52
bu hərifdən heç gözüm su içmir, beləsinnən hər şey gözdəmək
olar. Naəlaş qalıf livasını geyif, atdanıf meydana gəldi.
Meydana gələn kimi Cahangirə dedi:
- Oğul, sənin ağzınnan süd iyi gəlir. İkidən birdən belə
meydan görüfsənmi?
Cahangir dedi:
- İyid dilinə güj verməz, əlinə güj verər. Mən bu meydana
gəlmişəm ya öləm, ya öldürəm.
Bəxtiyar dedi:
- Oğul, pəhlivannarda qaydadı, əvvəl deyişmə, sora vuruş-
ma, üçüncü güləşmə. Sən bulara hazırsanmı?
Cahangir cavaf verdi:
- Hansı olur olsun, əmbə tez olsun, gözdüyən döyləm.
Odu ku əvvəlcə deyişməyə keşdilər. Götürdü Bəxtiyar pəhlivan:
Gəl sana söylüyüm, ay cavan oğlan,
Tərlanın yerində heç vaxt sar olmaz.
Sən uşaxsan, sənnən böyük kimsələr,
Əl açsa mənimnən bərabər olmaz.
Cahangir:
Sənə də mən deyim, duran pəhlivan,
Mən bilirəm tərlan yerin sar olmaz.
Eşqə düşüb bu meydana gəlibsən
Haqq çağıran bu meydanda xar olmaz.
Bəxtiyar:
Aç gözünü bir yaxşı bax üzümə,
Pəhlivanam gümanım var özümə.
Ayaxlayıf batıraram tozuma,
Mənim kimi ilan olmaz, mar olmaz.
53
Cahangir:
Gəl sənə mən deyim qaç
1
xana dastan,
Qarğadan qaz olmaz, tülküdən aslan.
Qurtdan çoban olmaz, gədədən sultan,
Qara daşı boyamaxnan zər olmaz.
Bəxtiyar:
Məyər tanımadın bu Bəxtiyarı,
O sözlərin heç olmadı uyarı.
Bağışlaram sən tək günahkarları,
Getsən geniş dünya sənə dar olmaz.
Cahangir:
Cahangirəm, yaxşı bildim halını
Hər tərəfdən kəsdirərəm yolunu.
Əyif qamətini, qırram qolunu,
Mələksuma özgələrə yar olmaz.
Söz tamama yetəndə Bəxtiyar dedi:
- Bu deyişmədən bir murad hasil olmadı, indi, oğlan, keçək
vuruşmağa. De görüm, növbə sənindi, ya mənim.
Cahangir dedi:
- Fursatı sana verirəm.
Vuruşmada qayda belədi: pəhlivanın biri yerində durardı, o
biri əvvəl ona ya qılınc, ya da əmud endirərdi. Odu ki, Cahangir
əl bağladı, Bəxtiyar ona bir qılınc endirdi. Cahangir bu vaxt
qolundakı qalxannan qolçağını qılıncın qavağına tutdu. Özünü
xilas elədi. Növbə Cahangirə çatdı. Baxdı gördü kü Bəxtiyarın
əyni başdan-ayağa polad geyimdədi, yüz gün qılınc vursa da bir
şey qoparda bilməyəjək. Əmbə nəzər saldı, gördü qollarını
yuxarı qaldıranda qoltuğunun altınnan açıx yer görünür.
Bəli, Bəxtiyar qolunu qaldırar-qaldırmaz Cahangir bir alda-
dıcı fəndnən qılıncı sağ qolunun altınnan elə saldı ki, düz sol
1
qaç xana – bir neçə bənd
54
qolunun altınnan çıxdı. Bəxtiyar üzü üstə atdan yerə yıxıldı. Qo-
şun hər tərəfdən töküldü. Ancax başçı ölənnən sora bunun heç bir
faydası yoxuydu. Müharibənin də öz qanunları vardı qavaxlar.
Əvvəl sərkərdə vuruşardı, əgər basılsaydı qoşun da məğlub hesab
olunardı. Elə ki, Bəxtiyar o dünyalıx oldu, qoşun üz qoydu Yə-
mən şəhərinə qaçmağa, “asta qaçan namərtdi”-deyif davannarına
tüpürdülər. Onnar qaçmaxda olsun sizə ərz eliyim Mələksuma-
dan. Mələksuma da camahatın içində bu döyüşə tamaşa eliyirdi.
İzzət şah da öz əsabalarınnan bir tərəfdə əyləşmişdi. Cahangirin
bu iyitdiyi şahı çox xoşhal elədi. Üzünü camahata tutuf dedi:
- Məni istiyən bu cavana xələt versin, kimin bacarığı var
onu tərifləsin.
Hərə bir tərəfdən xələt tökdü Cahangirin başınnan. Mələk-
suma irəli yeriyif qardaşına dedi:
- Qardaş, icazə ver bu cavan oğlanın tərifini özüm deyim.
İzzət şah izin verdi, Mələksuma götürdü görək nə dedi:
Ey şahzadam, bu diyarda ad aldın,
Yazallar adına dastan deyəllər.
Arıyallar, bu diyarda bulmazdar,
Ya ərəbdən gəlif, farsdan deyəllər.
Sandım ki, dəryadan çıxıbsan nəhəng,
Bir nərə çəkəndə təmsili pələng.
Çərmənib çıxanda, eyləyəndə cəng,
Qılınc vurmağına aslan deyəllər.
Mələksuma deyər, sən bir cavansan,
Teymur, Cahanbaxış ya qəhrəmansan?!
Dünyada seçilmiş bir pəhlivansan,
Bəyim, Zal oğlusan, Rüstam deyəllər.
Söz tamama yetəndə İzzət şah Cahangirə dedi:
- Sizin hörmətinizdən çıxmaxdan ötrü mana bir neçə gün
möhlət verin. Sizi bir gün çağırıf könlünüz nə istəsə verəjəm.
Bunnan da hər kəs öz öyünə dağılışdı.
55
İndi sizə hardan xavar verim, Heydər xannan. Heydər xan
gördü ki, qoşun sərkərdəsi məğlub oluf, gerdə qalannar da qaçıf
gəlif bir xeyli fikrə getdi. Öz-özünə dedi: – ölən ölüf, qalan qa-
lıf, mənə nə var, dədəm oğlu qardaşdarım ölmüyüf kü. Gəl indi
İzzət xana ayrı kələk işdət. Bəlkə bu dəfə heç olmasa iş baş tuta.
Bəli, Heydər xanın şəhərində ustad bir aşıx var idi. Adına da
Hafiz əfəndi deyərdilər. Fikirrəşdi ki, şahların arasında möcüzə-
möcüzədi. Gəl bu aşığı İzzət bəyin üstünə göndər. Onsuz da
onun qarşısına çıxardası aşığı olmuyajax. Bu halda bəlkə qızı ələ
keçirdə bildi. Belə fikirləşdi ki, əyər Hafiz əfəndinin qarşısına
aşıx çıxarda bilməsə, onda Hafiz əfəndi şərtə görə Mələksumanı
tələb eliyəcək. Belə də oldu. Səhərisi Hafiz əfəndi şəyirdərini də
yanına çağırıf əhvalatı onnara danışdı. Dedi:
- Sabahdan Hindistana yola düşürük. Əgər İzzət bəyin bizim
qarşımıza çıxardası aşığı olmasa, onda biz Mələksumanı onnan
tələb eliyərik. Deyərik ki, bizim nəmərimiz Mələksuma xanımdı.
Beləjə söydələşif yola tüşdülər.
Sizə hardan deyək, İzzət bəydən. İzzət bəyə xəvər gətirdilər
ki, Yəmən padşahı Hafiz əfəndi adında bir aşıx göndərif. Tələbi
də budu ki, ya o aşığın qavağına layıxlı aşıx çıxart, onu bağ-
latdır, ya da Mələksuma xanımı öz xoşuna onun yanına qat
mənim hüzuruma göndər.
İzzət bəy vəziri, vəkili yanına çağırıf məsləhət, məşvərət
elədilər. Qərara gəldilər ki, şəhərə car çəkif aşıxları toplasınnar.
Bir neçə sahat keçənnən sonra iki, üç aşıq tapıf gətirdilər.
Meydan quruldu. Əmbə Hafiz əfəndinin qarşısında bu aşıxlar
aciz qaldılar.
Birdən İzzət bəyin yadına Cahangir tüşdü. Nəsə umudu ona
gəldi. Fikirrəşdi ki, demək olmaz, bəlkə bu işdə də sərişdəsi
oldu. Odu ku xəbər göndərif əvvəlcə vəziri çağırtdı. Onu da
deyək ki, vəziri hamı Cahangirin Lələsi kimi tanıyırdı.
Lələ gəldi, ədəfnən təzim elədi. İzzət bəy niyyətini ona
çatdırdı. Lələ dedi:
Dostları ilə paylaş: |