121
Məlumat mübadiləsi. Geniş fikir mübadiləsi aparılan
həyata keçirildiyi bu
mərhələdə qrupların təqdimatlarının fəal dinlənilməsinə, qrupların bir-birinin işi ilə
ətraflı tanış olmalarına şərait yaradılır.
Məlumatın müzakirəsi və təşkili. Müzakirənin səmərəli təşkili şagirdlərin
fəallığına, ardıcıl olaraq dialoqa girmələrinə, fərqli
fikirləri obyektiv dəyər-
ləndirmələrinə səbəb olur. Müəllim konkret məsələlərlə bağlı fərqli mövqeləri əks
etdirən fikirlərin əhatəli müzakirəsinə səy göstərməlidir. Cavabların müqayisəsi,
qruplaşdırılması xüsusi diqqət yetirilən məsələlərdən olur.
Nəticə, ümumiləşdirmə. Əvvəlki mərhələlərdə işin səmərəli təşkili, xüsusən
təhlil üzrə araşdırmaların yüksək səviyyədə həyata keçirilməsi, nəticənin çıxarılma-
sı, ümumiləşdirmənin aparılmasını xeyli asanlaşdırır.
Müəllimin istiqamətləndirici
sualları əsasında ümumiləşdirmə aparan şagirdlərdə belə bir qənaət möhkəmlənir
ki, müstəmləkə əsarətində, ağalar-qullar münasibətinin hökm sürdüyü şəraitdə xal-
qın xoşbəxt yaşaması qeyri-mümkündür. Xalq öz xoşbəxt gələcəyini ancaq mübari-
zə aparmaqla əldə edə bilər.
Çıxarılmış başlıca nəticənin şagirdlərin irəli sürmüş olduqları fərziyyələrlə
müqayisəsinə, tədqiqat sualı ilə necə səsləşməsinə diqqət yetirilir.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri
üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Mirzə İbrahimov. “Gələcək gün” – 4 saat
Dördüncü saat: Tətbiq. Müzakirə. Yaradıcı iş
Standartlar
Təlim nəticələri
1.2.1.
Romanı növ və janr baxımından dramla müqayisə edir.
1.2.3.
Romanın təsir gücünün artmasında bədii təsvir və ifadə
vasitələrinin rolunu aydınlaşdırır.
2.2.1.
Romanla bağlı müzakirələrdə mövzuya, problemə tənqidi
münasibətini əsaslandırır, fərqli fikirlərə dözümlülük
nümayiş etdirir.
3.1.3.
Müqayisə xarakterli məruzə yazır.
Dərsin gedişi
Ev tapşırığının yerinə yetirilməsi səviyyəsi təqdimatların
dinlənilməsi və
müzakirəsi əsasında müəyyənləşdirilir. Müvafiq qiymətləndirmə meyarlarına
müraciət olunur.
Motivasiya, problemin qoyuluşu. Motivasiyanın yaradılmasına müxtəlif
yollarla nail olmaq mümkündür. Məsələn, Cənubi Azərbaycanda müxtəlif
dövrlərdə baş vermiş milli azadlıq hərəkatına başçılıq edən tarixi şəxsiyyətlərin
122
vizual görüntülərini nümayiş etdirməklə müsahibə aparmaq və tədqiqat sualını
formalaşdırmaq olar.
Tədqiqat sualı: “Gələcək gün” romanının öz dəyərini bu gün də saxlamasına
səbəb, sizcə, nədir?
Sualla əlaqədar fərqli fikirlər – fərziyyələr dinlənilir və qeyd edilir.
Fərziyyələrin fərqli olduğuna diqqəti çəkən müəllim onların yoxlanılmasının –
tədqiqatın aparılmasının zəruri olduğunu qeyd edir.
Tədqiqatın aparılması. Dərslikdəki “Tətbiq. Müzakirə. Yaradıcı iş” başlıqlı
tapşırıqlar fərqli təlim metodlarının və iş formalarının tətbiqi ilə yerinə yetirilə
bilər. Məsələn, ilk üç tapşırığın kiçik qruplarda
yerinə yetirilməsi məqsədəuy-
ğundur. Həmin tapşırıqlar hər qrupa bir tapşırıq verməklə iş vərəqlərində şagirdlərə
təqdim olunur. Tədqiqatöncəsi təlimatlandırmanın aparılması məqsədəuyğundur.
Bunu tapşırıqların məzmunu tələb edir. Məsələn, birinci tapşırığın (Əsərin bədii
gözəlliyini təmin edən vasitələr hansılardır?..) üzərində işləyən şagirdlərə aydın
olmalıdır ki, bədii təsvir və ifadə vasitələrinin rolunu aydınlaşdırmaqla məhdud-
laşmaq olmaz. Diqqət həm də təhkiyənin şirinliyinə, canlı bədii lövhələrə, təsvirlə-
rin reallığına, obrazların nitqindəki fərdiliyə, söz və ifadələrin seçiminə və s. yönəl-
dilməlidir.
Müəllim şagirdlərin hələ əsərin məzmunu üzərində iş zamanı müəyyənləş-
dirdikləri bədii təsvir və ifadə vasitələrinin (məsələn, epitet: Onun gözlərində ağır
bir peşmançılığın izləri vardı; təşbeh: O, motal kimi yıxıldığı yerdə düşüb qalmışdı;
metafor: Gecə öz pərdəsini yığıb gedir; metonimiya:
Kənd bir-birinə dəymişdi və
s.) əsərə gətirdiyi gözəlliyi müəyyən etmək üçün cümləni onlarsız işlətməyi və nə-
ticəni müqayisə etməyi tövsiyə edə bilər. Bu, şagirdlərə bədii təsvir və ifadə vasitə-
lərinin rolunu nümunələr əsasında müşahidə etməyə imkan verir.
İkinci tapşırıqla bağlı şagirdlərə aydın olmalıdır ki, hər iki əsərdə qaldırılan
taleyüklü problemlər bu gün də həllini tapmamışdır.
Tədqiqatın gedişi zamanı müəllim şagirdlərin işinə nəzarət edir, lazım gəldikdə
istiqamətverici suallar vasitəsilə onlara yardım edir.
Dərslikdə müzakirə üçün nəzərdə tutulmuş mövzuya dərsin bu mərhələsində
müraciət edilməsi məqsədəuyğundur. Bu müzakirə tədqiqat sualına aydınlıq gətiril-
məsinə az təsir göstərmir.
Tədqiqatın sonunda qruplararası
məlumat mübadiləsi və müzakirə aparılır.
Qrupların icra etdikləri tapşırıqlar xeyli fərqli olduğundan fəal dinləməyə nail
olunması vacibdir. Qrupların bir-birinin işinin məzmunu ilə ətraflı tanış olmaları
canlı diskussiya şəraitində mümkündür. Müəllim başlıca diqqətini məhz buna
yönəltməli, şagirdləri sual verməyə həvəsləndirməlidir. Qrupların bir-birinin işinin
məzmunu ilə ətraflı tanış olmaları obyektiv nəticənin çıxarılmasına, əhəmiyyətli
ümumiləşdirmənin aparılmasına səbəb olur.
Nəticə və ümumiləşdirmə mərhələsində
şagirdlərdə belə bir qənaət
möhkəmlənir ki, “Gələcək gün” romanında qaldırılan başlıca
problem bu gün də
mövcuddur. Müstəqilliyə çatmaq, Vətəninə, torpağına sahib olmaq Cənubi
Azərbaycanda yaşayan soydaşlarımız üçün problem olaraq qalmaqdadır. İkiyə
bölünmüş, eləcə də torpağının bir qismi işğal altında olan Vətən dərdi hər bir