İqtisadi nəzəriyyə
ECONOMICS
51
fəaliyyəti qanuni əsaslar üzərində qurulduqda, dövlətin müvafiq qanunları ilə qorunur.
Mülkiyyətçi və sahibkar öz əmlakını, hazırladığı məhsulları müəyyən qiymətə sata, bağışlaya
və vəsiyyət edə bilər.
Sahibkarlıq fəaliyyəti bazar subyektləri arasında formalaşan qarşılıqlı münasibətləri əks
etdirir; əməklə istehsal resurslarının birləşərək müxtəlif təyinatlı məhsullar hazırlanmasını,
xidmətlər göstərilməsini təşkil edir; xüsusi mülkiyyətin reallaşdırma forması kimi çıxış edir;
əmtəə-xidmətlər bolluğu yaradır; mənfəət əldə edir; yeni iş yerləri açır; dövlət büdcəsinə
müvafiq məbləğdə vergi ödəyir.
Sahibkarlıq fəaliyyəti, bu işlə məşğul olan adamdan yüksək təşkilatçılıq qabiliyyəti, riskə
getmək bacarığı, bazarda baş verən prosesləri təhlil edib, rəqabət mübarizəsi mühitində hansı
optimal qərarları qəbul etmək zərurəti məsuliyyətini dərk edib, cəsarətlə daşımağı tələb edir.
Bu mənada biznes-sahibkarlıq, işğüzar fəaliyyət meydanı peşəkar, bilikli, uzaqgörən,
mədəniyyətli və istedadlı, milli mənafeyə sadiq adamlar üçündür.
6.3. Latın dilindən götürülmüş «konkurent» sözü, «toqquşma» mənasını verərək, rəqabət
anlamında bazar iştirakçıları arasında daha yaxşı istehsal şəraiti (mühiti), əmtəələrin-
xidmətlərin reallaşdırılması uğrunda, müxtəlif üsullarla aparılan iqtisadi mübarizədir.
Rəqabət bazar iqtisadiyyatının həlledici və aparıcı amillərindən olub, fəaliyyət göstərən
mürəkkəb bazar mexanizminin tələb-təklif, qiymətlə yanaşı tərkib hissəsidir. Məhz rəqabət
bazarda alqı-satqı münasibətlərini tənzimləyir, məhsul və xidmətlərin bolluğunu yaradır,
habelə bazarda tarazlaşdırılmış qiymətlər sistemini formalaşdırır.
Tarixən rəqabəti başqa üsullarla əvəz etmək, yaxud onu inzibati qadağan üsulları ilə
aradan qaldırmaq yolundakı müxtəlif cəhdlər, həmişə uğursuzluqla nəticələnmişdir. Ona görə
ki, bəşəriyyətin çoxəsrlik təsərüfat həyatı təcrübəsi sübut etmişdir ki, bazar yalnız normal və
müəyyən qayda-qanunlara əsaslanan rəqabət mübarizəsi nəticəsində inkişaf edib təkmilləşərək,
cəmiyyətə xidmət göstərə bilər.
Rəqabətin əsasında bazar subyektlərinin açıq, sərbəst, qanunlara əməl etmək əsasında,
eyni zamanda daha yüksək mənfəət əldə etmək prinsipi durur. Bazar rəqabəti mahiyyət
etibarilə aşağıdakıları nəzərdə tutur:
bazarda kifayət qədər məhsullar və xidmətlər vardır;
bazarda çox sayda alıcılar və satıcılar iştirak edir;
bazar iştirakçıları sərbəst surətdə bir-biri ilə iqtisadi münasibətlərə, alqı-satqı
sövdələşmələrinə girməkdə heç bir məhdudiyyətlə rastlaşmırlar.
bazarda satıcı əmtəə və xidmətə qiymət qoymaqda alıcı isə öz sözünü, son qiymətini
verməkdə qərarlıdır.
sərbəst rəqabət sövdələşməsi nəticəsində satıcı pula, alıcı isə arzuladığı məhsula-xidmətə
sahib olur.
İqtisadi nəzəriyyə elmi bazar münasibətləri şəraitində rəqabətin aşağıdakı 4 tipi, modeli,
variantı, forması, növü olduğunu qəbul edir. Bunlar aşağıdakılardır:
Kamil_rəqabət,__İnhisarçı_rəqabət,__Oliqopoliya_rəqabəti,__Xalis_rəqabət.'>Kamil rəqabət,
İnhisarçı rəqabət,
Oliqopoliya rəqabəti,
Xalis rəqabət.
İqtisadi nəzəriyyə
ECONOMICS
52
Qeyd edək ki, kamil rəqabət sərbəst, yaxud azad rəqabət kimi xarakterizə olunub
səciyyələndirilsə də, digər 3 rəqabət, yəni inhisarçı, oliqopoliya və xalis rəqabət qeyri-kamil
rəqabət kimi qiymətləndirilir.
Kamil (mükəmməl, sərbəst, azad, halal) rəqabət şəraitində, bazarda istehsalçılarla
(satıcılarla) istehlakçılar (alıcılar) arasında normal, hamı tərəfindən qəbul olunmuş qaydalar
əsasında halal, düzgün rəqabət aparılır. Kamil rəqabət, azad rəqabət mühitində bazarda çoxlu
xırda və orta şirkətlər (sahibkarlar) iştirak edərək, eyni, yaxud oxşar adlı məhsullar (çörək, qab-
qacaq, mebel, paltar, ayaqqabı) hazırlayır, habelə satırlar. Bu prinsip əsasında fəaliyyət
göstərən bazara həm satıcıların, həm də alıcıların daxil olması və ya çıxması məsələsində heç
bir problem, çətinlik, əngəl yoxdur. Eyni zamanda kamil (mükəmməl) bazar haqqında ətraflı
məlumat almaq, informasiya toplamaq imkanarı, burada iştirak etmək istəyən insanlar üçün
açıqdır.
İnhisarçı rəqabət bazarında, xeyli iri şirkət (sahibkar, kapitalist) iştirak edir. Bu şirkət və
birliklər müxtəlif təyinatlı (oxşar) məhsullar istehsal edib satır, yaxud xidmətlər göstərirlər.
İnhisarçı rəqabət bazarına daxil olmaq və orada tələblə-təklifin dəyişkənliyi ilə bağlı müəyyən
məlumatlar toplamaq, şübhəsiz çətinliklərlə bağlı olsa da, prinsip etibarilə mümkündür.
İnhisarçı rəqabət mühitində, bazarda qiymətlərdə müəyyən yaxınlıq, oxşarlıq ola bilər.
Oliqopoliya rəqabəti şəraitində, bazarda əsasən bir neçə iri istehsalçı şirkət; oliqopsoniya
rəqabəti şəraitində isə bazarda bir neçə alıcı şirkət fəaliyyət göstərir. Bir neçə iri və tanınmış
şirkətin ağalıq etdiyi bazara daxil olmaq, həmin bazar haqqında məlumat toplamaq, xüsusilə də
bu bazarda möhkəmlənib, güclü mövqe tutmaq şübhəsiz bir sıra çətinliklərlə bağlıdır.
Xalis inhisar (monopoliya, yaxud monopolist) rəqabəti reallığında fəaliyyət göstərən
bazarda tək bir istehsalçı (satıcı) şirkət; monopsoniya şəraitində isə yalnız tək bir istehlakçı
(alıcı) şirkət olur. Belə şəraitdə işləyən inhisarlar nadir və az tapılan məhsullar (uran, qızıl,
kondisioner, lüks avtomobillər) üzrə ixtisaslaşırlar.
Qeyd etmək zəruridir ki, bazar iqtisadi münasibətləri sistemində rəqabət mübarizəsi
iqtisadi və qeyri-iqtisadi yollarla, vasitələrlə, metodlarla həyata keçirilə bilər.
İqtisadi yollarla həyata keçirilən rəqabət mübarizəsinin əsas vasitəsi – qiymətdir. Bu
halda bazardakı rəqibə qalib gəlmək üçün istehsal xərclərinin azaldılması (yeni texnika,
qabaqcıl texnologiya, əmək məhsuldarlığının yüksəldilməsi) sayəsində, satış qiymətləri aşağı
salınır və beləliklə də rəqiblərin fəaliyyəti məhdudlaşdırılır, yaxud onlar sıxışdırılaraq bazardan
çıxarılırlar.
Qeyri-qiymət metodları isə bilavasitə bazarda formalaşan qiymətlərlə bağlı olmayıb,
hazırlanan məhsulun texniki üstünlükləri, onun keyfiyyət göstəriciləri, dizayn xüsusiyyətləri ilə
bağlıdır. Reklam, xidmət, kreditə satış da bu işdə mühüm rol oynayır.
Real həyatda qayda-qanunlara və ticarət ənənələrinə zidd olan üsullara da, məsələn
haqsız rəqabət adlanan rəqibi gözdən salmaq, qərəzli hərəkətlərə yol vermək, alıcıları
çaşdırmaq, saxta məhsul buraxmaq, başqasının adından, markasından istifadəyə rast gəlinir.
Bəzən isə bazarda əmtəə-xidmətlərin hədsiz ucuz qiymətə satışı halları baş verir ki, məqsəd
rəqibi sıradan çıxarmaqdır. Bazarda satıcılar öz əmtəə və xidmətlərini daha baha qiymətə
satmaq yolu ilə yüksək mənfəət əldə etməyə çalışdıqları kimi, alıcılar da rəqabət mübarizəsinin
müxtəlif formalarından faydalanaraq, əldə etdikləri məhsullari-xidmətləri nisbətən ucuz
qiymətə almağa cəhd göstərirlər.
Dostları ilə paylaş: |