«Su adamları» və Simaşki dövlətinin Azərbaycan tarixində yeri
85
XÜLASƏ
“SU ADAMLARI” VƏ SİMAŞKİ DÖVLƏTİNİN
AZƏRBAYCAN TARİXİNDƏ YERİ
Əlimirzəyev Allahverdi
1988-ci ildə P.Ştaynkeller müəyyən etdi ki, e.ə. XXI əsrdə şumerdilli mətnlərdə
qeydə alınan
LÚ.SU. (və ya
LÚ.SU.A.)
ideoqramları (hərfən: “Su adamları”) Simaşki
ölkəsinin adının rebuslu yazılış variantı olmuşdur. O zaman elamlıların yaratdığı bu
konfederativ ölkə qismən Azərbaycanın quti və lullubi tayfaları yaşayan cənub
torpaqlarını da əhatə edirdi. Siyasi birliyin adı Meşkin şəhərinin (Əhərdən 150 km
şimal-şərqdə) və Moşkabad kəninin (Zəncan yaxınlığında) adlarında qalıb. Meşkin
yanılığında Elamın tarixi Anzan (və ya Anşan) vilayətinin adı ilə eyni səsləşən kənd
mövcuddur. Simaşki konfederasiyasının ən iri vilayəti olan
Zabşalinin ərazisi Urmiya
gölü hövzəsinə qədər uzanırdı. “Aahar” adlanan digər vilayət indiki Əhər ilə
(Təbrizdən 100 km şimal-şərqdə) eyniləşdirilə bilər. Həsənli kəndində (Urmiya
gölünün cənub sahilində) arxeoloji qazıntılar zamanı Simaşkinin hökmdarı Tan-
Ruhuraterin (e.ə. 1940-1920-ci illər) iki toppuzu tapılmışdır. Konfederasiya e.ə. 1900-
cü ildə dağılsa da, qüdrət simvolu kimi «Simaşki hökmdarı» titulu üç əsr sonra da
Elam hökmdarlarının rəsmi titullarında işlənməkdə davam edirdi. Vaxtı ilə
konfederasiyanın tərkibində olan Siqris və Sisirtu vilayətləri e.ə. VIII əsrdə
aşşurluların Madanın qərbində yaratdıqları Harhar əyalətinə qatılmışdı.
«Su adamları» və Simaşki dövlətinin Azərbaycan tarixində yeri
87
SUMMARY
LÚ.SU = SIMASHKI AND ITS PLATE IN THE ANCIENT HISTORY OF
AZERBAIJAN
Alimirzayev Allahverdi
In the 1988 year P.Steinkeller
established which loqoqrams LÚ.SU., LÚ.SU. A.
(“Su peoples”) in the period of III Ur dynasty (XXI century BC) appeared rebus
writing of Simashkian kingdom and its peoples in the Sumerian sources. According
of Shu-Sin’s texts Simashki had been confederation of the different indepence
settlements and district into territory of ancient Luristan,
Kurdistan and Southern
Azerbaijan. So far as cuneiform signs -
A- and -
ZA - had beens form Simashkian
toponym
Za-ha-ra or
A-za-ha-ar read as
A-ha-ra or
A-a-ha-ar (possible modern
city Ahar in 100 km north-east of Tebriz). Simashkian district Zabshali reached up to
southern
shore of Urmia lake, where (in village Hasanlu) archaelogists founded two
stone mace-head elamites Tan-Ruhurater’s, king of Simashki.
Müstəqillik dövründə Azərbaycan-Rusiya, Azərbaycan-Türkiyə Qarşılıqlı münasibətləri (1991-2011)
89
MÜSTƏQİLLİK DÖVRÜNDƏ AZƏRBAYCAN-RUSİYA,
AZƏRBAYCAN-TÜRKİYƏ QARŞILIQLI MÜNASİBƏTLƏRİ
(1991-2011)
dosent Elbrus Sadıqov
Azərbaycan Tibb Universiteti
Açar sözlər: Azərbaycan, müstəqillik, Rusiya, Türkiyə, geosiyasət, iqtisadi
siyasət, tarix
Key words: Azerbaijan, independence, Russia, Turkey, Geopolitics, Economic
policy, History
Ключевые слова: независимость, Азербайджана, Россия, Турция,
геополитика, экономическая политика, история
8 dekabr 1991-ci ildə Rusiya, Ukrayna və Belarusun liderləri Belaveja
Razılaşması ilə Sovet Sosialist Respublikaları İttifaqının beynəlxalq hüququn
subyekti kimi varlığına son qoyulduğunu elan etdilər. Razılaşmada Müstəqil
Dövlətlər Birliyinin yaradılması elan edilirdi. MDB qısa
zamanda Baltik ölkələri
istisna olmaqla bütün postsovet respublikalarını özündə birləşdirəcəkdi. Amma MDB
heç bir halda SSRİ ilə müqayisə oluna bilməzdi, çünki respublikaların hər biri artıq
azad və suveren bir dövlət kimi beynəlxalq münasibətlər sisteminin üzvü idilər. MDB
sadəcə keçmişdə bir ölkənin tərkibində olduqları üçün bu respublikalar arasında həm
etnik və linqvistik bağlar, həm coğrafi yaxınlıq, həm də iqtisadi və siyasi asılılığın
təzahürü idi. Amma bu asılılıq və bağlar bütün respublikalar arasında eyni deyildi.
Rusiya bütün göstəricilərə görə digərlərini qabaqlayırdı və "bərabərlər arasında
birincilik" ona məxsus idi. Bu səbəbdən regiondakı hər bir respublika üçün Rusiya ilə
münasibətlər xüsusi əhəmiyyət kəsb edirdi.
Müstəqilliyin ilk illərində münasibətlər hər iki tərəfin təzadlı mövqe və qərarları
ilə müşahidə olunurdu. Azərbaycanda hələ SSRİ dağılmamışdan ölkəyə rəhbərlik
edən Ayaz Mütəllibov Rusiyayönümlü xarici siyasət yürüdürdü. 1991-ci il dekabrın
28-də Almatı Bəyannaməsini imzalamaqla Azərbaycan çoxlarının Rusiyanın
postsovet ölkələrinə yeni təsir mexanizmi kimi gördüyü MDB-yə üzvlüyü qəbul etdi
(müqayisə üçün Baltik ölkələri və Gürcüstan bundan imtina etmişdi). Bu
münasibətin əvəzində Rusiyanın Qarabağ mövzusunda və ümumiyyətlə Azərbaycana
qarşı daha ədalətli mövqeyin ümid edilirdi. Amma heç də gözlənilən kimi olmadı.
Nəinki
Rusiyadan dəstək gəldi, hətta Azərbaycan hökumətinin təklif etdiyi Dostluq
və Əməkdaşlıq Müqaviləsi Rusiya tərəfindən rədd edildi və Azərbaycanın
müstəqilliyi tanınmadı Bu azmış kimi 1992-ci ilin fevralında baş verən və Azərbaycan
tarixinə qanlı hərflərlə yazılan Xocalı faciəsində rus hərbçiləri (366-cı alay) də iştirak