12
idarəçilik funksiyası kimi özünü göstərir. Belə idarəetmə təkcə iqtisadiyyatı deyil,
dövlətin həyat fəaliyyətini də əhatə edir. Maliyyə planlaşdırması iqtisadi inkişafın
yalnız dəyər tərəfini əks etdirir, yəni maliyyə planları dəyər parametrlərində tərtib
olunur. Buna baxmayaraq maliyyə planlarının maddi təminatı olmalıdır. Maliyyə
planlaşdırmasının obyektləri pul gəlirlərinin səfərbər edilməsi və bölüşdürülməsi,
milli gəlirin ilkin və təkrar bölüşdürülməsi, bu əsasda pul fondları yaradılması və
onlardan istifadə edilməsidir. Bu planlarda əksini tapan pul vəsaiti və ya pul
fondlarını dövlət idarə edir ki, bu da iqtisadi baxımdan az əhəmiyyət kəsb etmir.
Maliyyə planlaşdırması iqtisadiyyatın material və dəyər tərəflərinin
balanslaşdırılmasının mühüm vasitəsidir. Onun köməyi ilə pul və maliyyə
ehtiyatlarının məbləği natural göstəricilərə uyğunlaşdırılır, tələblə təklif tənzimlənir.
Maliyyə planlaşdırması milli iqtisadiyyatın inkişafına duyumlu təsir göstərir. Bu,
onun yerinə yetirdiyi vəzifələrdən də görünür:
nsanların maliyyə planlaşdırılması vasitəsilə həyata keçirdikləri vəzifələr
aşağıdakılardan ibarətdir.
1. Maliyyə ehtiyatlarının və pul fondlarının mənbələrinin və yığım üsullarının
müəyyənləşdirilməsi. Burada söhbət təkcə gəlirlərin sadəcə olaraq haradan və nə
qədər əldə edilməli olduğundan yox, bütün ehtiyatları nəzərə almaqla onların
mənbələrinin tapılmasından gedir. qtisadi cəhətdən bunun son dərəcə mühüm
ə
həmiyyəti var.
2. Maliyyə ehtiyatlarından istifadənin istiqamətlərinin müəyyənləşdirilməsi.
Bu proses də kortəbii gerçəkləşdirilməməlidir. Burada bütün daxili xüsusiyyətlər və
elmi cəhətdən əsaslandırılmış proqramlar nəzərə alınmaqla cəmiyyətin inkişafına
müsbət təsir göstərə biləcək ən səmərəli istiqamətlər tapılmalı, bütün iqtisadi
imkanların işə düşməsinə şərait yaradılmalıdır.
3.
Material-dəyər
proporsiyalarının,
pul
tələb
və
təkliflərinin
müəyyənləşdirilib öyrənilməsi, imkan səviyyəsində onların balanslaşdırılmasının
təmin olunması. Bu prosesdə maliyyə bazarındakı tələb və təklif, maliyyə
13
göstəricilərinə onların təsiri öyrənilir və bununla da maliyyə siyasəti həyata
keçirilərkən yarana biləcək çətinliklərin sayı xeyli azaldılır.
4. Milli iqtisadiyyatın bütün sahələrinə nəzarətin təmin olunması. Bəllidir ki,
hər bir maliyyə göstəricisi obyektin spesifik daxili xüsusiyyətlərini, elmi təhlil yolu
ilə əldə edilmiş tendenstyaların nəzərə alınması ilə müəyyənləşdirilir. Bu proses özü-
özlüyündə nəzarət qismində çıxış edir. Deməli, maliyyə planlaşdırmasının bütün
mərhələlərində nəzarət amili üzə çıxır və indiki halda o, ilk növbədə gəlirlərin
toplanmasına, bir də xərclər kanallarına aid olur. qtisadiyyatın bu iki həlledici
məsələsinə nəzarət iqtisadi fəaliyyətin ən optimal təminatlarından biridir.
5. Gəlirlərin və xərclərin müəyyənləşdirilməsi nəzərdən keçirilən aspektdə
iqtisadiyyatın ölkənin inkişafına təsir göstərən ən çətin və ən mühüm
amillərindəndir.
Maliyyə planlaşdırması bir-biri ilə sıx qarşılıqlı əlaqədə olan bir sıra prosesləri
özündə birləşdirən, icraçı kadrlardan dərin bilik, çevik konstruktiv təfəkkür
qabiliyyəti, qərarları müxtəlif variasiyalarda vermək, durumu idarə edə bilmək
bacarığı tələb edən mürəkkəb bir sistemdir.
Mürəkkəb sistemli olduğuna görə maliyyə planlaşdırması ardıcıl olaraq bir-
birini tamamlayan bir neçə mərhələdə həyata keçirilir:
1. Strateji məqsədin aydınlaşdırılması. Bunun üçün ilk növbədə gerçəkləşmə
mexanizmi və imkanları ilə tanışlıq tələb olunur. Fərz edək ki, müəssisənin illik
maliyyə planını tutmaq lazımdır. Bundan ötrü ilk əldə mövcud durumla tanış olmaq
və ona müvafiq şəkildə il ərzində qazanılacaq nailiyyətlərin axtarılan səviyyələrini,
yaxud başlıca məqsədi güman etmək gərəkdir.
2. Obyektin müəyyən (bundan əvvəlki) dövr ərzində inkişaf xüsusiyyətlərinin
təhlili (retrospektiv təhlil)- maliyyə göstəriciləri hansı səviyyədə olub, onların
dinamikası necədir, plan göstəriciləri faktik hesabat, eləcə də natura və maliyyə
göstəriciləri ilə necə uyuşur. Burada cari ilin spesifik xüsusiyyətləri də müfəssəl
nəzərə alınmalıdır. Maliyyə planlarının göstəriciləri həm daxili, həm də xarici
14
amillərin təsiri ilə artıb-azala bilər. Buna görə də bütün amillərin təsir gücü
öyrənilməlidir. Daxili ehtiyatları üzə çıxarmaq üçün bu, çox vacibdir.
3. Ayrı-ayrı maliyyə göstəricilərinin hesablanması. Bu mərhələdə başlıca
məqsəd planlaşdırılan dövrün keçmiş və perspektiv inkişaf xüsusiyyətlərinin təhlilini
nəzərə almaqla hər bir maddə üzrə gəlirləri və xərcləri hesablamaqdır. Buraya
mənfəət, amortizasiya ayırmaları, əlavə dəyər vergiləri, fondlara köçürmələr və
başqa vergilər daxildir. Hər bir göstəricinin aşkarlanması çox tutumlu bir işdir.
4. Aşkarlanmış göstəricilərin məcmusu əsasında maliyyə planı formalaşdırılıb
tərtib olunur. Bu zaman gəlir və xərc hissələrini balanslaşdırmaq lazımdır, yəni
xərclər gəlirə adekvat (bərabər) olmalıdır. Bu balans gözlənilməyəndə, yaxud
nəzərdə tutulan tədbirlər gümanlanan gəlirlə təmin edilməyəndə əlavə mənbələr
axtarılmalıdır. Bu, mümkün deyilsə, ya əlavə kredit almaq, ya da nəzərdə tutulan
tədbirləri təxirə salmaq lazım gəlir.
Maliyyə planı tutularkən təkcə ümumi gəlirlər yox, həm də maddələr üzrə
bütün gəlir və xərclər balanslaşdırılmalıdır. Misal üçün, gəlirin ümumi həcmi ondan
istifadə ilə bağlı olan xərc maddələrinin cəminə bərabər olmalıdır. Bu parametrləri
ə
yani surətdə yoxlamaq üçün şahmat prinsipi ilə cədvəl tərtib edilir və üfüqi
istiqamətdə gəlirlərin mənbələri, şaquli istiqamətdə isə xərc maddələri göstərilir.
Maliyyə planı tutulandan sonra planlaşdırılan dövrün ilk günlərindən onun
icrasına başlanılır.
2. Maliyyənin idarə olunmasının birbaşa fəaliyyət mərhələsi. Bir-biri ilə
ə
laqədə olan və sinxron fəaliyyət göstərən üç elementdən ibarətdir: operativ
idarəetmə, tənzimləmə və nəzarət. Birinci element maliyyə məsələlərinin birbaşa
idarə olunması deməkdir və maliyyə vəzifələrinin yerinə yetirilməsi sahəsindəki
tədbirlərin məcmusundan ibarətdir. Bunu da nəzərə almaq lazımdır ki, bu tədbirlər
müxtəlif olur və digər iqtisadi tədbirlərlə bağlıdır.
Bu mərhələdə hadisə və proseslər geniş təhlil edilir, konkret iqtisadi, siyasi,
inzibati tədbirlər görülür, lakin nəzərdə tutulmuş planlar heç də maneəsiz yerinə
Dostları ilə paylaş: |