Microsoft Word inzibati huquq doc
Yüklə 3,57 Mb. Pdf görüntüsü
|
405
Azərbaycan Respublikasına digər qanuni əsaslarla (turizm, şəxsi işi ilə bağlı, xidməti ezamiyyətə gəlmiş və sair bu kimi müvəqqəti xarakter daşıyan hallarla əlaqədar gəlmiş) gələn əcnəbilər və vətəndaşlığı olmayan şəxslər Azərbaycan Respublikasında müvəqqəti olan hesab edilirlər.
Azərbaycan Respublikasına yaşamağa gələn əcnəbilər, yaxud vətəndaşlığı olmayan şə xslərdir. Ə cnəbilərin və vətəndaşlığı olmayan şəxslərin hüquqi vəziyyəti Azərbaycan Respublikasının Konstiutsiyası, “Əcnəbilərin və vətəndaşlığı olmayan şəxslərin hüquqi vəziyyəti haqqında”, “Ölkədən getmək, ölkəyə gəlmək və pasportlar haqqında” Azərbaycan Respulikasının Qanunları və bu Qanunlara müvafiq olaraq qəbul edilən Azərbaycan Respublikasının digər qanunvericilik aktları, habelə Azərbaycan Respublikasının iştirakçısı olduğu beynəlxalq müqavilələr ilə müəyyən edilir. Azərbaycan Respublikasının Konstitusiyası, “Əcnəbilərin və vətəndaşlığı olmayan şə xslərin hüquqi vəziyyəti haqqında” Qanun, Azərbaycan Respublikasının digər qanunları və Azərbaycan Respublikasının iştirakçısı olduğu beynəlxalq müqavilələr ilə digər qaydalar müəyyən edilməyibsə, əcnəbilər və vətəndaşlığı olmayan şəxslər Azərbaycan Respublikası vətəndaşları ilə bərabər bütün hüquqlardan və azadlıqlardan istifadə edirlər və bütün vəzifələri yerinə yetirirlər. Ə cnəbilərin və vətəndaşlığı olmayan şəxslərin hüquq və azadlıqlarının həyata keçirilməsi Azərbaycan Respublikasının milli mənafeyinə zidd olmamalıdır. Əcnəbilər və vətəndaşlığı olmayan şəxslər Azərbaycan Respublikasının Konstitusiyasının, Azərbaycan Respublikasının qanunlarının və digər qanunvericilik aktlarının tələblərinə riayət etməli, Azərbaycan xalqının adət- ənənlərinə hörmət etməlidirlər. Xarici dövlət onun ərazisində Azərbaycan Respublikası vətəndaşlarının hüquq və azadlıqlarının həyata keçirilməsinə məhdudiyyət qoyduqda Azərbaycan Respublikasının Qanunu ilə Azərbaycan Respublikasının ərazisində eyni məhdudiyyətlər həmin dövlətin vətəndaşları üçün müəyyən edilə bilər. Belə qanun onun qəbul edilməsinə əsas olan hallar aradan qaldırıldıqda ləğv olunur. Ə cnəbilər və vətəndaşlığı olmayan şəxslər onların sosial və əmlak vəziyyətindən, irqindən, milli mənsubiyyətindən, cinsindən, dilindən, dinə münasibətindən, fəaliyyətinin növü və xarakterindən və digər hallardan asılı olmayaraq Azərbaycan Respublikasında qanun və məhkəmə qarşısında bərabərdirlər. Azərbaycan Respublikası ərazisindəki əcnəbilərin və vətəndaşlığı olmayan şəxslərin hüquq və azadlıqları yalnız Azərbaycan Respublikası Konstitusiyasında müəyyən edilmiş qaydada məhdudlaşdırıla bilər. Ə cnəbilər və vətəndaşlığı olmayan şəxslər Azərbaycan Respublikasının qanunvericiliyi ilə müəyyən olunmuş qaydada Azərbaycan Respublikasına daimi yaşamaq üçün mühacirətə, yaxud müəyyən müddətə işləməyə gələ bilər və həmçinin onun ərazisində müvəqqəti ola bilərlər. Ə cnəbilər və vətəndaşlığı olmayan şəxslər aşağıdakı hallarda mühacirətə icazə ala və Azərbaycan Respublikası ərazisində daimi yaşamağa gələ bilərlər: ♦ Azərbaycan Respublikasının vətəndaşları ilə yaxın qohumluğu olduqda; ♦ Azərbaycan Respublikasında daimi yaşayan şəxslə nigahda olduqda; ♦ Azərbaycan Respublikasının qanunları ilə nəzərdə tutulmuş digər hallarda. 406
Daimi yaşayış üçün, yaxud müvəqqəti işləməyə gəlmiş əcnəbilərə və vətəndaşlığı olmayan şəxslərə Azərbaycan Respublikasının qanunvericiliyi ilə müəyyən olunmuş qaydada müvafiq sənədlər verilir. Digər qanuni əsaslarla Azərbaycan Respblikasının ərazisində olan əcnəbilər və vətəndaşlığı olmayan şəxslər Azərbaycan Respublikasında müvəqqəti olan hesab edilirlər. Azərbaycan Respublikası ərazisində müvəqqəti olan əcnəbilər və vətəndaşlığı olmayan şəxslər qanunvericiliklə müəyyən edilmiş qaydada qeydiyyata alınmalıdırlar və onlar üçün müəyyən olunmuş müddətlər qurtadıqdan sonra Azərbaycan Respublikasını tərk etməlidirlər. Azərbaycan Respublikası ərazisində cinayət, inzibati və digər hüquqpozma törətmiş əcnəbilər və vətəndaşlığı olmayan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Ə cnəbilər və vətəndaşlığı olmayan şəxslər Azərbaycan Respublikasında aşağıdakı olma qaydalarını pozduqları hallarda Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar: ♦ Azərbaycan Respublikasında olmaq üçün müvafiq sənədləri olmadıqda; ♦ Azərbaycan Respublikasında etibarsız sənədlər əsasında yaşadıqda; ♦ qanunvericilikdə müəyyən edilmiş hərəkət etmə, yaşayış yeri seçmə və qeydiyyat qaydalarına riayət etmədikdə; ♦ işə düzələrkən müəyyən edilmiş qaydaları pozduqda; ♦ olma müddəti qurtardıqdan sonra Azərbaycan Respublikası ərazisini vaxtında tərk etmədikdə; ♦ Azərbaycan Respublikası ərazisindən tranzit keçidi qaydalarına əməl etmdikdə və s. Azərbaycan Respublikası qanunvericiliyinin tələblərini pozan əcnəbilərin və vətəndaşlığı olmayan şəxslərin Azərbaycan Respublikasında olma müddətləri qısaldıla bilər. Əcnəbilərin və vətəndaşlığı olmayan şəxslərin Azərbaycan Respublikasında olma müddətlərinin qısaldılması haqqında qərarı müvafiq dövlət orqanları qəbul edir. Milli təhlükəsizliyin təmin olunması, ictimai asayişin mühafizəsi, əhalinin səhhəti, hüquqları və mənafelərinin qorunması zəruriliyi olduqda və həmçinin Azərbaycan Respublikasının əcnəbilərin və vətəndaşlığı olmayan şəxslərin hüquqi vəziyyəti haqqında qanunvericiliyinin tələbləri kobud surətdə pozulduqda əcnəbilər və vətəndaşlığı olmayan şə xslər bir gündən yeddi günədək müddətə müvafiq dövlət orqanının qərarına əsasən Azərbaycan Respublikası hüdudlarından kənara çıxarıla bilər. Ə cnəbilərin və vətəndaşlığı olmayan şəxslərin Azərbaycan Respublikası hüdudlarından kənara çıxarılması Azərbaycan Respublikası nzibati Xətalar Məcəlləsi ilə müəyyən edilmiş qaydada həyata keçirilir. Əcnəbilər və vətəndaşlığı olmayan şəxslər Azərbaycan Respublikası hüdudlarından kənara çıxarılması haqqında qərarda müəyyən olunmuş müddətdə Azərbaycan Respublikası ərazisini tərk etməlidir. Əcnəbilərin və vətəndaşlığı olmayan şəxslərin Azərbaycan Respublikasında olma müddətlərinin qısaldılması və Azərbaycan Respublikasının hüdudlarından kənara çıxarılması Daxili şlər Nazirliyinin müvafiq qurumları tərəfindən həyata keçirilir. Ə cnəbilərin və vətəndaşlığı olmayan şəxslərin Azərbaycan Respublikası hüdudlarından kənara çıxarılması haqqında qərardan məhkəməyə şikayət verilə bilər. Ş ikayətin verilməsi qərarın icrasını dayandırmır. Yüklə 3,57 Mb. Dostları ilə paylaş:
|