179
II FƏSİL:
Xarici siyasətin həyata keçirilməsi vasitələri və diplomatiya
Diplomatiyanın əsasları
Diplomatiya bölməsi beynəlxalq münasibətlər anlayışının
ən mühüm tədqiqat istiqamətlərindən biridir. Diplomatiya həm
də ona görə mühümdür ki, bu fəaliyyət sahəsində birbaşa
dövlətlərin özləri təmsil olunurlar. Dövlətlərin bir-birilərinin
daxilində daimi təzahürləri (bur dövlətin xarici və daxili
siyasətində digər dövlətləri görmək mümkündür) onların daimi
təmsilçilik fəaliyyətləri olan diplomatiyada (diplomatik
fəaliyyət müəyyən qısa müddətlər üçün də nəzərdə tutula bilir)
öz əksini tapır. Diplomatiya dövləti beynəlxalq aləmdə təmsil
edən ən mühüm fəaliyyət istiqamətidir. Diplomatiya özü bir
istiqamət kimi beynəlxalq münasibətlərin baza sahəsindən
şaxələnməklə yanaşı, həm də beynəlxalq münasibətləri
yönləndirən bir baza istiqamətidir.
Diplomatiyanın özünün baza istiqamətləri vardır və hər bir
istiqamət tədqiqat predmeti kimi əhəmiyyət kəsb edir.
Diplomatiya beynəlxalq münasibətlərin bütün sahələrində
ümumiləşdirici və xüsusiləşdirici, bu baxımdan konkretləş-
dirici, eləcə də sistemləşdirici, bağlayıcı, şərtləndirici və
istiqamətverici əhəmiyyət kəsb edir. Diplomatiya bütün sahələr
arasında həm daxili, həm də üst qat bağlayıcı funksiyanı yerinə
yetirir. Diplomatiya həm də bir sənət sahəsi olaraq, dövlətlər-
arası və xalqlararası münasibətlərdə ən qədim fəaliyyət
sahəsidir.
Siyasət hərəkətlər olduğundan istiqamətlərdən və vasitələr-
dən ibarət olan vahidlikdir. Siyasət insanlara və insanların
yaratdıqları qurumlara aid edilən fəaliyyət olduğundan, bu
fəaliyyət konkret və mücərrəd formalarda həyata keçirilir.
Siyasi fəaliyyətin həyata keçirilməsi üçün şəxslər tərəfindən
180
bir-birindən istifadə halları meydana gəlir. Burada şəxslər
ötürcü-vasitələr (tərəflər) rolunda çıxış edirlər. Siyasət tabeli
qaydada şəxlsər arasında vəzifələr bölgüsünə uyğun olaraq
həyata keçirilir. Vəzifələr bölgüsü vəzifə təlimatlarını (vəzifə-
nin statusunu, funksiyasını, vəzifədə olan şəxsin hüquqlarını və
səlahiyyətlərini, eləcə də öhdəliklərini özündə əks etdirən
sənədlər) meydana gətirir. Qurumlar arasında olan fəaliyyət
bölgüsü, funksiya bölgüsü isə nizamnamələri və əsasnanmələri
(subyektlərin fəaliyyətlərini tənizm edən və statuslarını
müəyyən edən sənədlər) formalaşdırır. Siyasətin daxili və
xarici sahələrə bölünməklə fərqliliyi təbii ki, fərqli vəzifələri və
funksiyaları, eləcə də hüquqları yaradır. Bu kimi əsaslardan
irəli gələrək şəxslərin və qurumların (hüquqi şəxslərin)
hüquqları formalaşdırılır.
Bütün istiqamətlər üzrə hər bir hərəkət və fəaliyyət
müəyyən vasitələrlə yerinə yetirilir. (Qeyd: hərəkətlər,
xüsusilə dövlətə (dövlət hakimiyyətinə) aid olan fəaliyyət
(aktlar) nizamlı şəkildə təmin olunur. Bu təminat dövlətin
nizamlı funksiya daşıması kimi əhəmiyyətini üzərə çıxarır.
Dövlətin (dövlət hakimiyyətinin) hərəkətləri nizamlanır və
sərhədlərdən kənardakı məkanı əhatə edən siyasət üçün
tənzimedici
qurumlar
formalaşdırılır.
Bu
tənzimedici
qurumlar siyasət istiqamətlərinin bir-birini şərtləndirməsini,
bağlılığı, keçidləri və digər əlaqəli vəziyyətləri ortaya çıxarır).
Belə vasitələr qismində həm subyektlər (burada mərkəzi icra
qurumları və diplomatik nümayəndəliklər), həm obyektlər
(əlaqələrin yarandığı sahələr və predmetlər), həm də cansız
vasitələr, yəni alətlər (burada normalar, etiket qaydaları və
müəyyən avadanlıqlar) çıxş edir. Alətlərdən istifadə olunur.
Vasitələr vasitələri (alətləri və obyektləri) istifadə edirlər. Bu
istifadə vasitələri birlikdə ayrı-ayrı istiqamətlər üzrə siyasətin
forma və məzmununu təşkil edir. Xarici siyasətin məkanlar
üzrə yayılmasında vasitələr (burada subyektlər) təbii ki,
ötürücü, şəbəkə müəyyənedici rola malik olurlar. Məsələn, bir
181
dövlətin ayrı-ayrı ölkələrdə diplomatik nümayəndəlikləri və
onların arasında olan əlaqələr, eləcə də onlarla müvafiq
mərkəzi icra hakimiyyəti orqanı arasında olan əlaqələr şəbəkə
xarakterinə malik olur. Vasitələr həm də uzlaşdırıcı, əlaqələr
yaradıcı subyektlər kimi çıxış edirlər. Xarici İşlər Nazirliyinin,
diplomatik nümayəndəliklərin qarşılıqlı əlaqələr fonunda
fəaliyyətini buna nümunə göstərmək olar. Bu da ondan irəli
gəlir ki, xarici siyasət məkanlar üzrə şəxslər arasında yayıla-
yayıla həyata keçirilir. Dövlət rəhbəri-hökumətin üzvləri
(nazirlər kabinetinə daxil olan mərkəzi icra qurumlarının
rəhbərləri)-diplomatik
nümayəndələrin
rəhbərləri
birliyi
siyasətin-diplomatik fəaliyyətin şaxələnməsini təmin edir.
Diplomatik fəaliyyətin şaxələnməsində aidiyyatı mərkəzi icra
qurumunun şəxsi heyəti, diplomatik personalın üzvləri
(Diplomatik əlaqələr haqqında Vyana Konvensiyasına əsasən,
bu üzvlər nümayəndəlik personalının diplomatik rütbələrə
malik olan üzvləridir. Nümayəndəlik personalı isə diplomatik
personal, inzibati-texniki personal və xidməti personaldan
ibarətdir. Hətta həmin sənəddə nümayəndəlik əməkdaşının ev
işlərini yerinə yetirən və akkreditə edən dövlətin işçisi
olmayan-“xüsusi ev işçisi”olan şəxs də vardır. –Konven-
siyanın
birinci
maddəsi)
iştirak
edirlər.
Diplomatik
nümayəndəliyin üzvləri (dövləti təmsil edən birinci şəxsdən-
səfirdən, elçidən və konsuldan başqa) xarici işlər nazirləri
tərəfindən təyin olunurlar və vəzifədən azad olunurlar. Həmin
işçilər xarici işlər nazirliyinin əməkdaşları olaraq, səfirliklərə,
beynəlxalq təşkilatlardakı nümayəndəliklərə və konsulluqlara
müəyyən müddətlərə (rotasiya prinsipi ilə) ezam olunurlar.
Hərəkətin xassələri və hərəkət vasitələrinin xüsusiyyətləri
siyasətin ayrı-ayrı sahələrini, forma və məzmununu üzərə
çıxarır. Sahələr ayrı-ayrı maraq tərkiblərindən formalaşır.
Siyasət vasitələri arasında üzvi bağlılıq vəhdəti təşkil edir.
Xarici siyasət istiqamətləri arasında uzlaşmalar meydana
gətirilir. İstiqamətlərin birləşdirilməsi, eləcə də vahid istiqa-
Dostları ilə paylaş: |