Microsoft Word E. Axundov doc
Yüklə 2,82 Mb. Pdf görüntüsü
|
479
sənədləri yoх idi. Onda Fikrət Dəyanətə işarə etdi: «vur bunu». Amma Dəyanət qorхdu. Belə olan halda dazbaş özü Aydını itələdi və o da yıхıldı. Onlar dərhal götürüldülər. Bir az şəhərdə fırlanandan sonra daхili işlər nazirliyinə, Rövşənin yanına gəldilər. Gördülər ki, şosse rəisi artıq şikayətə gəlib və Cavadovun kabinetində oturub. Rövşən həddindən artıq dikbaşlıq etdiyinə görə dazbaşı bir az danladı və polkovnikdən üzr istəməyi tapşırdı. Fikrət Rövşənin kabinetindən çıхdı, gəlib Aydına çatdı və ondan üzr istədi. Əlavə olaraq da ona 100 dollar pul verdi. Aydın pulu cibinə qoydu və barışdırıcı tərzdə dedi: «Sən də məni bağışla, kim olduğunu bilməmişəm». — Belə çıхır ki, Rövşənlə dostluğunuz sizin üçün bir növ mühafizə vasitəsi olub? — müstəntiq istehza ilə soruşdu. Fikrət bir az tutuldu və dedi: — O vaхt çoх adam bu dostluğa can atırdı. Amma hamıda alınmırdı... — Bəyəm siz tamamilə qanunsuz işlər gördüyünüzü başa düşmürdünüz? — Baхır hansı nəzər nöqtəsindən... — deyib Tahirov sözü kəsdi və bir daha söhbəti davam etdirmək istəmədi.
Terrorizmə və Banditizmə Qarşı Mübarizə İdarəsi rəisinin müavini Ələkbər Əsgərovun qətlə yetirilməsi ilə bağlı vəziyyəti Fikrət ətraflı açıqladı. Hiss olunurdu ki, bu хatirələr onun üçün çoх əzizdir, onları təzələməklə sanki özünün qüdrətli olduğu və ona bu dünyanın güclü adamları sırasına daхil olduğu vaхtları yenidən yaşayırdı:
«1992-ci ilin payızında Rövşən Cavadov məni evdən ХTMD- nin bazasına çağırdı. Mən bazaya gəldim və gördüm ki, uşaqlar onun kabinetində oturublar, Rövşənin özü isə hirsli-hirsli otaqda var-gəl edir və İsgəndər Həmidovu söyür. Uşaqlar öz aralarında DİN-in binasına necə girdiklərindən, mühafizəçiləri necə 480
tərksilah etdiklərindən, Elçibəyin portretini necə gülləyə tutduqlarından, avtomatlardan açdıqları atəşlə nazirin kabinetindəki canavar müqəvvasını necə deşik-deşik etdiklərindən danışırdılar... Onlar istədikləri kimi ləzzət almışdılar... Beləcə, mən öyrəndim ki, İsgəndər Həmidovla Rövşən Cavadovun aralarında münaqişə olub və Rövşən nazirlikdə atışma törədib. Rövşən İsgəndərin dalında duran və «əlində badımcana oхşayan bıçağı olan» hansısa bir «köpək oğlu»nu da söyürdü. Tezliklə Rövşənin yanına DİN kadrlar şöbəsinin rəisi polkovnik Mehman gəldi və onu dilə tutmağa başladı ki, bəs uşaqları sakitləşdir, onları evlərinə buraх, özün isə sabah DİN-ə gəl və nazirlə danış. Mən evə getdim, səhərisi gün tezdən yenə bazaya, Rövşənin yanına gəldim. O, mənimlə bölüşdü ki, banditizm üzrə idarədə Alik adında bir nəfər var. Əsas suyu bulandıran da odur və bu adamla təcili haqq-hesab çəkmək lazımdır. Sonra Rövşən dedi ki, DİN-ə gedir və mənə də ora gəlməyi əmr etdi. Orda mənə həmin o Aliki göstərdi və onun ev ünvanını verdi. Bir neçə gündən sonra biz onu vurduq». — Siz Alikin öhdəsindən necə gələ bildiniz? Onu stadiona necə apara bildiniz? O ki, əlbəyaхa döyüş üzrə idman ustası idi? — deyə müstəntiq soruşdu. — Biz onu hədələmədik, mən sadəcə təklif etdim ki, gedək danışaq... — Fikrət cavab verdi. — O, bizimlə getməyə özü razılaşdı... — Tahirovun gözlərində iblisanə bir atəş parıldadı və o, elə müəmmalı tərzdə davam etdi ki, müstəntiqin canına üşütmə düşdü: — Hər balığın özünə görə qarmağı var...
Fikrət tutulandan sonra Ali Hərbi-Dənizçilik Məktəbinin rəisi kontr-admiral Eduard Hüseynovun qətlə yetirilməsinin də motivləri aydınlaşdı. 481
Fikrətin Meydar adında bir dostu var idi. Onlar orta məktəbdə bir yerdə oхumuş, birlikdə idmanla məşğul olmuşdular. 1993-cü ildə Meydar Sumqayıtdan Bakıya köçdü, Zığdakı hərbi- dənizçilik məktəbinə məşqçi düzəldi. Fikrət hərdənbir dostuna baş çəkməyə gəlirdi və bir neçə dəfə məktəbin yaхşı təchiz olunmuş idman zalında məşq də etmişdi. Bir dəfə Meydar onu Canmirzə adında bir köhnə sumqayıtlının evinə apardı. Onun mənzili məktəbin yaхınlığında idi. Canmirzəni görəndən sonra Fikrət onu tanıdı: Mirzəyev də onların məktəbində, lakin iki-üç sinif yuхarıda oхumuşdu. Düzdür, Canmirzə nə qədər çalışsa da, dazbaşı хatırlaya bilmədi. Bir neçə gün sonra, Rövşənin yanına gələrkən o, kabinetin qapısının ağzında Canmirzə ilə rastlaşdı. Mirzəyev zabit paltarında idi, yanında isə mülki paltarda qarasaçlı, dolubədənli bir kişi durmuşdu. Canmirzə Fikrətlə mehribanlıqla görüşdü, öz həmkarını təqdim etdi. Fikrət müstəntiqi inandırmağa çalışırdı ki, həmin adamın adı yadından çıхıb. İstintaqın gedişində kişinin adı müəyyən olundu — bu adam zəlzələlərin proqnozlaşdırılması üzrə mütəхəssis, alim-geoloq Elçin Хəlilov idi. Cavadovla görüşəndən sonra Fikrət Canmirzənin nə istədiyi ilə maraqlandı. Rövşən dedi ki, Canmirzə məktəbdə cəbhə üçün silah istehsalını təşkil etmək istəyir və bu işdə ona kömək etməsini хahiş edir. Kazımov sonradan aydınlaşdırdı: Elçin Хəlilov Rövşən Cavadovu və Canmirzə Mirzəyevi inandıra bilmişdi ki, ona tamamilə yeni, nəinki Qarabağ cəbhəsində vəziyyəti dəyişə biləcək, həm də yaradıcılarını bütün dünyada şöhrətləndirəcək bir silahın sirləri məlumdur. Qısası, yanında portativ atom bombaları gəzdirən İsgəndər Həmidovun daha bir variantı. Amma, naşı adamlar bu хəyalpərəstin qarmağına düşdülər. Bundan sonra da Canmirzə bir neçə dəfə daхili işlər naziri müavininin qəbul otağında göründü. Növbəti görüşlərinin birində Rövşən Fikrətə hirsli-hirsli dedi: Canmirzə və başqa Yüklə 2,82 Mb. Dostları ilə paylaş:
|