«Su adamları» və Simaşki dövlətinin Azərbaycan tarixində yeri
75
«SU ADAMLARI» VƏ SİMAŞKİ DÖVLƏTİNİN AZƏRBAYCAN
TARİXİNDƏ YERİ
1
Allahverdi
Əlimirzəyev
Açar
sözlər: Azərbaycan tayfaları; elamlılar Azərbaycanda; mixi yazılı
mənbələr
; siyasi tariximiz; Simaşki sülaləsi.
Ключевые слова: племена Азербайджана, эламиты в Азербайджане,
клинописные источники, династия Симашки.
Kew words: tribes of Azerbaijan, elamites in Azerbaijan, cuneiform souces, our
political history, Simashkian dynasty.
1993-cü ildən ali məktəb dərsliklərimizə mərhum tarixçimiz professor Yusif
Yusifovun elmi araşdırmalarının məntiqi yekunu olaraq Azərbaycanın cənubunda,
xüsusilə Urmiya gölü hövzəsində məskunlaşan qədim etnoslar sırasına daha biri,
«SU» adı ilə tanınan tayfa birliyi əlavə olundu. «Yeni Şumer dövrü»nə aid (e.ə. XXI
əsr) tarixi, ədəbi və təsərrüfat sənədlərində bu toplum və onun yayıldığı ərazi LÚ.SU.,
LÚ.SU.A., LÚ.SU.Kİ. hərfən «SU adamları», «Su adamlarının məskəni»
loqoqramları ilə ifadə olunurdu. Y.Yusifov SU etnoniminin Manna dövlətinin cənub
vilayətləri Sumbi və Surikaşın adlarında əks olunduğunu ehtimal edirdi [1, s. 73, 80,
81; 3, s. 338; 9, s. 32-34].
«SU» adı ilə tanınan toplumun yayıldığı coğrafi areal, qonşuları ilə qarşılıqlı
münasibətləri, etnik kimliyi, dini inancları ilə bağlı məsələlərin həlli tarixi
keçmişimizin unudulmuş mərhələsinə nəzər salmağa imkan verə bilər. Təqdim olunan
məqalə
4000 il əvvəl Azərbaycanın cənubunu da əhatə edən siyasi proseslər haqqında
biliklərimizin zənginləşməsinə hesablanıb.
1.Terminologiya. «Su adamları» ifadəsini tədqiq edən Qərb alimləri ilkin
mərhələdə Şumer-Akkad sözlüklərindəki abreviatur yazılışlara verilən izahlardan
çıxış edərək SU mixi işarəsi ilə ifadə olunan loqosu Dəclə və Fərat çaylarının yuxarı
axarındakı məkanı və onun qeyri-sami mənşəli sakinlərini bildirən etnocoğrafi
terminin qısaldılmış forması hesab edirdilər. Şumer mətnlərində SU.BİR
4
loqoqramları ilə ifadə olunan bu etnocoğrafi termin Aşşur-Babil kitabələrində
«Subartu» və ya «Şubaru» adlanırdı. E.ə. II minilliyin birinci yarısından etibarən mixi
yazılı mənbələrdə Subartu adlanan məkanın sakinlərinə «hurri» etnonimi şamil
olunmağa başlayır. LÚ.SU. və Subartu terminlərinin eyniliyinin tərəfdarları «su
1
Мягалянин тезиси «Су тайфалары – Симашки юлкясинин сакинляри» ады иля Азярбайъан Шяргшцнаслыг
елминин инкишаф йоллары. Академик Васим Мяммядялийевин анадан олмасынын 70 иллийиня щяср
олунмуш Бейнялхалг Елми Конфрансын материалларында (27-28 ийун 2013, с. 627-628) дяръ олунуб.
Allahverdi Əlimirzəyev
76
adamlarını» Van gölündən cənubda lokalizə edirdilər [15, p. 393; 32, p.252; 41, s.
105-106; 22, pp. 18-20, 23-27, 38-40, 100-105]. Lakin şumerlilərə məxsus sözlüklər
və bədii əsərlər tərcümə olunduqca LÚ.SU. və Subartu terminlərinin
eyniləşdirilməsinin yanlış olduğu üzə çıxdı. Məsələn, «Eredu şəhərinin dağıdılmasına
ağı» adı ilə tanınan bədii kompozisiyada kutilərlə ittifaqda həm Subartunun, həm də
«Su adamlarının ölkəsi»nin xatırlanması onların fərqli məkanlar olduğuna işarə edir
[25, pp. 132, 136; 24, p. 28]. Eyni mənbədə bir ölkənin iki fərqli adlarla yazılması
məntiqsiz görünür.
Su loqosunun qərbi şami köçəri tayfası olan sutilərin etnik adının abreviatur
yazılış forması olduğuna dair S.Kramerin mülahizəsi [30, pp. 45, 244-246] də özünü
doğrultmadı. Çünki e.ə. XVIII əsrə aid Babil coğrafi adlar sözlüyündə sutilərin ölkəsi
Subartu və «Su adamlarının ölkəsi» ilə eyni kontekstdə qeydə alınıb [39, p. 198].
Tədqiqatçıların bir qrupu «Su adamlarını» Elamdan şimalda, Zaqros dağlarında
məskunlaşmış tamamilə fərqli etnos kimi təqdim edirdilər [16, s. 49-51; 18, s. 508;
5, c. 270, прим. 74].
F.Vala isə hesab edirdi ki, SU abreviaturu ilə şumerdilli mirzələr Elamdakı
Suziana vilayətinin (paytaxt Suzun ətrafı, indiki Xuzistanda Şuş şəhəri) elamlılardan
fərqli etnik qrupunu bildirirdilər [42, p. 9; 43, p. 53].
Yalnız P.Şteinkellerin tədqiqatları yarım əsr davam edən elmi mübahisələrə son
qoydu. Məlum oldu ki, hökmdar titullarını əks etdirən Şumer mətnlərindəki LÚ.SU.,
LÚ.SU.Kİ. loqoqramları akkad (şərqi sami) dilində tərtib olunmuş kitabələrdə
«Simaşki» adlanan ölkənin rebuslu yazılış forması olmuşdur. Başqa sözlə,
şumerlilərin «Su adamları» adlandırdıqları toplum Simaşki ölkəsinin sakinləri
olmuşlar
[39; 40]. Növbəti illərdə şumer dilində tərtib olunmuş tarixi və leksikoloji
mətnlərin aşkara çıxarılmış yeni nümunələrinin dərc olunması ilə P.Şteinkellerin bu
sensasion kəşfi öz təsdiqini tapdı [11; 14; 35, p. 59, not. 44]. Yalnız Simaşki
sülaləsinin yeddinci hökmdarı İdadduya məxsus tunc nimçə üzərindəki şumerdilli
mətndə ölkənin adı akkad formasına uyğun olaraq hecalı şəkildə Si-ma-aš-ki
formasında yazılıb [12, p. 21-22, pl., XIII, text 18]. Hesabat-uçot sənədlərində də bu
hecalı
yazılış tətbiq olunurdu [31, №№ 653, 666, 674, 718, 875, 1021+1022].
2.Lokalizə problemləri. Tədqiqatçıların əksəriyyəti Simaşki ölkəsini Luristanda,
Həmədan ətrafında və ya İsfahan yaxınlığında lokalizə etməyə üstünlük verirlər [2, s.
26-28]. Yalnız F.Vala hesab edir ki, bu ölkə Kerman vilayətində yerləşirdi [42, p. 8,
9; 43, pp. 50-52]. Simaşkinin coğrafi mövqeyi haqqında məlumat verə biləcək iki
mötəbər mənbə Şumerin Ur şəhərinin III sülaləsinin çarı Şu-Suenin hakimiyyət
dövrünə (e.ə. 2036-2028) aiddir. Onun abidəsi üzərindəki mətnin Qədim Babil
dövründə (e.ə. XVIII əsr) üzü köçürülmüş nüsxəsində Simaşkinin tərkibindəki 6
vilayət (Zabşali, Karda, Siqris, Yabulmat, Şatilu, Alumiddatum) və iri yaşayış
məskənləri (Nişqanelum, Tirmium, Sisirtum, Azahar və ya Zahara, Pulma, Arahir,
Zitanu, Lulubim və s.) sadalanır [36, pp. 136, 141; 23, ss. 348-354; 20, pp. 303-311].
Güman olunur ki, Simaşki ərazi prinsipinə əsasən, münbit vadi və dağətəyi zonalar
üzrə qurulmuş konfederativ dövlət olmuşdur [26, p. 24].
Dostları ilə paylaş: |