Arif Şəkərəliyev, Qoşqar Şəkərəliyev
84
Son illərdə qloballaşmanın təsir dairəsinin genişləndirilməsi və
maliyyə, iqtisadi böhranların fəsadlarının artması prosesləri dünya
iqtisadiyyatında yeni meyarların və tendensiyaların formalaşmasına
rəvac vermişdir. Milli iqtisadiyyatın qapalı inkişaf etdirilməsi tenden-
siyasının sona çatdığını da iddia etmək olar. Bu baxımdan hər bir
ölkənin çoxşaxəli ixrac potensialın olması mühüm və strateji şərt kimi
çıxış edir. Əgər hər hansı bir ölkənin təbii ehtiyatları azdırsa və ya
milli resurslar baxımından çətinliyi varsa, bu proseslərdə qlobal rəqa-
bətə davam gətirmək üçün çox mürəkkəb vəzifələrin öhdəsindən gəl-
məlidir. Milli resurslarla və nisbətən təbii ehtiyatlarla zəngin ölkələr
isə bu nemətləri obyektiv və dəyərincə qiymətləndirməli, onlardan sə-
mərəli istifadə üçün milli maraqlar çərçivəsində istehsalın təşkili və
məhsulların ixracı ilə sistemli yanaşma təmin edilməlidir. Qlobal rəqa-
bət şəraitində dayanıqlılıq meyarlarını özündə əks etdirməyən mal və
məhsulların dünya əmtəə bazarlarında ixracının sabitliyi qeyri müm-
kündür. Bu meyarlardan çıxış etsək, Azərbaycan qloballaşma şəraitin-
də qeyri-neft sektorunun ixrac potensialından istifadənin yüksəldil-
məsi yolunda hələlik dayanıqlı mövqeyə malik olmadığı qənaətində-
yik. Bu yolda xeyli pozitiv strateji tədbirlərin görülməsi, dövlət proq-
ramların icrası və bir çoxlarının hazırda icra prosesində olması isə bu
qənaətə gəlməyə imkan verir ki, yaxın perspektivdə Azərbaycanda
qeyri-neft sektorunun ixrac potensialından istifadənin daha səmərəli,
məhsuldar və effektiv yollarının formalaşdırılması tədbirləri intensiv-
ləşəcəkdir.
Azərbaycanın hazırkı iqtisadi inkişaf tendensiyaları və strateji hə-
dəfləri ölkə iqtisadiyyatının daha da şaxələndirilməsini və modernləş-
dirilməsini şərtləndirir. Milli iqtisadiyyatın bundan sonrakı inkişaf
proseslərinin daha səmərəli və optimal təşkili üçün bu proseslərin tən-
zimlənməsi və təkmilləşdirilməsi istiqamətlərinin müəyyənləşdiril-
məsi, həyata keçirilməsi tədbirləri də vacib şərtlər kimi çıxış edir:
• Milli iqtisadiyyatın əsas bazar iqtisadiyyatlı funksiyaları və fə-
aliyyət prinsipləri formalaşdığından yeni keyfiyyət və kəmiyyət mər-
hələsinə qalxması prioritetlərinin reallaşdırılması;
• Ölkə iqtisadiyyatının baza prinsiplərinin imkan verdiyi yerdən
əhəmiyyətli dərəcədə fərqlənə bilən yeni iqtisadi inkişaf meyarlarının
müəyyənləşdirilməsi;
• Müasir texnologiyalar, idarəetmə metodları əsaslı innovasiya-
laşdırılmış iqtisadi inkişaf modelinə keçidin başa çatdırılması;
AZƏRBAYCAN İQTİSADİYYATI: reallıqlar və perspektivlər
85
• Yeni və məhsuldar rəqabətqabiliyyətli ixracyönümlü müəssisə-
lərin təşkili və bu şəbəkənin genişləndirilməsi;
• Neft-qaz amilindən yararlanaraq və bu sektorun gəlirlərindən
bəhrələnərək, ölkənin qeyri-neft sektorunun inkişafının intensivləş-
dirilməsi dərəcəsinin əhəmiyyətli səviyyədə artırılması;
• Olkə iqtisadiyyatının neft və qazla bağlı olmayan potensialının
yenidən qiymətləndirilməsi və reallıqlar əsasında mühüm meyarların
formalaşdırılması;
• Qeyri-neft sektorunun ixrac potensialının artımına imkan verə
bilən iqtisadiyyat sektorlarının inkişafının dayanıqlılığının və davamlı-
lığının təmin edilməsi;
• Qeyri-neft ixracının stimullaşdırılması, ixrac potensialının tən-
zimlənməsinin effektiv mexanizmlərinin işlənib hazırlanması, təkmil-
ləşdirilməsi istiqamətlərinin müəyyənləşdirilməsi və s.
Qeyd etmək lazımdır ki, yaxın perspektivdə çoxlu sayda dövlət
dəstəyi mexanizmləri, o cümlədən, birbaşa olaraq geri qayıtmayan ma-
liyyə mexanizmləri ilə dəstəklənən, geniş infrastruktur imkanları ya-
radılan kənd təsərrüfatı məhsulları istehsalı və aqrar sektorda artıq ərzaq
məhsulları üzrə ölkə tələbatından əlavə məhsulların istehsalı real-
laşdırılıb. Bununla bərabər, bu məhsulların keyfiyyət göstəriciləri xeyli
yüksəkdir və rəqabətqabiliyyətlidir. Bu zaman ölkəmizin əldə edəcəyi
mənfəətin və çata biləcəyi hədəflərin qısa məzmunu belə ola bilərdi:
Artıq kənd təsərrüfatı məhsulları istehsalına və aqrar sektora
subsidiyalar, dotasiyalar ayrılmasına zərurət qalmayıb;
Azərbaycan markalı (brendlər) kənd təsərrüfatı məhsullarının
dünya əmtəə bazarlarına çıxışı genişmiqyaslı və həcmli bir səviyyədə
formalaşıb;
Ölkənin bütün regionlarında qeyri-neft ixracı potensialının yeni
mənbələri yaradılıb;
Neft gəlirləri ilə bərabər, ölkəyə daxil olan valyuta resurslarında
qeyri-neft sektorunun payı durmadan artmaqdadır;
Ölkə regionlarının əksəriyyətinin büdcəsi yerli maliyyə resursları
hesabına formalaşır;
Qeyri-neft sektorunun ixracı ölkə iqtisadiyyatının artım tempinin
yeni əsas və sabit mənbəyinə çevrilib;
Qeyri-neft sektorunun ixrac potensialının genişləndirilməsi Azər-
baycanın iqtisadi inkişaf səviyyəsini əhəmiyyətli dərəcədə artırmağa
Arif Şəkərəliyev, Qoşqar Şəkərəliyev
86
imkan verib və ölkəmiz öz iqtisadiyyatını neft-qaz amili asılılığından
qurtarmağa nail olub və s.
Göründüyü kimi, bu vəzifələr və hədəflər heç də asan həll olunası
məsələlər deyildir və hazırda 2020-ci il də daxil olmaqla, həmin isti-
qamətlər üzrə ölkə iqtisadiyyatının, onun müxtəlif sektorlarının, o
cümlədən qeyri-neft sektorunun ixractəyinatlı sahələrinin davamlı in-
kişafı, bu proseslərdə yüksək nəticələrin əldə edilməsi və bütövlükdə
Azərbaycanın dünya ölkələri arasında sabit və dayanıqlı yer alması
üçün, əvvəllərdə də qeyd olunduğu kimi dövlət proqramları, tədbirlər
planı, strateji hədəflər müəyyənləşdirilmişdir.
Qeyri-neft sektorunun ixrac potensialının təkmilləşdirməsi məqsə-
dilə mühüm istiqamət kimi çıxış edən məsələlərdən biri də sahibkarlıq
subyektlərinin ixrac fəaliyyəti ilə daha səmərəli və məhsuldar məşğul ol-
maları problemidir. Biz bu barədə tədqiqat materiallarında qeyd etmişdik
ki, xarici iqtisadi fəaliyyət iştirakçılarının xarici bazarda rəqabət qabiliy-
yətinin artırılması qlobal dünya bazarları şəraitində xeyli çətinləşmişdir
və bu problemə sistemli yanaşma tələb olunur. Dövlət tərəfindən sahib-
karlığın dəstəklənməsi mexanizmlərinin çoxşaxəliliyinə baxmayaraq, bu
sahənin ixrac potensialının artırılması, stimullaşdırılması üçün daha ef-
fektiv istiqamətlərin müəyyənləşdirilməsi və gerçəkləşdirilməsi zərurəti
qalmaqdadır. Bu sahənin qeyri-neft sektorunun inkişafında əhəmiyyəti
bəllidir və bunlar dövlətin iqtisadi siyasətində daimi olaraq, prioritet isti-
qamətlər sırasındadır. Bunlarla belə, ölkədə sahibkarlıq fəaliyyətinin döv-
lət tənzimlənməsi mexanizmlərinin təkmilləşdirilməsi və əlverişli biznes
mühitinin formalaşdırılması istiqamətlərində yaxın perspektivdə daha
təsirli tədbirlərin görülməsi vacibdir. Ölkə Prezidentinin “Sahibkarlığın
inkişafı ilə bağlı əlavə tədbirlər haqqında” 3 mart 2014-cü il tarixli Fər-
manında bu problemlərə toxunulub. Mühüm məsələlərdən biri kimi də
idxal-ixrac əməliyyatları zamanı tələb olunan sənədlərin, müddət və
xərclərin azaldılması üçün qanunvericiliyə dəyişikliklər edilməsi barədə
təkliflərin hazırlanması qeyd olunmuşdur və bu məqsədlərlə müvafiq icra
orqanlarına tapşırıqlar verilmişdir. Fikrimizcə, bu sahəyə olan dövlət dəs-
təyi mexanizmlərinin, qanunvericilik bazasının bir daha müasir qlobal tə-
ləblər baxımından təkmilləşdiriləcəyi təqdirdə, Azərbaycan özəl sektorda
milli iqtisadiyyatın artımı üçün ciddi mənbələr əldə edəcək, bir çox müs-
bət və məhsuldar nəticələrlə yanaşı, ixrac potensialının, yəni qeyri-neft
sektoru ixracının gücləndirilməsində əsaslı nailiyyətlər əldə etmək im-
kanına malik olacaqdır.
Dostları ilə paylaş: |