97
necə istifadə edəcəklərini müəyyənləşdirirlər. Ümumi hazırlıq başa
çatdıqdan sonra yığcam müsahibənin aparılması məqsədəuyğundur.
Yazı prosesini müşahidə edən müəllim ehtiyac yaranan məqamlarda
istiqamətləndirici suallarla şagirdlərə kömək edir.
İşin icrasına ayrılmış vaxt başa çatdıqdan sonra şagirdlərin bir-biri-
nin yazısını oxumalarına imkan yaradılır. Onlar oxuduqları yazının
uğurlu cəhətlərini göstərməklə yanaşı, öz arzularını da (yazıya nə əlavə
etmək, nələri dəyişmək, yaxud təkmilləşdirmək və s. ilə bağlı) ifadə
edirlər.
Yazılardan nümunələrin oxunmasına və müzakirəsinə vaxt ayrılır.
İnşada və essedə müşahidə olunan üslub fərqinə, ayrı-ayrı şagirdlərin
fikirlərini ifadə tərzinə diqqət yetirilir. Şagirdlərə öz yazıları barədə
yoldaşlarının arzu şəklində bildirdiklərinin üzərində evdə düşünmək,
deyilənləri nəzərə almaq və təkmilləşdirmə aparmaq təklif edilir.
Müəllimin istiqamətləndirici sualları şagirdlərin əsaslandırılmış nə-
ticə çıxarmalarına imkan verir. Şagirdlərdə belə bir qənaət möhkəm-
lənir ki, təhlil xarakterli inşada, əsasən, əsərin mövzusu, ideyası, onda
qaldırılmış mühüm problem ön plana çəkilir. Essedə isə şəxsi
təəssüratın ifadəsi önəmli yer tutur.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiri-
ləcəyini şagirdlərə xatırladır.
98
SOVET DÖVRÜ AZƏRBAYCAN ƏDƏBİYYATI
(1920–1991-ci İLLƏR)
Mövzu: Sovet dövrü Azərbaycan ədəbiyyatı – 1 saat
Standartlar
Təlim nəticələri
2.1.1. Müxtəlif mənbələrdən
topladığı materiallara
əsaslanmaqla təqdimat və
çıxışlarında bədii-emosional və
obrazlı ifadələrdən istifadə edir.
Müxtəlif mənbələrdən topladığı
materiallara əsaslanmaqla mövzu,
problemlə bağlı təqdimat və çıxışlarında
bədii-emosional və obrazlı ifadələrdən
istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandı-
rır, dinləyicilərin rəyini nəzərə
alır, mimika və jestlərdən məq-
sədyönlü istifadə edir.
Müzakirələrdə mövzuya, problemə
tənqidi münasibətini dinləyicilərin rəyini
nəzərə almaqla əsaslandırır, mimika və
jestlərdən məqsədyönlü istifadə edir.
3.1.3. 3,5-4 səhifə həcmində
nəqli, təsvir, təhlil xarakterli
mətnlər (ədəbi və sərbəst mövzu-
da inşa, esse, məqalə, məruzə)
yazır.
Təhlil xarakterli məqalə, məruzə yazır.
Dərsin gedişi
Ev tapşırığının (“Güney Azərbaycanda “Heydərbabaya salam”
əsərinə yazılan nəzirələr” mövzusunda yığcam məqalə yazın) yerinə
yetirilməsi səviyyəsi təqdimatların dinlənilməsi və müzakirəsi əsasında
müəyyənləşdirilə bilər. Məqalə ilə bağlı seçmə yolla təqdimatların
dinlənilməsində mövzuya müstəqil münasibətin hansı səviyyədə olması-
na, əsaslandırılmasına xüsusi diqqət yetirilir.
Yeni mövzunun öyrənilməsinə dərslikdəki tapşırıq (Sovet dövrü
Azərbaycan ədəbiyyatı haqqında bildiklərinizi yada salıb yığcam müza-
kirə aparın. Tarix, coğrafiya dərslərində bu dövrlə bağlı qazandığınız
biliklərdən istifadə edin) əsasında təşkil edilən müzakirə ilə başlanılır.
Müsahibə, müzakirə əsasında şagirdlərin sovet dövrü haqqında bilikləri
aşkara çıxarılır. Cavabların ümumiləşdirilərək qeyd edilməsi üçün
BİBÖ-dən istifadə edilir.
Müzakirə nəticəsində tədqiqat sualı müəyyənləşdirilir: Sərt siyasi-
ideoloji qəliblər, təzyiq şəraitində yaranan sovet dövrü ədəbiyyatı hansı
özəllikləri ilə diqqəti cəlb edir?
99
Təlim məqsədi, şagirdlərin hazırlıq səviyyəsi əsas götürülərək dərs
debat metodundan istifadə ilə təşkil edilə bilər. Bu zaman şagirdlər tət-
biq ediləcək təlim metodları, priyom və iş üsulları ilə bağlı təlimat-
landırılmalıdır.
Araşdırma dərslikdəki sualların və onların aydınlaşdırılmasına isti-
qamət verən cavabların – mətnlərin oxusu ilə davam etdirilir.
Şagirdlər kiçik qruplara ayrılır, hər qrupa iş vərəqlərində suallar
təqdim edilir. Kiçik qruplara əlavə mənbə kimi ədəbiyyatşünaslıq
lüğəti, ədəbiyyat ensiklopediyaları, məktəb kitabxanasındakı latın qra-
fikası ilə çap olunmuş müvafiq əsərlərdən və s. istifadə imkanı yara-
dılır.
Kiçik qruplar dərslikdəki mətn üzrə sualların aydınlaşdırılmasına
(Azərbaycanda sovet hakimiyyəti qurulduqdan sonra ədəbi həyatda, ilk
növbədə, hansı dəyişikliklər baş verdi? Ədəbiyyatda sinfilik, tarixilik,
xəlqilik prinsipləri sovet reallığında hansı mahiyyəti daşıyırdı? Sovet
dövrü ədəbiyyatımızda Azərbaycan gerçəkliyi necə əks olunurdu? Şəx-
siyyətə pərəstişin tənqidi ədəbiyyata necə təsir etdi?) istiqamət verən ca-
vablarla tanış olurlar. Kiçik qruplara mülahizələrini əsaslandırmaq
üçün əvvəlki siniflərdə sovet dövründə yazıb-yaratmış sənətkarların
yaradıcılığı üzrə qazandıqları biliklərdən bəhrələnmək tövsiyə edilir.
Qruplar mətn üzrə suallara cavab hazırlamaqla yanaşı, dərslikdəki di-
gər tapşırıqları da yerinə yetirirlər. Tədqiqatçıların fikirlərinə müna-
sibət bildirilməsini tələb edən tapşırıqla bağlı tövsiyələr verilir.
İşin icrasına ayrılan vaxt başa çatdıqdan sonra kiçik qrupların təq-
dimatları əsasında məlumat mübadiləsi və müzakirə aparılır. Müzaki-
rə diskussiya şəklində həyata keçirilir. Diskussiya zamanı sovet dövrü
ədəbiyyatımızın hansı siyasi basqılar şəraitində yarandığı, bədii əsər-
lərdə ifrat şüarçılıq meyillərinin meydana gəlməsi, sənətkarlıq mə-
sələlərinin arxa plana keçməsi, süni şəkildə siyasi məqsədlərə xidmət
edən yeni ədəbiyyat yaratmaq ideyasının ortaya atılması, müxtəlif
ədəbi nəsilləri, ədəbi qruplaşmaları üz-üzə qoymaqla klassiklərin sıxış-
dırılması və s. məsələlər üzrə fərqli mülahizələr dinlənilir və onlara
əsaslandırılmış münasibət bildirilir.
Müzakirədə fərqli mülahizələrin dinlənilməsinə şərait yaradılır,
söylənilən hər mülahizənin əsaslandırılması diqqətdə saxlanılır.
Diskussiya zamanı söylənilən mülahizələr nəticə və ümumiləşdirmə
mərhələsində müəllimin istiqamətləndirici sualları ilə ümumiləşdirilir,
qoyulmuş problemlə bağlı müəyyən qənaət hasil edilir. Şagirdlərdə belə
bir qənaət yaradılır ki, ədəbiyyatımızın inkişafında sovet dövrü
mürəkkəb bir mərhələ olmuş, sənətkarlarımız gerçəkliyin yaratdığı şə-
Dostları ilə paylaş: |