AZƏRBAYCAN İQTİSADİYYATI: reallıqlar və perspektivlər
81
nə olan tələbatının daha dolğun ödənilməsi, şərabçılıq və üzüm emalı
müəssisələrinin xammal təminatının yaxşılaşdırılması, şərab və üzüm
məhsullarının ixracının artırılması üçün ölkədə üzümçülüyün inki-
şafını stimullaşdırmaqdan ibarətdir.
Qeyd etmək lazımdır ki, Azərbaycanda qeyri-neft sektorun ixrac
potensialının təhlili və tənzimlənməsini araşdırarkən ölkə iqtisadiyya-
tının qlobal təsirlərdən etibarlı qorunmasının təşkili üçün ilk növbədə
ixracyönümlü istehsal sahələrinin genişləndirilməsini, ixracın stimul-
laşdırılmasına sistemli yanaşmanın təmin olunmasını, bu sahədə sa-
hibkarlıq subyektlərinin fəallığının artırılmasını, ayrı-ayrı qeyri-neft
sektoru sahələrinin investisiya cəlbediciliyinin yüksəldilməsini vacib
meyarlar kimi qeyd etmişdik.
İqtisadiyyatın qloballaşması dünya inkişafının qanunauyğunluqla-
rından biridir. Iqtisadiyyatın artan qloballaşması kapitalın yerdəyişmə
miqyasının və tempinin kəskin artımında ifadə edilir. Bu halda kapita-
lın səmərəli hərəkəti tsiklinin əsasında milli iqtisadiyyatın diversifika-
siyalaşdırılması və ölkəyə gətirilən valyuta resurslarının ehtiyatının
sabit saxlanılması, həm də artırılması üçün ixrac potensialının diversi-
fikasiyalaşdırılması vacib şərtlər kimi çıxış edir. Azərbaycanın ixrac
strategiyasında məqsəd davamlı iqtisadi təhlükəsizliyin və xarici siya-
sətin maddi bazasının möhkəmləndirilməsindən ibarətdir. İxrac strate-
giyasının qurulması zamanı karbohidrogen və qeyri-karbohidrogen ix-
racının optimal tarazlaşdırılması vacib şərtdir. Qeyri-neft ixracı sahə-
sində kənd təsərrüfatı və ərzaq istehsalı indiki məqamda əsas yer tutur.
Eyni zamanda, neft-kimya məhsullarının, habelə elektrik enerjisinin
ixracı sahəsində kənd təsərrüfatı və ərzaq istehsalı indiki məqamda
əsas yer tutur. Eyni zamanda, neft-kimya məhsullarının, habelə elek-
trik enerjisinin ixracı potensialı vardır. Azərbaycan coğrafi mövqeyi-
nin üstünlüyündən istifadə etməklə, həm Böyük İpək yolu, həm də Şi-
mal-Cənub dəhlizi üzrə təkcə karbohidrogen deyil, digər malların da
daşınması üçün yaxşı imkanlara malikdir. Nəhayət, Azərbaycan xid-
mət sferası (turizm, maliyyə-bank, İKT və s) üzrə ixrac imkanlarını
genişləndirə bilər. Lakin qeyri-neft ixracının şaxələndirilməsi istiqa-
mətində çağırışlar qalır. Qeyd etmək lazımdır ki, Azərbaycanda iqtisa-
diyyatın rəqabət qabiliyyətinin qlobal təsirlər şəraitində arta bilməsi
imkanları və yolları mövcuddur, bir şərtlə ki, ölkədə ixracyönümlü
qeyri-neft sektoru məhsullarının çeşidinin əhəmiyyətli səviyyədə da-
vamlı artımı təmin olunmalıdır. Qloballaşma şəraitində milli iqtisadiy-
Arif Şəkərəliyev, Qoşqar Şəkərəliyev
82
yatın təhlükəsizliyinin təmin edilməsinin əsas istiqamətləri üzrə tədqi-
qat aparan A. Xudiyev bildirir ki, Azərbaycan ixracı əmtəələrin müstə-
visinin kənar periferiyasında yerləşir və hazırkı ixrac səbətində ən ya-
xın əmtəələrə məsafə çox böyükdür. Bu səbəbdən də Azərbaycan iqti-
sadiyyatının təbii, yaxud "üzvi" diversifikasiyası çox çətindir. Lakin
fikrimizcə, bu mülahizələrdə obyektivliyin mövcudluğuna şübhə et-
mədən, qeyd etmək olar ki, Azərbaycanda “İqtisadiyyatın təbii diver-
sifikasiyası” və yaxud “üzvi diversifikasiyası” anlayışları altında ixra-
cın potensialının heç də az olmayan səmərəli yollarını tapmaq pers-
pektivləri qalmaqdadır:
Əvvəla, ölkənin təbii resursları, zəngin yeraltı və yerüstü ehtiyat-
ları, əmək və intellekt resursları və s. amilləri kifayət qədərdir;
İkincisi, qeyd olunduğu kimi, bir sıra güclü potensiala malik qey-
ri-neft sektoru sahələrinin potensialından səmərəli istifadə olunmalı və
onların ixrac-yönümlüyü daha dərindən müəyyənləşdirilməlidir (kim-
ya və neft-kimya, metallurgiya, neft və qaz maqşınqayırması, kənd tə-
sərrüfatı və aqrar sektor və s.)
Üçüncüsü, ölkənin ixrac sektorunun diversifikasiyalaşdırılma st-
rategiyası optimallaşdırılmalı, rəqabət, qlobal meyarlar nəzərə alınma-
lı, adekvat tədbirlər müəyyənləşdirilməli və s.
Qloballaşma şəraitində qeyri-neft sektorunun ixrac potensialından
istifadənin daha səmərəli təşkili və yüksəldilməsi yollarından mühüm-
lüyü ilə seçilən prioritetlərdən biri də Azərbaycanın valyuta ehtiyatla-
rından effektiv şəkildə istifadənin təmin olunması, xarici kapitalın öl-
kəyə gətirilməsi və investisiyaların cəlbi proseslərində müasir iqtisadi
tendensiyalara adekvat iqtisadi siyasət mexanizmlərinin dövriyyəyə
buraxılması, ölkənin xaricə kapital ixrac etmək imkanlarının uzaq
perspektivlər nəzərə alınmaqla və milli iqtisadi maraqlar qorunmaqla
optimal modelləşdirilməsidir. Akademik Z. Səmədzadə qeyd edir ki,
Azərbaycan son vaxtlar investisiya mühitində vəziyyəti xeyli dərəcədə
yaxşılaşdırmışdır. Xarici investorlar tərəfindən ölkəyə marağın artma-
sı buna əyani sübutdur. Ölkənin maliyyə imkanlarının ciddi şəkildə
güclənməsinə baxmayaraq, dövlət başçısı xarici kapitalın bundan son-
ra da Azərbaycan iqtisadiyyatının inkişafında iştirakını hərtərəfli dəs-
təkləyir, eyni zamanda xarici iş adamlarının qeyri-neft sektorunda
daha fəal iştirak etmələrini tövsiyə edir. Ümumiyyətlə, dövlət başçısı
Azərbaycan iqtisadiyyatının ixrac potensialının möhkəmlənməsini, rə-
qabətqabiliyyətli məhsul istehsalının genişləndirilməsi istiqamətində
AZƏRBAYCAN İQTİSADİYYATI: reallıqlar və perspektivlər
83
görülən işlərin daha da gücləndirilməsini qeyd etməklə yanaşı, diqqəti
ölkəmiz üçün vacib əhəmiyyət kəsb edən bir məsələyə də cəlb edir.
Söhbət maliyyə imkanları və iqtisadi qüdrətin artması nəticəsində
Azərbaycanın xarici ölkələrdə investisiya layihələrinin həyata keçiril-
məsində iştirakından gedir. Azərbaycanın qeyri-neft sektorunun ixrac
potensialının genişləndirilməsi yollarının çoxvektorluğu istiqamətində
bir sıra əlverişli istiqamətlər formalaşdırmaq mümkündür:
Azərbaycanın qlobal maliyyə və investisiya mühiti şəraitində
beynəlxalq inteqrasiya kanallarına daha fəal çıxması ixracın qeyri-neft
sektorları, o cümlədən xidmət sahələri üzrə diversifikasiyalaşdırılma-
sına əlavə imkanlar açır;
Fəal surətdə beynəlxalq iqtisadi əməkdaşlıq, təsərrüfat və koope-
rasiya əlaqələrinə qoşulan milli şirkətlərin ixrac potensialında rolunun
yüksəldilməsinin stimullaşdırıması proseslərində yeni əlverişli im-
kanlar formalaşdırılır;
Bu və ya digər formada xarici ticarət fəaliyyətinin fəallaşması ilk
növbədə ixrac potensialının yüksəlməsinə gətirib çıxaracaqdır, çünki
qeyri-neft sektorunun ixrac potensialının yüksəldilməsi dövlətin xarici
ticarət iqtisadi siyasətinin ana xəttini təşkil edir və s.
Hazırkı şəraitdə Azərbaycanda dövlətin özəl sektora, qeyri-neft
sektoruna, həmçinin bank sektoruna sistemli dövlət dəstəyi mexanizm-
ləri ilə yanaşması, nisbətən dayanıqlı iqtisadi siyasət formalaşdırlması
bu qənaətə gəlməyə imkan verir ki, növbəti illərdə ölkənin kommersiya
banklarının kreditləri hesabına müxtəlif real iqtisadi sektorların inkişafı-
nın sürətləndirilməsi, onların ixrac potensiallarının artırılması yollarının
şaxələndirilməsi intensivləşəcəkdir. Təəssüf ki, hələlik bu istiqamətdəki
effektiv imkanlar dərindən öyrənilməmişdir və sahibkarlıq, biznes
subyektlərinin maarifləndirilməsi prosesləri, bu fəaliyyət sxeminin, o
cümlədən, bank sektorunun fəaliyyəti üçün əhəmiyyətliliyi geniş təbliğ
edilməmişdir. İqtisadçı F.Müstafayevin gəldiyi nəticələrə görə, nəqliy-
yat və rabitə sektoruna yatırılan hər bir manat kredit 4,7 manatlıq əlavə
ÜDM yaradır. Tikinti sektoruna yatırılan hər bir manat kredit əlavə 4,46
manatlıq ÜDM əmələ gətirir. Kənd təsərrüfatına yönəldilən 1 manat
kreditin artım “multiplikasiya əmsalı” təqribən 4-dür və s. Bir sözlə,
qeyri-neft sektorunun kreditləşdirmə və maliyyələşdirmə mənbələrinin
şaxələndirilməsi, bu sahənin ixrac potensialının yüksəldilməsi yolların-
dan əhəmiyyətlisi kimi xarakterizə olunur.
Dostları ilə paylaş: |