87
III FƏSİL
AZƏRBAYCAN İQTİSADİYYATINA XARİCİ İNVESTİSİYA
QOYULUŞU VƏ ONUN SƏMƏRƏLİİLİYİ
“Azərbaycanın münbit investisiya mühiti
həmişə xarici sahibkarları özünə cəlb edir.
Bunun nəticəsidir ki, ötən illər ərzində
Azərbaycanın iqtisadiyyatına xarici
sərmayənin qoyuluşu davam edir.”
İlham Əliyev
1. Azərbaycan iqtisadiyyatına xarici investisiyaların cəlb edil-
məsi və onun səmərəliliyi
Azərbaycan Respublikasının müstəqillik əldə etməsi ilə əlaqədar
öz iqtisadiyyatını yeni prinsiplər üzərində qurması və inkişaf etdirmə-
si, ondan dünya ölkələri ilə açıq bazar münasibətlərinə girməsini tələb
edirdi.
Azərbaycanın ilk müstəqil addımlarından biri iqtisadiyyatı libe-
rallaşdırmaq olmuşdur. Lakin məlum siyasi, hərbi və digər problem-
lərlə üzləşən Azərbaycan hökuməti iqtisadiyyatın liberallaşdırılmasını
lazımi səviyyədə əldə edə bilmədi. Özü də liberallaşma siyasətinin yü-
rüdülməsi, yəni beynəlxalq ticarətin, qiymətələrin və s. liberallaşdırıl-
ması ölkə iqtisadiyyatında maliyyə vəsaitlərinin qıtlığı, hökuməti xari-
ci mənbələrə müraciət etməyə vadar etdi. Azərbaycanın beynəlxalq iq-
tisadi münasibətlər sisteminə tam və bərabərhüquqlu üzv kimi daxil
olması ölkə, region və dünya iqtisadiyyatı üçün əhəmiyyətli olan bir
hadisənin - “Əsrin müqaviləsi”nin baş tutması ilə mümkün oldu. Onu
da qeyd etmək lazımdır ki, bu möhtəşəm müqavilənin bağlanmasından
əvvəl ölkə iqtisadiyyatında bəzi islahatları həyata keçirmək üçün bir
sıra mühüm beynəlxalq təşkilatlardan maliyyə dəstəyi almışdır. Lakin
bu cür münasibətlər ölkəyə beynəlxalq iqtisadi münasibətlər sistemin-
də əlahiddə status vermir.
Azərbaycan Respublikasının iqtisadiyyatına xarici investisiyaların
cəlb edilməsini stimullaşdıran əsas amlillər haqda bunları qeyd edə bi-
Arif Şəkərəliyev, Qoşqar Şəkərəliyev
88
lərik ki, əvvəla ölkə iqtisadiyyatına xarici investisiyaların cəlb edilmə-
sinin başlıca səbəbi iqtisadiyyatda uzun müddət mövcud olmuş dur-
ğunluq və böhran vəziyyətindən çıxarmaq, həmçinin də ölkədaxili yı-
ğımların məhdud səviyyədə olmasına rəğmən xarici investisiyaların he-
sabına sahibkarlığın investisiya aktivliyini artırmaqdır. Bundan əlavə,
ölkə iqtisadiyyatı böhran vəziyyətindən çıxdıqdan sonra belə, ölkədə
geniş maliyyə sistemi və ona uyğun maliyyə institutları yarandıqdan
sonra belə, xarici investisiyalara böyük ehtiyac duyulur. Çünki bank-
lardan alınan vəsaitlər “bahalı vəsait” kimi qəbul olunur və sahibkarlar
bank kreditlərindən çox xarici investorların partnyorluğuna üstünlük
verirlər. Bununla belə bir çox sahələrdə vəsaitin dövr müddəti uzun ol-
duğundan banklar həmin sahələrə vəsait ayırmaqdan boyun qaçırırlar,
lakin xarici investorlar üçün bu sahələr bəzən cəlb- edici ola bilir.
Dünya kapital bazarında investisiyalara olan tələb təklifi üstələdi-
yindən xarici investisiyaların ölkə iqtisadiyyatına cəlb edilməsi ölkə-
ləri bu sferada fəaliyyətlərini bir daha artırmağa sövq edir.
Qeyd etmək lazımdır ki, qoballaşma iqtisadi baxımdan artıq mal-
ların və xidmətlərin ölkələr arasında məhdudiyyətsiz hərəkətini təmin
edə biləcək bir proses kimi qəbul edilir. Xarici investisiyalar malların
və xidmətlərin beynəlxalq axınına “qoşulan” və bu dövriyyədə daha
da sürətlə xüsusi çəkisini artıran bir elementə çevrilmişdir. Bu reallıq
İkinci Dünya müharibəsindən sonra meydana gəlmiş və XX əsrin 80-
ci illərindən bəri daha da geniş vüsət almışdır.
Xarici investisiyaların ölkə iqtisadiyyatına cəlb edilməsində mü-
hüm təsir edici qüvvə, yerli qanunvericilik bazasıdır ki, həmin qanun-
vericilik bazası xarici investorların fəaliyyət çərçivəsini müəyyən edir.
Bu baxımdan “İnvestisiya fəaliyyəti haqqında Azərbaycan Respubli-
kasının Qanununun dördüncü maddəsi xüsusi qeyd olunmalıdır:
Azərbaycan Respublikasının və xarici olkələrin vətəndaşları və
huquqi şəxsləri, vətəndaşlığı olmayan şəxslər, habelə dövlətlər investi-
siya fəaliyyətinin subyektləri (investorları və iştirakçıları) ola bilərlər.
Dünya iqtisadiyyatının genişlənməsi ilə əlaqədar olaraq inkişafa
zəmin yaradan resurslardan istifadə imkanları da artır. Lakin əvvəlki
kimi bu kapital, məhdud sayda resurslarının sahibləri - inkişaf etmiş
ölkələrin “əlində” cəmləşmişdir.
XX əsrin sonundan başlayaraq İEÖ-in iqtisadiyyatına yönələn
birbaşa investisiyaların həcmi artdı. Yəqin ki, bu tendensiya müvəq-
qəti xarakter daşıyır. Lakin İEÖ-in investisiya ixracının başlanmasını
AZƏRBAYCAN İQTİSADİYYATI: reallıqlar və perspektivlər
89
proqnozlaşdırmaq hələ ki, qeyri-mümkündür. Bununla belə investisiya
axınlarının istiqamətləri qabaqcadan müəyyən qədər özünü büruzə
verir. Çünki birbaşa xarici investisiyalar şəksiz ki, yatırımlar üçün
daha yaxşı investisiya mühiti formalaşdırmış və hökumət, ictimaiyyət,
biznes tərəfindən xarici investisiyalara qarşı dəqiq mövqe seçilmiş
ölkələrə doğru axacaqdır.
Ölkədə xarici investisiyaların həcmi elə səviyyədə olmalıdır ki,
investisiyanı qəbul edən ölkənin iqtisadiyyatının effektivliyi təmin
olunsun. Beynəlxalq investisiya rəqabəti mübarizəsində investorlara
daha liberal investisiya rejimi təklif edən ölkə qalib olur. Onu da qeyd
edək ki, investisiya stimulları və onların investisiya cəlb etməsindəki
rolu nisbidir. Tədqiqatlar göstərir ki, investisiya stimulları ölkənin
İEÖ ya da İEOÖ olmasından asılı olmayaraq, əksər hallarda investisi-
ya cəlb edilməsi prosesinə təsir etmirlər.
Xarici investisiyaların Azərbaycan Respublikasına cəlb edilməsi
yönündə ölkədə hökumət tərəfindən əsaslı addımlar atılmışdır. Azər-
baycan iqtisadiyyatının potensialını nəzərə alsaq və dünyada mövcud
iqtisadi durumu qiymətləndirsək, onda şəksiz bu nəticəyə gələ bilərik
ki, Azərbaycan Respublikası hökumətinin son onillikdə ölkə iqtisadiy-
yatına xarici investisiyaların cəlb edilməsi yönündə ölkədə formalaş-
dırdığı investisiya mühiti reallığın tələbi və təcəssümüdür.
Xarici investorların Azərbaycan iqtisadiyyatına olan marağının
artmasının səbəblərindən biri bəzi maneələrin tamamilə aradan qal-
dırılmasıdır. Həmin maneələrdən misal kimi ikiqat vergitutmanın bəzi
ölkələrlə bağlanmış müqavilələr sayəsində tamamilə aradan qaldırıl-
ması, mənfəətin başqa valyutalara maneəsiz çevrilməsi, mənfəətin
digər ölkələrə köçürülməsi kimi maneələr ləğv edilmişdir. Bunlarla
yanaşı formalaşdırılmış investisiya mühiti nəinki xarici investisiyala-
rın cəlb edilməsinə, hətta reinvestisiyaları stimullaşdırmağa xidmət
edir. Bütün bunlar nəinki xarici investorların Azərbaycan iqtisadiyya-
tına olan marağını artırır, onlarla yanaşı beynəlxalq maliyyə qurumla-
rının və iqtisadi təşkilatların marağını artırır.
Formalaşdırılmış əlverişli investisiya mühitinin bir tərkib hissəsi
hüquqi bazadırsa, digər mühüm hissə investisiya mühitidir ki, o, çox-
tərəfli olub çoxsaylı tərkib hissəsindən ibarətdir. Onlardan biri ölkədə
mövcud olan müsbət iqtisadi tendensiyalardır. Bu tendensiyaların nəti-
cəsi olaraq davamlı və sabit iqtisadi inkişafdır. Bizim ölkəmizin timsa-
lında bu ölkənin və regionun ən iri layihəsi olan “Əsrin müqaviləsi-
Dostları ilə paylaş: |