56
- İzzət bəy, icazə ver gedim Cahangirin özünnən soruşum.
Əgər razılıx versə götürüf özümnən gətirrəm.
Bir azdan vəzir Cahangirnən İzzət şahın hüzuruna yetişdi.
Bildirdi ki bəy sağ olsun, hansı üzünə desək Hafiz əfəndiyə
cavaf verəsi dilim var.
Əlqərəz, bunu deyif Cahangir bəy sazını da götürüf bir baş
məclisə daxil oldu. Meydanın ortasına gəlif Hafiz əfəndiyi
yarışa dəvət elədi. Bəli, məclis başdadı.
Hafiz əfəndi dedi:
- Oğul, əvvəlcə urusğat
1
sənindi, ya mənim?
Cahangir bəy cavab verdi:
- Hafiz əfəndi, qərib kimsənəsən, özü də ağsaqqal ustadsan,
söz sənindi.
Bu məqamda Hafiz əfəndi götürdü görək nə dedi:
Sən bir bəzirganın cavan oğlusan,
Malı-mətahını satıb gedərsən.
Öz-özünü salma mənim cəngimə,
Axırında peşman olub gedərsən.
Cahangir bəy:
O doğrudu, mən bəzirgan oğluyam,
Malı-mətahımı satıb gedərəm.
Çoxdu mənim satın alma qullarım,
Səni də onlara qatıb gedərəm.
Hafiz əfəndi:
İnanginən yeminimə, andıma,
Qocalsam da, gümanım var kəndimə.
Hafizsən, düşməynən feli-fəndimə,
Kəndini kəməndə salıb gedərsən.
1
urusğat – növbə, icazə
57
Cahangir bəy:
Qoca, andın qənim olsun canına,
Şəyirdləri nə düzüfsən yanına.
Ağ saqqalın batıraram qanına,
Başın bədənnən atıb gedərsən.
Hafiz əfəndi:
Hafiz əfəndiyəm, gəl məni tanı,
Çoxları qarşımda sındı, usandı.
Ellər görür baş-bədəndən atanı,
Bir cana borclusan, ölüb gedərsən.
Cahangir bəy:
Adım Cahangirdi, özüm şahzadə,
Mən ümman, dəryayam, sənsən bir ada.
Bir aşıq qoymaram cəmi dünyada,
Cəmisin qol-qola çatıb gedərəm.
Söz tamama yetişdi, bu dəfə növbə Cahangir bəyə çatdı.
Götürdü görək nə dedi, nejə dedi:
Ay usta, mən o səhranı gəzəndə,
İrast gəldim əmbiyalar beşinə.
İyirmi kəlmə gördüm bir varaq üstə,
On firudin, beş Sulidin, beşi nə?
Hafiz əfəndi gördü ki, giriləsi kol döylü. Baş qarışmaxdan
ötrü dedi:
- Oğul, sən hamısını birdən de, mən hamısına birdən cavaf
verərəm. Götürdü Cahangir bəy:
Usta, mən gəlirəm dağ ilə daşdan,
Kimə səda gəlif səhər o başdan?
Bəs sənin xəbərin varmı on beşdən,
Beş mələkdi, beş kitabdı, beşi nə?
Hafiz əfəndi genə möhlət istədi. Götürdü Cahangir bəy:
Cahangir sanını endirdi ona,
Geyinib keçindim bir ayrı dona.
58
İftida kim idi gəldi cahana,
Beşi pəncəlabdı, beşi nə?
Hafiz əfəndi yenə də cavaf verə bilmədi. Cahangir Hafiz
əfəndinin də, şəyirdlərinin də sazdarını əllərindən alıf özdərini
də üzü qara yola saldı.
İzzət bəy Lələni də, Cahangir bəyi də yanına çağırıf dedi:
- Siz mənim hər iki çətin vaxtımda qolumnan tutdunuz. İndi
deyin görüm ürəyiniz nə istəsə yerinə yetirəjəm. Lələ İzzət bəyin
bu sözünnən sonra üzünü Cahangirə tutuf dedi:
- Oğlum, indi məqamdı, utanıf-çəkinmə, istəyini bildir. Ca-
hangir sazı sinəsinə basıf üz tutdu İzzət bəyə tərəf görək nə dedi:
Bir adı Diləpruz, bir adı Pəri,
Bir adı da onun var-Mələksuma.
İzzət bəy bacısı, padşahın qızı,
Versən mənə olar yar-Mələksuma.
Elləri var İsvahanın dağında,
Hindistanın baxçasında, bağında.
Gəlsə bahar son zimistan çağında,
Bülbülə yağıdı xar, Mələksuma.
İzzət bəy fikrə getdi, işi başa düşdü. Dedi:
- Oğul, mənnən ötəri hər şey aydındı. Mənə qalsa mən irazı.
Ancax bizim atamızın da irazılığı lazımdı. Atam qojaldığınnan şah-
lığı mənə təhvil verib. İndi gedif onuynan da məsləhətləşək. İşi belə
görəndə Cahangir bəy götürdü sözün möhürbəndini nejə tamamladı:
Cahangir də qönçə gülün dərməsə,
Cəllad gəlib bu boynumu vurmasa,
Qardaşın razıdı, atan verməsə,
Bir ayrı xəyalım var, Mələksuma.
Cahangir sözünü qurtarar-qurtarmaz Lələ İzzət bəyə üz tu-
tuf dedi:
- İzzət bəy, bu oğlan əslində Misir padşahı Ədil şahın oğludu.
Biz Ədil şahın razılığıynan nə müddətdi bəzirgan libasında gəlif burda
59
ticarətnən məşğuluq. Məqsədimiz nə ticarətdi, nə də başqa bir şey.
Mən özüm də Ədil şahın vəziriyəm, Cahangiri tək buraxmamışam.
İndi özün bil, bir qızdı, verərsən ədalət elərsən, verməzsən zülüm.
Lələnin bu sözünnən sonra İzzət bəy dedi:
- O ki belə oldu, onda atamın da əvəzinnən irazılıx verirəm.
Ancax bir şərtim var ki, gərək yaza kimi gözdüyəsiniz. Qızın toy
tədarükünü görmək, cehizini, mehri-müsəmmasını hazırramax
vaxt tələb eliyir. Yaza kimi dözməlisiniz, bu günnənsə hamıya
məlum olsun ki, Mələksuma Cahangir bəyin nişanlısı sayılır.
Balaca bir məclis qurdular, araya şirinlik gətirdilər. Mələksu-
manı Cahangir bəyə ad eliyif hər kəs öz öyünə dağıldı.
Aradan bir neçə vaxt keçdi. İzzət bəyin fikrinə qara-qura
fikirlər gəldi. Öz-özünə dedi: “Ay zalım, bəlkə bu Lələ məni alda-
dıf qızı Cahangirə almağ istiyir. Bəlkə bu heç şah oğlu döylü. Şah
oğlu olsa gəlif mənim şəhərimdə bəzirgannığ eliyərdimi?”
Bu fikir başınnan açılmadı ki, açılmadı. Axırda belə qərara
gəldi ki, bir qasidnən Yəmən şahına bir məktub göndərsin ki,
gecənin bir aləmi gəlif Mələksumanı oğurratsın. İzzət bəy belə
fikirləşdi ki, Yəmən şahının qohumu olsam, əvvəlki düşmançı-
lığımız da aradan qalxar.
Bəli, əzizdərim, İzzət bəy bir qasidnən Heydər xana namə
yazıf göndərdi ki, nə vaxt istəsən keçmiş ədavətdəri aradan
götürmək şərtiynən bir gecə gəlif Mələksumanı aparsın.
Deyəllər namə gəlif Heydər bəyə çatan kimi əhvalı dəyişdi.
Bütün arada olan ədavəti unutdu. Tez yola tədarük görməyə
başdadı. Qasidi də özüynən götürüf, bir qədər də qoşun düzəldif
Hindistana yol aldı.
Gəlif mənzil başına çatdılar. Qasid gəlif İzzət bəyi məsələ-
dən agah elədi. İzzət bəy belə məsləhət gördü ki, gejənin bir
aləmi Heydər bəy bir neçə qolu güjdü oğlannardan göndərsin,
Mələksuma xanımı yatağınnan götürüf qaçsınnar.
İzzət bəy deyən kimi də oldu. Həmən qasidin bələdçiliyiy-
nən gejənin bir aləmi Heydər bəyin adamları Mələksuma xanı-
Dostları ilə paylaş: |