__________________________________________
297
dövlətlərini vətən seçən adamlara özlərini o ölkələrin tam
hüquqlu vətəndaşları kimi hiss edə bilməsi üçün öz
mədəniyyətini, dilini inkişaf etdirmək, təhsil almaq imkanı
olmaqdan ötrü demokratik prosedurlarda nəzərdə tutulan bütün
vəsitələrdən istifadə etmək imkanı yaradılmalıdır. Bu o
deməkdir ki, Rusiya Federasiyası da birliyin müstəqil
dövlətlərinin Rusiyada yaşayan vətandaşları üçün bunların
hamısını etməlidir. Rusiya bu istiqamətdə ardıcıllıqla və
qətiyyətlə fəaliyyət göstərəcəkdir.
Heydər Əliyev: Mən əlavə etmək istərdim. Bəyan edə
bilərəm ki, Azərbaycanda rusdilli əhalinin vəziyyəti əladır,
bütün şərait yaradılmışdır, rus məktəbləri var, rusdilli
məktəblərdə çoxlu azərbaycanlı oxuyur. Bizim ancaq dərsliklərə
ehtiyacımız var, onları da Moskvadan alırıq. Ona görə də
ölkəmizin rusdilli əhalisinin nümayəndələri, necə deyərlər,
Azərbaycanın tam hüquqlu vətəndaşları və mənim ən böyük
dostlarımdır, onlar həmişə mənə səs verirlər.
Vladimir Putin: Mən bunu təsdiq edirəm. Bu, statistika
məlumatı ilə də təsdiq olunur. Rusdilli əhalinin faiz etibarilə ən
az axını Azərbaycandandır.
__________________________________________
298
MOSKVADAN BAKIYA QAYIDARKƏN BİNƏ
HAVA LİMANINDA JURNALİSTLƏRİN
SUALLARINA CAVAB
25 yanvar 2000-ci il
S u a l: Cənab prezident, Siz Moskva görüşünü dönüş
yaradan sammit adlandırdınız. Sizcə, bu görüşün əhəmiyyəti
nədədir?
C a v a b: Görüşün əhəmiyyəti ondadır ki, bilirsiniz,
Müstəqil Dövlətlər Birliyi neçə illərdir fəaliyyət göstərir, ancaq
mənim verdiyim qiymət ondan ibarətdir ki, - orada mətbuat
konfransı oldu, mən orada da demişəm, yəqin bizim televiziyada
verəcəklər. eşidəcəksiniz, - dövlət başçılarının bu görüşü və
aparılan müzakirələr, qəbul olunan qərarlar Müstəqil Dövlətlər
Birliyinin indiyə qədərki bütün fəalliyyətindən fərqlənir.
Dövlət başçılarının görüşü bağlı görüşdür. Bu görüş çox
səmərəli, demokratik şəraitdə, fikir azadlığı şəraitində keçdi.
Həm öz fikrini dedi, cox məsələləri müzakirə elədik. Bəzi
məsələlər, - hansılar ki, ümumi iclasa çıxarılmalı, qərar qəbul
olunmalı idi, - onların bəziləri ayrıl-ayrı prezidentlərin iradına
görə qəbul edilmədi, təxirə salındı. Mən dövlət başçılarının
görüşündən çox məmnunam.
Bilirsiniz ki, biz hamımız eyni fikirdə idik ki, Müstəqil
Dövlətlər Birliyinin Dövlət Başçıları Şurasının sədri vəzifəsinə
Putini seçək. Biz Putini də seçdik. Mən hesab edirəm ki, bu
düzgündür. Çünki bizim hələ o formaya keçməyə ki, rotasiya
olsun, hər ildə biri olsun, - bu, mümkün deyildir. Biz əvvəl belə
qəbul eləmişdik ki, Yeltsinin prezidentlik müddəti qurta-
__________________________________________
299
rana qədər o olsun, ondan sonra isə ildə bir respublika sədrlik
eləsin. Ancaq indiki şəraitdə bu mümkün deyil. Ona görə də biz
Putini seçdik. Mən hesab edirəm ki, bu, çox yaxşıdır.
Mən çox razıyam. Hər halda, həm işin formasında, həm
məzmununda, həm müzakirələrin aparılmasında, münasibətlərdə
böyük keyfiyyət dəyişiklikləri var. Buna görə də mən bu
görüşdən, sammitdən çox məmnunluqla qayıtmışam.
S u a l: Koçaryanla görüşünüz, danışıqlarınız barədə nə
deyərdiniz?
C a v a b: Koçaryanla görüşümüz təkbətək oldu. Ondan
sonra bu görüşə Putin də qatıldı. Belə fikirləşdik, belə qərara
gəldik ki, biz bu dialoqu davam etdirməliyik. Güman edirəm ki,
mən Davosda da onunla görüşəcəyəm. Hələ ki, görüşləri davam
etdirməliyik, görək hansı nəticəyə gələ bilirik. Putin də bu
məsələyə qatılanda dedi ki, Rusiya da lazımi nəticənin əldə
olunmasına çalışacaq, Ermənistan və Azərbaycan hansı razılığa
gəlsələr, Rusiya onu həmişə dəstəkləyəcəkdir.
S u a l : Cənab prezident, Siz Vladimir Putinlə ikitərəfli
görüşün yekunlarını necə qiymətləndirirsiniz?
C a v a b: Çox yaxşı qiymətləndirirəm. Bizim çox
məzmunlu, çox yaxşı söhbətimiz oldu. Putin dedi ki,
Azərbaycanda tədbirlər görulmüşdür. Çünki mən böyük
iradlarımı bildirmişdim ki, Rusiyanın kütləvi informasiya
vəsitələrində Azərbaycana və Gürcüstana qarşı əsassız,
tamamilə yalan məzmunlu kampaniya başlanmışdır. Onlar
əsassız olaraq hesab edirlər ki, guya buradan silah göndərilir,
yaraqlılar burada hazırlıq keçirlər. Mən dedim ki, buyurun,
bütün istiqamətlər üzrə kompleks komissiya təşkil edin və
Azərbaycana göndərin, qoy o komissiya baxsın, görək bu
düşərgələr haradadır, yaraqlılar haradadır? Putin bunun
cavabında dedi ki, yox, bu yazılanlar yalnız informasiyadır, biz
hesab edirik ki, Azərbaycanda belə şeylər yoxdur. Bir sözlə,
şəxsən mən bu məsələni çox kəskin
__________________________________________
300
qoymuşdum, buna münasibət də belə oldu ki, onlar
qəzetlərdə yazılanla razı deyillər.
S u a l: Rusiyanın Ermənistana silah verməsi məsələsinin
araşdırılması üzrə yaradılmış üçtərəfli komissiyanın işi
barədə danışıqlar oldumu?
C a v a b: Yox, bu barədə danışıq olmadı. Çünki onun yeri
deyildi. İki ildir ki, bu danışıq gedir, bunlar hamısı keçmiş
prezidentin, keçmiş rəhbərliyin vaxtında olmuşdur. İndi bu
məsələni qaldırmaq mənasızdır. Gərək yeni prezident seçilsin,
yeni bir hökumət yaransın. Ondan sonra, təbiidir ki, biz bu
məsələni qaldıracağıq, bunu heç vaxt unutmayacağıq.
S u a l: Cənab prezident, mümkünsə, üç Cənubi Qafqaz
dövləti prezidentlərinin Putinlə görüşü barədə məlumat
verərdiniz.
C a v a b: Yaxşı görüş oldu. Dörd prezidentin - həm Cənubi
Qafqaz ölkələrinin prezidentlərinin, həm də Rusiyanın
prezidenti səlahiyyətlərini həyata keçirən Putinin iştirakı ilə
yaxşı görüş oldu. Hesab edirəm ki, biz yaxşı söhbət etdik və ola
bilər, belə söhbətlər gələcəkdə də davam edəcəkdir.
S u a l: Cənab prezident, viza rejiminin tətbiqi haqqında
qərar barədə söhbət oldumu?
C a v a b: Bilirsiniz, o barədə heç sual da verən, cavab verən
də yoxdur. Ancaq mən ümumi ahval-ruhiyyədən belə hiss
edirəm ki, bu, eləcə danışıqdır, tətbiq olunmayacaqdır.
S u a l: Cənab prezident, Ermənistanda Koçaryanın
istefasını tələb edən bir sıra partiyalar var. Artıq belə
məlumatlar daxil olur ki, Koçaryanın istefası gözlənilir.
Əgər Koçaryan istefa verərsə, Ermənistan-Azərbaycan
danışıqları yenidənmi başlanacaq? Bu onu göstərmirmi ki,
danışıqları yenidən başlamaqla proses uzadılır?
C a v a b: Qızım, o qədər uzun sual verirsən ki - belə olsa nə
olar, elı olsa nə olar... Mən sənə çox qısa, kəsə cavab
verəcəyəm. Koçaryanın istefa məsələsini kim qaldırır, niyə
qaldırır - mən bunu bilmirəm. Bunu orada-burada yazırlar.
Dostları ilə paylaş: |