XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
197
beynəlxalq nəqliyyat sistemində iştirakı yaxın
zamanlarda isti-
fadəyə verilməsi gözlənilən 600 kilometrlik Oş-Çin avtomobil
və dəmir yolunun inşası üzərində qurulub. Əsas maliyyəsinin
70%-ni Çinin ödədiyi və illik 5 mln. ton buraxılış gücü olacaq
bu layihənin reallaşması gələcəkdə TRACECA layihəsinin
35-40% daha yaxın və ucuz başa gəlməsinə şərait yarada bilər.
Yolun uzunluğu 600 km. olacaq.
Avropa-Asiya əlaqələrindəki ənənəvi və alternativ trans-
milli nəqliyyat-kommunikasiya sistemindən çox əlverişli əra-
zisi olmasına baxmayaraq kənarda qalan yeganə bölgə ölkəsi
Ermənistandır. Baxmayaraq ki, bu ölkənin ərazisi Azərbay-
canı Türkiyə ilə birləşdirə biləcək ən əlverişli dəmir və avto-
mobil yolu, enerji ixracı marşrutu hesab oluna bilərdi, qonşu-
larına qarşı yürütdüyü işğalçılıq siyasətinə və ərazi iddiasına
görə Azərbaycan
bu ölkəni demək olar ki, bütün nəqliyyat
marşrutlarından kənarda qoymuşdur. Ermənistanın Türkiyə ilə
Gürcüstan arasında da kifayət qədər əlverişli nəqliyyat-kom-
munikasiya və digər geoiqtisadi mövqeyə malik olmasına
baxmayaraq, Türkiyə də bəlli səbəblər üzündən onu beynəlxalq
yükdaşımalardan təcrid etmişdir.
Hazırda, bəzi erməni geostrateqləri öz fantaziyalarını işə
salaraq, hansısa mövcud olmayan “Ermənistan-Mehri-İran əra-
zisi vasitəsi ilə guya Yaxın Şərqə, yaxud İran-Ermənistan-
Gürcüstan vasitəsi ilə Cənub Şərq istiqamətinə, yenə Ermə-
nistan-Mehri-İran vasitəsilə Mərkəzi Asiya ölkələrinə” nəqliy-
yat-kommunikasiya sistemlərinin layihələndirilməsi və həyata
keçirilməsindən bəhs edirlər. Lakin Ermənistanın mövcud və-
ziyyəti, ərazilərinin xüsusi çətin dağlıq relyeflə əhatə olunması,
xaricə çıxış sistemlərinin yoxluğu,
nəqliyyat sisteminin
bərbadlığı və s. kimi səbəblər bu layihələrin reallaşdırılmasına
nəinki bu gün, heç gələcəkdə də heç bir imkan vermir.
ƏL İ H ƏS ƏNOV
198
§ 3.3. Azərbaycanın Xəzər-Qara dəniz hövzəsi və
Cənubi Qafqazda həyata keçirdiyi transmilli nəqliyyat-
kommunikasiya siyasəti və onun bölgənin
geoiqtisadi vəziyyətinə təsiri
Orta Asiya, Xəzər-Qara dəniz hövzəsinin və Cənubi Qaf-
qazın dünyaya açılan nəqliyyat-kommunikasiya sistemində ən
mühüm həlqələrdən birini Azərbaycan Respublikası təşkil edir.
Azərbaycanın dəniz, avtomobil yolları və dəmir yolu nəqliy-
yatı müstəqillik illərində ciddi yenidənqurmaya məruz qalmış
və demək olar ki, əksər xarici ölkələrlə bu respublikanı bağ-
layan nəqliyyat-tranzit infrastrukturları yenidən qurulmuş, və
yaxud təzəsi ilə əvəzlənmişdir.
Hazırda Azərbaycanı Gürcüs-
tan və Qara dənizlə birləşdirən Bakı-Tbilisi avtomobil və
dəmir yolu, Bakı-Poti konteyner daşımaçılığı, İranla birləşdi-
rən Bakı-Astara dəmir və avtomobil yolu, Bakı-Biləsuvar və
Naxçıvan-Culfa avtomobil, dəmir yolu, Türkiyə ilə Gürcüstan
vasitəsi ilə mövcud avtomobil yolu və hazırda çəkilişi reallaş-
dırılan Bakı-Tbilisi-Qars dəmir yolu, Orta Asiya ilə Azərbay-
canı birləşdirən Bakı-Türkmənistan, Bakı-Qazaxıstan bərə
daşımaçılığı və s. bu ölkəyə imkan verir ki, Avropa ilə Asiya
arasındakı nəqliyyat-kommunikasiya əlaqələrində öz strateji
mövqeyini qoruyub saxlasın və davam etdirsin.
Avropa İttifaqının xətti ilə 1993-cü ildən reallaşdırılan
TRACECA layihəsinin mərkəzinin Azərbaycan olması da məhz
onun bu əlaqələrdə oynadığı rol və malik
olduğu mərkəzi mövqe
ilə bağlıdır. İki ilə istifadəsi nəzərdə tutulan Bakı-Tbilisi-Qars
dəmir yolunun illik istifadə gücü, təxminən 250 min ton plan-
laşdırılır ki, bu da Çindən Avropaya qədər olan bütün transmilli
yükdaşımaların mühüm bir hissəsini təşkil edəcəkdir.
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
199
Azərbaycanın Avrasiyanın nəqliyyat-tranzit əlaqələrindəki
əlverişli mövqeyi, həm də onunla ölçülür ki, bu ölkə, həm bü-
tövlükdə TRANSAVRASİYA, həm də onun tərkib hissəsi olan
TRACECA, TRANSQAFQAZ və s. marşrutlarda iştirak etmək
üçün əlverişli məkan xarakteristikasına və nəqliyyat-tranzit
infrastrukturuna malikdir. Faktiki olaraq, Astara,
Biləsuvar və
Culfa stansiyasından İrana həm dəmir və avtomobil yolu im-
kanları, həm də Xəzər vasitəsilə İranın Ənzəli, Nouşəhr liman-
larına çıxışı olan Azərbaycan, TRANSAVRASİYA xətti ilə
Sakit okean, Çin və Hindistandan gələn yükləri, istər Türkmə-
nistandan Xəzər bərə daşımaçılığı vasitəsi ilə, istərsə də İran-
dan dəmir, avtomobil və Xəzər su daşımaçılığı infrastrukturu
ilə Rusiyaya, Gürcüstana, Qara dəniz limanlarına, oradan da
Avropaya nəql etmək imkanına malikdir.
Azərbaycan TRANSQAFQAZ nəqliyyat infrastrukturunun
mərkəzi
ölkəsi kimi, eyni əlaqələri yenə də Gürcüstan, Xəzər
dənizi, Türkmənistan və Orta Asiyanın digər ölkələri vasitəsi
ilə Çinə və Cənub Şərqi Asiya ölkələrinə təmin etmək imka-
nına malikdir. Məhz elə bunun nəticəsidir ki, yaradılması
ideyası ilk dəfə, hələ 90-cı illərdə irəli sürülən Şərq-Qərb,
Şimal-Cənub nəqliyyat dəhlizləri məsələsinin ortaya qoyuldu-
ğu, Azərbaycanın, Özbəkistanın, Türkmənistanın, Gürcüstan
prezidentlərinin iştirak etdiyi Seraxs toplantısında və Birgə
Sazişin imzalanmasında Azərbaycan aparıcı ölkələrdən biri
kimi iştirak etmiş, bəhs olunan sazişin yaradıcılarından birinə
çevrilmişdir. Sonradan 1992-ci ildə ideyası irəli sürülmüş və
1996-cı ildə dövlətlərarası sazişlə təsdiq
olunmuş bu layihə,
sonrakı illərdə digər Mərkəzi Asiya ölkələrini, Ukrayna, Mol-
dova, Belarus, Rumıniya və b. Qara dəniz hövzəsi ölkələrinin
də diqqətini cəlb etmiş və onlar həmin sazişə qoşulmaq
ƏL İ H ƏS ƏNOV
200
haqqında bəyanat vermişlər.
120
Azərbaycan həmçinin, son
zamanlar Qazaxıstan və Çini birləşdirən dəmir yolu daşımaçılı-
ğında da əsas ölkələrdən biri kimi bu yüklərin sonrakı daşıma-
çılığı və Avropaya çatdırılmasında ən yaxın və əlverişli
TransQafqaz nəqliyyat dəhlizinin üzərində yerləşir.
Mütəxəssislər hesab edir ki, hər bir ölkə kimi Azərbayca-
nın da milli maraqları əhəmiyyətli dərəcədə onun nəqliyyat-
kommunikasiya və əlaqələndirmə infrastrukturlarının səviyyəsi
və beynəlxalq sistemlərlə təhlükəsiz bağlılığından asılıdır. Bu
həm də ölkənin nəqliyyat-dəhliz və infrastruktur maraqlarının
dolğun təmin olunmasının əsas şərtini təşkil edir.
Geoiqtisadi anlamda nəqliyyat-kommunikasiya maraqlarının
təhlükəsizliyi mövcud sahə üzrə milli maraqların əsas
ölçülərinin
müəyyənləşdirilməsini, dövlətin daxili və xarici aləmlə bağlayıcı
nəqliyyat sisteminin ahəngdar işinin qurulmasını, ona təhlükə
yaradan amillərin aşkarlanması və qarşısının alınmasını nəzərdə
tutur. Nəqliyyat-kommunikasiya maraqlarının təhlükəsizliyinin
təmin edilməsinin əsas məqsədi milli nəqliyyat kompleksinin
sabit və təhlükəsiz inkişafına nail olunmasından, bu sahəyə hər
hansı qanundankənar daxili və xarici müdaxilə imkanlarının
qarşısının alınmasından və s. vəzifələrdən ibarətdir.
Qeyd olunduğu kimi, Azərbaycanın Xəzər-Qara dəniz də-
nizi hövzəsi və Cənubi Qafqazdakı əlverişli geostrateji və coğ-
rafi mövqeyi ona həm Şərq-Qərb, həm də Şimal-Cənub əlaqə-
lərində körpü kimi çıxış etməyə imkan verir.
Lakin tarix boyu
müstəqil dövlətinin olmaması və yaxud müstəqil siyasət yürü-
də bilməməsi üzündən bu əlverişli mövqedən ölkənin ümumi
geosiyasi və geoiqtisadi maraqlarına uyğun şəkildə istifadə
120
Bax: “Независимая газета”, 20 июня 1997.