Hilmi Ziya Ülkən ibn Sinanın yaradıcılıq irsi haqqında
279
İbn Sinanın sistemini orta əsr fəlsəfəsinin xüsusiyyətini daşıdığını bildirən Hilmi
Ziya Ülkən onda empirizmin və rasionalizmin bölünməz bir bütün təşkil etdiyini
göstərmişdir. Türkiyəli alimin fikrincə, İbn Sina da Farabi kimi doqmatikdir, yəni
bilginin qəti və aydın bəzi prinsiplərə əsaslandığını və bütün bilgimizin intuisiya ilə
əldə edilən bu prinsiplərdən nəticə çıxarma yoluyla alınacağı fikrindədir. İbn Sina
təcrübəyə böyük əhəmiyyət verməklə, bilgini hissiyyat və dərk ilə başlamaqla bərabər
təcrübəni ağıldan kənarda görməz [1, 89].
İbn Sina məktəbi, davamçıları haqqında məsələləri araşdıran Hilmi Ziya Ülkən
yazmışdır ki, İbn Sina həyatında olduqca geniş bir şagird zümrəsi yetişdirdi. Heç bir
yerdə uzun bir müddət qalmadığı halda şagirdlər onunla fikir əlaqəsini kəsmədilər [1,
111].
Şərq peripatetizminin fəlsəfi ənənələri İbn Sinanın məşhur şagirdi Azərbaycanda
ilk böyük nümayəndəsi Bəhmənyar tərəfindən davam etdirilmişdir. Onu İbn Sinanın
ən dəyərli şagirdlərindən biri kimi təqdim edən Hilmi Ziya Ülkən onun Azərbaycanda
doğulduğunu, yaradıcılığı, fəlsəfi təlimi barədə ümumi məlumat vermişdir.
AMEA-nın müxbir üzvü, fəlsəfə elmləri doktoru, professor Zakir Məmmədov
Yaxın və Orta Şərq ölkələrində təbiətşünas alimlərin, məntiqçi filosofların
yetişməsində İbn Sinanın böyük xidməti olduğunu bildirmişdir. Mütəfəkkirin
şagirdləri içərisində Əbuübryd Cüzcani, Əbumənsur ibn Zilə, Əbuabdulla Məsumi və
xüsusən Əbulhəsən Bəhmənyar daha çox məşhurdurlar. XI əsrdə İbn Sinadan sonra
peripatetizmin – məntiq, metafizika və təbiiyyat elmlərinin inkişafı bilavasitə
Azərbaycan filosofu Əbülhəsən Bəhmənyarın adı ilə bağlıdır [5, 311].
Zakir Məmmədov mənbələr əsasında apardığı araşdırmaları nəticəsində ilk dəfə
olaraq göstərmişdir ki, orta əsrlərdə müsəlman Şərqi ölkələrində fəlsəfə, məntiq və
təbiətşünaslıq sahəsində böyük uğurlar qazanılmasında Bəhmənyarın xidməti
misilsizdir. Son əsrlərə gəlib çıxan alimlər nəslinin yetişməsində də Bəhmənyar böyük
xidmət göstərmişdir. Azərbaycan filosofunun istedadlı şagirdlərindən Əbülabbas
Ləvkərinin sayəsində Xorasanda fəlsəfə elmləri intişar tapmışdı. Öz müəllimi İbn Sina
kimi Azərbaycan filosofu da bir sıra görkəmli alimlər hazırlamışdır.
Şərq peripatetklərin təlimi görkəmli ilahiyyat alimi, sxolast və mistik Əbuhamid
Məhəmməd Qəzalinin (1059-1111) hücumlarına məruz qalmışdır. Hilmi Ziya Ülkən
zamanının ən böyük kəlamçısı kimi təqdim etdiyi Əbuhamid Qəzalini sxolastik
fəlsəfədə olduğu qədər təsəvvüfdə də tanındığını bildirmişdir. Əbuhamid Qəzalinin
yaradıcılığında fiqh, kəlam və təsəvvüfə dair kitablar mühüm yer tutmuşdur. Şafii
məzhəbinə mənsub Qəzali Şərq peripatetizminə qarşı mübarizəsinə, peripatetik
filosoflarına hücumlarına baxmayaraq fəlsəfədə yeni bir cığır açmışdır.
“Yanılmaqdan xilas edən” (“əl-Münqiz min əd-dalal”) kitabında Qəzali bir
dostunun suallarını cavablandırarkən bir çox doktrinalar arasında doğrunu yanlışdan
ayırma baxımından çətinlikləri və iyirmi yaşından bəzi həqiqi biliyə çatmaq üçün
etdiyi cəhdləri bildirmişdir. Qəzali "Yanılmaqdan xilas edən" əsərində həqiqət axta-
ranların siniflərini dörd qrupa bölmüşdür: 1. Mütəkəllimlər - rəy və nəzər əhli
olmalarını iddia edənlər. 2. Batinilər - elan edirlər ki, təlim sahibləridir, məsum
Aytək Zakirqızı (Məmmədova)
280
imamdan bilik iqtibas etmələri ilə səciyyələnirlər. 3. Filosoflar - məntiq və sübut əhli
olduqlarını deyirlər. 4. Sufilər - həzrətin seçilmişləri, həqiqəti daxilən müşahidə edən
və açan olduqlarını iddia edirlər. Qəzali həqiqətə çatmağın yollarını əvvəlcə kəlam
elmi, ikincisi fəlsəfə metodu, üçüncüsü batinilərin təlimi, dördüncüsü sufilərin
metodu ilə tanış olaraq dərindən öyrənməyə başladığını bildirmişdir [6, 140].
Qəzali Farabinin, İbn Sinanın və onların ardıcıllarının fəlsəfi fikirlərini
ortodoksal islam mövqeyindən araşdırmış, peripatetik filosofları ittiham etmişdir.
Farabinin kəlamçılara böyük təsiri olduğunu bildirən türkiyəli alim Qəzalinin hər nə
qədər ona və İbn Sinaya hücum etsə də, psixologiyasında və fəlsəfəsinin başqa
qisimlərində ondan faydalandığını qeyd etmişdir.
İbn Sinanın “İşarələr və qeydlər” kitabı müxtəlif dövrlərdə filosof və
mütəfəkkirlərin diqqət mərkəzində olmuşdur. Fəxrəddin Razi (1148-1210),
Nəcməddin Naxçıvani (...-1253), Siracəddin Urməvi (1198-1283), Nəsirəddin Tusi,
İbn Kəmmunə İsraili, Bürhanəddin Nəsəvi (...-1289) və başqalarının şərhləri,
haşiyələri məşhurdur. Şərhçilərin bu kitaba münasibəti müəyyən mənada onların
fəlsəfə tarxində tutduqları mövqeyi ifadə edirdi. Mütəkəllimlər (sxolastlar) bu
qiymətli əsəri əsas etibarilə təkzib etməyə çalışır, peripatetik filosoflar isə elmi fəlsəfə
tərəfində durur, mütərəqqi fikirlərin təhrifinə yol vermirdilər. Mütəkəllim Fəxrəddin
Razinin və filosof Nəsirəddin Tusinin şərhləri bu ideya mübarizəsinin aparıcı istiqa-
mətlərini təmsil edirdi.
Qeyd etmək lazımdır ki, Fəxrəddin Razinin yaradıcılığında hüquq və sxolastik
ilahiyyat aparıcı mövzu olmuş, fəlsəfi məsələlər məhz həmin mövqedən nəzərdən
keçirilmişdir. Bu baxımdan onun İbn Sinanın irsinə münasibəti səciyyəvidir.
Fəxrəddin Razinin şərhində fəlsəfi müddəalar araşdırılıb aydınlaşdırılması əvəzinə
dolaşdırılıb təkzib edilmişdir.
XIII əsrdən başlayaraq görkəmli filosofların məşhur traktatları əsasında
yaradılmış şərh ədəbiyyatı daha da artmışdır. Bu mənada İbn Sinanın “İşarələr və
qeydlər” kitabı şərh ədəbiyyatının bariz nümunələrindəndir. Fəxrəddin Razinin və
Nəsirəddin Tusinin şərhləri xüsusilə diqqətə layiqdir.
Maraqlıdır ki, Fəxrəddin Razi bu şərhi Nəsirəddin Tusinin anadan olduğu ayda
və ildə, yəni fevral 1201-ci (cümad əl-ula 597) ildə qələmə almışdır. Azərbaycan
filosofu Fəxrəddin Raziyə “fəzilətli şərhçi” kimi ehtiramla yanaşsa da, İbn Sinaya
qərəzli münasibətinə görə onu kəskin tənqid etmiş, həmin şərhə qarşı özünün şərhini
yazmışdır. Filosofun fikrincə, Fəxrəddin Razi “mükalimə əsnasında müsahibinə
cavab verərkən mübaliğə etmiş, onun müddəalarını heçə endirməkdə mötədillik
həddini aşmışdır. Beləliklə, o, bu əməllərlə qarayaxmadan başqa bir şey
artırmamışdır. Bu səbəbdən bəzi hazırcavablar onun şərhini təhqir adlandırmışlar”.
Nəsirəddin Tusi “İşarələr və qeydlər” kitabını yüksək qiymətləndirərək yazırdı:
“İbn Sinanın əsərlərindən və kitablarından onun özünün adlandırdığı kimi, “İşarələr
və qeydlər” kitabı mətləblərə işarələri əhatə edir, mühüm şeylər olan bəhslər üzərində
qeydlərlə doludur, qiymətli daşlar kimi bütün gövhərlərlə bərabər tutulur, əksəri dəqiq
Dostları ilə paylaş: |