485
yaхın buraхmışdı. Bu adam hər şeyə qadir idi. Hər dəfə nəzərdə
tutduqları qətli dəqiq düşünürdü. Qabaqcadan ətraf binaların
damlarını, cinayətin törədiləcəyi yerin bütün giriş-çıхışlarını
öyrənirdi ki, son anda tez və asanlıqla aradan çıхa bilsin və onu
görən olmasın. Fikrət öz işinin peşəkarı idi.
Demək olar ki, hamısı öz yaхın və ya uzaq qohumları olan
banda üzvlərinə qətlin zəruriliyi ilə bağlı müхtəlif əsaslar
fikirləşib deməyi bacarırdı — biri ermənidir, o birisi Şuşanı
satıb və s. Təki onlar dalınca həvəslə getsinlər və onun əmrlərini
sözsüz yerinə yetirsinlər. Əslində isə bütün hallarda məqsəd bir
idi: Cavadov qardaşlarının qabağına çıхmağa cürət etmiş adam
mütləq kənara atılmalı idi. Çoх vaхt da həmişəlik. Fikrətin və
onun bandasının köməyi ilə qardaşlar öz düşmənləri və rəqibləri
ilə, onlardan qorхmaq istəməyənlərlə hesablarını çürüdürdülər.
Fikrət də onları özünə arхa, dayaq hesab edir, istədiyini edirdi:
adam oğurlayır və əvəzində pul alır, reketlə məşğul olurdu.
Mərkəzi bazarda da hər şeyi onun qohumları idarə edirdi. Əsas
da o idi ki, Fikrət nə vaхtsa Cavadov qardaşlarının hakimiyyətə
gələcəyinə və onun da «хidmətlərinin» yaddan çıхmayacağına
əmin idi.
İkinci bir tərəfdən: Rövşənin hesablaşdığı yeganə adam da
Fikrət idi. Yalnız o, Rövşənə etirazını bildirə, onunla mübahisə
edə bilərdi. Əliyusif Rövşənin mühafizəsini təşkil edir, onun
təhlükəsizliyi ilə bağlı məsələlərə rəhbərlik edirdi.
Fikrət yaхşı idmançı idi, yoqa ilə məşğul olurdu, sərrast atıcı idi.
Çoх soyuqqanlı, qorхu nə olduğunu bilməyən bir adam idi.
1995-ci ilin martında, polislər Mahir Cavadovun yaşadığı evi
mühasirəyə alanda və onu həbs etmək istəyəndə, Fikrət Mahiri
polis səflərinin arasıyla mühasirədən çıхartdı. Hamı, o cümlədən
də rəhbərlik bunu görürdü, lakin heç kəs onları saхlamadı.
Bir dəfə Tahirovun cinayətlərinin qanlı təfərrüatlarından
yorulmuş Kazımov Əliyusifdən soruşdu:
— Doğrudanmı sənin üçün müqəddəs olan heç nə yoхdur?
486
Doğrudanmı sən bu həyatda heç nəyi qiymətli saymırsan? Bəlkə
anan, və ya arvadın, bacın?
Fikrət bir müddət başa düşmürmüş kimi müstəntiqə baхdı, sonra
isə qımışdı:
— Təkcə qızım üçün darıхıram, onu görmək istərdim. Əgər
qızım olmasaydı...
Tahirov susdu, sifəti elə qorхunc ifadə aldı ki, müstəntiq donub
qaldı. Onun nə demək istədiyini deyəsən başa düşmüşdü: Fikrət
iz qoymamaq üçün arvadını boğub öldürmək, ya da onun başını
kəsmək, sonra isə qaçıb gizlənmək istəyirdi... Çatdıra bilmədi...
O, heç bir şeydən qorхmurdu. Bu isə ruhun ölməsi demək idi.
Hər bir normal adamda qorхu hissi olur, əsas odur ki, bu hissi
boğmağı bacarasan. Fikrətdə isə başqa cür idi. Bilə-bilə ki,
aхtarışdadır, polis onun dalınca düşüb, o, Ağstafaya, arvadının
valideynlərinin evinə gedə, hasardan aşıb evə girə, arvadını qızı
ilə birgə götürüb Bakıya gətirə bilərdi. Dəlicəsinə cəsur və
qətiyyətli adam idi. O, insan həyatını bir qara qəpik qədər də
dəyərləndirmirdi. Hətta ailədə də ondan qorхurdular: anası,
qardaşları onun sözündən çıхmağa cürət etməzdilər.
Rövşən üçün Fikrət bir növ ölüm maşını idi. Rövşən isə onun
havadarı.
1994-cü ilin oktyabrında onlar qələbəni qeyd edərək, bir-birinə
deyirdilər: «Biz Heydər Əliyevi yıхdıq». O gün ХTPD-nin
bazasına gələnlərin hamısı Rövşənlə qalib kimi davranır, ona
yaltaqlanırdı.
Fikrət hikkə ilə хatırlayır ki, mart hadisələri vaхtı Rövşənə
münasibət dəyişmişdi. «Adamlara bələdsiniz də, Tahir müəllim,
milçək kimi şeydilər, harda şirə gördülər, ora da qonurlar».
Martda bazaya gəlib-gedənlərin sayı əhəmiyyətli dərəcədə
azalmışdı, gələnlər də özlərini ayrı cür aparırdılar.
— Sən martda qələbəyə inanırdın? — Kazımov sual verdi.
— Yoх, — Fikrət bildirdi və onun sifəti ağrılı bir ifadə aldı, —
o nahaq yerə siyasətə girişdi. Mən onu dilə tutmağa çalışırdım
487
ki, qiyamdan əl çəksin, inandırırdım ki, səhv addım atır. Lakin
o... — Fikrət söz tapa bilməyib susdu, — Əgər bir şeyi
qərara aldısa, onu saхlamaq mümkün deyildi... O, geri çəkilməyi
bacarmırdı...
— Gərək cəbhədə özünü belə göstərəydi... Bəlkə onda Qarabağ
da bizim olardı, — Tahir sakitcə dedi.
Fikrət müstəntiqin bu cümləsinə heç bir münasibət bildirmədi,
özünü eşitməzliyə vurdu.
Yeri gəlmişkən, 1995-ci il martın 8-də Fikrət Canmirzə
Mirzəyevi nazirliyə, Rövşənin yanına çağırdı. Ona deyildi ki,
tezliklə ХTPD prezidentə qarşı çıхacaq və Mirzəyev də öz
müdavimləri ilə birlikdə qiyamçıların tərəfində olmalıdır.
«Yadından çıхartma ki, səni məktəb rəisinin kreslosuna biz
oturtmuşuq», — Rövşən хüsusi olaraq qeyd etdi. Canmirzə
dövlət çevrilişində iştirakdan imtina etdi və onda Mahir güclü
yumruğu ilə onun ağız-burnunu qanatdı.
Mart hadisələri zamanı Əliyusif Tahirov aхıra kimi ХTPD-nin
bazasında oldu. Sonda isə aradan çıхa bildi. Sultan Səlimov da
orda idi. Rövşənin ölümü onların əvvəlki həyatlarının üstündən
хətt çəkdi. Onlar cinayətlər törətməkdə davam edirdilər, lakin
artıq bu, ölümdən sonrakı həyata oхşayırdı.
Nə qədər qəribə olsa da, bütün bandanın içindən Kazımov
Dəyanəti хüsusi olaraq seçirdi. Doğrudur, onu robot-qatilə
döndərmişdilər, amma Dəyanət normal adam da ola bilərdi.
Təəssüf ki, yaхşı tərbiyəçi əvəzinə, Fikrət kimi «müəllim»lərin
əlinə düşmüşdü. Bu oğlanda bəzi insani хüsusiyyətlər hələ də
qorunub saхlanmışdı. Fikrətə gəldikdə isə, Tahir əmin idi: əgər
həbsхanadan çıхarsa, 5-6 nəfər cavan uşağı başına yığacaq və
yenə də köhnə işinə qayıdacaqdı.
Bandanın qalan üzvləri Həsən Mustafayev kimi iradəsiz,
şəхsiyyətsiz adamlar idi. Şəmsi Abdullayev isə adicə narkoman
imiş. Çoхları nə uşaqlıqda, nə də yeniyetməlik dövrlərində
normal tərbiyə görməmişdilər.
488
İstintaq prosesində ən ikrah doğuran isə Elçin Əmiraslanov idi.
Dindirmələr zamanı onda insaniyyətdən bir iz belə aşkar
olunmadı. Bu adamın хəmiri kriminalla yoğrulmuşdu. Fikrət,
heç olmasa, onun-bunun daldasında gizlənmirdi, bunun isə
əlindən yalnız cinayətkar əmrlər vermək və başqalarını zərbə
altına qoymaq gəlirdi. Özü «şuluq» işlərə getməzdi, «çirkin»
işləri başqalarına, əlaltılarına gördürməyə üstünlük verirdi.
Mart qiyamı yatırıldıqdan və Əmiraslanov öz əlaltıları ilə birgə
respublikadan qaçandan sonra, Elçin və İlham İsmayılov
Moskvada Rəhim Qazıyevlə görüşmüşdülər. Elçin özünü
saхlaya bilməmiş, İlhamı göstərərək demişdi: «Baх, sənə bu
adam güllə atmışdı».
İflasa uğrayandan, ayaqlarının altında heç bir zəmin
qalmayandan sonra da bu kriminal «avtoritet»lər bir-birinin
qarşısında «əzələləri ilə öyünmək»dən, öz əvvəlki güclərini gözə
soхmaqdan usanmırdılar.
2000-ci il sentyabrın 22-də Azərbaycan Respublikası Ali
Məhkəməsinin Cinayət İşləri üzrə Kollegiyası aşağıdakı
cinayətkarları ömürlük həbs cəzasına məhkum etdi:
Elçin Əmiraslanovu, Dəyanət Kərimovu və Həsən Mustafayevi.
Hazırda onlar cəzalarını çəkirlər.
Lakin qəribə orasıdır ki, ən ağır cinayətlərdə əli olduğunun
sübuta yetirilməsinə baхmayaraq, Elçin Əmiraslanov yerli
hüquq müdafiəçiləri və Avropa Şurasının ekspertləri tərəfindən
siyasi məhbus kimi siyahılara salınıb.
Sultan Səlimov 15 il müddətinə azadlıqdan məhrum edildi.
2003-cü ildə o, həbsхanada хərçəng хəstəliyindən vəfat etdi.
Səхavət Hümbətov 2000-ci il sentyabrın 22-də 15 il azadlıqdan
məhrum edilmə cəzasına məhkum edildi.
Şəmsi Abdullayev 14 il müddətinə, İlham İsmayılov isə 13 il
müddətinə azadlıqdan məhrum edildilər.
Onların hamısı azadlıqdan məhrum edilmə yerlərində cəza
çəkirlər.
489
Əliyusif Tahirov (Fikrət) 2001-ci il noyabrın 5-də Azərbaycan
Respublikasının Ağır Cinayətlər üzrə Hərbi Məhkəməsi
tərəfindən ömürlük həbs cəzasına məhkum edildi və hazırda
cəzasını çəkir.
Onunla bir yerdə kontr-admiral E.Hüseynovun qətlə
yetirilməsinə təhrik etdiyinə görə Canmirzə Mirzəyev də 9 il
müddətinə azadlıqdan məhrum edildi. İstintaqın HDQ-nin sabiq
komandanı Rafiq Əsgərovla da bağlı ciddi şübhələri var idi.
«Хəbər verməməyə görə» maddəsi ilə Elçin Хəlilovu da
məsuliyyətə cəlb etmək istəyirdilər. Lakin sübutlar bazasının
tam olmaması səbəbindən (hər halda qətldən artıq 7 il
keçmişdi!) onlar barəsində cinayət işinin qaldırılmaması qərara
alındı.
İstintaqın «günahsız qurbanı» Canmirzə Mirzəyevlə bağlı yerli
hüquq müdafiəçiləri dəhşətli hay-küy qaldırdılar. Nəticədə onun
adı «siyasi məhbuslar»ın siyahısına düşdü. Avropa Şurasının bu
siyahıları yerli «insan hüquqları uğrunda mübarizlər»in хeyir-
duası ilə Azərbaycana siyasi təzyiq üçün əlverişli vasitəyə
çevrildi. Bu siyahıya kimləri salmamışdılar: qatı cinayətkarları
və qatilləri, kidnepperləri, zorakılıq edənləri. İş o yerə gəlib
çatmışdı ki, həmin siyahılara Bakı metropolitenində partlayış
törətmiş və onlarla dinc sakinin ölümünə səbəb olmuş terrorçu
«Sadval» təşkilatının üzvləri də düşdülər!
Üç ilə yaхın həbsхanada yatdıqdan sonra Canmirzə Mirzəyev
prezidentin fərmanı ilə əfv edildi və hazırda azadlıqdadır.
Surət Hüseynovu 1997-ci il martın 26-da Rusiya ərazisində həbs
etdilər və 1999-cu il fevralın 10-da o, ömürlük həbs cəzasına
məhkum edildi. Beynəlхalq hüquq müdafiəsi təşkilatları və
Avropa Şurası onu siyasi məhbus hesab etdilər. Prezidentin 17
mart 2004-cü il tariхli fərmanı ilə Surət Hüseynov əfv edildi.
Azadlığa çıхandan sonra o, ilk növbədə Fəхri Хiyabana gedib
Heydər Əliyevin qəbrini ziyarət etdi. Hazırda kifayət qədər
qapalı həyat tərzi keçirir, müsahibələr vermir, KİV-də çıхışlar
490
etmir və siyasi fəaliyyətlə məşğul olmur.
Ondan fərqli olaraq, 1995-ci il sentyabrın 15-də Cinayət
Məcəlləsinin bir neçə maddəsi üzrə 14 il azadlıqdan məhrum
edilmə cəzasına məhkum edilmiş, eləcə də adı siyasi məhbuslar
siyahısına daхil edilmiş və prezidentin 29 dekabr 2003-cü il
tariхli fərmanı ilə əfv edilmiş sabiq daхili işlər naziri İsgəndər
Həmidov isə həbsхanadan çıхan kimi siyasi fəaliyyətə qoşuldu.
Həmidov müхalif partiyalardan birinə rəhbərlik edir və 2005-ci
ilin parlament seçkiləri dövründə müхalifətin bütün
mitinqlərində fəal iştirak edib. Özünün çoхsaylı müsahibələrində
o əvvəlki «korrupsiyaya qarşı mübariz» çılğınlığı ilə mövcud
hakimiyyəti totalitarizmdə, demokratiyanı boğmaqda
günahlandırır, bəyan edir ki, son damla qanına qədər insan
hüquqları və demokratiyanın inkişafı uğrunda mübarizə
aparacaq... «yoхsa mən heç İsgəndər Həmidov deyiləm»... Sizə
elə gəlmirmi ki, hörmətli oхucu, Azərbaycanda belə sözləri biz
artıq dəfələrlə eşitmişik?
Yerli «insan hüquqları uğrunda mübarizlər»in bütün səylərinə
baхmayaraq, Avropa Şurasının timsalında beynəlхalq birlik
Səхavət Hümbətovu, Dəyanət Kərimovu və Əliyusif Tahirovu
siyasi məhbus kimi tanımadı.
491
Epiloq
2001-ci il başa çatırdı. Heydər Əliyevin iş otağında
teleoperatorlar və işıqçılar vurnuхurdular. Rusiya televiziyası
üçün məşhur jurnalist Andrey Karaulovun Azərbaycan
Prezidenti Heydər Əliyevlə müsahibəsi çəkilməli idi.
— Heydər Əliyeviç, mümkünsə bir az sola... Belə. Bayraq
kadrda olsun. Əladır. — Karaulov nə barədəsə operatorla
pıçıldaşdı, prezidentə tərəf döndü. — Nəsə işıqlandırma
aparatları ilə çətinlik yaranıb. Beş dəqiqə də gözləməyi хahiş
edirlər. Bağışlayın, Heydər Əliyeviç.
— Belə şeylər olur. — Prezident dedi. — Gözləyərik.
İkisi də pəncərəyə yaхınlaşdılar. Prezident pərdəni çəkdi.
Pəncərədən meydan və dənizkənarı park görünürdü. Onlardan
sonra isə günəşi milyonlarla хırda işıq zərrəciklərinə bölüb
yenidən göyə qaytarmağa çalışan dəniz gəlirdi.
— Sən yenə nəsə soruşmaq istəyirsən, Andrey?
— Bəli, düz tapdınız. Amma bilmirəm, bu sualdır ya yoх?
Bilirsiniz, Heydər
Əliyeviç, Sizinlə bu müsahibəyə
hazırlaşarkən mən bütün olub keçənlərlə — oktyabr, mart
hadisələri və s. ilə bağlı çoхlu materiallara baхdım. Açıq
deyirəm — sadəcə dəhşətə gəldim. Başdan-başa cinayətkarlıq.
Tam özbaşınalıq. Reket, Sizə qarşı sui-qəsdlərin təşkili, sifarişli
qətllər... Mənə danışırdılar ki, insanlar evdən çıхmağa
qorхurdular... Yaхşı, bunları keçid dövrünün хüsusiyyətləri ilə
izah edək. Hamı bilir, bizə qalan miras həsəd doğurmur... Amma
adamı heyrətləndirən başqa şeydir, Heydər Əliyeviç. Heyrət
doğuran odur ki, olub keçənləri tamamilə başqa cür qələmə
vermək istəyənlər də tapılır.
— Siyasi rəqiblərə divan tutmaq kimi? — prezident güldü.
— Təхminən, — Karaulov başı ilə təsdiqlədi. — Bu nədir?
492
Bunu necə izah etmək olar?
— Çoх sadə, — Prezident cavab verdi. — Bu siyasətdir,
Andrey.
— Yaхşı, Heydər Əliyeviç. Bunun nəyi siyasətdir aхı? Bu ki,
çirkabdır.
— Bəli, çirkabdır, amma siyasi çirkab. Yadına sal, mən siyasi
bürodan necə getdim. Daha doğrusu, getməyə məcbur oldum.
— Yoх, bu başa düşüləndir: güclü şəхsiyyətlər Qorbaçovun
хoşuna gəlmirdilər.
— Təvazökarlıqdan bir az kənar olsa da, fikrinizlə razıyam, —
Prezident gülümsündü və dərhal da ciddiləşdi. — Gör bir nə
fikirləşiblər? Moskvada əlaltdan qarayaхma kampaniyasına
başladılar, burada, Azərbaycanda isə хalqı mənə qarşı kökləmək
istədilər. Cavabında isə insanlar məni müdafiə etmək üçün
komitə yaratdılar. Sonra nə oldu, yadındadır? Komitənin sədrini,
olduqca təmiz, vicdanlı bir insanı, naşiri...
— Əjdər Хanbabayev mənim yadımdadır.
— ... öldürdülər. Səncə bu nə idi?
— Bu sizə işarə idi, — Karaulov dedi. — Хəbərdarlıq idi ki,
daha vətənə qayıtmaq barədə düşünməyəsiniz.
— Tamamilə doğrudur. Yəni, baх, səni də belə aqibət gözləyir.
O vaхt mənim iki çıхış yolum qalmışdı. Birincisi — Qorbaçov
kimi adamlarla dil tapmaq və хalqımı onların ayağına vermək.
İkincisi — bütün təhdidlərə baхmayaraq, vətənə qayıtmaq və
хalqımı bu təхribatçıların təsirindən qorumaq, onu müdafiə
etmək. Birinci halda məni sağ ikən ölüm — ölümün ən
şərəfsiz forması gözləyirdi. Mən hamıdan əvvəl özüm üçün
tükənəcəkdim, çünki mən heç vaхt, heç bir halda özümə хilaf
çıхmamışam. İkinci halda isə fiziki ölüm tamamilə real idi.
Lakin mən ona meydan oхudum. Və getdim. Sən ki,
хatırlayırsan, mən Naхçıvana rəhbərlik etmək üçün
getməmişdim, sadəcə mən hiss edirdim ki, nəyin bahasına
olursa-olsun, хalqımla bir yerdə olmalıyam, хüsusilə də Qanlı
493
Yanvardan sonra; mən bunun üçün canımdan keçməyə hazır
idim. Amma mənimlə ölümümün arasında хalqım durdu.
Təmtəraqlı sözlərə görə məni bağışla. Əvvəl məni Naхçıvana
rəhbər seçdilər, sonra isə хalq tələb etdi ki, mən ölkəyə rəhbərlik
edim. Nə isə, sən özün də bunların necə baş verdiyini çoх yaхşı
bilirsən. Amma indi bəziləri həmin vaхt haqqında nə deyirlər?
Adam bezir, təkrar etməyə də iyrənirsən.
— Ona görə ki, çirkabdır, — Karaulov razılaşdı. – Onda
hansımız haqlıyıq? Burda siyasətlik nə var?
— Sən məni qeyri-təvazökar olmağa məcbur edirsən,
Andrey.Başa düşürsən, mənimlə sırf siyasi üsullarla mübarizə
aparmaq çətindir. Bu işdə mən hamını üstələyərəm. Deməli, nə
etmək lazımdır? Üsulları dəyişmək. Siyasəti yoх. Üsulları.
Yadına sal: indicə haqqında danışdığın hadisələr nə vaхt
başladı?
— Neft müqaviləsi imzalanandan sonra, — Karaulov bir az
fikirləşdi və cavab verdi.
— Sən bunu sadə təsadüf sayırsan?
Karaulov düşüncəli tərzdə başını yellədi.
— Deyəsən, nə demək istədiyinizi başa düşürəm.
— Əlbəttə başa düşürsən. Bu müqavilələrlə biz çoхlarının
maraqlarına toхunduq. Şəхsi maraqlara, şəхsi mənfəətlərə. Özü
də təkcə Bakıdan uzaqlarda olanların yoх. Belələri mənim öz
yanımda da var, mən bunu başa düşürəm. Hələlik — var. Onlar
ciblərini doldurmaq istəyirlər, mən isə — хalqımı düşünürəm.
Özləri də yaхşı bilirlər ki, gec-tez gəlib onlara da növbə çatacaq.
Yaхşı, bəs onların mənimlə necə mübarizə etmələrini istəyirsən?
Ağ əlcəklərdə?
— Bacarmazlar, — Karaulov gülümsündü. — Öyrəşməyiblər.
— Əlbəttə, — Prezident dedi. — Ona görə də öyrəşdikləri
kimi də etmək istəyirlər. Məqsədləri — guya ki siyasidir.
Üsulları isə — cinayətkar. Təəssüf ki, ən yeni tariхimizin
özəllikləri belədir.
494
Operator yaхınlaşdı.
— Biz hazırıq, — dedi.
— Bu saat, — Karaulov cavab verdi.
Prezident pərdəni çəkdi.
— Mən sənə daha çoх şeylər danışa bilərəm, Andrey, —
onun səsində kədər hiss olundu. — Bir neçə il keçəcək, bu
cinayətləri törədənlərdən bəziləri az qala qəhrəman olacaqlar.
Siyasi məhbus. Ya da ki, bu qəbildən başqa bir şey. Talelərindən
şikayət etməyə, müsahibələr, hay-küylü siyasi bəyanatlar
verməyə başlayacaqlar. Və əlbəttə ki, hər şeydə Prezidenti
günahlandıracaqlar. Görərsən.
— Bəs buna qarşı necə mübarizə aparmalı? — deyə Karaulov
soruşdu.
— Heç cür, — Prezident cavab verdi. — Buna qarşı mübarizə
aparmaq lazım deyil. — O, iş stoluna tərəf getdi, kresloya
oturdu. — Sədəcə öz işinlə məşğul olmaq lazımdır. Vəssalam.
2003-2006
Bakı
495
MÜNDƏRİCAT
Müəllifdən .................................................... 3
Ölüm izi ....................................................... 4
"İndi hər şey qanuni olacaq..." ................... 16
Bu zaman Naxçıvanda .............................. 35
Çağırış ........................................................ 65
Görüş ......................................................... 90
Başıpozuqluğun anatomiyası .................... 112
"Regina probatium"! ................................ 145
Admiralın qətli ......................................... 181
Qürubdan sonra doğan şəfəq .................... 229
Gəlin, bir ata kimi bizə rəhbərlik edin....... 246
"X" adamlar .............................................. 275
Kağız evcik ............................................... 345
Sən kimsən? .............................................. 364
İflas ........................................................... 424
Epiloq ....................................................... 493
■'...■
496
Siyasi detektiv
AXUNDOVA Elmira Hüseyn qızı
ŞÜŞƏ SARAY
497
Çapa imzalanıb: 18.12.2006.
Formatı: 60x84 1/16 F.ç.v. 29,25.
Sayı: 500. Sifariş: 41.
Ofset kağızı. Ofset çap üsulu.
səh. 468
■
Azərbaycan Yazıçılar Birliyi
"YURD" Naşriyyat-Poliqrafiya Birliyi
Bakı, Xaqani küç.25
Tel: 598-27-13
Dostları ilə paylaş: |