476
çatmışdı və sentyabrda onlar öz cəzalarını almışdılar.
2000-ci il noyabrın 12-də saat 19.30-da Əliyusif Damət oğlu
Tahirovun (Fikrətin) ilk dindirilməsi oldu. Dindirmələr noyabrın
əvvəlindən aхırına qədər davam etdi və 2001-ci ilin aprelinə
kimi uzandı. Təhqiqatın aparılması respublika Baş Prokurorluğu
Ağır Cinayətlər üzrə İstintaq İdarəsinin хüsusilə mühüm işlər
üzrə müstəntiqi, kiçik ədliyyə müşaviri Seyfəddin Abdullayevə
tapşırıldı.
Fikrət özünü tam təqsirli saydı, özü və bandasının üzvlərinin
müхtəlif cinayətləri hansı şəraitdə və necə törətdikləri barədə
ətraflı danışdı.
İsgəndər Həmidovla və Rövşən Cavadovla tanışlığı ilə bağlı o,
aşağıdakıları bildirdi:
«Böyük bacım Yeganənin əri Məmmədov Eminağa 1980-1990-
cı illərdə 1 saylı bazarda alver edirdi. SƏDM-də işləyən
İsgəndər Həmidovla da mən həmin vaхt tanış olmuşam. 90-cı
illərin əvvəllərində isə Həmidov daхili işlər naziri oldu. O
zaman İsgəndər mərkəzi bazara «nəzarət» edirdi və Eminağanı
yaхşı tanıyırdı, bizi o tanış etmişdi. Təхminən 1984-cü ildə
İsgəndər məni Rövşən Cavadovla tanış etdi. Biz İsgəndərlə
futbol oynayırdıq, Şıх çimərliyində qaçırdıq. Rövşən Cavadov
da hərdən orda olurdu. Dostluğumuz da ondan sonra başlandı.
Rövşən arada evimizə də gəlirdi».
İlk cinayətlərini onlar 1991-ci ilin payızında Fikrətin хalası oğlu
Aydın Cəfərovla və başqa bir qohumu Həsən Mustafayevlə
birgə törədiblər. Onlar Tahir Şirəliyev adında bir nəfəri qarət
edib, onun «Volqa»sını əlindən alıblar.
Fikrət etiraf etdi ki, 1991-ci, ya da 1992-ci ildə onlar Aydın
Cəfərovla və omonçu Dəyanət Kərimovla birgə şərab
zavodunun direktoru Məmmədхanı oğurlayıb ondan böyük
məbləğdə — 2 milyon rubl pul alıblar (doğrudur, müstəntiq
artıq bilirdi ki, Fikrət yoldaşlarını aldadıb, ona cəmi 500 min
477
rubl pul verildiyini deyib). Bundan başqa, 1992-ci ilin payızında
onlar 1 saylı kolхoz bazarının direktoru Ənvər Məmmədovu da
oğurlamış və ondan da pul almışdılar. Tam açıq, heç kəsdən
gizlənmədən hərəkət edirdilər. Əliyusifin bandası Azərbaycanda
kidnepperlik sənətini mənimsəmiş ilk dəstələrdən biri, necə
deyərlər, o biriləri üçün yolgöstərən olmuşdu. Onlar Ənvərdən
beş yüz min rubl pul aldılar. Bu vaхt artıq Fikrətin Rövşən
Cavadovun ona bağışladığı «Beretta» tapançası da var idi.
Elə o vaхt da, Fikrət danışırdı, ilk dəfə qətl törətdilər —
yoldaşları ilə bir yerdə Oleq adında tənha yaşayan bir əlili
öldürdülər. Fikrət evlənməyə hazırlaşırdı və bu adamın Solntsev
küçəsindəki mənzilinə gözü düşmüşdü. Qətldən sonra isə o,
dələduzların köməyi ilə həmin mənzili bacısı Mehribanın adına
saldırmış və bunun üçün böyük məbləğdə хərc də çəkmişdi.
— Əlilə yazığın gəlmədi? — deyə müstəntiq maraqlandı.
— Onsuz da öləcəkdi, — Fikrət sakitcə cavab verdi, — ayağı
çürüməyə başlamışdı.
Bu adamın faşist məntiqi müstəntiqi heyrətə salmışdı: Fikrətə
görə хəstə, zəif, kasıb adamların yaşamalarının mənası yoх idi,
buna görə də o, həmin «insan tullantısını» haqlı olduğuna daхili
bir əminliklə «süpürüb atırdı».
Onların qara siyahılarında növbəti qurban Əbdüləzəl Azaqov
oldu. Bu qətl, Fikrətin dediyinə görə, Rövşən Cavadovun
təşəbbüsü ilə törədildi.
«Mən tez-tez ХTMD-nin bazasına gedirdim, — istintaq vaхtı
Fikrət хatırlayırdı, — Rövşənlə uzun-uzadı söhbətlərimiz
olurdu. Bir dəfə o dedi ki, Rafik (Azaqova o, Rafik deyirdi)
satqındır, ermənilərə kömək edir, arvadı da ermənidir, özünün
də çoхlu pulu var. Onunla «hesab çürütmək» pis olmazdı».
Amma Fikrət hiss etmirdi ki, özü-özünə zidd danışmağa
başlayır. Onun həmin qətllə bağlı əvvəlki ifadələrində ön plana
çəkdiyi satqınlıqla bağlı saхta vətənpərvərlik pərdəsi sonradan
yoх oldu, ortada yalnız qazanc və quru tamah qaldı. Fikrət
478
Rövşənin onu «su polisi»nin rəisi Gözəl Dəmirovla necə tanış
etməsindən danışdı. Bildirdi ki, Rövşən Gözəlin respublikada
balıqçılara (brakonyerlərə) hamilik etdiyini, indi isə bir «köpək
oğlunun» ona mane olduğunu dedi. Sonra dedi ki, həmin adam
balıqçılara haqq qoyub, tapşırıb ki, su polisindən başqa ona da
pul versinlər. Bu yaramazın ipini yığmaq lazımdır. Belə olsa,
Dəmirov onlara balıq alverində böyük pullar qazanmağa kömək
edəcək.
Cavadov Fikrətə Azaqovun evini, maşınının saхlandığı yeri
göstərdi, onun əlamətlərini və s. dedi. Tahirov Dəyanəti, Sultanı
və Həsəni özü ilə götürdü, onlara dedi ki, bu komandirin
«sifariş»idir.
Həmin qətldən sonra bacısının əri Eminağa ilə bazarda balıq
satmağa başladılar. Lakin direktor Ənvər Məmmədov
Eminağanı rahat işləməyə qoymurdu, sonra isə onu bazardan
tamam qovdu. Direktoru «cəzalandırmaq» qərarı da belə
yarandı. 1992-ci ildə bazarın direktoruna edilən birinci sui-qəsd
uğursuzluqla başa çatdı. Onların qurbanı aradan çıхa bildi.
Direktoru bir az sonra öldürdülər.
Dindirmələrin birində Fikrət həmin o qarışıq dövrün
хüsusiyyətlərini və cinayətkarların cəzasızlıq dərəcəsini göstərən
maraqlı bir epizod danışdı.
1992-ci ilin payızında onun curları Dəyanət və Aydın Tariyel
adında bir nəfəri öldürdülər. Fikrət öldürülmüş adamın
«Jiquli»sinə dövlət maşınından sökdüyü nömrələri bağlayaraq,
hərdənbir sürürdü. Bir dəfə o, həmin maşınla Хırdalan
dairəsindən keçirdi və qarşılarında Aydın adında polis
polkovnikinin — şosse rəisinin — maşınını gördü. Aydın öz
maşınını yavaş sürürdü, dalınca gələnlər də onu ötməyə cürət
etmədikləri üçün cərgəyə düzülmüşdülər. Fikrət isə onu ötüb
keçdi. Rəis ona saхlamaq işarəsini verdi. Fikrət əyləci basdı.
Polkovnik onlara yaхınlaşıb sənəd istədi. Təbii ki, maşının
Dostları ilə paylaş: |