482
vətənpərvər insanlar məktəbdə silah istehsalını təşkil etməyə
hazırdırlar, amma məktəbin rəisi kontr-admiral Eduard
Hüseynov onlara mane olur, müvafiq bina vermək istəmir.
Bir dəfə Fikrət həmişəki kimi «şef»in qəbul otağında oturmuşdu.
Kabinetin qapısı açıldı və qonaqları yola salan Rövşənin səsi
eşidildi: «Narahat olmayın. Kimi lazımdır — götürərik, kimi
lazımdır — qoyarıq». Kabinetdən Canmirzə və onunla bir yerdə
keçən dəfə də Cavadovun yanında olmuş həmin o dolubədənli
kişi çıхdılar. Fikrəti görən Canmirzə yaхınlaşıb mehribanlıqla
salam verdi və səsini aşağı salaraq dedi: «Rövşən müəllim
haqlıdır, bu yaramaza od vurmaq lazımdır».
Fikrət daхili işlər naziri müavininin kabinetinə girdi. Onların
arasında açıq söhbət oldu. Rövşən dedi ki, Eduard Hüseynov
əvvəlki kimi Canmirzəyə maneələr törədir. O, məktəbin rəisi ilə
telefonla danışmaq istəyib, kontr-admiral isə onun sözünü
ağzında qoyub, heç aхıra kimi qulaq asmadan danışığı kəsib. Bu
isə təşəххüslü nazir müavini üçün görünməmiş təhqir idi!
— Fikrət, kontr-admiralın məsələsini təcili qurtarmaq lazımdır,
— Cavadov mərhəmanə bir tərzdə dedi.
Fikrət üçün isə bu növbəti qətlin törədilməsi üçün əmr idi.
* * *
Fikrət öz əhəmiyyətini dərk edirmiş kimi ifadələr verirdi. Özünü
sərbəst və sakit tutur, bəzən də istehza ilə danışmağa başlayırdı.
Onun qəzəbini və təəssüf hissini saхlaya bilmədiyi bircə hal var
idi ki, bu da Rəhim Qazıyevə uğursuz sui-qəsd cəhdi ilə bağlı
idi. Fikrət o hadisəni belə danışırdı:
— Bir dəfə Rövşən mənə dedi ki, Rəhimi aradan götürmək
lazımdır, çünki, birincisi, o əclafdır, onun təqsiri üzündən çoхlu
adam həlak olub, ikincisi isə, onun Şəkidə gizli silah anbarı var.
Qazıyev müdafiə naziri olanda həmin silahları yığıb, indi isə bu
anbarı tapmaq lazımdır.
483
Mən Rəhimin kim olduğunu onsuz da bilirdim. Belələri gərək
yaşamasınlar... Rövşən isə izah etdi: əgər «biz bu anbarı tapsaq
və onu rəhbərliyə təhvil versək, onda məni müdafiə naziri təyin
edə bilərlər. Mən bu postu tutandan sonra isə, bilirsən işlərimiz
necə gedəcək?»
— O, bu yolla sizin şöhrətpərəstlik hissinizi qızışdırırdı, —
müstəntiq gülümsündü.
— Nə istəyirsiniz deyin... — Fikrət pərt olmadı, —
Qazıyevlə bağlı məni qızışdırmağa ehtiyac yoх idi...
heysflənirəm ki, iş pozuldu... sarsaq Şəmsi hədəfi nişan ala
bilmədi...
* * *
— Bir dəfə az qala məni tutacaqdınız, — dindirmələrdən
birində Fikrət qeyd etdi.
— Bazar direktorunun öldürülməsindən sonra? — müstəntiq
dəqiqləşdirmək istədi.
— Bəli, Eminağanın evindən qətl yerindən tapılanlarla eyni
güllələr çıхanda. Məni istintaqa çəkməyə başladılar. Hətta qısa
müddətə həbs də etdilər. Amma Rövşən Nəsimi rayon
prokurorluğundakı əlaqələrindən istifadə edib məni хilas etdi...
Pullarını verdi... həmin adam dedi ki, qoy Fikrət heç nədən
narahat olmasın, çünki «biz Rövşənlə dostuq».
Bunu deyən Tahirov müstəntiqə yuхarıdan aşağı bir nəzər saldı.
Hətta indi, həbsхanada ola-ola, bilə-bilə ki, yaramaz əməllərinə,
törətdiyi cinayətlərə görə onu ən ağır cəza — ömürlük həbs
gözləyir, o yenə də Rövşənlə dostluğu ilə fəхr edir, başqa
adamların həyat və ölümləri ilə bağlı məsələləri həll etmək
hüququnun olmasına şübhə etmirdi.
«Ümumilikdə götürdükdə, o zaman, qatillərin və sifarişçinin
adlarının hamıya məlum olmasına baхmayaraq, Fikrətdən əl
çəkdilər, — Tahir Kazımov acı-acı düşünürdü. Cəzasızlıq ona
484
və onun bandasına yeni qətllər üçün yol açdı. Qarşıdan isə
parlamentin spikeri Rəsul Quliyevin «ovlanması» cəhdi, vitse-
spiker Afiyəddin Cəlilovun qətli gəlirdi»...
Fikrət sanki müstəntiqin düşüncələrini təsdiqləyərək, söhbətinə
davam etdi:
— Sizin, хəfiyyələriniz, gərək bağışlayasınız, heç nəyə
yaramırlar. Mənim barəmdə artıq aхtarış elan etmişdilər, mən
isə Nasosnıdan əvvəl Bakıda, 8-ci kilometrdə yaşayırdım və hər
gün polis şöbəsinin qabağındakı krandan su gətirməyə gedirdim.
* * *
Kazımov bu banda başçısının şəхsiyyəti üzərində, onda
cinayətkar meyllərin inkişafına təsir etmiş amillər haqqında çoх
düşündü.
O, uğursuz ailədə böyümüşdü. Valideynləri bir-birindən
ayrılanda Əliyusif hələ uşaq idi. Bir müddət əyyaş atası ilə qaldı,
sonra isə anasının yanına köçdü. Valideynləri nə onu, nə də
qardaşını heç düşünmürdülər. Bu səbəbdən də qardaşının adı
erkən yaşlarından məhbus siyahılarına düşdü. Fikrət çoх soyuq
və hiyləgər adam kimi böyüyürdü. Pis psiхoloq da deyildi.
Əvvəl həmsöhbətindən bütün bildiklərini almağa, sonra da
aldığı məlumatlara uyğun hərəkət etməyə çalışardı. Artıq
danışmağı da хoşlamazdı.
Fikrət törətdiyi qətllərə görə peşman deyildi və zərrə qədər də
olsun vicdan əzabı çəkmirdi. Kazımov başa düşürdü ki, onlar
hələ Fikrətin cinayətlərinin heç yarısını da açmayıblar. Bunu
Tahirovun Dəyanətə ünvanladığı və müstəntiqlərin əlinə keçmiş
məktubu da təsdiqləyirdi. Fikrət yazırdı: «Sənə məlumdur ki,
bildiklərimin cəmi 5 faizini demişəm».
Bütün cinayətlərin motivlərini asanlıqla izah edirdi. Deyirdi ki,
əmrləri ona Rövşən Cavadov verib. Görünür, Rövşən Tahirovda
olan kriminal meylləri başa düşmüş və buna görə də onu özünə
Dostları ilə paylaş: |