Ceyhun Vahid oğlu Bayramov
332
B. Ümumi olaraq təlfiqi qəbul edib-etməyənlər və onların dəlilləri
Təlfiq səhabə, tabeun dövründə bilinən bir mövzu olmadığından və
mütəqəddimun alimlər tərəfindən araşdırılmadığından onlardan sonra gələn alimlər
də bu haqda qəti bir hökm verə bilməmişlər. Daha sonra müsəlmanların arasında
yayıldığına görə bir sıra hökmlər verilmişdir. Verilən hökmlər də, hər hansı nəssə
söykənmədiyinə görə qətilik ifadə etməmişdir. İslam alimləri təlfiqlə bağlı üç görüş
irəli sürmüşdürlər. Onları aşağıdakı kimi sıralaya bilərik:
1. Qəbul edənlər və dəlilləri: Bəzi İslam alimləri təlfiqi
mütləq olaraq caiz hesab
etmişlər. Onların dəlil olaraq irəli sürdükləri əsas, İslam dininin çətinliyə deyil,
asanlığa
47
üstünlük verən bir din olmasıdır. Hz. Peyğəmbərin həyatına nəzər saldıqda
da bunu bariz şəkildə görmək mümkündür.
48
Təlfiqi qəbul edənlər arasında Hənəfi və Maliki məzhəbinin bəzi mütəəxxirun
müctəhidlərini görmək mümükündür. Bu alimlər
öz görüşlərini Quran, Sünnə, əqli və
nəqli bir sıra dəlillərə əsaslandırmışlar. Onların dəlillərindən bəziləri belədir:
a. Səhabə və tabeun dövründə insanlar bilmədikləri mövzuları onlardan soruşur-
dular. Onlar da bildikləri sualı cavablayar, bilmədiklərinə də bilənlərə yönəldirdilər.
Ancaq, onların sual soruşan şəxslərə “Bu sualı məndən soruşma. Get öz məzhəb imamına
soruş, yoxsa təlfiq xətasına düşərsən” kimi bir xəbərdarlıqları bizlərə gəlib çatmamışdır.
b. Təlfiqi qəbul etməməklə, digər müctəhid imamların doğru yolda
olmadıqlarını qəbul etmiş oluruq. Çünki, təlfiqi qəbul etməməklə onların görüşlərinin
məhəbimizə görə etibarsız olduğu qənaətinə gəlirik.
c. Təlfiqi
qəbul etməmək, bir qrup müsəlmanı düşdüyü mühitə görə çətinə
salacaq, bəlkə də onları ibadət etməkdən uzaqlaşdıracaqdır.
49
2. Qəbul etməyənlər və dəlilləri: Hənəfi, Şafei və Hənbəli məzhəbinin bəzi
alimləri bu görüşdədirlər. Hətta Hənbəli məzhəbi alimi Səfərani ifrata vararaq “Mən
əqli və nəqli dəlillərdən başa düşdüyüm ölçüdə təlfiqin hər növü batildir. Çünki, təlfiq
qapısının açılması ilə, bir sıra hiylələrə qapı açılacaqdır”-demişdir.
50
Bəzi İslam alimləri təlfiqi aşağıdakı səbəblərə görə qəbul etməmişlər:
a. İslam dinini qorumaq hər kəsin borcudur. Təlfiqin qəbul
edilməməsi bunun
göstəricisidir. İnsan təlfiq etməklə dini hökmləri xəfifə alaraq özünü dinə deyil, dini
özünə uyğunlaşdırmış olar.
b. Təlfiq bir hiylədir. Müsəlman buna yol açdıqda, dini qadağaları özünə halal
edər. Beləliklə, bir mükəlləfiyyəti qalmır.
c. Təlfiqin nəticəsi məzhəbsizlikdir. Məzhəbsizlik də təqlidçinin ibadətini
təhlükəyə salar. Mərhum İslam alimi Ramazan əl-Butinin qeyd etdiyi kimi:
“Məzhəbsizlik ən böyük bidətdir”.
47
Talaq, 65/7.
48
Buxari, Mənaqib 23.
49
Bani, “e.a.ə”, s. 184-189.
50
Səidi, “e.a.a”, s. 32
İslam hüququnda təlfiq anlayışı
333
ç. Təlfiq, ibadətlərdə elə bir vəziyyət ortaya çıxarki, heç bir müctəhid bu halı
qəbul etməz.
51
3.
Müəyyən şərtlərlə icazə verənlər və dəlilləri: İslam alimlərindən
bir qrupu
təlfiqi müəyyən şərtlər daxilində qəbul etmişlər. Qəbul edilən şərtləri belə sıralaya
bilərik:
a. Təlfiq edərək ibadət edən şəxslər, bilərəkdən məzhəblərin asanlıqlarını cəm
etməməlidir.
b. Təlfiq Quran və Sünnəyə müxalif olmamalıdır.
52
c. Haqqında icma olan məsələdə təlfiq edilməməlidir. Bir şəxsin mehirsiz, vəlisiz,
şahidsiz bir qadınla evlənməsi buna nümunə göstərilə bilər.
53
ç. Tətəbür-rüxəs niyyəti güdülməməlidir.
d. Təlfiq iki məsələdə gerçəkləşə bilər. Məsələn, bir şəxs Şafei məzhəbinə görə
dəstəmaz alıb, Hənəfi məzhəbinə görə namaz qılarsa, bunda hər hansı qadağa
yoxdur.
54
Təlfiqi müəyyən şərtlərlə qəbul
edənlərin dəlilləri, caiz görənlərin dəlilləri ilə
eynidir. Bu görüşü qəbul edən alimlər, dini qorumaq düşüncəsi ilə ehtiyatlı davranmış,
öz istəklərinə görə əməl edən insanlara da fürsət verməmişlər.
NƏTİCƏ
Əməllərdəki təqlidin insanlar üçün asanlıq olması danılmaz bir faktdır. Əgər buna
icazə verilməsəydi, əksər müsəlmanı ibadət həyatında çətinliklərlə qarşılaşardı.
Tətəbür-rüxəs, teysir, ihdasi-qövli-salis və müraatül-xilaf kimi digər terminlər
görünüşdə təqlidə bənzəsələr də, əslində fərqli terminlərdir.
Təlfiq isə, haqqında qəti dəlil olmasa da İslam alimləri
bu məsələnin həlli üçün
təşəbbüs göstərmişlər. Məhz bunu nəzərə alaraq, təlfiqin hökmü bəhsində caiz
görənlər, caiz görməyənlər və şərtlər əsasında caiz görənlər olaraq üç qrupa ayırdıq.
Araşdırmanın sonunda, təlfiqi qəbul edənlər ilə qəbul etməyənlərin görüşlərinin
tutarlı olmadığını gördük. Zərurət daxilində və müəyyən
edilən şərtlərə riayət
etdiyimiz halda təlfiqin caiz, asanlığa qaçmaq, şəri hiylə işlətmək, icmaya müxalifət
etmək kimi məqsədlər güdən təlfiqin isə caiz olmadığı qənaətinə gəldik.
51
Bani, “e.a.ə”, s. 187-197
52
Suləmi, “e.a.ə”, s. 491
53
Şəhabəddin Əbül-Abbas Əhməd b. İdris Qərafi, “Şərhu Tənqihil-füsul fi ixtisaril-məhsul fil-üsul”,
Darül-fikir, Beyrut 2004, s. 339.
54
Əbdürrəhman b. Muhəmməd b. əl-Hüseyn b. Ömər Bəaləvi, “Buğyətül-Müstərşidin”, Dərul-Kutubil-
İlmiyyə. Beyrut 1998, s. 560