XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
209
Gürcüstana daşınmasına imkan yaranacaq.
Analitiklərin fikrin-
cə, ilk vaxtlar illik yük buraxılışı 5 milyon ton olacaq bu dəmir
yolu, üç ildən sonra 10-15 milyon ton, tam gücü ilə işləməyə
başlayanda isə 20 milyon ton yük daşıya biləcək.
Göründüyü kimi, Azərbaycan mühüm geosiyasi, geostra-
teji və geoiqtisadi əhəmiyyət kəsb edən bu dəmir yolu layihə-
sinin, demək olar ki, lokomotivi hesab olunur. Onun maliyyə
dəstəyi nəticəsində həm Türkiyə sərhədindən Gürcüstana, həm
də Gürcüstandan Azərbaycan sərhədinə qədər
tikilməsi və
modernləşdirilməsi nəzərdə tutulan dəmiryol layihəsi artıq
reallaşmağa başlayıb. Yaranan maliyyə problemləri də birbaşa
Azərbaycanın köməyi ilə həll olunur. Məsələn, Azərbaycan
dəmir yolunun Gürcüstandan keçən hissəsinin tikintisinə 220
milyon ABŞ dolları həcmində kredit ayırıb. İllik 1 faizlə 25 il
müddətinə verilən bu krediti Gürcüstan dəmir yolu işə düşən-
dən sonra özünün tranzit gəlirləri hesabına ödəyəcək.
Bakı-Tbilisi-Qars dəmir yolu xətti üzrə beynəlxalq layihənin
həyata keçirilməsi və Bosfor boğazında sualtı dəmir yolu
keçidinin inşası TRANSAVROPA və TRANSASİYA dəmir
yolu şəbəkələrinin birləşdirilməsini, yük və sərnişinlərin birbaşa
olaraq Azərbaycan, Gürcüstan və Türkiyə ərazilərindən keçməklə
Avropa və Asiyaya çıxarılmasını təmin etməyi nəzərdə tutur. Bu
layihə Azərbaycanın dövlət müstəqilliyi və iqtisadi suverenliyinin
möhkəmlənməsinə, xarici iqtisadi əlaqələrinin
genişlənməsinə
xidmət etməklə yanaşı, həm də region ölkələrinin tranzit
potensialının artmasına, Avropaya inteqrasiya proseslərinin
sürətlənməsinə, Avropa Qonşuluq Siyasəti çərçivəsində regional
geoiqtisadi əməkdaşlığın inkişafına xidmət etməlidir.
Layihənin həyata keçirilməsi iqtisadi səmərəlilik, sürət və
vaxt tezliyi, təhlükəsizlik və etibarlılıq baxımından da böyük
əhəmiyyətə malikdir. Gələcəkdə Avropa və Asiya ölkələrinə
ƏL İ H ƏS ƏNOV
210
məxsus yüklərin bu dəmir yolu vasitəsi ilə ən yaxın marşrutla,
daha sərfəli qiymətlərlə, qısa
zaman çərçivəsində hər iki
istiqamətdə daşınması və s. imkanlar transmilli intermodal və
konteyner daşımalarının həcmini artıracaqdır. Təbii ki, bütün
bu addımlar – istər alternativ nəqliyyat-kommunikasiya, istərsə
də enerji dəhlizlərinin açılması yük və enerji daşımalarında
monopolist mövqeyindən məhrum ola biləcək Rusiyada nara-
zılıqla qarşılandı. Çünki, “Böyük İpək Yolu”nun bərpasına dair
TRACECA layihəsinə görə, Avropa İttifaqından Cənubi Asi-
yaya aparılan yüklərin böyük hissəsi yeni marşurutla- Cənubi
Qafqaz və Mərkəzi Asiya vasitəsilə daşınacaqdır. Bu mənada,
Rusiya Avropa-Asiya geoiqtisadi əlaqələrində yeni formalaşan
transkontinental nəqliyyat sistemi ilə ciddi rəqabətlə üzləş-
diyinin fərqindədir.
Azərbaycanın öz transmilli nəqliyyat-dəhliz
təhlükəsizliyini
təmin etmək istiqamətində qoşulduğu və iştirak etdiyi regional
nəqliyyat layihələrindən bir də
Şimal-Cənub beynəlxalq nəq-
liyyat-dəhlizi layihəsidir. Bu layihə haqqında razılaşma Rusiya,
İran və Hindistan arasında 2000-ci il sentyabrın 12-də Sankt-
Peterburq şəhərində bağlanmışdır. Razılaşmanın əsas məqsədi
üzv ölkələrin nəqliyyat-dəhliz imkanlarının birləşdirilərək, bəhs
olunan istiqamətdə yük daşımalarına əlverişli şəraitin yaradıl-
ması, tranzit yüklərin həcminin artırılmasına dəstək verilməsi,
nəqliyyat vasitələrinin hərəkətinin təhlükəsizliyinin təmin olun-
ması və razılaşdırılmış ortaq nəqliyyat siyasətinin həyata keçiril-
məsindən ibarətdir. Razılaşma bəhs olunan ölkələrin bütün
nəqliyyat növlərinə: dəmir yolu, dəniz, avtomobil yolları,
çay və
hava nəqliyyatı ilə daşımaları təmin edən infrastruktura aiddir.
Lakin burada Hindistan istisna təşkil edir, çünki layihədə onun
yalnız dəniz marşrutları ilə iştirakı nəzərdə tutulur.
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
211
Qeyd edək ki, Şimal-Cənub dəhlizinin katibliyi Tehran
şəhərində yerləşir. Ötən illər ərzində Belarus Respublikası, Er-
mənistan, Qazaxıstan, Tacikistan, Qırğızıstan, Oman və Suriya
da bu layihəyə qoşulmuşdur. 2001-ci il dekabrın 21-də Azər-
baycan Respublikasının bu layihəyə qoşulması üçün verdiyi
rəsmi notaya 2005-ci ildə müsbət cavab verilmiş və o, həmin il
sentyabrın 20-də "Şimal-Cənub" beynəlxalq nəqliyyat dəhlizi
haqqında" sazişə qoşulmuşdur. Dəhlizin
Azərbaycan ərazisin-
dən keçən dəmir yolu hissəsinin uzunluğu 511 km.-ə bərabərdir.
Layihədə Rusiyanın Voronej şəhəri ilə İranın Tehran
şəhəri və Rusiyanın Xəzər limanları ilə İranın Bəndər-Abbas
dəniz limanı arasında dəmir yolu əlaqəsinin iki variantı təklif
olunur. Bunlar, Xəzər dənizinin qərb sahili və daha sonra
Azərbaycan ərazisi üzərindən- Rusiya ərazisi ilə dəmir yolu,
Rusiyanın Xəzər limanları, xüsusən Həştərxan yaxınlığında
inşa edilən Olya limanından İranın Bəndər-Abbas, Ənzəli və
hazırda genişləndirilən Əmirabad, Nouşəhər limanlarına, ora-
dan isə marşrut üzrə Fars körfəzindən keçməklə Aralıq dəni-
zinə gəmi vasitəsilə nəzərdə tutulur.
Şimal-Cənub dəhlizi ilə daşımaların Azərbaycan ərazisin-
dən keçməsi variantına digər alternativ marşrut da mövcuddur:
Mərkəzi Asiya ölkələrindən (Qazaxıstan, Özbəkistan) keçmək-
lə Türkmənistanın Seraxs şəhərinə, daha sonra dəmir yolu ilə
İran ərazisinə və oradan da yuxarıdakı marşrut
üzrə Avropa
ölkələrinə.
Şimal-Cənub dəhlizinin mühüm bir qolunun Azərbaycan
ərazisindən keçməsi perspektivdə onun iqtisadiyyatı və trans-
milli nəqliyyat təhlükəsizliyi üçün mühüm əhəmiyyət daşıyır.
Onun ərazisindən keçən dəmir yolu məsafəsinin qısalığı,
daşımalara daha az vaxt və sərmayə sərf olunması, ölkənin in-
kişaf etmiş nəqliyyat infrastrukturuna malik olması və s. bəhs
ƏL İ H ƏS ƏNOV
212
olunan istiqamətdə onun cəlbediciliyini və tərəfdaşlıq önəmini
artırır ki, bu da müvafiq olaraq ölkənin nəqliyyat təhlükəsiz-
liyini gücləndirir. Xüsusən, nəzərə almaq lazımdır ki, bu mar-
şrutla transmilli yüklərin böyük əksəriyyətinin Azərbaycan
üzərindən dəmir yolu vasitəsilə daşınması nəzərdə tutulur ki,
bu da müvafiq sahənin inkişafına təkan verəcəkdir. Azərbay-
canın Şimal-Cənub nəqliyyat dəhlizinə qoşulması, beynəlxalq
yük və sərnişin daşımalarında fəal iştirakı həm də müvafiq
olaraq, milli gəlirlərin artmasına,
yerli nəqliyyat-dəhliz infra-
strukturunun inkişafına, ölkə ərazisində yeni iş yerlərinin açıl-
masına, o cümlədən digər sosial-iqtisadi məsələlərin həllinə də
münbit şərait yaradacaqdır.
Azərbaycanın “Şimal-Cənub” nəqliyyat dəhlizinə qoşul-
ması rəsmi Bakının uzaqgörən və müstəqil geosiyasət yürüt-
məsinin göstəricisi hesab olunur. Belə ki, Azərbaycan Şimal-
Cənub nəqliyyat dəhlizində iştirak etməklə mühüm geosiyasi
və geoiqtisadi dividentlər qazandı.
Əvvəla, bu layihə ayrıca
götürüldükdə Azərbaycan üçün ciddi geoiqtisadi və geosiyasi
dividentlər qazandırmış və onu Şimal-Cənub dəmir və avto-
mobil yolları dəhlizinin mərkəzi ölkəsinə çevirmişdir.
İkincisi,
Azərbaycan layihəyə qoşulmaqla, Rusiya, İran və başqa qonşu
ölkələrlə TRACECA proqramı çərçivəsində yaranmış gərgin-
liyi aradan qaldırmağa nail oldu.
Üçüncüsü, bu
nəqliyyat
dəhlizindən əldə edəcəyi geosiyasi dividentlərdən, tranzit və
gömrük rüsumları gəlirlərindən başqa, Azərbaycanı həm də da-
ha çox perspektivdə Naxçıvan Muxtar Respublikasının bloka-
dadan çıxarılması kimi mühüm geostrateji vəzifənin reallaşdı-
rılması imkanı qazandı. Azərbaycan hazırda İran vasitəsilə
Naxçıvanla dəmir yolu əlaqəsi qurmağa ciddi cəhdlə çalışsa
da, buna hələ ki, nail ola bilmir.