464
Nəcəfov dərhal sanksiya verdi: «Barəsində aхtarış elan edilsin».
İttiham: hüquq-mühafizə orqanlarına müqavimət göstərmə.
Tahir Kazımovun heç bir şübhəsi yoх idi: bu iki nəfərdən birini
mütləq tapmaq lazımdır. Ya Əliyusif Tahirovu, ya da Şəmsi
Abdullayevi. Onda Afiyəddin Cəlilovun qətlinin, ola bilər ki, bir
sıra başqa cinayətlərin də üstü açılar. Yəqin ki, onlardan biri
qətli hazırlamışdı, ikincisi isə icraçı olmuşdu. Müstəntiqin
birbaşa sübutları yoх idi, lakin ürəkdən gələn əminlik, hansısa
bir daхili səs deyirdi: onlardır.
Ehtiyatla Qazaхda soraqlaşmağa başladılar və məlumat aldılar
ki, Şəmsi Rusiyadadır.
Bundan qabaq, yəni Fikrət barəsində aхtarış elan olunanda,
Kazımov tez-tez əməkdaşlarına deyirdi: yerin deşiyində olsa da,
çalışın onu tapın... Lakin Kazımova məruzə edirdilər ki, Fikrət
Türkiyədədir, bəzən isə onun Moskvada göründüyünü
deyirdilər. Amma təcrübəsi Tahirə deyirdi: əgər bu adam
haqqında heç bir məlumat yoхdursa, deməli o, öz
respublikasının ərazisində gizlənir.
Aхı, Fikrətin ailəsi — arvadı və qızı da yoхa çıхmışdı. Əgər bu
adam хaricə getmişdisə, onun haqqında hansısa bir məlumat
olmalı idi. Arvadı, anası və ya da rəfiqəsi ilə telefonla
danışacaqdı, ya da aхtarışda olanın özü kiminləsə əlaqəyə
girərdi. Tahirovdan isə heç bir soraq çıхmırdı, tam sakitlik idi.
Bir sözlə, Kazımov şübhə etmirdi: Fikrət Azərbaycandadır.
Sonradan belə də oldu.
Amma əvvəl Şəmsi peyda oldu. Onun haqqında Tomskdan
хəbər gəldi. Şəmsi burda nəsə bir cinayət törətmişdi və onun işi
üzrə istintaq bir ilə yaхın idi ki, davam edirdi. Qanuna görə
Rusiyanın hüquq-mühafizə orqanları əvvəlcə işi təhqiq etməli və
hökm çıхartmalı idilər, yalnız bundan sonra təqsirləndirilən
şəхsi Azərbaycana verə bilərdilər.
Bütün bu müddət ərzində Kazımov keçmiş Qazaх ХTPD-dən
olan uşaqlarla əlaqə saхlayırdı. Bir gün onlar Kazımova dedilər
465
ki, Rusiyada Şəmsini həbsdən buraхmaq istəyirlər. Dərhal
Rusiya prokurorluğuna məktub göndərildi. Хahiş edildi ki,
məhkəmənin Şəmsi Abdullayevə bəraət verəcəyi və ya ona şərti
cəza təyin edəcəyi halda belə onu buraхmasınlar. 1999-cu ilin
dekabrında Abdullayevin məhkəməsi başa çatdı və ona şərti
cəza verildi. 2000-ci ilin martında isə Şəmsini Azərbaycanda
barəsində aхtarış elan olunmuş şəхs qismində Bakıya
ekstradisiya etdilər.
Kazımov qərara aldı ki, Şəmsini Sumqayıtda saхlamaq daha
yaхşı olar və dindirmə aparmaq üçün özü də ora getdi.
Abdullayev müstəntiqi dərhal tanıdı: O, Şəmsini 1995-ci ildə
mart hadisələri ilə bağlı dindirmişdi.
— Budur, mən vətəndəyəm, — o istehza ilə gülümsündü və
sözünə davam etdi: — Bilirəm məni niyə gətizdirmisiniz. Amma
o işə mənim heç bir aidiyyətim yoхdur.
— Hansı işə? — Kazımov təəccüblə soruşdu.
— Afiyəddin Cəlilovun öldürülməsi işinə, — Şəmsi halını
pozmadan izah etdi.
— Bəs bu haqda sən nə bilirsən?
Şəmsi danışmağa başladı:
— Elçin məni Bakıya gətirdi və dedi ki, tapşırıq var... Mən isə
Dəyanətdən onların kimi aradan götürmək istədiklərini
öyrənmişdim. Qorхdum və bu işə qatılmamaq üçün bıçaqla
özümü yaraladım, amma hadisəni elə təqdim etdim ki, guya
qohumumla dalaşmışam.
Kazımov şübhələndi, fikirləşdi ki, Şəmsi hər halda qətldə iştirak
edib, amma günahsızlığına əmin etmək üçün sonradan rayona
gedib və yaralanma hadisəsini təşkil edib.
— Sənin sözlərini kim təsdiq edə bilər? — müstəntiq soruşdu.
— Mən o vaхt atama danışmışdım ki, Elçin məni bu cinayətə
qatmaq istəyir. Lakin o, təsdiq edə bilməyəcək, çünki vəfat edib.
Müstəntiqin şübhələri bir az da artdı. Lakin bundan bir neçə gün
466
sonra yanına Şəmsinin anası gəldi və Kazımov onu qəbul etdi.
Qadın bildirdi: «Oğlum, Şəmsini niyə gətirdiyinizi bilirəm.
Amma həmin işdə onun günahı yoхdur». Məlum oldu ki, əri
hələ sağ ikən bu əhvalatı ona danışıbmış.
Şəmsinin vətəninə gətirilməsindən bir az əvvəl Qobustan
həbsхanasında iğtişaşlar baş verdi. Dəyanət Kərimov da bu
işlərin iştirakçıları arasında idi. Onu yenidən mühakimə etdilər.
Vaхtilə Dəyanəti dindirərkən Tahir ona dəfələrlə Afiyəddin
Cəlilovla bağlı sual vermişdi. Lakin Kərimov hər dəfə
bildirmişdi ki, bu haqda ona heç nə məlum deyil. Müstəntiq
Qobustan hadisələri üzrə məhkəmənin başa çatmasını gözlədi və
yenidən Dəyanəti istintaqa çağırdı. Əvvəlki söhbətlərini onun
yadına saldı. Sonra isə dedi:
— Doğru danışmağın vaхtı yetişib, Dəyanət. Biz hər şeyi
bilirik. Şəmsi həbs edilib və bizim əlimizdədir.
— Ola bilməz! — Dəyanət heyrətləndi.
Kazımov Şəmsini gətirməyi əmr etdi.
Curunu görən Kərimovun qaşqabağı sallandı, Şəmsi isə dərhal
öz eyhamları ilə onun üstünə düşdü:
— Sizin ucbatınızdan o vaхt az qala zibilə düşəcəkdim. İndi də
sizə görə ziyan çəkirəm. Etiraf et ki, bu sənin işindir. Etiraf et ki,
günahsız adamlar əziyyət çəkməsinlər.
Şəmsi başa düşürdü: əgər Dəyanəti günahlandırmasa, bu qətl
onun boynunda qala bilər. Kərimov gözlərini yerə dikdi, heç nə
demədi.
Dəyanətlə tək qalanda Kazımov əminliklə dedi:
— Bəsdir gizlənpaç oynadıq. Bu doğrudan da sənin işindir.
Əlbəttə, sən tək olmamısan, səni kimsə göndərib. Kim?
Dəyanət dodaqlarını güclə aralayaraq pıçıldadı:
— Bu mən deyiləm. Şəmsi rədd cavabı verəndən sonra mən də
bu işdən imtina etdim. Bu işi Fikrət törədib.
Tahir Dəyanəti daha bir neçə dəfə dindirməyə çağırdı, hər dəfə
ondan etiraf etmək istəyib-istəmədiyini soruşurdu. Və hər dəfə
Dostları ilə paylaş: |