn borunun girişi onun dibindәn bir qәdәr yuxarıda yerlәşir.
Bunun nәticәsindә benzinin tәrkibindә olan vә çәnin dibindә toplanan suyun vә
çöküntülәrin karbüratora daxil olmasının qarşısı alınmış olur.
Yanacaq süzgәci benzinin tәrkibindә olan bәrk hissәciklәri tutur. Benzin
karbüratora mühәrrikdәn hәrәkәt alan diafraqma tipli yanacaq nasosunun vasitәsilә
kiçik izafi tәzyiqlә vurulur.
Karbürator mühәrriklәrin qidalanma sistemlәrinә qoyulan әsas tәlәblәrin
yerinә yetirmәsini tәmin edәn bir sıra sistem vә quruluşlara malikdir:
1.
Bütün әsas istismar rejimlәrindә verilәn tәrkibli yanıcı qarışığın alınmasını tәmin edәn
baş dozalandırma sistemi.
2.
Mühәrrikin kiçik yük rejimindә dayanıqlı işini tәmin etmәk üçün boş işlәmә sistemi.
3.Maksimal güc almaq üçün maksimal yüklәnmәlәrә keçid zamanı yanıcı qarışığın
zәnginlәşdirilmәsi sistemi.
4.
Mühәrrikin işinin sәlisliyini tәmin etmәk üçün qurğu (sürәtlәnmәdә yanıcı qarışığın tez
zәnginlәşdirilmәsi).
5.
Mühәrrikin etibarlı işә düşmәsi üçün lәvazimat vә qurğu.
6.
Karbüratorun etibarlı vә dayanıqlı işini tәmin edәn әlavә qurğu.
7.
Xaric qazlarının minimal zәhәrliliyini tәmin edәn qurğu.
Karbüratorun hissәlәri: üzgәc kameri, üzgәc, ciklyor, püskürücü, drossel
qapağı, diffuzor, hava klapanı, hava tәmizlәyici, iynәli klapan.
|
|
|