89
8. Əsərin məzmununu ümumiləşdirib bir neçə cümlə ilə yazın.
_____________________________________________________________
_____________________________________________________________
_____________________________________________________________
9. Şərti işarələrdən istifadə etməklə cümlələrdə fasilələrin yerini,
məntiqi
vurğulu sözləri göstərin.
Tarı sinəmə basıb həmin bu “Rast”ı başladım. Bir də gördülər, bir dənə
bülbül gəlib mənim qarşımda bitmiş ağacın budağında əyləşib başladı cəh-
cəh vurmağa. Dedim:
“Ay zalımın quşu, ölsən də, səni özümə tərəf çəkəcəyəm”. Bir az
keçmişdi, оnda gördüm bülbül ağacdan sürətlə enib özünü tara çırpıb uçub
getdi.
10. Hekayənin başlıca ideyası nədir?
_____________________________________________________________
_____________________________________________________________
_____________________________________________________________
_____________________________________________________________
_____________________________________________________________
90
CƏNUBİ AZƏRBAYCAN ƏDƏBİYYATI
Mövzu: Məhəmmədhüseyn Şəhriyarın həyatı, yaradıcılıq yolu –
1 saat
Standartlar
Təlim nəticələri
2.1.2. Dil və üslub xüsusiyyətlərinə
istinad edərək yazıçı mövqeyi ilə bağlı
mühakimələrini faktlarla əsaslandırır.
Şeirin dil və üslub
xüsusiyyətlərinə istinad edərək
yazıçı mövqeyi ilə bağlı
mühakimələrini
faktlarla
əsaslandırır.
2.2.1. Müzakirələrdə mövzuya,
problemə, yazıçının mövqeyinə tənqidi
münasibətini əsaslandırır,
dinləyicilərin rəyini nəzərə alır,
mimika və jestlərdən məqsədyönlü
istifadə edir.
Müzakirələrdə mövzuya, prob-
lemə tənqidi münasibətini din-
ləyicilərin rəyini nəzərə almaqla
əsaslandırır, mimika və jestlərdən
məqsədyönlü istifadə edir.
Dərsin gedişi
Ev tapşırığının yerinə yetirilməsi səviyyəsi
müəyyənləşdirilərkən
təqdimatların dinlənilməsinə, müzakirəsinə üstünlük verilir.
Ə.Cavadın milli azadlığı, müstəqilliyi tərənnüm edən əsərlərinə necə,
hansı səviyyədə qiymət verildiyi aşkara çıxarılır. Müəllim müvafiq
qiymətləndirmə meyarlarına müraciət edir.
Motivasiya, problemin qoyuluşu. Motivasiyanın yaradılmasına
fərqli yollarla nail olmaq mümkündür. Şairin ifasında yığcam bir şeirin
dinlənilməsi, sənədli filmdən fraqmentin nümayiş etdirilməsi, bədii,
yaxud elmi əsərdən seçilmiş parçanın oxusu və s. motivasiyanın
yaradılması üçün vasitə ola bilər. Dərslikdəki tapşırıq
(M. Şəhriyar
haqqında bildiklərinizi yada salıb yığcam müzakirə aparın) əsasında
aparılan yığcam müzakirə sonda tədqiqat sualının müəyyənləşdirilmə-
sinə imkan yaradır.
Tədqiqat sualı: Quzeyli, güneyli Azərbaycanda şairin şəxsiyyətinə,
yaradıcılığına böyük marağa səbəb, sizcə, nədir?
Fərziyyələr dinlənilir və qeyd edilir.
Araşdırmaya dərslikdəki materialın oxusu ilə başlanılır. Oxunun
təşkili ilə bağlı dərslikdə təklif edilmiş qaydalar məzmunu əhatəli və
anlayaraq mənimsəməyə imkan yaradır. Mətnkənarı sualların cavabının
oxusundan sonra məzmunun ümumiləşdirilməsi tələbi oxunmuş parça
barədə dolğun təsəvvür olmadan reallaşdırıla bilməz. Bu, şagirdlərdə
həmçinin ümumiləşdirmə bacarığının olması ilə də şərtlənir. Ümumi-
ləşdirmənin yazılı şəklə salınması isə müstəqil düşüncənin inkişafına,
yazı bacarığının formalaşmasına az təsir etmir. Hər qrupun apardığı
ümumiləşdirmənin təqdimat əsasında dinlənilməsi, müzakirə edilməsi
də mətnin dərindən qavranılmasına öz töhfəsini verir.
Şairin həyatı, yaradıcılığı ilə bağlı materialın oxusu başa çatdırıl-
dıqdan
sonra məzmunun bütöv, tam şəkildə təsəvvürdə canlandırılması
qayğısına qalmaq faydalıdır. Buna nail olmaq üçün hər qrup gəldiyi
nəticələrlə bağlı təqdimat edir. Daha dəqiq deyilsə, öyrənilənlərin əsa-
sında çıxarılmış nəticələr dərslikdəki materialın ardıcıllığı gözlənil-
məklə təqdim olunur. Bu, müəllimin istiqamətləndirici sualları əsasın-
da həyata keçirilir.
91
Mənbələrdən hansı məzmunda əlavə məlumatların öyrənilməsinin
vacib olduğu müəyyənləşdirilərək bəndlərlə qeyd olunur.
Vaxtdan qənaətlə istifadə edilməsi bu iş tamamlandıqdan sonra
digər standartın (2.1.2)
reallaşdırılmasına diqqət yetirməyə imkan
verir. Şairin “Azadlıq quşu “Varlıq” adlı şeirinin
ixtisar olunmuş mətni
qruplara təqdim edilir.
Hərçənd qurtulmaq hələ yox darlığımızdan,
Amma bir azadlıq doğulub varlığımızdan.
“Varlıq” nə bizim təkcə azadlıq quşumuzdur,
Bir müjdə də vermiş bizə həmkarlığımızdan.
Bəh-bəh, nə şirin dilli bu cənnət quşu tuti,
Qəndin alıb ilham ilə dindarlığımızdan.
Dil açmada karlıq da gedər, korluğumuz da,
Çün lallığımız doğmuş idi karlığımızdan.
Düşmən bizi əlbir görə,
təslim olur naçar,
Təslim oluruq düşmənə naçarlığımızdan.
Huşyar olasız, düşməni məğlub edəcəksiz,
Düşmənlərimiz qorxur huşyarlığımızdan.
Birlik yaradın, söz bir ola biz kişilərdə,
Yoxluqlarımız bitdirəcək varlığımızdan.
Şagirdlərə təklif edilir ki, şeirin üzərində işləməklə müəllifin əsas
niyyətini, mövqeyini müəyyənləşdirməyə çalışsınlar. Bunun üçün
əsərin dil və üslub özəlliyinə (seçilmiş söz və ifadələrə, müəllifin öz
fikrini necə, hansı tərzdə təqdim etməsinə)
daha çox istinad etməyin
vacib olduğu xatırladılır. Şairin ən maraqlı şeirlərindən olan bu
nümunə dilinin şirinliyi, ifadə tərzinin orijinallığı, məzmun zənginliyi,
siyasi kəsərliliyi ilə seçilir. Əsərdə güclü, qüdrətli olmağın yolları
göstərilir. Müəllifin fikrincə, əlbir olmaq, huşyarlıq düşməni qorxudan
ən güclü silahdır.
Şairə görə, “Varlıq” dərgisi həmvətənlərinin gözünün açılmasına,
onların arasında birliyin yaranmasına güclü təsir edəcəkdir.
Səslənmə baxımından yaxın sözlərin bir misrada qoşa işlənməsi
(korluq, karlıq; lallıq, karlıq və s.), uğurlu qafiyələr
(memarlığımızdan,
huşyarlığımızdan, varlığımızdan və s.) şeirdə güclü ahəngin yaran-
masına az təsir etmir.
Şagirdlərdə belə bir
qənaət möhkəmlənir ki, M.Şəhriyarın quzeyli,
güneyli bütöv Azərbaycanda sevilməsinin, şəxsiyyətinə və yaradıcılı-
ğına böyük maraq göstərilməsinin başlıca səbəbi xalqına bəslədiyi dərin
və səmimi məhəbbətdir. Bu məhəbbəti o, doğma türkcəmizdə yazdığı
əsərlərdə elə böyük sənətkarlıqla ifadə etmişdir ki, bu əsərləri
sevməmək mümkün deyildir.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın
evdə yerinə
yetiriləcəyini şagirdlərə xatırladır.