123
soydaşımız üçün şərəf məsələsi olmalıdır. Yüksək bədii
keyfiyyətləri ilə seçilən
“Gələcək gün” əvəzlənən nəsillərin vətənimizin, xalqımızın tarixi dərdlərini
öyrənmələri üçün mötəbər mənbədir.
Çıxarılmış nəticənin şagirdlərin irəli sürmüş olduqları fərziyyələrlə müqayisəsi,
tədqiqat sualı ilə necə səsləşməsi diqqət mərkəzində saxlanılır.
Dərsdə vaxtdan qənaətlə istifadə dərslikdə təklif edilmiş tapşırığın
(Dərsliyinizdə əsərlə bağlı verilən illüstrasiya təsəvvürünüzə uyğundurmu? Nə
üçün?) yerinə yetirilməsinə vaxt ayırmağa imkan verir. Tapşırığı fərdi olaraq
yerinə yetirən şagirdlər işin nəticəsinə münasibət bildirirlər.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın
evdə yerinə yetiriləcəyini
şagirdlərə xatırladır.
124
SİNİFDƏNXARİC OXU DƏRSİ
“Biz hökmən qalib gələcəyik!”– 1 saat
Standartlar
Təlim nəticələri
1.2.2.
Digər obrazların və müəllifin mühakimələrindən çıxış et-
məklə povestin qəhrəmanlarını səciyyələndirir.
1.2.3.
Povestin təsir gücünün artmasında bədii vasitələrinin rolunu
aydınlaşdırır.
1.2.4.
Povestin mövzusunu, ideya-bədii xüsusiyyətlərini şərh edir,
onlara əsaslandırılmış münasibət bildirir.
2.1.1.
Povestlə bağlı təqdimat və çıxışlarında müxtəlif mənbələrdən
topladığı materiallara əsaslanmaqla əsərin
ideya-bədii
xüsusiyyətlərini şərh edir.
2.1.2.
Povestin mövzusuna, problemə müqayisələr, ümumiləş-
dirmələr aparmaqla münasibət bildirir.
Sinifdənxaric oxu dərsi şagirdlərin “Müharibədən sonrakı dövrdə ədəbiyyat
(1946–1960) bölməsi üzrə müstəqil oxuduqları əsər (İ.Qasımov və H.Seyidbəylinin
“Uzaq sahillərdə”
povesti) üzrə keçilir.
Dərsə hazırlıq dövründə bütün şagirdlərin povestdən tövsiyə olunan parçaları
müstəqil oxuması diqqət mərkəzində saxlanılır. Sinifdə II Dünya müharibəsində
Azərbaycan xalqının iştirakına həsr olunmuş
videomateriallar, kitab və şəkillər
toplanmış guşə yaradılır.
Dərsin gedişi
Ev tapşırığının yerinə yetirilməsi səviyyəsi müvafiq
meyarlardan istifadə ilə
müəyyənləşdirilir.
Motivasiya, problemin qoyuluşu. Motivasiyanın yaradılmasına fərqli yollarla
nail olmaq mümkündür. İki variantı nəzərdən keçirək. Şagirdlər dərsin əvvəlində
guşə ilə tanış olur, “Uzaq sahillərdə”
povesti əsasında çəkilmiş bədii filmdən
fraqmentə baxırlar. Rəy mübadiləsi tədqiqat sualının formalaşdırılması ilə
yekunlaşır. Yaxud şagirdlərin ifasında Mehdi Hüseynzadəyə həsr olunmuş kiçik
ədəbi-bədii kompozisiya dinlənilir.
I şagird
Tibb elmləri namizədi Bikə Əlizadə qardaşı Mehdi Hüseynzadə haqqında xati-
rələrində yazır: –
Qəm yeməyin, mən sizin başınızı aşağı etməyəcəm. Biz hökmən
qalib gələcəyik!
Biz 1941-ci ilin isti bir avqust günündə qardaşım Mehdi Hüseynzadəni Bakı
vağzalından cəbhəyə yola salarkən bu, onun son sözü oldu. Mehdi cəbhədə özünü
xalqımızın qəhrəman oğlu kimi göstərdi. O, azğın alman faşistləri ilə vuruşa-vuruşa
Volqa sahillərindən Adriatik dənizi sahillərinə qədər şərəfli
və mübariz bir yol
keçdi.
125
Qardaşım Mehdinin mehriban xasiyyəti, iti qartal baxışları elə bil indi də
gözümün qarşısındadır. Mehdi sənəti və ədəbiyyatı çox sevirdi. O, çəkdiyi rəsm
əsərləri üzərində həmişə böyük həvəslə işləyirdi. Hərdənbir şeir də yazırdı.
Mehdini dəfn edərkən yoldaşları onun cibindən çıxan bir şeiri və gümüş
üzüyünü mənə göndərmişdilər. Mən şeiri oxuyan kimi Mehdinin
xəttini o saat
tanıdım, gözlərim yaşardı. Mehdinin Azərbaycan haqqında yazdığı şeir belə
başlayırdı:
Nə ola, bir sarı yarpaq olaydım
Ey xəzən yelləri, alaydın məni,
Uca dağlar aşıb, dərələr keçib,
Vətən torpağına salaydın məni.
Mehdinin müharibə illərində göstərdiyi igidlik yüksək qiymətləndirilmiş, ona
Sovet İttifaqı Qəhrəmanı kimi şərəfli bir ad verilmişdir. Ona verilən bu yüksək ad
Mehdinin qohumlarını və Mehdini tanıyanları ürəkdən sevindirir.
II şagird
Tərlan
könlüm uçub qonub budağa,
Dolğun gözlə göz gəzdirir bu dağa,
Qərib yerdə tab etmirəm bu dağa,
Düşər xəyalıma o diyar mənim.
III şagird
Gecə ay üzünə salırkən işıq,
Dalğalı suyuna verir yaraşıq,
Burax bu qəmzəni, olaq biz aşiq
Çünki o Xəzərin vurğunuyam mən.
Sonra “Uzaq sahillərdə” filmindən fraqment nümayiş etdirilir:
(https://www.youtube.com/watch?v=W564lUo7RQg).
Rəy mübadiləsi və müzakirə nəticəsində tədqiqat sualı müəyyənləşdirilir.
Tədqiqat sualı: Mehdi Hüseynzadəni –
Mixaylonu doğma vətənindən
uzaqlarda döyüşə, qəhrəmanlığa sövq edən nə olub?
Şagirdlərin fərziyyələri dinlənilir, təkrara yol verilmədən lövhədə qeyd edilir.
Tədqiqatın aparılması. Tapşırıqların əks olunduğu iş vərəqləri kiçik qruplara
təqdim olunur. Hər qrupa qısa təlimat verilir. Tədqiqat prosesində ehtiyac yaranan
məqamlarda müəllim istiqamətləndirici suallarla bu və ya digər qrupa yardım edir.
I qrup
1. Nitqinə, davranışına əsaslanmaqla Mehdi obrazını səciyyələndirin.