dosent Elbrus Sadıqov
90
edirdi. Bu hadisə Rusiyayönümlü mövqe tutan Ayaz Mütəllibovun istefası ilə
nəticələndi.
Beləliklə, 1990-cı ilin 20 yanvar faciəsindən sonra Əbdürrəhman
Vəzirovu əvəzləyən A. Mütəllibov başqa bir faciə- Xocalı qətliamına görə istefa
verməli oldu. Bundan 1 ay keçməmiş Rusiyanın xarici işlər naziri Azərbaycana səfər
edir və aprelin 4-də "Azərbaycan Respublikası və Rusiya Federasiyası arasında
diplomatik əlaqələrin qurulması haqqında Protokol" imzalanır. Faktiki olaraq, nə
qədər
paradoksal olsa da, Rusiya ona loyal olanın hakimiyyətindən getməsindən sonra
Azərbaycanın müstəqilliyini tanıdı. (1.480)
Bunlara baxmayaraq, artıq Azərbaycanda Rusiyaya münasibət kəskin
dəyişəcəkdi. İyunun 17-də ƏbülfəzElçibəy Azərbaycan Respublikasının Prezidenti
seçildi. Bu vaxtdan etibarən antirusiya mahiyyətli vəqərbmeyilli
xarici siyasət xəttinə
üstünlük verilməyə başlandı. Belə ki, onsuz da o vaxta qədər parlament tərəfindən
ratifikasiya edilməyən MDB-yə üzvlükdən tamamilə imtina edildi. Bundan başqa
Qarabağdakı döyüşlərdə əsir düşmüş rus əsgərlərinə ölüm hökmü çıxarıldı. Əsirlərin
məsələsi sonradan Rusiya ilə razılaşdırılsa da münasibətlər gərgin olaraq qalırdı.
Növbəti addım kimi ilin sonuna qədər Azərbaycan rus hərbi qüvvələrinin ölkədən
çıxarılması tələbi qoyuldu. Eyni zamanda qərblə neft yataqlarının istismarına dair
danışıqlar aparılır və bu layihədə rus şirkətlərinin iştirakı nəzərdə tutulmurdu.
Əlbəttə, bütün bunlar Rusiyanı heç cür razı sala bilməzdi. 1993-cü ilin
noyabrında Rusiyada bütün postsovet məkanını özünün təsir dairəsinə aid edən yeni
hərbi dolktrina qəbul edilmişdi. Bu sənədə görə nəinki
MDB ölkələrindəki hərbi
bazalar çıxarılmamalı, hətta üzv dövlətlərin digər (MDB üzvü olmayan) dövlətlərlə
sərhədləri (Azərbaycanda iranla sərhəd) rus hərbçiləri tərəfindən qorunmalı idi.
Təbii olaraq bunun üçün əvvəlcə Azərbaycanın MDB-yə üzvlüyünü təmin etmək
lazım idi. Üstəlik Rusiya Xəzərdəki neft resurslarının istismarı ilə bağlı məsələlərdə
də sadəcə seyrçi mövqeyi tuta bilməzdi. Azərbaycan hökumətinin siyasəti isə
Rusiyanın regiondakı xarici siyasət prioritetləri ilə tamamilə zidd idi və bu hadisələrin
sonrakı inkişafında özünü göstərməli idi. Bunun məntiqi
nəticəsi kimi, Azərbaycanda
onsuz da ürəkaçan olmayan vəziyyət daha da gərginləşməyə başladı. Qarabağ
döyüşlərində iştirak edən Surət Hüseynov öz dəstəsi ilə birlikdə Gəncəyə çəkildi və
hakimiyyətə qarşı qiyama başladı. Bu qiyamın Moskvadan dəstək aldığı çox az
adamda şübhə oyadırdı. Ən azı ona görə ki, S.Hüseynovun dəstəsi Azərbaycanı tərk
etməkdə olan Rusiya hərbçilərinin (104-cü Hava Desant Diviziyası) yerləşdiyi hərbi
bazada qərar tutmuşdu və həmin diviziya Azərbaycanı tərk edərkən silahlarını
S.Hüseynova təhvil vermişdilər. S.Hüseynovun dəstəsini silahsızlaşdırmağa cəhd
edilsə də uğursuz oldu. Nəticədə Surət Hüseynov öz dəstəsi ilə Bakı istiqamətində
hərəkət etməyə başladı. Vəziyyətin çıxılmaz olduğunu görən Ə.Elçibəy iyunun 15-i
həmin vaxt Naxçıvan Ali Məclisinin sədri olan Heydər Əliyevi Bakıya dəvət etdi və
özü şəhəri tərk edərək Naxçıvana döndü. Heydər Əliyev
Milli Məclisin sədri seçildi
və S.Hüseynovla danışıqlara başladı. S.Hüseynovun baş nazir təyin edilməsi şərti ilə
qiyam dayandırıldı. Bununla ölkədəki gərginlik azaldı. Oktyabrda Heydər Əliyev
Azərbaycan Respublikasının Prezidenti seçildi. (2.148)
Müstəqillik dövründə Azərbaycan-Rusiya, Azərbaycan-Türkiyə Qarşılıqlı münasibətləri (1991-2011)
91
Bu hadisələr ölkə xaricində birmənalı qarşılanmadı. DTK və Siyasi Büro keçmişinə
görə Qərbdə Heydər Əliyevin Rusiyaya meyilli xarici siyasət yürüdəcəyindən və
Azərbaycanın yenidən Rusiyanın təsir dairəsinə düşəcəyindən narahat idilər. Çoxları
Heydər Əliyevin hakimiyyətə gəlməsində Rusiyanın birbaşa maraqlı olduğunu iddia
edirdi. Amma hadisələrin sonrakı inkişafı onu göstərdi ki,
Rusiyanın
təsirini azaltmaq, müstəqillik və suverenliyin möhkəmləndirilməsi xarici
siyasətdə prioritet istiqamət olacaqdır. Düzdür, ilk addım kimi sentyabrda MDB-yə
üzvlük barədə sənəd imzalandı və parlamentdə ratifikasiya edildi. Bundan başqa,
Azərbaycanın İranla sərhədlərində rus qoşunlarının yerləşdirilməsi barədə razılıq əldə
edildi. Bunlara baxmayaraq, Azərbaycan heç nə itirməyəcəkdi.
Çünki MDB bir təşkilat
kimi formallıqdan başqa bir şey deyildi və ona üzv olub-olmamağın elə də
əhəmiyyəti yox idi. Analitiklər MDB-ni yarandığı vaxtdan nəyə xidmət etdiyi aydın
olmayan və qarşısına qoyduğu məqsədləri yerinə yetirə bilməyən bir təşkilat kimi
qiymətləndirirlər. İranla sərhəddə rus qoşunlarının yerləşdirilməsi barədə razılığa
gəldikdə isə, bu heç vaxt reallaşmayacaqdı. Çünki Heydər Əliyev bunu Dağlıq
Qarabağda atəşkəsə nail olana qədər təxirə salmağa Rusiyanı razı etmişdi. Atəşkəsdən
sonra isə məharətlə bu müqavilənin qüvvəyə minməsindən yayınmaq mümkün
olmuşdu. Göründüyü kimi MDB və rus qoşunları barədə razılıq heç də Azərbaycanı
Rusiyadan asılı etmirdi və əvəzində Rusiya ilə münasibətlərdəki gərginliyi azaltmaq
baxımından əhəmiyyətli idi. Üstəlik, bu razılaşmadan sonra sovet hərbi depolarındakı
silah-sursatın azad edilməsi mümkün oldu ki, bu da həmin
vaxt Qarabağda döyüşlərin
davam etdiyini nəzərə alsaq çox vacib idi. Rusiya ilə münasibətlərdəki gərginliyin
azalması ilə 1994-cü ilin mayında məhz Rusiyanın vasitəçiliyi ilə Ermənistanla atəşkəs
barədə Bişkek razılaşmasını imzalamaq mümkün oldu. Onu da qeyd etməklazımdır ki,
buna qədər 1992-ci il mayın 7-də A.Mütəllibovun istefasından sonra Azərbaycan
Respublikası Prezidentinin səlahiyyətlərini icra edən Y.Məmmədov və Ermənistan
prezidenti L.Ter-Petrosyan İranın vasitəçiliyi ilə atəşkəs barədə Tehran Bəyannaməsi
imzalamışdılar. Amma növbəti gün Şuşanın işğalı ilə bu sənəd öz qüvvəsini itirdi. Bu,
əslində Ermənistan rəhbərliyinin Azərbaycanla müharibədə vəziyyətə nəzarət
etməməsindən xəbər verirdi. Bu nəzarətin başqa qüvvələrin əlində olmasını və həmin
qüvvələrin sülh danışıqlarında maraqlı olmadıqlarını göstərirdi.
Bu dəfə isə bilavasitə
Rusiyanın vasitəçiliyi ilə atəşkəs barədə razılıq əldə olundu və bu razılıq əvvəlkindən
fərqli olaraq sadəcə kağız üzərində qalmayacaqdı. Atəşkəs barədə razılıqdan sonra
həqiqətən də Dağlıq Qarabağda hərbi əməliyyatlar dayandırıldı.
Yaranmış əlverişli şəraitdə Azərbaycanın enerji resurslarının istismarı üçün qərb
şirkətləri ilə danışıqlara başlandı. 1994-cü il sentyabrın 20-də Bakıda, Gülüstan
sarayında Azərbaycan hökuməti və xarici neft şirkətlərindən ibarət konsorsium
tərəfindən "AzəriÇıraq-Günəşli" neft yataqlarının istismarına dair "hasilatın pay
bölgüsü sazişi" (PSA) imzalandı. Müqavilə daşıdığı iqtisadi və siyasi əhəmiyyətinə
görə sonradan "Əsrin müqaviləsi" adını aldı. Xarici şirkət və dövlət nümayəndələrinin
də iştirakı ilə müqavilənin imzalanması və gələcəkdə icrası ölkənin müstəqilliyi və
suverenliyi, o cümlədən Rusiyadan iqtisadi və siyasi asılılığı azaltmaq baxımından