22
*AB-yə üzv ölkələrin mərkəzi banklarının monetar siyasətlərinin koordinasiyası;
*Avropa valyuta sisteminin fəaliyyətinə nəzarət;
*Avropa mərkəzi banklar sisteminin təşkilinə və vahid valyutaya-avroya keçidə
hazırlıq;
*ümumavropa hesablaşma sisteminin effektivliyinin yüksəldilməsi;
*mərkəzi bankların statistikasının unifikasiyası;
*bankların arzusu ilə rəsmi valyuta rezervləri ilə idarəetmə.
AV -nun inzibati orqanları aşağıdakılar idi: prezident, baş direktor, AV
prezidentindən və AB-ə üzv ölkələrin mərkəzi bank müdirlərindən ibarət olan şura.
Ş
ura AB-nin Nazirlər sovetinə və milli hökumətlərə təkliflər və tövsiyələr
hazırlayırdı.
1998-ci ildə Avropa mərkəzi bankının təsisatı ilə Maastrixt müqaviləsinin
maddələrinə uyğun olaraq AV ləğv edilmiş, onun bütün aktivləri və öhdəlikləri isə
Avropa mərkəzi bankına keçmişdir.Elə həmin dövrdən də başlayaraq, Avropa
mərkəzi bankının rəhbərliyi ilə Avropa mərkəzi banklar sistemi (AMBS) yaradılmış
və Avropa birliyinə üzv olan 15 ölkənin mərkəzi bankları bu sistemə daxil olmuşdur.
Beləliklə, bu sistem qismən ABŞ-m Federal rezerv sisteminə - Nyu- York bankının
başçılığı ilə 12 bankı əhatə edən və mərkəzi bank rolunu yerinə yetirən Federal rezerv
sisteminə oxşardır.
Avropa mərkəzi bankı üçün xarakterik xüsusiyət ondan ibarətdir ki, sadə və
ya peşəkar (səslərin üçdə ikisi) çoxluqla qəbul edilən bütün mühüm qərarlar mərkəzi
bank rəhbərlərinin «çəkiyə malik» səsverməsini nəzərdə tutur və bu halda «çəki»
(yəni, hər birinin səslərinin sayı) AMB-nin ümumi kapitalında ölkənin (onun mərkəzi
bankının) payı ilə müəyyənləşir. Bu, craiyyə şurasının üzvlərinə aid edilmir və
onların hər biri yalnız bir səsə malik olur. Avropa mərkəzi bankının direktorlar şurası
ildə 10 dəfədən az olmayaraq iclas keçirir.
Milli mərkəzi banklar AMBS-nin inteqral hissəsi hesab olunur və AMB-nın
rəhbər göstərişlərinə və təlimatlarına uyğun şəkildə fəaliyyət göstərməlidir. Milli
23
banklar AMBS-nin səlahiyyətləri çərçivəsindən çıxan fəaliyyətlə məşğul ola bilər lər,
lakin bu fəaliyyət AMBS-nin məqsəd və vəzifələrinə zidd olmamalıdır. Əks halda
Direktorlar şurası peşəkar əksəriyyətlə bu fəaliyyətə qadağa qoymaq iqtidarındadır.
AMB-nın xüsusi kapitalı onun fəaliyyətinin əvvəlində 5 milyard ekyü idi. ndi
5 milyard avrodur və Direktorlar şurasının qərarı ilə sonralar artırıla bilər. Bütün
kapital milli mərkəzi banklara məxsusdur və hər birinin payı aşağıdakı üsulla
müəyyənləşdirilir: 50% - AB-nin ümumi əhalisində hər bir ölkənin xüsusi fikisinə
uyğun olaraq; 50% - AB-nin ümumi daxili məhsulunda ölkənin xüsusi çəkisinə uyğun
olaraq. Bu məlumatlar hər beş ildən bir təshih olunur. AMB-nin təmiz mənfəətinin bir
hissəsi (20%-dən çox olmayaraq) ümumi vəsait fonduna köçürülür, qalıq AMB-nin
üzvləri arasında kapitala qoyulan haqlara mütənasib şəkildə bölüşdürülür.
Azərbaycan Respublikasının Mərkəzi Bankı Azərbaycan Respublikası
Prezidentinin 1992-ci il 11 fevral tarixli Fərmanı ilə Azərbaycan Respublikasının
Milli Bankı adı altında yaradılmışdır. Fərman fevralın 12-də qüvvəyə minmişdir.
Artıq 1992-ci il 7 avqust tarixdə “Azərbaycan Respublikasında banklar və bank
faaliyyəti haqqında” Azərbaycan Respublikası Qanunu ilə yanaşı “Azərbaycan
Respublikasının Milli Bankı haqqında” Qanun da qəbul olunmuşdur. Həmin ayın 15-
nə Azərbaycan Respublikasının milli valyutası - manat tədavülə buraxılmışdır (rublla
bərabər). 1992-ci il 1 dekabr tarixdə isə Azərbaycan Respublikasının Milli Məclisi
"Azərbaycan Respublikasının Milli Bankının Nizamnaməsinin təsdiq edilməsi
haqqında” qərar qəbul etmişdir. 1994-cü il yanvarın 1-dən manat ölkənin yeganə
ödəniş vasitəsi elan olundu. 1995-ci il 12 noyabr tarixdə keçirilən referendumda qəbul
olunmuş müstəqil Azərbaycan Respublikasının ilk Konstitusiyasının 19-cu
maddəsinin II bəndində isə pul nişanlarının tədavülə buraxılması və tədavüldən
çıxarılması hüququnun yalmz Milli Banka mənsub olması bir daha təsdiq edilmişdir.
1996-cı il 10 iyun tarixdə “Azərbaycan Respublikasının Milli Bankı
haqqında”, 14 iyun tarixdə isə “Azərbaycan Respublikasında banklar və bank
fəaliyyəti haqqında” Qanunlar yeni redaksiyada qəbul edildi. Yeni bank qanunları
24
respublikanın bank sisteminin qabaqcıl dünya bank təcrübəsinə yaxınlaşmasına, kredit
təşkilatlarının yaradılmasına imkan yaratdı.
Yeni redaktədə “Azərbaycan Respublikasının Milli Bankı haqqında” Qanun
10 dekabr 2004-cü ildə qəbul edilmiş və 22 dekabr 2004-cü ildə qüvvəyə minmişdir.
12 fəsil, 66 maddədən ibarət olan yeni qanun Milli Bankın hüquqi vəziyyətini, onun
məqsəd və funksiyalarını, dövlət qurumları arasmda yerini və rolunu daha dəqiq
müəyyən etmiş, Milli Bankın məsuliyyətinin və fəaliyyətinin şəffaflığının artırılması
üçün müvafıq mexanizmlər nəzərdə tutmuşdur.
“Azərbaycan Respublikasının Konstitusiyasına əlavələr və dəyişikliklər
edilməsi haqqında” 18 mart 2009-cu il tarixli Azərbaycan Respublikasının
Referendum Aktının qüvvəyə minməsi ilə əlaqədar olaraq “Azərbaycan Respublikası
Milli Bankı” "Azərbaycan Respublikasının Mərkəzi Bankı” adlandırılmışdır.
Bank qanunvericiliyi sahəsində bu günə qədər Mərkəzi Bank tərəfindən
görülmüş işlər nə qədər geniş olsa da, hələ bundan sonra yeni-yeni layihələr üzərində
işlər plandadır, bəzi yeni layihələr isə artıq tamamlanma üzrədir. Məqsəd, bütövlükdə
Azərbaycanda maliyyə-bank industriyasının inkişafı üçün qanunvericilik mühitinin
daha da yaxşılaşdırılması, beynəlxalq standartlara uyğun müasir və rəqabətə dözümlü
maliyyə-bank xidmətləri bazarının inkişaf etdirilməsi üçün münbit hüquqi bazanın
yaradılmasıdır.
Dostları ilə paylaş: |