XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
213
Beləliklə, göründüyü kimi Azərbaycan
özünün əlverişli
coğrafi və geoiqtisadi mövqeyindən istifadə edərək, həm Şərq-
Qərb, həm də Şimal-Cənub əlaqələrində əsas nəqliyyat-kom-
munikasiya dəhlizi və birləşdirici körpü rolunda çıxış etməyə
başlayır. Faktiki olaraq hər iki nəhəng nəqliyyat dəhlizinə qo-
şulan Azərbaycan bu sahədə özünün geoiqtisadi müstəqilliyini
artırmaqla yanaşı, həm də Avropa və dünya bazarlarına alter-
nativ nəqliyyat marşrutları ilə çıxmaq imkanı əldə etdi, region-
dakı müxtəlif tranzit yük axınlarını əlaqələndirmək üçün qov-
şaq rolunu öz üzərinə götürdü.
Azərbaycan Respublikasının tranzit potensialından istifadə
edilməsi bu gün də onun davamlı inkişaf strategiyasının ay-
rılmaz tərkib hissəsidir. Hazırda ölkənin tranzit və xarici iqti-
sadi əlaqələri bir neçə geosiyasi ox üzrə həyata keçirilir.
Bunlardan:
birincisi və ən
mühümü Gürcüstan, Türkiyə vasitəsi ilə
hava, quru, dəmiryolu, dəniz nəqliyyatı, eyni zamanda kəmər-
lər vasitəsi ilə Aralıq dənizinə və Avropaya,
ikincisi, Rusiya vasitəsi ilə dolayı yolla Qərbə və Uzaq
Şərqə ( bu çox uzun və iqtisadi cəhətdən səmərəsiz yoldur -
Ə.H.),
üçüncüsü, İran və Fars körfəzi vasitəsi ilə Yaxın Şərq və
Cənubi Asiya
ölkələrinə,
dördüncüsü, Türkmənistan, Qazaxıstan, Özbəkistan vasi-
təsi ilə Çinə, Yaponiyaya və Cənub-Şərqi Asiyanın
digər ölkə-
lərinə, eyni zamanda bütün marşrutlar üzrə əks istiqamətədir.
Bəhs olunan istiqamətlərdən hələ ki, tam gücü ilə işləyən
Şərq-Qərb istiqamətli- TRANSQAFQAZ dəhlizdir. Bu istiqa-
mətdə Gürcüstan vasitəsi ilə Azərbaycan həm özünün neft-qaz
ehtiyatlarını Bakı-Tbilisi-Ceyhan, Bakı-Supsa neft və Bakı-
ƏL İ H ƏS ƏNOV
214
Tbilisi-Ərzurum qaz kəmərləri Türkiyəyə, oradan da Qərbə
yönəltmiş, hava, quru, dəmiryolu və dəniz-su yolu ilə qərbə
gedən neft və digər tranzit yüklərinin keçidini və daşınmasını
təşkil etmişdir.
Bununla yanaşı, hazırda Azərbaycan həm də Rusiya
marşrutu ilə Rusiyanın özünə və bir çox Şərqi Avropa ölkə-
lərinə, İran vasitəsi ilə Orta və Yaxın Şərq ölkələrinə, o cüm-
lədən əks istiqamətə müxtəlif yüklərin, nəqliyyat vasitələri, o
cümlədən Bakı-Novorossiysk kəməri vasitəsilə neft məhsulla-
rının göndərilməsini həll etmişdir.
Məlum olduğu kimi, həm ölkədaxili, həm də ölkələrarası
nəqliyyat yolları və dəhlizlərini, birləşdirici kommunikasiya
xətlərini bəzən həyat arteriyası adlandırırlar. Çünki bunlar ol-
madan, zəngin təbii resurslara malik dövlətlər belə öz iqtisa-
diyyatının dirçəlişi və inkişafını təmin edə, dünya ölkələri ilə
sərbəst iqtisadi-ticarət əlaqələri qura bilməz. Odur ki,
tranzit
nəqliyyat və yükdaşıma sistemini beynəlxalq standartlara uy-
ğun qurmaq, onların fasiləsiz fəaliyyətini təmin etmək, xarici
ticarətə təsir imkanlarını əldə saxlamaq dünyanın əsas geoiqti-
sadi tələblərdən sayılır.Təsadüfi deyil ki, müxtəlif geosiyasi
güc mərkəzləri arasında gedən beynəlxalq rəqabət yalnız təbii
ehtiyatlar deyil, həm də bu ehtiyatları dünya bazarlarına çıxa-
racaq dəhlizlər, yollar, vasitələr - nəqliyyat və kommunika-
siyalar uğrunda aparılır.
Azərbaycan Respubliksaı hökuməti ölkə ərazilərinin tran-
zit əhəmiyyətini nəzərə alaraq,
son illərdə həm beynəlxalq
yardımların (TASİS, TRACECA və b. proqramlar çərçivəsində
Avropa İttifaqının, Dünya Bankının, İslam İnkişaf Bankının və
s.), həm də özünün maliyyə potensialı hesabına bütün tranzit
istiqamətləri üzrə ölkədaxili magistral avtomobil və dəmir yol-
larının, dəniz limanlarının, yük terminallarının, digər daşıyıcı
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
215
infrastrukturların yaradılmasını və yenidən qurulmasını təmin
edə bilmişdir.
Azərbaycanın daxili və beynəlxalq nəqliyyat əlaqələndiril-
məsi siyasətinin müasir vəzifələri sırasına həm də:
nəqliyyat sektorunda səmərəliliyin və rəqabət qabiliy-
yətinin artırılması istiqamətində islahatların aparılması;
nəqliyyat sektorunda dövlət idarəetmə sisteminin tək-
milləşdirilməsi;
nəqliyyat xidmətləri bazarında sağlam rəqabət mühi-
tinin yaradılması, tarif sisteminin təkmilləşdirilməsi;
ölkənin sərhəd-keçid məntəqələri yaxınlığında yerləşən
nəqliyyat infrastrukturlarının
müasir tələblərə uyğun
yeniləşdirilməsinə dair layihələrin həyata keçirilməsi;
nəqliyyat infrastrukturunun və nəqliyyat vasitələri
parkının müasir tələblərə uyğun yeniləşdirilməsi;
Bakı və ölkənin digər şəhərlərində nəqliyyat infrastruk-
turunun müasir tələblərə uyğun qurulması;
Bakı şəhərində nəqliyyatın hərəkətinin tənzimlənməsi
üçün yolların buraxıcılıq qabiliyyətinin artırılmasını
təmin edən proqramların işlənib hazırlanması;
ölkə əhalisinin nəqliyyat xidmətlərinə olan tələbatının
tam təmin edilməsi;
ölkənin tranzit potensialından daha səmərəli istifadə
edilməsi məqsədi ilə kompleks tədbirlərin davam
etdirilməsi nəzərdə tutulur.
125
Azərbaycanın əlverişli coğrafi məkanda yerləşməsi
avto-
mobil yolları şəbəkəsinin beynəlxalq
standartlara uyğun inki-
şafını və bu sahədə müvafiq tədbirlərin həyata keçirilməsini
125
Azərbaycan Respublikasının nəqliyyat sektorunun inkişafı strategiyası
http://www.mot.gov.az/index.php?mod=inside&lang=az&menu=138
ƏL İ H ƏS ƏNOV
216
zəruri edir. Hazırda Azərbaycan Respublikasında istifadədə olan
avtomobil yollarının ümumi uzunluğu cəmi 25.021 kilometrdir.
Bunlardan 4.577 kilometri respublika əhəmiyyətli, qalanı isə
yerli əhəmiyyətli yollardır. Ümumi istifadədə olan avtomobil
yollarının 1.473 kilometri Naxçıvan Muxtar Respublikasının
ərazisindədir. Bunların 274 kilometri respublika əhəmiyyətli,
1.199 kilometri isə yerli əhəmiyyətli yollardan ibarətdir.
Beynəlxalq tələblərə cavab verən müasir avtomobil yolları
şəbəkəsinin formalaşdırılması, magistral yolların beynəlxalq
yollar şəbəkəsi ilə uzlaşdırılması, ümumi istifadədə olan avto-
mobil yollarında nəqliyyatın hərəkətinin beynəlxalq təcrübəyə
uyğun tənzimlənməsi və bu sahədə müasir avtomatlaşdırılmış
sistemlərdən istifadə edilməsi- hazırda Azərbaycanın
həyata
keçirdiyi nəqliyyat təhlükəsizliyi siyasətinin başlıca istiqamət-
lərindən biri hesab olunur.
Bu gün ölkədə
nəqliyyat xidmətləri bazarı formalaşmış,
dövlət mülkiyyətində olan avtomobil nəqliyyatı müəssisələri
özəlləşdirilmiş və nəqliyyat sahəsində dövlət idarəetməsi bazar
iqtisadiyyatı münasibətlərinə uyğun olaraq qurulmuşdur. Ölkə-
nin avtomobil yolları şəbəkəsi bir çox ölkələrə, iri limanlara,
nəqliyyat qovşaqlarına və terminallarına çıxışı olan Avropa və
Asiya subregional avtomobil yolları şəbəkəsinə inteqrasiya
olunub. Azərbaycanın qeyd edilən magistral avtomobil yolla-
rının uzunluğu 2,1 min kilometr təşkil edir.
Tranzit daşımaları, əsasən Avropa, MDB, Mərkəzi Asiya,
Yaxın Şərq ölkələri arasında Bakı-Ələt-Qazax-Gürcüstan ilə
dövlət sərhədi, Ələt-Astara, Biləsuvar-İran, Culfa-Culfa (İran
İslam Respublikası), Bakı-Quba-Rusiya
ilə dövlət sərhədi,
Naxçıvan-Sədərək-Türkiyə ilə dövlət sərhədi, Yevlax-
Zaqatala-Gürcüstan ilə dövlət sərhədi, Bakı-Aktau, Bakı-
Türkmənbaşı marşrutları üzrə həyata keçirilir.