119
müəllim qrupdakı şagirdlərin
birgə fəaliyyətinə, ümumi işdə hər kəsin payının
olmasına diqqət yetirir.
Məlumat mübadiləsi, müzakirə. Bütün qrupların eyni tapşırığın üzərində
işləməsi məlumat mübadiləsinin müzakirə ilə qovuşmasına səbəb olur. Müəllim
müzakirədə hər kəsin öz fikrini sərbəst ifadə etməsinə imkan yaradır. Onun
istiqamətləndirici suallardan istifadə etməsi diskussiyaya imkan yaratmalıdır.
Məsələn, “Musa kişinin günahlandırılmasının əsl səbəbi, sizcə, nədir?” sualı
mübahisəli fikirlərin yaranmasına səbəb olur. Hətta şagirdlərdən yanlış nəticə
çıxaranlar, dəcin pozulmasında Musa kişinin günahkar olması fikrini
irəli sürənlər
də ola bilər. Müəllim şagirdlərin diqqətini hakim təbəqənin xalqı qorxu altında
saxlamaq üçün qabaqcadan bütün ehtimalları nəzərə aldıqlarına yönəltməlidir.
“Musa kişi günahsız olduğu halda, niyə and içmədi?” sualı da birmənalı
qarşılanmır. Müəllim Qurana əlbasmanın məqsədyönlü şəkildə mərasimləşdirilmə-
sinin psixoloji qorxu vasitəsinə çevrilməsinə diqqəti cəlb etməlidir.
Müəllim cavablara əlavələr etmək, sual vermək istəyənlərə imkan yaradır.
Dərslikdəki “
Bilik və bacarıqlarınızı tətbiq edin” başlıqlı tapşırığın icrasına
vaxt ayrılır və elan edilir. Tapşırığın hər iki bəndini şagirdlər fərdi olaraq yerinə
yetirirlər. İşin icrasına ayrılmış vaxt başa çatdıqdan sonra nəticələr təqdimatların
dinlənilməsi və müzakirənin aparılması ilə dəyərləndirilir.
İndiyə qədər deyilmiş fikirlərin əsasında ümumi qənaətin müəyyənləşdirilməsi
nəticənin çıxarılması, ümumiləşdirmənin aparılması mərhələsində mühüm
vəzifə kimi qarşıya qoyulur. Əsərin məzmununun öyrənilməsinə həsr
edilən hər iki
dərsdə həyata keçirilən işlərin əsasında şagirdlərdə belə bir qənaət möhkəmlənir ki,
ədalətsizliyin, haqsızlığın hökm sürdüyü cəmiyyətdə həqiqi zəhmət adamının
əməyi layiqincə qiymətləndirilə bilməz. Onların əməyi hesabına var-dövlət sahibi
olanlara, hədsiz sərvət toplayanlara heç bir xahiş, yalvarış təsir edə bilməz. İnsan
əzabına, əziyyətinə laqeydləşən bu cür amansız, zalım ağaları öz mənafelərindən
başqa, heç nə maraqlandırmır.
Çıxarılmış nəticənin tədqiqat sualı və irəli sürülmüş fərziyyələrlə müqayisə
edilməsinə vaxt ayrılır.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri
üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
120
Mövzu: Mirzə İbrahimov. “Gələcək gün” – 4 saat
Üçüncü saat: Təhlil üzrə iş
Standartlar
Təlim nəticələri
1.2.2.
Digər obrazların və müəllifin mühakimələrindən çıxış
etməklə romanın qəhrəmanlarını səciyyələndirir.
1.2.4.
Romanın mövzusunu, ideya-bədii xüsusiyyətlərini və kon-
fliktini şərh edir, onlara əsaslandırılmış münasibət bildirir.
2.2.1.
Romanla bağlı müzakirələrdə mövzuya tənqidi münasibətini
əsaslandırır, fərqli fikirlərə dözümlülük nümayiş etdirir.
Dərsin gedişi
Ev tapşırığının yerinə yetirilməsi səviyyəsi təqdimatların dinlənilməsi və
müzakirə əsasında müəyyənləşdirilə bilər. Müəllimin
müvafiq qiymətləndirmə
meyarlarından istifadə etməsi məqsədəuyğundur.
Motivasiya, problemin qoyuluşu. Motivasiyanın yaradılması üçün fərqli
yollardan istifadə etmək mümkündür. Bunlardan biri də dərslikdəki “Düşünün”
başlıqlı sual (Cənubi Azərbaycanda milli azadlıq hərəkatının və onun qurbanlarının
yazıçılarımızı daim düşündürməsinə səbəb, sizcə, nədir?) əsasında yığcam
müsahibənin aparılmasıdır. Müsahibə tədricən tədqiqat sualının müəyyənləşdiril-
məsinə gətirib çıxarır.
Tədqiqat sualı: Zalımın zülmündən qurtulmaq, azadlığa
nail olmaq üçün doğru
yol nədir?
Səsləndirilən fərziyyələr lövhədə qeyd olunur. Bu fərziyyələrin yoxlanılması
üçün araşdırmaların aparılmasının vacib olduğu xatırladılır.
Tədqiqatın aparılmasını fərqli təlim metodlarının, iş formalarının tətbiqi ilə
təşkil etmək mümkündür. Bütün hallarda dərslikdəki “Əsərin təhlilinə hazırlaşın”
mətninə və “Araşdırın.
Fikirləşin. Cavab verin”
tapşırığına müraciət edilməsi
məqsədəuyğundur.
Kiçik qruplarda iş formasını seçən müəllim “Araşdırın. Fikirləşin. Cavab
verin” başlıqlı tapşırığın sualları əsasında hazırlanmış iş vərəqlərini (hər qrupa bir
sual ayrılmaqla) şagirdlərə təqdim edir. Qrupların hər
biri yerinə yetirdiyi işin
mahiyyəti və tədqiqat sualı üçün əhəmiyyəti barədə aydın təsəvvürə malik
olmalıdır. Məhz buna görə də qrupların hələ tədqiqat ərəfəsində təlimatlandırılması
məqsədəuyğundur. Məsələn, ikinci sualın üzərində işləyən şagirdlərin diqqətini
Hikmət İsfahani ilə kəndlilərin qarşılaşması səhnəsinə, başlıcası isə bütün kənd
adamlarının düşüncəsinə hakim kəsilmiş “nə etməli?” sualına cəlb etmək məqsədə-
uyğundur.
Üçüncü sualı (Əsərdə konflikt hansı qüvvələrin arasında baş verir? Bu
konflikt
olmaya bilərdimi?) araşdıran şagirdlərin ayrı-ayrı obrazların üzərində dayanması
ehtimalı güclü olduğundan onlar əvvəlcədən təlimat alır, konfliktin əks qütblərində
böyük qüvvələrin dayandığını anlamış olurlar.
Qrupların işini müşahidə edən müəllim ehtiyac yarandıqda istiqamətverici
suallar vasitəsi ilə onlara yardım edir.